واي هموم يا مبتعثه .. انا قايمه بدوري زين واعين باللي الله قدرني عليه

الله يهديج بس حسستيني اني والزمن على سالم

جميع عزيزتي ماقصرتي

مبروك والله يبارك فيكم ويهنيكم ..
حبيت أقول لج إني ماحمل ضغينة شخصية عليج ..
أنا بس كان مضايقني انج حاطتها ببالج وناوية عليها بشر .. أقصد زوجته ..
بس دامج شلتيها من بالج .. اهنيج لأنج أولا تغلبتي على الوساوس اللي بعقلج ..

وأنا أييد مساعدتج له.. هو ماقصر والمبلغ اللي عطاكم اياه مب هين لمثل حالته المادية ..
بس الأفضل انج لما بتضيفين مبلغ من عندج أو من الوالد ماتخبرينه ..
لا تخلينه يتعلم بعدين على هالشي ..
أنا مثلا لو ابغي عباية .. يسالني زوجي تكفيك 500 ؟ أقول له ايه لأني عارفة انه مايقدر يعطي اكثر ..
وبعدين من نفسي احط عليها لو قصرت .. بس أخليه يحس انه هو اللي دفع لها ..
اتمنى يكون وصل القصد ..
وباين سالم فيه الخير ..

والله الغاليه استغفر وايد لانه يقولون الاستغفار تسهيل لامور بس هالفتره حطيت جدامي ورقه وقلم وحسبتها مع سالم استحي منه اخر شي قالي قاعه مشرف وانتركنتنتال تخيلي منوا يعرس فيهن .. الحين انا اعرس فيهن؟؟ رحمته واايد
بس والله كل شي موجود بفضل من الله لكن مابا سالم يتلوم او يحز بخاطره .. حتى امه قاعد يقنع فيها تجهز عمرها للعرس .. انتي تعرفين سنتنا يا بشرى لازم اهل الريال ييبون عينيه لام العروس واهلها غير المياره ومالخ .. وامي الله يرحمها متوفيه يعني مابيبلها طقم او مريه من جي طاح هالشي عنه .. من جي بنزله مبلغ بسيط في حساب سالم بقوله هات قواطي ريمبو وشكر وحين جم يونيه عيش على زيت ومن هالامور مياره اهل المعرس لاهل العروس عشان محد من خواتيه يقول ريلج مقصر عادي كل ها بيتوزع صدقات .. او يتصرفن فيها خواتيه بكيفهن عاد ..

لاتنسين يابشرى يبالي جم شنطه من قطع وخلاجين مع الطبعه والدق غير العطورات والعود والغتر وطاقه خلاجين الرياايل ..وجم شيله .. هاي خبرت سالم
انها سنه عندنا من الاصول نتبعها قلته هاي انا بزهبهم من عندي بس باسمك يعني وانا قسمتهم لاثنين يعني بشل من كل شي اثنين وحده لنا وحده لبيت خاله يطرشهم لهم .. لانه خاله ماقصر في سالم سالم يقول لا ياروضه مايحتاي جي بتضطرين تدفعين ضعف .. قلتله يتطمن مابااخذ وايد شوي من ها وها وها .

بشرى حسبتهم طلع في حدود 25 اخرتها بتروح لاهليا واهله موب خساره ..
.
سجلت كل شي يابشرى وحسبتها.. والحمدلله ترتبت بس اللي يهمني مايحط سالم في خاطره من اي شي ..

لا لا اتسيرين صوب القاعات هاي ,, البيت وايد ارقى منهم
فيرمونت حلوة وكشخة ماشاء الله .. اعتمديها دام انها عايبتنج واتفقتوا عليها

والله بادرة حلوة منج بس انا احس انه هو ما يعرف العادات والتقاليد من المير وغيره
قولي له واذا حسيتي انه ثجيل عليه خلاص
بعد شو بتسوين الله المستعان


يستاهلون هم طبعاً .. دام بتوزعين عليهم بعد
بس لا اتزيدن فوق 25 بعد كفاية ..

