كلما ذكرتك ... أقول ان شاء الله أنك من أهل الجنه
((وبشر الصابرين))

__________________
سبحانك اللهم وبحمدك, نشهد أن لا إله إلا أنت, نستغفرك ونتوب إليك.

أجمعين إن شاء الله
دعواتك لأن بعض ردود طير العقل

__________________

الحمد لله على كل حال

بو خليفه أنصحك وأنا أخوك أنك تستفيد من اللي تكتبه حرمتك هنا
علشان تفهم وتعرف باللي في خاطرها وعقلها يا خويه ما تقدر تغير
شي في يوم وليله ولا في شهرين حرمتك الضغط عليها بيتعبها أكثر
الحق معاك في أمور كثيره وعن نفسي أهنيك على صبرك لكن ما دام
إنك اخترت أنك تكمل وتعيش مع حرمتك تفاهموا مع بعض وبعيد عن
المنتدى دخيلك وبعيد عن أبوها بعد كانت حياتي شراتك بس الفرق
أن حرمتي تحمست للتغيير ودخلنا مع بعض المنتدى وتعلمنا أمور كثيره
هنا خاصة من عضويتين الله يرزقهن الجنة. لمني بشوق وأم جمانه
ؤالحين الأمور طيبة ?إ? شاءء الله إيلس مع حرمتك وتابعوا مواضيعهن وطبعا ?إ? يهونون الإخوان
والأخوات الباقين
أسمع نصيحتي لأن النقاش هنا بدأ يختبص وقبل ? اظهر لك دعوة مني
بلخير والتوفيق مع حرمتك

__________________
أنا رجل ولست امرأة

أعتقد والله أعلم

أنك لن تستفيد أنت وزوجتك لطرحكم لحل مشكلتكم بهذا الشكل

غير التأثير السلبي عليك وعليها



ومكمن الخطأ ..

هو أن لجين لديها الكثير من الكلام الذي تود البوح به وترغب بحل مشكلتها سواء من تعديل سلوكياتها الشخصية أو طريقة التعايش معك

ولكن المشكلة أنك بتقرأ كل كلامها وعلى المكشوف سواء كتبت هنا في العام لجميع الأعضاء أو بإستشارة خاصة للفاضل رجل الرجال

وبعدها لتجد منك إنتقاد لكلامها أو ردة فعل منك لمنعها من الرد على بعض الأعضاء

والحاصل ..

لابد من أن يطرح كل واحد فيكم مشكلته بشكل سري لا يعلم به الطرف الآخر

حتى يستطيع التحدث براحته وإستخلاص الحلول وتطبيقها بطريقة مفاجئة للطرف الآخر .

بارك الله فيكم

مثل ما قلت يا بو خليفة ...
الموضوع يباله شمع أحمر وتبنده مووووول
اكبر غلط انكم نشرتوا غسيلكم هني ... كل حد يرمس ع كيفه
تبي تحله شرات هالعالم اللي تحل مشاكلها لازم تروحون عند هالمراكز الاستشارية اللي موجودة عندنا وبكثرة .. ومحد بينتقدك لأن كل اللي يزورونا في المراكز هم من كبار الشخصيات vip
ف لا تخاف من هاي الناحية
بتحصل من هالمراكز في بوظبي وآيد

