عندي اقتراح أبي اقوله لزوجي بس مترددة إما بسبب رفضه أو بعدم مناسبته..

الاقتراح هو : طبعا زوجي بيأجز من الدوام يوم28رمضان ويبي يسافر بنفس اليوم لاهله وبيظل 4ايام بعد العيد يعني المجموع 6 أيام .. أفكر اطلب منه نظل أول يوم بالعيد أعيد أمي وأهلي كون أمي باقي بالعدة ونسافر بنفس اليوم الليل لاهله بحيث نكون عندهم ثاني يوم بالعيد ونظل يومين عند أهله ويومين نسافر لمنطقة سياحية نغير جو .. مارأيكم أكون ضربت كذا عصفور مع بعض : عيدنا أهلي وعيدنا أهله وغيرنا جو وكنا مع بعض طوال الوقت .. أتمنى اسمع رأيكم لاني ابي بكرة اكلمه في الاقتراح؟؟؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ربي يسعدكم ويخليكم لبعض

أقتراحك حلو أعرضيه عليه

كل هالكلام والضحك والمعاملة الطيبة وماقبلتيها كترضية ؟؟ إلا لازم كلمة أنا آسف ؟؟
ترا نادر الرجال يعتذر بهالكلمة .. لكنه يعبر بطريقة ثانية .. يكفي يطيح الحطب وتتصافى القلوب ..

اقتراحك حلو .. بس حطي ببالك احتمال إنه مايوافق أرضي بقراره ولا تنكدين عليه يانكدية هانم ..

كثر الدق يفج اللحام ، هذا مثل ينقال لكثرة تكرار امر بالنهاية خلاص مايصير له معنى ...
موضوع تحكمه براتبك يعتبر غلطك من البداية عزيزتي بسبب طرحك لموضوع لايعتبر من شؤونه وانتي كذلك تعتبريه ليس من شؤونه ولكن بمجرد طرحك له انتي ادخلتيه من ضمن شؤونه وكأنك تطلبي رأيه وهو اعطاك اياه !

الزبدة ،، اتركي شؤونك واهلك مابينك وبين أهلك فقط كما هو الحال مع زوجك وبهالطريقة كل الأطراف مرتاحة ...
موضوع الزعلة ،،، لاحظت من اول مشكلة لك عزيزتي وانتي تبحثين عن المراضاه حتى وان مر على المشكلة فترة ! وحياتكم رجعت طبيعية ... عزيزتي الرجال يختلفون بهالنقطة وكلن له اسلوبه وطريقته بالتالي بالنسبة لزوجك ارجاع المياه لمجاربها وسؤاله عنك وبيان محبته لك هي بحد ذاتها مراضاه وعبارة عن كلمة ( آسف) ...

لاتبحثي عن اسباب تخوفك من زوجك ! ويخليك طول الوقت تحسي بالتقصير من جانبه في حين انه يحاول جهده تجاهك ،،،

لا ليس من حقه
اعملي براتبك ما تريدين بسرية دون علمه

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

آخر التطورات..


الحمدلله الامور عادت لمجراها .. والليلة بنروح لامي نعيدها وزوجي بيتعذر منها انه ياخذني بالعيد ومابيتركني عندها .. يقول صعب اننا اول يوم بالعيد لكن بنعيد امك الاربعاء وبنسافر الخميس لاهلي وإن شاء الله بنروح لامك نعتذر منها ومابتكون الا راضية أهم شيء نعيد سوا .. بصراحة ماقصر معي ماديا اتكلم قضى لي اغراضي للعيد وفوق مااحتاج .. واستأجر يومين عند أهله شقة مفروشة يقول عشان ناخذ راحتنا بيت أهلي زحمة ومابتاخذين راحتك بالنسبة لقسط السيارة قالي امس اعطيني البطاقة اودعها .. ورجع بعد الدوام وقالي مامداني والله اودعها بس بالليل اذا طلعنا .. ورجعنا بالليل والظاهر نسي .. مدري اذكره ولا اخليه لحد مايتذكر هو ..

عموما انا اشتريت هدية لاخته زواجها بعد العيد ولاخته الي باقي ماتزوجت وشريت هدية لامه ولامي ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

واشتري له هو هديه بعد
ولا تذكرينه بالقسط

لا تذكريه بالقسط

الله يوفق بينكم

اشتريت له كم غرض للعيد هدية مني..

ماراح اذكره وأفكر اقوله هالشهر لاتعطيني القسط بما انه عيد وسفر أجلها قسط هالشهر القصد .. وش رأيك؟

وأو لو اعطاني آخذه أو أقوله خلي قسط هالشهر أجله لي ؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

آمين يارب الله يسعدك..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..