مية بالمية اتفق

__________________

اختلافي عنك لا يعني اختلافي معك

حابه اذكرك بشيء واحد

انه حياتنا مكتوبة قبل ماننولد باللوح المحفوظ
كل شيء مسير من عند الله ولسنا مخيرين

لذلك قوي نفسك ولاتخلي وسواس الطلاق يأثر عليك ، لو ربي أراد بيصير حتى لو كان يضحك لك ليل نهار ..

الله يفرجها عليك

__________________

لو واجهته وقال لي هذا انا وهذا شي خاص فيني عاجبك ولا مو عاجبك ؟!

يا جماعه مين وقتها بيخسر ..!

لاتقولوا انسان زيه مو خساره ...
بالنسبة لي ماعندي ولي امر ..وعندي بنت تحتاج ابوها..وسكني عند اهلي الان مع بنتي مايناسبها..
بالنسبة لانسانه تطلقت مرتين ما ينفع اتطلق ..

هو يتركني ويلقى غيري ...
بس انا تتوقعوا بتزوج مره رابعه ؟!
ادري مافي شي بعيد على الله بس نفسيا مو متقبِّل هذا الشي لنفسي

طيب هو عارف انا ايش عرفت بدليل رسل لي البنت .. وغيرت كلامها ...
بوظف هذا القرف اللي صار لصالحي..
ع الأقل يعدل أسلوبه بالتدخل بشؤوني..

انا على طريف اني اتهور وأرسل كل شي واعتبرها فراق

لكن جالسه أفكر بمليون فكره .. علشان مستقبلي انا وبنتي ..

انا سافرت مع اهلي كل شوي ابغى اصرخ لان محد يساعدني فيها بالمولات والخرجات
لكن هو ان خرجنا اهم ماعنده راحتي وراحتها..

ابغاه ... اقول نزوه ... اقول ذنبه عليه ...
اقول طاح من عيني ... اقول المصيبه قريبته.. اقول كيف هان عليه يلعب فيها ..
اقول مين هذا الشخص .. اقول لايكون مريض ومعاه انفصام ...
كان يكلمها كشخص سادي... بس وربي معايا حنوووون جدا
اقول اخاف يكررها... اقول اخاف ما اتحمل وماتكون عندي قدرة للصبر ...


ادعوووووووووووووولي
طلبتكم كل من دخل موضوعي حتى الزوار يدعولي ربي يفرح همي وينور بصيرتي ويرزقني التصرف السليم








والله من كثر مو عقلي شغال حتى وانا نايمه انه مخي بيطق

__________________

الله يهونها عليكم ويفرجها بأسرع وقت يارب .
بس فيه شي غريب أو حلقة مفقودة بالموضوع ...
التوقيت لهذا كله !!!!!
ليش هذا كله صار لما تخاصمتوا ، ليش مو قبل مثلا ؟؟؟
أتمنى يطلع الموضوع كله فبركة ...

الله يكون بعونك إن شاء الله

كما يبدو فهو يحاول حل الامور
اتركيه يحلها بطريقته واصمتي ان كنت قادره عاى كتمان الامر ابدا
احظري البنت اتصال و واتس

__________________
الحمد لله..اللهم صل على محمد و ال محمد

التفريغ المنهجي

منفردة بقولج رايي و اتمنى محد يعلق .،،

وضعج ،، ظروفج ،، وضعه،، طبعه ،، كالتالي:
انسان طريقة تصرفه مع هالبنت واضح انه فيها استحقار لها و رفض اللي يسويه معاها بس الفتنة ذباحه ..و ف نفس الوقت طبعه المتحكم و المتدخل في كل شي كان واضح عليه و على اسلوبه و طلبه .. و للاسف يمد أيده بعد .. هذا الشي معناته فيه ك شخصية وماله علاقة فيج كاخطاء من هالشي لازم تفكرين ب طريقة تحد من استفزازه حتى توصل الضرب ..

بالنسبة للبنت .. هو حلم حياتها و تبغيه و تحبه و انصدمت لما قرر الزواج مره ثانيه انه آخذك و يمكن عرضت نفسها عليه و وفض بحجة انه ما يقدر يفتح اكثر من بيت .، مكنته من نفسها و تترجاج انه يتزوجها و لو يومين و فالحقيقة هاليومين حسب ما تخطط له و الله اعلم العمر كله بس تتحقق هالخطوة ..
اول شي بتخرب حياتج معاه و تنتظرج تفضحينه و ينجبر. يتزوجها عقب تنفرد فيه و انتي طاح حظج ..


بالنسبة له هو .. كان فس موقف القوي و اللي معاه حق موقف فرعوني يعني .. هالغلطة خبصته فوق تحت يعني اختربت حساباته .. و بالاخير تفكيره محصور على (( هل امج تعرف ؟؟)) (( انتي صدقتي)) (( كيف يقلب الموضوع))

ف اذا واجهتيه أكبر حل و اسهله انه يتنازل عنج و يا دار ما دخلك شر ،،، اما ان سكتي و حسستيه انج تعرفين و بطنشين بتكونين كأنج كأنج هاديك الضعيفه المغلوب على امرها اللي انضربت و انخانت و رجعت. .

