الحمدلله يعني انا طبيعية..!

لا هم مستوعبين.. لكن يجيني كلام من باب الضحك

من الوالد يتكرر سؤال مثل تحبيني؟ او احسك تكرهيني..

مش شرط يكون مختلف بشكل انه مستنكر.. لكن مختلف على الاقل بالنسبة لعيلتي ومحيطي

دائما ببالي اخطط للاشياء اللي اتمنى اسويها لهم.. الاشياء اللي حرموا انفسهم منها واعطونا اياها.. كلها هواجس

لما يصير لي شي مااشيل همي انا.. اشيل هم كيف بقوله لهم او كيف بيدرون

اختي من النوع اللي تجي باخر اليوم تصب الحكي واليوم والاحداث عند امي..

ناشبة فيها وطول الوقت عندها.. هالشي انا ما اقدر عليه لانه ببساطة مو طبيعتي احكي عن يومي ولا عن مصايبي 😂

امي مثلا تعتبر هذا قمة البر.. مع انه مجرد مشاركة وغثاثة بطريقة اخرى 😂 "بالنسبة لي انا"

تدرين الوالد يقول ليش ماتلعبين علي بالكلام؟ ليش ساكتة؟ ليش جامدة؟ ليش كنك مديرة؟ 😂

__________________

اختلافي عنك لا يعني اختلافي معك

لا طبعا مو لدري الدرجة ياروح مستحيل اللي اصلح
بكيفهم يحلوا مشاكلهم بنفسهم...

يس طول اليوم وهو جالس معانا وانا اتخيلها بين 4 جدران لحالها

وفي مرة قال لي ترا لو ماجلست عندك حقعد ادور في الشوارع

شو حسيتي يا فانتي لما سألج هالسؤالين؟

__________________


اللهم طِيبَ الأثر .. وحُسْنَ الرحيل.

اقولك؟؟

ماحسيت بشي..

الا اني اخاف اندم بيوم من الايام.. وعارفة اني بندم 💔

اذكر ارسلت له مسج فيه كلمتين حفظه وحطه بالمفضلة عنده بجواله 😭😂

قعد سنتين يوريني اياه كل يوم..

كل مرة يجيني نفس اسوي او اقول شي اوقف بالاخير

ما اعرف يامهرة ما اعررررف 😨😱

__________________

اختلافي عنك لا يعني اختلافي معك

فانيتي

انا كنت مثلك مع ابوي الله يرحمه و ماقدر اظهر له مشاعري
ندمت الى الان بعد وفاته الله يرحمه

و تعلمت من غلطي و كنت مع امي غييييير و كل شي اجي أحكيه لها
و حتى لو كلام عادي .. بس تنبسط علي
و على قولتك .. تشوف انه بر بها و كانت تنقهر من اخواتي لانهم مثلك كتومين

حاولي و دربي نفسك فانيتي

.
.

اشراقة

لا تخافي عليها ..
ماهي اول وحدة و لا اخر وحدة
اذا زوجها زعل منها .. خرج و تركها تاكل بنفسها

هو بالضبط اخاف كذا يصير 💔

تدرين كتابتي لهذا الكلام لحالها جابت لي صداع وخنقتني العبرة.. ماحب استرجع ذي الاشياء 😭

__________________

اختلافي عنك لا يعني اختلافي معك

تعرفين يا فانيتي شو معنى أن الأب يكون محتاج لبنته عاطفياً؟

يكون محتاج يتأكد إنها تحبه؟

تعرفين عاد شو معنى انه يضطر يصرّح لها بهالشي؟


بصراحة عورني قلبي لما قريت كلامه لج.


بأمانة ما أعرف كيف ممكن تغيرين نفسج .. ويمكن ما تكونين مضطرة فعلياً إنج تغيرينه .. لكن في نفس الوقت مب مضطرة تنتظرين لين اليوم اللي تندمين فيه.


تصدقين وأنا أقرأ كلامج نطت جدام عيني عبارة (ابكِ من خشية الله فإن لم تبكي فتباكى)

شو العلاقة؟

مثلي على أمج وأبوج العاطفة يا فانيتي.

__________________


اللهم طِيبَ الأثر .. وحُسْنَ الرحيل.

طبيعية يا إشراقة
بس لو كانت قدرت تكسبه وتبعده عنكم كنت رح تفرحين حتى لو مابينتي
المعادلة هي إنك ضامنه كل شي بيدك وعارفه كل شي
بس
ولو تغيرت الأوضاع تغير الحال

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

لا تسأليني يا بعد روحي عن العنوان
يمكن تلاقيني على سيف العشق
اعزف واغني واحترق
طبعي مثل طبع الشجر
اعطي الثمر غيري
واتمنى اشوفه في البلد فرحان
لا تسأليني يا نظر عيني عن العنوان
يمكن تلاقيني مثل موجة بحر
تعبر مواني وريح ما تمل السفر
تنشر مودتها ومخدتها القمر
لا يقدر المركب يوقفها ولا الربان
لا تسأليني يا بعد جبدي عن العنوان
يمكن تشوفيني كواكب في السما
تنبض مثل نبض الطفل
يمكن تشوفيني بعد
في كلمة من حرفين ينطقها وتر
في همسة بين اثنين
في لمسة عرضها اوسع الاكوان
لا تساليني يا خلف اهلي
ترى ما للهوى عنوان
قد البحر
قد السما
قد الدهر
اعشق انا كل البشر
واقول من حب البشر
ما ظنته مره كره انسان
حب البشر ما توصفه كلمة
ولا يقدر يوزنه في الزمن ميزان
حب البشر ايمان
لا تسأليني يا نظر عيني عن العنوان
واذا بغيتيني تشوفيني مثل قوس القزح
بعد المطر، انا الفرح
متعدد الالوان

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.