حبيبتي مصونات طمنيني عنك كيفك الآن
انا مع الصبايا ومهرة انك تغيري الدكتورة
اقل شي استشيري دكتورة ثانية وشوفي رأيها ما رح تخسري شي
لانو مرات في علاج ما بينفع معنا وبيكون غلط وبيعطي نتائج عكسية وبيخلينا نكتئب ونشوف الدنيا سودا
وفي علاج بيخلينا نشوف الدنيا من منظور تاني
يعني اذا اخدتي علاج يمسح النظرة السلبية اللي عندك
رح تعرفي تكسبي زوجك وتعيشي حياتك من دون مساعدتنا من بعد الله
حبيبتي مصونات انت بتحبي تكوني مبسوطة وفرحانة وتحبي زوجك وزوجك بيحبك
طيب اعملي بالاسباب حبيبتي
بتعرفي انا مريت بفترة بوسواس قهرة وكآبة وصرت انا مش انا وعايشة ومش عايشة ونظرتي سودا للحياة وافكاري يلبية
ونفس الدكتور اللي اتعالجت عنده غيري العلاج تلات مرات بخلال سنة لمشي حالي ورجعت افضل من قبل بمية مرة بعد علاج سنة و8 اشهر وتركته
بتعرفي شو كان يقلي الدكتور كان يقلي ما تيأسي وعنا الف حل بالعلاج من بعد الله واذا هيدا ما ناسبك بنجرب غيره وطريقة تانية
ومرة من المرات طلب مني روح لعند دكتور للعلاج السلوكي
وكان دايما يعطيني الامل انو في الف مخرج ومخرج
دعواتي ترافقك