الله ييسر أموركم ... بندوا الموضوع ياناس

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

الأخت الغالية روح الطير الله يجزاك خير صراحة ماقصرتي وكل كلامك جميل وينك من زمان يابنت انا بعد شرحك للكثير من النقاط استوعبت وفهمت ان لجين مشكلتها إن ماعندها ثقة بنفسها وكمان العائلة اللي عاشت وتربت وترعرعت فيها الغوا شخصيتها وفارضين عليها انظمة وقوانين هي مو مقتنعة فيها وبنفس الوقت اذا خالفتهم صارت تخشى وتخاف من ردة فعلهم سبب مشاكل لجين كلها من الأسرة اللي عاشت وتربت فيها وبزواجها من ابو خليفة ظنت إنها بتطلع لعالم ثاني وبتعيش حياة غير الحياة اللي كانت عند اهلها لاكنها واجهت نفس الأساليب والعادات اللي عند اهلها ويمكن اشد خصوصا لما تم منعها من إكمال تعليمها وطلب الغطى منها وهي مو متعوده عليه وكمان يمنعوها من مخالطة الناس هي توقعت إن بزواجها راح تنحل كل مشاكلها وتقدر توصل لأمها وبتاخذ حريتها الكاملة مع زوجها لاكنها صدمت بشئ اشد واصعب من اللي كانت تمر فيه عند اهلها واكبر صدمه لها هي في بداية زواجها ففقدت الأمان وصارت تخاف وتخشى من الإقدام على اي خطوة او عمل تسوية لأنها ستواجه الإنتقاد والعقاب والصراخ عليها علشان كذا فقدت الأمل بكل شئ وصارت تحس بنفسها مكسورة من الداخل وهي بحاجة لمن يأخذ بيدها ويعزز ثقتها بنفسها ويفرمت لها عقلها الباطني من كل المواقف السلبية ويخرجها الى عالم آخر غير العالم اللي كانت عايشة فيه علشان تقدر تعيش حياتها وتقدر تاخذ وتعطي مع اللي حواليها وأول حل لمشكلتها هو انها تكمل تعليمها علشان تحتك بالناس وتخالطهم وتعزز ثقتها بنفسها وتعرف متى تقول نعم ومتى تقول لا الإنسان مايتعلم لغة النقاش والحوار إلا إذا خالط الناس وتعرف عليهم اما إن الإنسان يعيش بعزلة عن الناس سوى بإرادته او بإرادة غيره فشئ اكيد إنه راح تتعب نفسيته


وربنا يعينها ويسهل امرها واتمنى من الأخ ابو خليفة كرجل مثقف ومتعلم ومحب لزوجته ان يأخذ بيدها ويكون لها سند وعون حتى تجتاز المعاناة اللي هي تعاني منها وهي الآن زوجته ولا احد يستطيع ان يفرض رأيه عليها غيره واول شئ يعزز ثقتها بنفسهاويخلي لها مساحة خاصة تعبر فيها عن نفسها وعن رأيهاويحسسها بأنها مهمة في حياته ويحترم رغبتها ورأيها ويتقبل وجهات نظرها وان ما اعجبته يحاول يغيرها باللين والطيبة مو بالعصبية والصراخ وبصيغة الأمر والنهي هذا اسلوب منفر ومكروه عند الكثير من الزوجات مو لجين لحالها الواحد يكون طيب وسمح ولين لو بغى يغير شئ خاص في شريكه ومادخل اللين في شئ إلا زانه**مايجي الشئ بالعفرته والقوة لأنه حتى لو صار وتحقق الشئ اللي انت تريده بهذا الأسلوب راح يصير بغير اقتناع من الطرف الآخر وماراح تلاقي النتائج المرجوة اللي كنت تتمناها منه. *

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

اخواتي اول شي هدوا اعماركم شوي... كلامكم يزيد النار حطب...

الدراسه: لجين وضحت انها باختيارها وقفت دراسه و بعدين خطبها خالد و من حقه كزوج يضع شروطه.... هي تزوجت و عمرها 22 يعني كتنت تقدر تكمل دراستها قبل الزواج بس هي ما بدت الخطوه و طبيعي كزوج او حتى خاطب انه ما يوافق انها تسافر للدراسه برع خاصة ان دولتنا فيها الحمدلله من الجامعات الطيبه....

