هو قصده طليقته شرطت يكونون عيالها معها وافق الزوج يكونون معها

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

الأخت بياض الديم .. وأنا أيضا فهمت ما فهمته الأخت سديم

__________________

أنا اعرف ان طليقته سابقا اشترطت ، ومن خلال سرده للمطلق وان عنده خمسة اطفال واشترطت يخليهم مع طليقته

يحل اشكالنا الاخ ساري

ان كان راح تربي عياله الخمسه فهي فرصة للزوج والله يعينها وسبحان الله لو لاحظنا ان الزوجة تقريبا من خلال طلبها واشتراطها ان اطفالها يكونوا معها اذن هي فاهمة توجه زوجه السابق ونظرته في أنه ماراح يعارض ذلك

__________________
يا رب خاتمة حســنة ، وزلفى ، وحسن مآب ..

اضم صوتي لكما

فأني فهمت ما فهمتموه !

__________________
أشهد أن لا إله إلا الله و أشهد أن محمدا رسول الله صلى الله عليه و سلم

الله يكون في عونك اخ ساري
صدقني سياتي اليوم الذي تعرف فيه قيمتك وطيبتك ونقاءك
لا نشك في المرأة لكن يبدو انها مادية وسبب طلاقها المادة تريد زوج غني يصرف عليها اكثر من انه يعاملها مليح

وكفاية لوم للاخ لانه يكفيه جلد لذاته وهو لم يرتكب شي يستاهل لانه لو كل زوجة قال لها كلمة زوجها تطلقت لما بقي هناك بيت قائم

اما طلبه لزوجته بمساعدته فليس عيبا الزوج مضغوط وعليه التزامات وهي موظفة وين العيب لما تساعده هو في النهاية لبيتها ولاولادها
واولاده على حسب ما نعرفه عن الاخ لا يظهر انه يريد ان يتخلى عن مسؤولياته لكن اغلب الرجال لا يجيدون الاعتناء باولادهم
واخيرا اخ ساري لا تحزن ولا تحمل نفسك ما لا تطيق فمن تتخلى عنك عشان غرفة جديدة ولا تساندك بمالها وانت مضغوط وتتزوج بعد انتهاء العدة مباشرة ولم تعمل لك حساب امام الناس فلا تستاهل منك اي دقيقة حزن تضيعها من عمرك
قف على رجليك سريعا فانت قوي

اسمح لي يا اخوي

احد يقول لزوجته اذا طلقتك
بتنطقين في بيت اهلك مطلقة وعند ابوها بعد!!

ياخي والله احس الاعضاء يرقعون لك
كلامك غير موزرن ومخيف..

كم كلمه قلتها لزوجتك ايام كانت زوجتك
خوفتها وعدمت الامان في حياتكم!!

اسأل الله ان يكون زوجها عوضًا لها عنك
واسال الله ان يعوضك خير عنها

لكن أخطاءك لازم تصلحها
ولازم تعرف انك اذا ماصلحتها فلا تأمن الجاي

وع كلامك بيقبلون فيني بنات الناس او لاء
انا مطلقة
ولو جيت وخطبت ما وافقت
وش الرجل اللي ناطل عياله عند زوج امهم
وهم كبار
اعتقد هذي تحسب عليك مو لك
واللي مافيه خير لعياله مافيه خير لبنات الناس

...............
وبعدين الرجال ما سوا شي غلط ، نفسيا مو مستعد غصب هو
وبعدين هو ولا طليقته واحد كلهم أم وأب للأطفال

وترى الأم هي اللي تربي وقاعدة معظم الوقت بالبيت وتشوف عيالها وتخاف عليهم أكثر من نفسها وتطبخ لهم وتدرسهم وتغسلهم .. يعنيً مافي مثلها لو يدور العالم . فكويس ان طليقها رضي بالعيال والله يحفظهم ان شاءالله
قل لن يصيبنا الا ما كتب الله لنا .

اخ ساري الله يعوضك خير ،، وانتبه في زواجك الجديد ، (وعامل الأنثى على انها انثى ) تحتاج الى ((حب)) وصبر واحتواء وعطاء.

