الأخوان و الأخوات بالعمل ، الحمد لله واقفين معايا ..
و ساندوني و دعموني عشان موضوع الدكتوراة ..

و قال لي رئيسي بالعمل ..
أي شي تبغيه بخصوص الدكتوراة ، و مكان ما تغبي تدرسي ..
نحن تحت أمرك ..

لغوا الشروط و التعقيدات ، نظراً لظروفي ..
فلازم اجتهد و احاول أبدأ خلاص ( عشان بجد أنا مسختها و زودتها معاهم ) ..


.
.


و أموري - و لله الحمد - ، مع أطفالي ..
و نفسياتهم مستقرة ، و حياتي منظمة و الحمد لله ..

.
.

شفت إنه موضوع الطلاق ، فيها مماطلة و تأخير و ممكن توصل لسنة أو الله أعلم ..
و شفت إني الأفضل ، استغل السنة و النتين هذه ( بدراسة الدكتوراة و الوقوف على أرض صلبة ) ..

و في كل الحالات ، أنا ما راح أرتبط بأحد لو تركت زوجي ( أقل شي سنتين ) ..
و لا أفكر أصلا غير بتربية الأولاد حاليا و اكمال دراستي و تأمين مستقبلهم ،
و راحتي النفسية و تطوير مهاراتي و مهارات الأولاد ..

.
.

يعني أمامي ( سنتين تقريبا ) ..
استغلها بطريقة ذكية .. بشئ يعود بالنفع لي ، و لأولادي و لمستقبلي و مستقبلهم .

.
.


قبل كل شي ، هذه محادثتي قبل أمس مع زوجي ..
و أنا ما تأثرت بكلامه ، لإني ما صرت أبدا أفكر بزوجي عاطفيا ..
لكن أتعامل معاه ( بعقلي ) ..

بعد كلامه الي ارسله من يوم الاحد

كتبت له .. و كان مقفل جواله :


لا تكلمني بعد كذا
و لا اكلمك

عندك كلام
قوله في المحكمة ..

انا ارسلت لك كم مرة و ماعبرتني
براحتك

.
.

قالولي ابلغك اليوم ..

موعدنا مع القاضي يوم الخميس هذا ..

و القاضي اليوم قابلته بنفسي .. و قالهم يبلغوك و قال لي اجيه الخميس .
. و لو ما جيت راح يتخذ الاجراءات الرسمية ..

و قال بيسمع مني الخميس كل شي ..
حبيت اعطيك خبر ..

------

هو :

السلام عليكم
حبيت اقولك اني رايح ابيع جوالي
ومسافر ....،،،،،،،،،،
عندي مقابله لوظيفة
الله ييسرلي الامور

سلمي على الاولاد
وخلي بالك من نفسك
والاولاد

ومهما صار عارف انه ممعدنك كويس لاتكرهي الاولاد فيه
الواحد مايعرف ايش يصير طريق سفر دا

--------------


انا :

هما يكبروا
و يعرفوا
و شايفين امهم
تعبانة
و متمرمطة


--------

هو :

هي تبغى كده

----------


انا :

من يوم انا معاك
و انت مبهدلني
و تسرح و تمرح
و لا هميناك
فكرت في حالك و بس
يكبروا و يعرفوا لوحدهم لما يصيروا رجال

----------

هو :

غلطت وتبت واعتذرتلك
وانتي ماقبلتي

حتقولي مو اول مره اقولك معاكي حق
لكن دي كانت القاضيه
الضربه التي قصمت ظهر البعير

حبيبتي طلاق ما اطلق سبببين

اول شي عشان احبك وابغاكي

---------------

انا :

الشيخ لو اثبت له انك ماتصرف علينا و عاطل
بيطلق
غصب

-----------------

هو :

تاني شي عشان لمن واحد ابن كلب يغلط عليكي العن ابوه
لاحبيبتي
ما يطلق
حتى لو قلتيله على موضوع الجوال


--------------

انا :

و مين بيغلط علي مافهمت ؟

---------------

هو :


سواق التاكسي
والي في الوزاره
وحقة الهيئة و ..... الخ
( يقصد الازعاجات الي جاتني .. لاني صورت له المحادثات و ارسلتها له )



انا :
ليه تخاف عليا ؟
تغار علي ؟


هو :
ايوة طبعا


انا :
هميتك ؟


هو :
امووت
ايوة



انا :
10 ايام فينك ؟


هو :
10 ايام دي حتى اهلي مايدروا عني
سيارتي خربانه
ومنعزل لوحدي


انا :
منعزل فين ؟


هو :
لدرجة اني يأست من الحياه
وفكرت اسوي شي غي نفسي


انا :
و ليه !


هو :
لابيت لا زوجه لا اولاد لاوظيفه


انا :
ليه ما رحت لهم دحين و ماحد يحاسبك


هو :
عشاني تبت من الطريق دا
لله عزوجل
ودايما اسال الله الثبات



انا :
انا نفسيتي راح تتدمر لو رجعت لك
موعدي مع القاضي يوم الخميس
ايش اقول له
؟

شكلك بترجعين له ..
لسانك يقول شي .. لكن بقلبك تبينه ..

ارسل لي مقطع صوتي و قال فيه :

انا بأسوق و ماني قادر اكتب ..
انت يا روح نفسيتك حتتدمر .. عشان عاملة حساب لصحباتك ..
كيف انت رجعتي بالسهولة هذه !؟

انا ما بأقول لك ارجعي بالسهولة هذه ..

قلت لك انا راح اسوي لك حفلة عشان ترجعي ..
و ما حترجعي الا و انت راسك فوق ..

