التفــــــــــــــــــــــــاصيل :
أولا كنت هذاك اليوم بنشاط زاااااااااااااايد , وأنظف البيت والمواعين وحتى حق اللي نسخن فيه موية حارة قعدت أفركوه بالليفة والليمون والتايد ..
المهم سويت لي كوب قرفة حار كالعادة بس هالمرة سويت مطحون قرفة فكانت الكمية مركزة , ثم قال زوجي يلة نروح نمشي قلت يله رحنا نمشي , وبعدها بعد ما مشينا تقريبا 2 كيلو قلت له أنا مشتهية شاورما رحنا واشترينا شاورما ..
ورحنا البيت وقعدنا ناكل ونتفرج على التلفزيون ..
أنا خلصت الشاورما حقتي من هنا وقلت بتسدح , بس كانت المفآجآة نزلت علي شي ما أدري وش هو , قلت لزوجي قال روحي شوفي بالحمام أيش هذا من كثر الشي الي قاعد يصب ما قدرت أتحمل أروح الحمام فتحت بنطلوني عنده وإلا طلعت مويات ..
المهم اتصلت بوحدة من بنات خالتي .. وقالت لازم إذا كان نزلت مويات تروحي على طول المستشفى قلت لها ما أستنى الألم قالت لا روحي المستشفى على طول ..
المهم زوجي طول الطريق مبسوط يفكر هذا هو الطلق وهذا الألم ..
ورحنا المستشفى وطلع الرحم مفتوح 3ونص سانتي , قامت الدكتورة فتحت موية الرحم لما انفتح 5 سانتي وبعدين انفتح 8 ودخلوني غرفة الولادة ومعاي زوجي .. مسكين كان واقف معاي ويهديني , بس مرة تعب .. وانا أدفع إذا قالولي ادفعي واستنشق الاوكسجين إذا قالولي .. مهم مرة أنك تطبقي كلماتهم بالضبط , وكمان مهم مرة مرة مرة أنك ما تصارخي إذا جت لك الطلقة لا تصارخي اكتمي وجعك وحوليه لدفع .. تســـــــــــــــــهل عليك الولادة مرة ..
والحمد لله كانت دكتورتي اللي ولدتني مرة كويسة بس تدعي وتستغفر وتسبح طول وقت الولادة , ولمن يطلع الراس يقعدوا يصارخوا ويتفاعلوا معاكي تنبسطي تحسي أنو خلاص ما بقى شي ..
بس وأول ما طلعت شدونة حطوها وهي بحبلها السري حطوها على صدري أنا يوم شفتها قعدت أصارخ وأقول (سبحان الله سبحان الله ) لأنو من جد شي غريب تحسي شي طلع منك وبعدين قاعد يتحرك ..
أمممممممم وأيش كمان
أيوة آلام الولادة تعور وتتعب مرة مرة مرة بــــــــــس سبحان الله تروح ساعتها ..
لكن الألم كله بالخياطة ..
آآآآآآآآآآآآآآآآآآآآآآه وما أدركم ما الخياط .. تخلي فيكي إمساك , وحرقان بالبول , وهي مكانها أصلا مؤلم والعناية بالجرح نفسه حكاية ..
بس الحمد لله إذا اعتنيتي بنفسك كويس أسبوعين وتبدأ تخف ..
والحمد لله
وأي سؤال وإلا استفسار أنا جااااااااااااااااااهزة
__________________
اللهم لك الحمد كما يليق بجلال وجهك وعظيم سلطانك
انتبهوا على ردودكم
يقول الله تعالى : " لاخـير في كثيرٍ من نجواهم إلا من أمر بصدقةٍ أو معروفٍ أو إصلاحٍ بين الناس ، ومن يفعل ذلك ابتغاء مرضات الله فسوف نؤتيه أجراً عظيماً "
قال النبي صلى الله عليه وسلم: ليس منَّا من خبب امرأة على زوجها أو عبدًا على سيده. رواه أبو داود وغيره