الغشوه: ما اعرف ليش حسيت انهم من سكان بوظبي اوالعين و هناك الغشوه تعتبر تقليد عادي.... يعني تشوف المتغشيه و الغير متغشيه... و واضح ان اهلهم فيهم جذى و جذى يعني ما بيكون شي غريب... و اذا على التعود فهالشي يقدرون يتفاهمون عليه

التحدث مع ناس اغراب: كل طبقه اجتماعيه لها نظرتها الخاصه سواء صح او غلط... و اي عائله لها قوانينها و شروطها.... ليش لجين بس اللي تشتكي و حسست الكل ان عائلتها فصلتها عن المجتمع بينما هي نفسها ما تحب التجمعات.. يمكن هي انطوائيه على ناس و ناس لا....

الحق الشرعي: الزواج اساسه الاستمتاع فإذا ما حصل اذاً لا زواج من الاساس... و ان يصبر الرجل لين ما تعتدل زوجته و بعدين تعطيه الحق الشرعي امر غريب... لين متى الصبر؟؟؟ هل يلام اذا نفد صبره.... طبعا لا.... اي متزوجه تعرف وضع الرجل يوم يكون في قمة رغبته و مع هذا زوجته ترفض تعطيه.... كيف يكون متوتر و عصبي.... لانه مب قادر يرتاح.... اعتقد هذي عاد ما يبالها شرح.... وضع انه عصبي و يتنرفز فهذا طبيعي جدا في حالته...

الطلاق: اظن ان خالد ما طلق لجين لاسباب معينه و برتبهم حسب ما انا اشوفهم مهمين و احتمال راايي يكون غلط ( بنت عمه- يحبها- خواته متزوجين اخوانها- قدر يصبر عن الحق الشرعي بزواجه مرتين)....


لجين هل تعتقدين ان هذي بس عيوبج.... فكري عدل في عيوب ثانيه... ابيج تفكرين في عيوبج عدل... على فكره شخصيتج مب وايد ضعيفه يعني يوم تصممين على شي تقدرين تحصلينه.... اللي صاير الحين ان خالد مب ابوج و ما راح يسوي كل شي تبينه لان الحياه الزوجيه مب مثل الحياه مع ابوج.... في اللحظه اللي بتوقفين فيها مقارنات بين حياتج السابقه كبنت في بيت ابوها و بين حياتج الحاليه كإمرأه متزوجه.... وقتها بس يا لجين بتفكرين صح.... انت قادره تتخذين قراراتج لوحدج و الدليل اشيا كثيره قررتيها و نفذتيها.... يعني ان نلوم عائلتج على وضعج ما احسه صح... في كلام ثاني ابي اقوله لج بس ابي اشوف العيوب الثانيه اللي تشوفيها فيج..


نقطه مهمه يا لجين:
انتي رديتي على احد الاخوان انج تاكلين و تقعدين و تسولفين مع خالد.... لجين اختي... خالد مب صديق... خالد زوج.... و الزوج يبا استمتاع في الفراش.... مب بس وحده تاكل و تسولف معاه.... و قلتي خالد قال بيصبر و انه عطاج مهله شهرين و المهله تنتهي اول شوال.... بس حابه اذكرج ان ابوج عطاج مهلة شهر بس علشان تصيرين زوجه حقيقيه تعرف حقوق زوجها و تعطيه حقوقه يعني حسب اتفاقكم مع الوالدانتوا جريب نهاية المده.... بس خالد طيب و مدد لج شهر زياده و مع هذا كلامج يوحي انج متفضله عليه باليلسه معاه و النومه معاه على سرير واحد و اتمنى ان يكون شعوري غلط...

وايد رجال يغلطون في الايام الاولى بس هذا ما يعني ان الوحده تصك على عمرها الباب و ما ترضى زوجها يلمسها.... انتي تقدرين تضغطين على نفسج و تعطينه حقه الشرعي و الدليل ان في مره من المرات بعد شكاوي خالد المستمره لاهلج و يمكن بعد ما وصل الامر للطلاق عطيتيه... يعني الامر مب بالدرجه المخيفه اللي تصورينها هني يا لجين...

