مشكلتي هالمرة يمكن تقضي على حياتي مع زوجي

وبالذات بالعلاقه الخاصه


والله أني اكتب المشكله الآن وانا دموعي تنزل مثل المطر وراسي يوجعني من قوة ما بكيت ومن صبر سنين كثيرة


على سر عظيم وفظيع بنفس الوقت


المشكله


زوجي اليوم كان مشتاق جدا ومتحمس وطبعا انا نفس الشي لأنه بعد طول انتظار 000000000


المهم هو على طول بدون مدعابات انا تضايقت كثير بس حاولت أتحمل واسكت فجاءه جلس يمزح قمت انا عصبت عليه

وقلت له ليش تمزح انت تمزح بأوقات ما لها داعي



قام عصب وتركني وراح للحمام تحمم وطلع زعلان بيت أهله


انا بالاساس أتضايق اذا هو ما بدا بالمدعابات لأني أتخيل موقف دايم في ذاكرتي موقف مؤلم


انا لما كنت بعمر 12 سنه عمي كان يتحرش فيني جنسيا وحاول كذا مرة أغتصابي وطبعا ماعلمت أحد عن هالموضوع


وكتمته بصدري ولما زوجي يبدا بدون مدعابات فورا يجي بخيالي موقف اللي عمله عمي لي


والمهم زوجي طبعا مايعرف ولما رجع جلس يصارخ علي وقال انتي تكرهيني فيك وفي بيتي وحتى الجماع كرهتيني فيه

بكره ترجع فلوسي وأروح أتزوج عليك من تزوجتك وانا حالتي حاله


وهو طبعا جاد بكلامه ومقدم في البنك على قرض اضافي بحدود 30 ألف ريال

وينتظرها حتى يتزوج


وطلع من البيت معصب

أنا أنهرت بقوة وجلست أبكي واصيح وانا ضامه ثوبه لصدري وابكي بقوة ابكي على حسرتي وابكي

على مصيبتي وعلى فقد زوجي وعلى طفولتي اللي راحت في خوف وشك وعلى يوم زواجي اللي ماتهنيت فيه

لأني شفت عمي المحترم المغتصب


وجلست أبكي وفجاءه دخل زوجي حصلني منهاره نفسيا من جد أبكي بقوة فظيعه جاني يركض ويصارخ يقول وشفيك


وش جاك قمت أنا قلت له المشكله قلت اني اكرهه الجماع بهالطريقه لأنها تذكرني بموقف جدا سيء

وقلت له الموقف


قام خذني بحضنه وانا ابكي واقوله لاتروح عني لاتخليني بروحي انا احبك

وجلس يهدء فيني ويقرا علي قرآن لحد ماهديت


قام سألني عن الموقف بالضبط وكيف ومتى حصل وانا قلت له بكل صراحه

وسألني اذا اهلي يعرفون قلت له لا ماحد يدري غيرك


قام سكت ويحاول يغير الجو ويمزح يحاول انه يسكتني



وبعدين راح نام طبعا قال لي تعالي نومي انا ماقدرت انام مافيني نوم



هل تصرفي صحيح ؟

هل زوجي بيتزوج علي وخصوصا بعد ماعرف بقصتي وانا طفله؟

هل زوجي بيتقرف مني ؟؟

هل زوجي بتتغير علاقته فيني ؟؟

هل انا غلطت لما صارحت زوجي بكل شي؟؟


وفيه نقطه مهمه انا الحمدلله عمي المتوحش ما افقدني بكارتي بس يعني محاولات اغتاصب او تحرش



ابي منكم تجاوبوني وبكل صراحه وتقولون لي انا غلطانه لما صارحت زوجي

والا اللي سويته صح

ياريت تتفاعلون معاي والله اني مارحت افضفض لصديقتي قلت بفضفض للمنتدى بيفدوني أكثر من صديقتي

__________________