ما قصرتي الله يعطيج على قد نيتج وزيادة
ويارب تتهنين معاه
لا تنسين الاذكار نهائياً لا تنسين
الله يحفظج

...

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

سالم من يوم ماتعرفت عليه وهو عارف عباياتي العاديه ماتقل عن الف درهم .. والمبلغ اللي عطاني اياه عارف اني مابا اشل منهن شي لزهبتيه من ثياب هالامور

نحن واضحين مع بعض من البدايه ومانحب نخبي عن بعض شي .. بس موب معقوله اقوله سالم ترى ثيابي كلف جي وجي وعباياتي جي وجي وعطوراتي جي وجي انا ياام دانه اصلن اذا قلتله معناته اقول ادفع او انك مقصر ...


والله يعطيج العافيه ماقصرتي على النصيحه

بشرى والله لو اجوفينه وانا اقوله تقولين حد عطاه طراق منصدم .. قالي روضه عاداتكم مبالغ فيها قلت عاد هاي سنتنا قام يضحك ..
لا فديتج انا حطيت الليميت 25 وباخذهن على قدهن بسير اخلص القطع ممن الحين وبخلي العطورات اخر شي ..

وامري لله .. الله يحفظج ان شالله

هههههههههههههههههههههههههه حرااااام كسر خاطري
خلاص هي مرة وحده وتوبة مرة ثانية ما بياخذ من بوظبي
الله ييسر أموركم ,, رتبي الوقت ولا تستعيلين في موعد الزواج مثل ما قالت لج مهرة
بالتوفيق

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

مبروك يا روضة على الملكة

الله يوفقك ويهنيك

بس نصيحة من كل قلبي يا اختي

لا تدفعين عن زوجك شى ترى مره تحز بنفسه والرجال مايحب يحس انه ما يقدر يأمن لزوجته اللي تبيه

وكلام الناس والعادات شى مو مهم المهم انتي وزوجك سويها بالبيت احسن واكشخ اذا كان ما يستطيع

واستفيدي من الفلوس بأشياء تنفعك انتي وزوجك بدون مايحس انه مقصر في حقك وحق اهلك واصلا مره مو حلوة تقررين وتدفعين عنه شى بكره أما بيتعود وكل ماقصرك شى قال هي واهلها بيدفعون والا بيستحي منك و حتى ماراح يقدر يرفع عينيه بعينك .

والاكيد انك ماتبين هالحالتين الزوجة تحب تحس انه زوجها هو المسئول عنها ويوفر لها اللي يقدر باستطاعته .ودامك تزوجتيه وانتي عارفه ظروفه فلازم وواجب تقدريها.

تعرفي زوجه اخوي عندها خير ماشاء لكن اخوي مايقبل الا هو اللي يجيب لها كل شى وباللي يقدر عليه وحتى لو تشتري بكم فلس من السوبرماركات يرجع يعطيها الفلوس كذا الرجال اللي تعتمدين عليهم وتحسين انه وراك ظهر وهو اللي حامل مسئوليتك .

قدري زوجك وظروفه ولا تكسري بخاطره لانه ظروفه ماتسمح ومثل ماقالت وحده من البنات لو عطاك مبلغ قولي يكفي وكمليه من نفسك بس لا تحسسينه تراك ماتقدر وانا زدت الفلوس او اودعت بحسابك .

الله يوفقك

أمل تراها تييي مع السوالف .. يعني جوف حبيبي الفرقه انساها اختيه قالت من صوبها هو يقولي حلو تمام وجي نستمر في السوالف وسالم ماعنده هالامور مثلن لا غصبن عنج تقبليني بالمبلغ والا كيفج الححمدلله حبيبي موب جي

كيوت وحباب ومايردلي طلب وجان حرمه اخوج تحرم نفسها ها شي ثاني انا متعوده مااقدر احرم نفسي من اللي اباه ومايستوي اثجل على حبيبي بعد

اششكرج عزيزتي على نصحج ..


.