لجين.... انتي تحطين اعذار لكل شي.. في السابق قلتي مشكلة امج و تبيت تشوفين امج و بعدين قلتي خالد سوا شي في العلاقه الخاصه في بداية الزواج.... طيب شو العذر الجديد يا لجين؟؟؟ هل بتاخذين من اعذار البنات اللي عطوج اياها و تقولين اهلي مانعيني و اهلي هم السبب؟؟


لجين اول ما تطلعين من القوقعه اللي انتي معيشه نفسج فيها بإرادتج راح بتقدرين تعيشين صح...

*بالنسبه لعيوب خالد اللي ذكرتيها:
عصبيته: حلها بيدج و هو الحق الشرعي
يصارخ و ما يسكت الا اذا رديتي: جاوبي على طول و ما راح يوصل لمرحلة الصراخ
يسال و يتكلم كثير: يحاول يسولف معاج
يسهر برع: وحده في جناحها طووول الوقت.... يقعد في البيت شو يسوي؟ يطالع الطوفه؟؟ و هذا ما يعني ان خالد مب غلطان... خالد لو سمحت قلل سهر برع
يتكلم عن امه وايد: طبيعي اي شخص يتكلم عن امه.... انتي متحسسه و تبين الكل يمشي على شورج و ما تبين اي شخص اييب طاري امه قدامج....

لجين انتي تعودتي في بيت ابوج على نعم و حاضر و ان شا الله و من عيوني.... و تزوجتي و لقيتي شخص يطالب بحقوقه كااامله كزوج من الجلوس مع بعض و الحق الشرعي و الاكل و الطاعه..... و انتي ما تعودتي حد يقول لج لا...

فرقي بين كونج بنت و كونج زوجه و بتعرفين الغلط وين... خالد مب ملاك و فيه اخطاء بعد... بس وين دورج كزوجه في الحديث معاه عن الاخطاء و الوصول للمرسى بسلام؟؟