__________________
-

انتي متأكده قرأتي موضوعي بالكامل ؟
او جايه تنتقديني بهالسرعه ؟
بناتي مو كبار . وحده ٦سنوات والثانيه ٥ سنوات
وياسبحان الله . لو اخذت بناتي وجبت لي شغاله . قالو الناس هذا مافيه خير
اخذ بناته وهم صغار ولاخلاهم يتربون عند امهم وبعدين ياخذهم . قبل يومين حضرت زواج وكل من حولي والله انهم قالو ابيض وجه انك ماحرمت اطفالك من امهم . وفيه معلومه حاب اضيفها وتأكدت منها . قبل ساعه اتصل بي ابو طليقتي يسلم علي . وقال ياابو ؟ ترى يبقى بيننا الطِيب والعشره . قلت لاتشيل هم . نعم يبقى بيننا الطِيب والتقدير والحشمه وانتم اجداد وأخوال اطفالي . ولاهو انا اللي اجحد العشره الحلوه اللي بيننا . هذي اقدار مكتوبه . والمسلم يرضى ولايعترض على اقدار الله . طبعاً يااخواني وأخواتي اللي تزوجها عنده ٣ بنات وولدين . والوالدين اعمارهم ٦ سنوات وخمس سنوات والبنات صغار .وزوجته الأوله معاه . والرجل على ماسمعت انه مو حق خراب او غيره . واكد لي الخبر اخوال اولادي
نهاية كلامي / انتم اخواني واخواتي . فوالله مايجي الواحد هنا بالمنتدى ويفضفض ويشكي همومه إلّا انه هدفه يبغى يستفيد منكم . وانتو ماتشدون على بالنصايح والارشادات إلّا لمصلحتي وأنا عارف . ولكن فيه اعضاء يكون كلامه حارق وجارح . فأقسم بالله هي لو فيها خير . ماكان انا قررت على طلاقها . فوالذي نفسي بيده انها من يوم خرجت من حياتي وتأكدت انها تزوجت . كأنك اخذت مويه وأطفأت بها نار قِدامك . انا ارتحت نفسياً وانشرح صدري . ورب القرآن احس براحه وكأن صخره انزاحت من قلبي . نعم انا اعترف غلطت عليها . وأستفدت كثير وكثير وكثير من هذي الأخطاء ومستحيل وألف مستحيل اغلط على الزوجه الجديده . خلاص انا تعلمت من اخطائي ومستحيل يتكرر الخطأ . وخاصه انا استفدت والله كثير من نصايحكم . والله يجعل كل نصيحه منكم بموازين حسناتكم . فالمسلم مايخذل اخوه المسلم وانتو وقفتو معاي بتوجيهاتكم وانا استفدت . انا من الرجال الكتوم . اخفي همي بصدري. مااحب كثر القرقره
تؤمنون بالله ورسوله .(ونعم بالله) من يوم صارت المشاكل بيني وبينها قبل ٩ شهور وتطلقت وتزوجت وراحت والله يستر عليها . ماكلمت احد من زملاي بموضوعي ولااحد يدري عني اصلاً عن مشكلتي . اجي الدوام وتلاقوني اضحك صناعي . وأحاول ماابين نفسي . مااحد له صلاح بمشكلتي . وأنا اتكلم عن زملاي بالعمل . واحنا كرجال . مانحب نظهر نفوسنا ضعوف قدام زملانا بالعمل. انا ماني ضعيف اجلس اشتكي قدام زملاي . انا قررت اشكي همومي واحزاني وآلامي هنا بالمنتدى . لأني الشاهد الله جميعنا بالمنتدى اخ وأخت متعاونين ونسند بعضنا بالتوجيهات . والله العظيم ان لكم فضل بعد الله بأني استفدت كثير بتوجيهاتكم . لكن زعلي من بعض الاعضاء تكون الكلمه كأنها سهم تخترق القلب . خلاص انا غلطت . وانا بشر ماني ملائكه . فالنصيحه امانه تكون بذمتك . ماتكون كلمه جارحه وتطعن بها قلبي . والمشاكل اللي كانت بيننا . زي ماقلتو مو هذاك الغلط اللي هي بالغت فيه . فالحمدلله يمكن شر . والله اراد بي وبها الخير . فالحمدلله على كل حال

..........................

__________________