رد : محبتكم روح الطير..محتاجتكم [ مستجدات بالرد 30 - 31 - 34 - 288]
بس وقت جاء بيطلع من البيت ، قلت له يا فلان مو بالأسلوب هذا اتفقنا تنحل المواضيع
لو بتتغير صح ، تجلس معاي و تحل أي مشكلة أو تقول أي شي مضايقك ..
سبب ضيقي زمان ، إنك تخرج برة إذا فيه أي شي
الهروب مو حلّ ،،
يقول إيش اعمل لك ؟
من أمس و إنت مكشرة و ساكتة ..
قلت له ، الحل مو بيدي .. إنت قلت سيبي كل شي علي و إنت لا تعملي شي
( شفتوا ؟؟؟؟ وقت العمل و التطبيق .. ما يعرف يعمل شي و يستناني أنا أبادر

)
.
.
رجع و جلس شوي و عينه عالتلفزويون و أنا معاي ولدي أأكله ،، قلت له
إيش تبغاني أقول ؟ إيش اتكلم ؟؟؟
ما بأجرحك ، ما بأضايقك ، ما بأزعلك ، و أحترمك ..
قال لي
( إنت أكثر وحدة تعرفي كيف ، و أحسن وحدة تعرفي كيف تتكلمي ؟ )
قلت له
( سبحان الله ، مو ما كان عاجبك و كنت تشتكي عني و تفضفض ؟ )
قال لي
( إيوة ، إنت أحسن وحدة في كل شي ، بس أنا كنت متضايق من كثرة المشاكل )
قلت له
( يا فلان .. المشاكل ما كانت كل يوم ،، بس إنت طالع بالنتيجة أهم شي ..
إنت بنفسك اعترفت أمس - إنك دحين انسان مختلف و تعرف تاخذ قرارات مو مثل زمان ، و إني عرفت أغيرك - ..
طيب ما جلست فكرت مع نفسك ، إنه زوجتي كانت تحاول تغيرني و تتعب عشان تغيرني و عشان كذا كانت مرات
بتحصل مشاكل ؟
لما الجيران برة كانوا يجوا يشتكوا لي إنك أخدت فلوس منهم و ما رديته لهم ،، هذه ما يبغالها مجهود مني
عشان أأثر و أغير فيك ؟
ما فكرت إنه زوجتي مشاكلها معاي مو إنها تبغى فلوس ، ملابس ، أكل ، سفريات ..
و كل مشاكلها معاي - إنها تحاول تصلح و تعدل فيا و تغيرني ؟ - ؟؟؟؟ ما تفكر كذا ؟؟؟؟ )
ساكت ..
.
.
قمت و رحت غرفتي أنيم ولدي و قلت له ، بأنيمه ..
و جلست في الغرفة لوحدي