السلام عليكم ورحمة الله وبركاته
كيف حالك يا أختي لجين قرات جميع كلامك ولأول مرة أكتب لك وأطلب منك أن لا تاخذي بخاطرك مني
أولا _ حبك لوالدك يذكرني بأختي لكن والدي توفى ونحن نعاني مع أختي أنها حساااااسة بشدة وتبكي بسرعة وأي كلمة تجرحها يعني تعودت على الدلع وأنا في بعض كلا مك كان قريب جدا لأختي لكن اسمعيني للنهاية وأرجو منك أن تتجاوبي معي
أتمنى من الله أن يطيل في عمر أبوكي وأن يعطيه كل ماتمنى من خير ويصرف عنه السوء والشر يااارب
أقولها لك وبكل صراحة في بعض المواقف كنت أرى أنك انتي المخطئة في حق زوجك وفي بعضها يكون هو مخطئ لكن أخطاء زوجك جدا عاااادية تخرج من أي رجل والله العظيم أني أنهيت التوجيهي وكن علمي وكان لي المجال بأي تخصص وكنت أتنمى دراسات اسلامية لكن زوجي رفض وأنني تقبلت هذا الشيئ بروح طيبة لأن له الحق في أن يرفض وأول زواجي كان يطلبر مني كشف وجهي ورفضت وكنت أبكي طول الليل وادعي أن يهديه الله وأن لا أكشف وجهي وعادي مر الأمر بسلام واقتنع من نفسه لأن هذا شيئ يرضي رب العالمين وأنتي ماشاءالله أعطاكي الله رجلا يريدك أن تغطي وجهك في زمن كثرت فيه الفتن فافتخري بهذا الشيئ ولا ترفضي هذ الطلب لأنه دليل حب زوجك لك فالرجل عندما لايهمه زوجته تكشف وجهها أم تغطيه فهذا لايغار عليها ولا يتصف بالرجوله فأغلب الرجال يفضلون من الزوجة تغطية الوجه خوفا عليها وأنا لا أقصد بكلامي جميع الرجال لكن ؟أتكلم عن الصنف الذي لايغار على زوجته من أن يرى أي أحد مفاتنها وأكبر فتنه في المرأة هو وجهها وأطلب منك أن لا تظني أو تفكري بأنني أقصد والدك المحترم لا فأنتي عندما كنتي مع أبيكي كنتي ابنة وليست زوجة وهنا يختلف الأمر الأب يراكي في عينيه صغيرة مهما كبرتي لكن الزوج يريدك بعقل كبير منفتح يتحمل مسؤليته وأنتي الآن زوجة وستكونين أم بإذن الله وبالنسبة لوالدتك أتعجب منك هذا التصرف مع أنني ألاحظ عليك تفكيرك السليم يجب عليكي أن تتحملي حتى تنفدي ماطلب منك زوجك أتعلمين أنني أنا لي سنيييييييييين متزوجة لم أرى أمي غير مرتين مع انها هي التي ربتني وان والدي متوفي وجائت ايام رفع عني زوجي الهاتف ومنعني من ان اكلم أمي بدون سبب أتعلمي أنني عشت أحترق لأن أكلمها لكني لم أطلب من زوجي هذا الشيئ بقيت صاامته وفعلت له كلللللللل شيئ لكن كانت شكوتي لله وبعدها من نفسه رجع وأعطاني الهاتف لأكلم أمي
يا أختي ليس من حقك أن تمنعي زوجك من حقه الشرعي يعني انتي وحده عاقله وفاهمة وواعيه كيف تمنعي زوجك من هذا الشيئ ولا تقولي اخاف ارتعش مدري ايش انتي زووووووجة منتي صديقة له وبصراحة أنا أجد لو زوجك يرفع عنك الخدامة لو اسبوع انتي تحاولي تقومي بالبيت بدل عنها أفضل انتي تقومي زوجك مو الخدامة وبعدين من الي قالك هذولي طيبين من وين الطيبة والبلاوي ماتيجينا الا من وراهم أنا أحذذذذذرك منهم بشده واللله كنا نثق بشغالة خالتي كنا نقول طييييييبة عليها حتى يوم سافرت سولها حفلة وسولها حفلة ميلاد تخيلي ولما سافر طلعت ساحرة العيلة باليلة ماخلت أحد من سحرها وعمرها 24 سنة تخيلي وتقولي طيبي أنا مسسسسسستحيل أقبل خدامة تدخل بيتي يا أختي سامحيني على الاطالة لكن هذا طلب اخير مني وبالله عليك ماترديني
إذا احتجتي أمك افرشي سجادة الصلاة وصلي ركعتين وتكلمي قلي كل الي نفسك في بس خاطبي رب العالمين قولي كلللللللللل شي والله بترتاحي راحة عمرك ماحسيتي فيها مو كل شي أمي أبوي أمي أبوي انتي اشكي لربي كلللللل شي تبغي تقوليه لأمك ترى الله يسمعك والله يفرج همك مو كل شي تربطيه بأمك وأبوك وحاولي إنك تسجلي بمركز قرآن لأن القرآن والاختلاط مع الناس يغير المزاج وما فيها وحاولي تتقربي لزوجك اقرأي عن الكتب الرومانسية اكتبي بقوقل رسائل للزوجين وانقلي وحدة واكتبيها لزوجك أنا أوقا ت أسوي كدا وزوجي مرة ينبسط
تحياتي لك

كلامج سليم وعقب الكلام اللي انكتب هني البارحه من صبح اليوم تواصلت ويا مؤسسة تنميه الاسريه اذا تعرفينها وهم قالوا بيساعدوني لان عندهم مستشارين أسريين ,,

__________________

الحمد لله على كل حال

مع انه محطوط عليا حظر أناقش او أشارك بالموضوع هذا لكن عجبني رايج فيه نوع من العدل

__________________

الحمد لله على كل حال