[quote=زهور الدعاء;2429027]
قولوا لي مثلا هذي العقليات لو تتمكن وتعرف انو وحدة ما حملت الا بعملية طفل انبوب كيف راح تتعامل واش ممكن يقولوا بالله عليكم ...؟؟
الناس ما بترحم يا زهور... مش عارفه ما لهم و مالنا ...والله دخلت لقيت كلامك جى على الجرح...لانى ظليت طول الليل ببكى على حالى...الله يسامح الجميع ويهديهم
اخت زوجى ولدت من يومين ..وطلعت اشوف البيبى ..قامت حماتها الله يهديها ...طلعت البيبى وقعدت تقرأ له قرأن فى أذنه وهو كان نايم أصلا
المهم البيبى صحى من صوتها او لانها حركته لا اعلم ...قامت قالت له معلش اللى دخل هيخرج خلاص محدش هيبص عليك !!!!!!
طبعا بترمى بالكلام عليا انا ئ وقصدها انه بكى لما انا دخلت وشفته ....لا حول ولا قوه الا بالله ...طب هو صحى من صوتها العالى مش منى انا ..أيه ذنبى ؟ لا حول ولا قوه الا بالله
حسيت بأحراج شديد ...وزعل على نفسى وعلى حالى
قلت ياااه هو انا وصلت للدرجه دى ...لدرجه ان الناس هتخاف منى على ولادها ...والله والله ربى يعلم ما بتمنى الا الخير للكل ,,, وبعدين انا من صغرى بحب لاطفال قوى وبلعب معاهم والاعبهم و هذا ما طبع على شخصيتى فأصبحت تلقائيه جدا وبسيطه فى تفكيرى..يعنى معنديش العقد دى
اه بزعل على نفسى لكن مش لدرجه انى اتعقد واحسد ...لكن تقولى لمين ..طالما انى متاخره بالحمل كل ده مش مهم أكيد هتحسد ...والله حرام محدش حاسس الكلام بتاعهم ده بيأثر أد ايه
الواحده منهم بتقول الكلمه ...وبتنساها ومش حاسه قد ايه ممكن تأذى مشاعر اللى قدامها...اكيد هي مش حاسه انى أتأثرت ولا ببكى طول الليل بسبب كلمتها ...وحتى لو هى حاسه مش مهم عندها مشاعر الناس اصلا ...المهم انها خرجتنى من الاوضه عشان محسدش حفيدها ...
محدش يعرف موضوع الحقن اللى بأذن الله هعمله ...والله تخيلت لو علموا هيعملوا ايه؟؟ أكيد هيتعوزوا بالله منى لما اجى أزورهم !!!
تاخر الحمل بعرف انه ابتلاء لكن بجد حسيت انه نعمه انه على الاقل جعلنا اقرب من ربنا ونعلم ان كل شئ بيد الله وعلى الاقل اخلاقنا بتكون طيبه وبنشعر بالاخرين ليس مثل كل من يجرح الاخر ولا ييهمه ما يحل به بعد ذلك
الحمد لله ياربى على نعمتك التى انعمت على
...محتاجه دعواتكم ...ربنا بصبرنا على ناقصين العقل
ربى لا تذرنى فردا أنت خير الوارثين