الحل في وجهة نظري مع الاستخارة :
1- يكون هالموضوع اكبر دافع نفسي لج عشان تتغيرين من العاطفه الى العقلانيه والهدوء في كل شي مستقبلا لانه اكيد مخزون حبه نقص ..
2- عدم المواجهه ابدا..
3- نبهي امج ما تجيب له طاري ابدا ابدا ..
4- بلوك للبنت ..
5- تحاولين توصلين له انج انتي مب مصدقه فيه و تعرفين انه كثير ودهم يخربون اللي بينج و بينه و الله يكفيكم شر الحسد اللي فعلا بدا يأثر عليكم و على حياتكم..
6- تطلبين من يرقي نفسه و يرقيج عشان يحس انج فعلا مصدقه كلامه السابق انه هالبنت القريبه تحاول تخرب بيتهم..
7- تحسسينه انج تبين تحلين موضوعكم الاول و الضرب الضرب الضرب ممنوع..
8- و تحفظين الأدلة في بيت امج لانه مستقبلا ما تعرفين شو بيصير ..

اذا فعلا نجحتي ف تحسسيه انج مش مصدقة فيه بيحاول أتوقع انه يحب مشكلتكم سريع و بيكون مثل اللي يحتويج عشان يغطي ع غلطته و خيانته و انتي طبعا لازم تتجاوبين و تحسسينه انج مصدقه و هيك


الله يفك كربتج عسى

__________________

منفردة

على موضوع قدر الضغط و الضرب
قلتي لازم اخد موقف و حتى لا يعيدها و كرامتي و لازم يعتذر

دحين الموقف اكبر و أسوأ و اعظم
و تقولي اخاف يطلقني و لازم احافظ على بيتي ..

مابغى ألومك ..
كنت تقولي روح الطير .. انت ليه ضدي !؟
انا مو ضدك .. انا كنت اشوف انه ما كان له داعي تخرجي من البيت و تدخلي اهلك
و لا تخربيه بيدك عشان حركات استفزاز و انه تصرفاتك ممكن تقلل من مقدار معزتك عند زوجك

المهم
دحين انت خايفة انه يستغنى عنك .. و هذيك تلاقي فرصة و يفضى لها الجو
و عشان كذا ( مترددة تاخدي اي موقف ) .. مع انه المفترض دحين تاخدي موقف على الي يصير

رجوعك له و بدون اتخاذ اي موقف و بسبب خوفك من الطلاق
يعني انت تعطيه الضوء الأخضر ..
انه يخونك ( امام عيونك ) بعد كذا .. و يقول غصب عنها تسكت و تتحمل و تصبر


احتفظي بجميع الأدلة .. اهم شي
و استخيري بكل خطوة


و طالما تبغي ترجعي له بكل الأحوال
حتى لو كان الي عرفتيه صحيح

فالله يكون بعونك

معليش اختي. ما تشوفين انه لازم بلفعل يتزوجها ولو ليومين .....حرام والله....

بكتب ع السريع لاني مرهقه مرا وبنام


امي ماسمعتها التسجيل ولا شافت محادثاته
امي تقول كذب كذب كذب مو هو هذي زوجته مرتبه للموضوع وادا مو زوجته وحده تبغاه
مسكينه ما سمعت وأوقات امشي معاها بشكها بالموضوع علشان ما ابغاه يطيح من عينها
قبل كم ساعه وسل لها ثلاث رسايل واتس وهو متعود ترد عليه
ضحكت امي تقول بيشوف انا عرفت ولا لا ... وعلقت ع رسايله ما كأنها تعرف شي



روح
اول اتخذت موقف لان الموضوع ما كان فبه مصيبه
ماكان فيه عرض مهتوك ولا خيانه ولا وساخه اكبر من حدود تفكيري


أشياء ومواقف ما تخيلت اني انحط فيها بيوم

تدري
مدري ليش موقف القدر كانت الصدارة لكرامتي بعد غيابه وتطنيشه اشتغلت عاطفتي


اما هالصدمه هالصدمه رغم انه المشكله السابقه تعتبر تفاهات قدامها
الا انه عقلي اشتغل ... حتى نبضات قلبي تجاهه ماتت

اصلن اول كنت ابكي شوق
الان بكيت.. بس بكيت طيحته من عيني وقلبي


زعلانه على نفسي وعليه
انا كنت امارس عاطفتي وافرغ طاقه الحب فيه
وهو خسر قلب كان يحبه رغم كل شي

والله ماني عارفه كيف بجلس معاه ببيت واحد
وانا اللي اول لازقه فيه وأتمنى يومي معاه ما ينتهي


يا رب اكتب لي الخير
انا من دون التجآئي لربي ولا شي
انا بدون توفيق الله وتيسيره وتسهيله لاموري ولاشي


تعرفوا احساس الصاحي وهى مغمى علي؟؟
هذا انا وانا اكتب لكم واناقشكم
انا كأني بمتاهه واجري وبكل مرا اخبط بباب ارجع أدور الباب الصح

__________________

ممكن اقترح اقتراح .... دام القلب تسكر وانفتح طريق العقل .... ليش ما تكلميه على انك تبين تلملمين الموضوع ... ادخلي بصراع مع شيطانه لعل وعسى تقدري عليه ....قولي له نزوة شيطان وانك تبين تساعديه على لملمة الموضوع وستره .... خلي يتزوجها يا منفردة ويستر عليها ... بيصيبك اجر والله. و بتلمين الموضوع و تكسبين زوجك وممكن حتى يرد احترامه ومعزته في قلبك ..... انت اعلم بزوجك واعلم بشخصيته منا .... قولي له مو علشانها ولكن علشان بناتك لان حرمة اعراض المسلمين كبيرة والي يزني ببنات الناس ويهتك اعراضهم يزنى بأهله ويهتك عرض بيته ولو بعد حين .... ادخليله من مدخل من يزن يزن به ولو في جداره لعله يفيق من غفلته

مجرد اقتراح والله اعلم ان كان ينفع