حتقوليلي متى الحفلة ؟

قلت لك راح اسوي لك حفلة ان شاءالله .. مو بعد سنة او سنتين ..
دحين قرييييب ان شاءالله

المهم انا بس حبيت اعطيك خبر اني راح ابيع جوالي و ماقدر اكلمك
ماعندي شريحة

و يوم الخميس اشوف كيف؛ ان شاءالله اجي للمحكمة
انا بكرة الصباح عندي مقابلة الساعة 9 في ...... عشان الوظيفة الي في مدينة ........

.
.

ارسلها مقطع صوتي ..

المشكلة انه زوجي ترك الاساس و الاهم
و طالع بالفرع !

فين وظيفة ؟
فين توبته ؟
فين تغيره الجذري ؟


انا ايش اعمل بالحفلة ؟

.
.

انا ماقدر اصدق اي شي لو ما شفت بعيني

ايش يدريني انه بجد رايح مقابلة شخصية ؟
كم مرة قالي رايح الجوازات و هو كذاب
كم مرة قالي عندي مقابلة عشان وظيفة و هو كذاب ؟

.
.

ام الدانة

لو نفذ الشروط

وظيفة و مصروف و صلاة و صيام ووو الخ

ارجع لكن بصك شرعي يضمن حقوقي وًالاولاد

و راح انسخ الشروط الي في الخطاب الي كتبته و احطه هنا

وقفي كلام معه بالجوال يا روح
خايفة والله ترجعين !
ليش تصورين له المحادثات
وليش تسألينه تغار علي وهميتك ؟!!!!!!
الله يهديك بس

__________________
## مهم ##
هل تتعرضين للابتزاز في الانترنت؟


هنا من ينقذك

أنا بالعكس اتمنى وأدعي انه الله يهديه ويتوب ويتغير التغير الجذري ..
بس خوفي ان قلبك الطيب اللي كل شوي حن وانكسر له يخليك ترجعين وترجع حياتكم كالسابق ..
لأنه فالفعل كما قلتي مافيه تغيير ..

عندي استفسار ..
الحفلة ايش تعني ؟؟
أقصد ايش الغرض منها ؟؟
ان الناس يشوفونك رجعتي ..؟
أكيد ماراح ترضي غرورك ولا ترفع راسك ..
إنتي قادرة تسوين بدل الحفلة عشر ..
أحس مالها أي معنى ..
لا ماديا ولا معنويا ..

هو :

امووووت فيكي


انا :
انا ماني مصدقة ابدا


هو :
والله العظيم
ولا ياحبيبتي
ليش اوافق على كل شروطك

وليش اتمسك فيكي دا كله

وافقت على كل شروطك
دا مايبين
لاتفتكري سهله الاشياء الي سويتيها فيه
الشرطه والمحكمه
لكن رضيت وسكت لاني احبك وابغاكي

خلي في بالك انا ماراح اطلق
ولو تبغي تتطلقي حاطالب بالشرطين الي قلتلك اول
انا مقدر اخلي اولادي يتربوا مع الشغاله وانتي في العمل منك عارفه شي عنهم

.
.

انا :
طيب خليهم معاك
من متى تهتم !؟


هو:
مو دحين في المحكمه تتنازلي عنهم


انا :
دايم تقول لي اتركيهم مع الشغالة


هو :
عشان انا موجود
انا ما ارضى اولادي يتربوا مع الشغاله انتي موظفه منك فاضيه والشيخ يقدر
اوضاع الشغالات دحين وراح احمله المسؤوليه لو صار شي غي الاولاد

والشغالات ايش بيسوا في الاولاد وجرايمهم ماراح يتحملها الشيخ


انا :
الشغالة تنظف البيت مالها دخل فيهم
خذهم من دحين طيب

انا اروح ابتعاث خارجي
خليهم معاك
و اصرف انت عليهم
و ربيهم
وانا ماراح ينسوني


هو :
ما اخدهم كده عشان تشتكي عني خطفت الاولاد
كل شي يكون رسمي في المحكمه

ولا راح اخليهم ينسوكي ابدا
بالعكس كل يومين تشوفيهم



انا :
طيب ليش ما تطلق طلقة وحدة


هو :
ماعندي ولا طلقه


انا :
ما اقدر اعيش معاك
و ما اضمن تخرج تروح فين


هو :
طيب الي يريحك
نتقابل يوم الخميس
الساعه كم
بسررررعه ابغى ابيع الجوال


.
.

انا :
اقرا دعاء السفر


هو :
ما ابغى



انا :
و ارضي امك وً ابوك عشان ربي يبعد عنك اولاد الحرام



هو :
يمكن ربك ياخد امانته

.
.

ام الدانة

هو كذا طريقة تفكيره ..
انا مثلك مادري ايش دخل الحفلة ؟

انا ماراح اعيش معاه عاطل زي كذا و كسول و اتكالي ..

.
.

هو وعدني انه يدفع رضوة و يذبح ذبيحة ..
و يبغى يثبت للكل انه شاريني

ف يقصد الشي هذا وًعلى باله اني زعلانة عشان ماعملها لي ؟

.
.

هو على باله اني متأثرة بكلام صحباتي
عشان كذا ابغى اتطلق منه ..

.
.

مادري هو مو عارف ايش الجريمة الي عملها ؟

افاق المجد ..

ارسلت لزوجي كلام السواق
و هو يقول لي انت ملفتة للانظار ووو الخ

و قلت لزوجي ..
عندي ثلاث اطفال و عبايتي واسعة و متسترة و كذا تجي معاكسات

لو تكحلت و لبست مخصررررر و تعطرت ايش كان بيصير ؟
على بالك اني ماقدر اعمل مثل الوسخات ؟

.
.

وماقدر اوقف تواصل بالواتس اذا فتح جواله

انا ( بشر ) مهما كان ..
و حاولت احظره و ارجع افتح الحظر ..