يمكن ـ وترى اغلب الرجال كذا ـ ما يعرفون يعبرون عن مشاعرهم ورومنسيتهم لفظيا

فيعوضونها بالأفعال والحمد لله زوجك بشهادتك يعوض بافعاله ..فيه اللي لا كلام

ولا افعال الله يكون في عونهم .. لكن صدقيني بيجي وقت يتعلم منك الكلام

وخصوصا لو وصلتي اللي تبغين بإيحاءات منك لأن الطلب المباشر ثقيل على النفس

انتوا الآن وضعكم شبه طبيعي انتِ تعطينه وتعبرين عن حبك بالكلام وهو بالافعال

يعني فيه شوية توازن ..مع الوقت بتتعلمون من بعض وتنسجمون أكثر بإذن الله

واذا ركزتي على الاشياء اللي تضايقه وتلافيتها هو تلقائيا يتجنب اللي يضايقك

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

عزيزتي

السفر حلو لو كان يختلف عن الحياة الفعلية في كل شي

يعني لو أنتوا ما متعودين تفطرون وفي السفر صحيتوا بدري عشان تفطرون بيكون للفطور طعم ثاني

حتى في الأشياء النفسية يعني لو كنتي تستحين من شغلة معينة تقدرين في السفر مع تغير الجو والمكان تتجرأين وتسوينها من باب التغيير بيكون التأثير عليك وعلى اللي معاك حلو

يمكن زوجك حب يعاملك عادي بغير العادة ويكون الوضع كذا بأريحيه كأنه مع أخوه أو زميله وكان متوقع انك ماراح تتضايقين

بالنسبة للمستجدات شي جميل اللي صار منك وشي جميل أنه قالك سبب زعله ووضح الشي اللي زعله عشان تنجنبينه وهو كان بيتجنب اللي زعلك بما أنه عرفه بس غلط إنك قلتي الحب ماله مكان أتوقع أنه كان قصدك إثارة مشاعر الحنان والحل فيه عشان يصر عليك بطلب الحب الإعتذار وياخذ بخاطرك كمان وكمان وأنا ساعات أسويها بس يرتفع ضغط زوجي منها وساعات تضبط معاي حسب الجو والنفسية المشكلة نفسها

خلاص ارسلي شي عادي ادعية نكت وكذا وطنشي الموضوع وبيطنشه هو كمان

والله يوفقك ويسعدك ويسخر لك زوجك

حلوة جداً مبادرتك .. بس
الله يهديك بتكحلينها عميتيها
آخر جملة في الرسالة ألغت كل اللي سبقها ؟! انت كنت بالمسار الصح وفجأة انحرفت حروفك
انت تحبينه أصلا كيف تقولين اما الحب ماله مكان. ليه تستفزينه مع ان رده عليك بيّن الاشياء اللي تضايقه
ومضايقته منك وهذا شي حلو وتصرُف صحي وسليم علشان كل واحد يفهم
الثاني ويجتهد ان يرضيه بشكل او بأخر. انتبهي الله يرضى عليك بس أحسنت التصرف والمبادرة
بالعكس لا تطنشين وكلميه واكيد حزت في نفسه كلمتك . الله يسخركم

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.

ماقلت له الجملة الاخيرة عشان استفزه لا والله .. قلتها له عشان ينفيها ويؤكد لي إن الحب اللي بيننا عمره ماراح ينتهي ولا يوقف ولا يتغير .. قلتها عشان أحرك فيه هذي المشاعر اللي ماعاد أحس فيها .. يمكن صح أفعالها تدل على حبه بس مشاعر وكلام مافي ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

عني ومن صياغتها فهمتها اني راح اكون زوجة "روبرت" لا تنتظر منها أي مشاعر .
واحتمال وارد وكبير فهمها نفس ما فهمت ويمكن فهمها نفس مافكرتي فيها بس
انتو الآن تمرون بجو مشحون جدا ، تحتاجون تنفيس تحتاجون تسمعون لبعض
خلي عتابك وجه لوجه ، اختاري الوقت المناسب
عطني نفسك دقيقة وفكري المشاكل اللي على هالنمونة تستاهل
تأخذ من وقتك وتاكل في نفسيتك وتأثر بالسالب على حياتك . ابد ما تسوى ابد

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.

نفس التعليق!!

والله إني منسجم وعشت الجو مع الرسائل بينكم وكان حلو جداً؛ حتى قرأت السطر الأخير . تفاجأت ..... قرأت السطرين الاخيرين مرة ومرتين قلت يمكن قطعت الجملة وتغير المعنى!! لكن طلع لي نفس الشعور اللي يحمله السطر الأخير.

أختي الكريمة أحياناً أثناء فترة الزعل والخصام لا بد تكون الأجواء هادئة بعيده عن النرفزة والازعاج سواءً بالكلمة أو بالأسلوب ﻷو حتى بالحركات. صدقيني أنكم تقدرون تتخطوا هذه المرحلة لكن يبغى لكم تتعرفوا على بعض أكثر من ناحية شخصياتكم كيفية التعامل مع بعضكم بعضا.

وللعلم الزوج مهما رأيت خشونته وعناده؛ فإن بداخله روح الطفل الصغير الذي يحتاج مراعاة وعدم ازعاجة وإرضائه بما يحبه. لكن متى يكون محتاج أو لا هذا عليك أيتها الزوجة الذكية ، فيجب أن تكتشفي ذلك في كلامه وحركاته ونظراته.

الله يوفقكم ويسعدكم في الدنيا والآخرة.

احبه حبيبي
بقول لك شي
الحياه ماهي مسطره وقلم
واخزن وازعل من كل موقع يتعدى حدود الي انا راسمتها
جد ماهي عيشه هذي
والانسان الطبيعي مايمسك كل شي على الزله
ترى اكثر الازواج السعيدين يمونو على بعض
يرمي كلمه ويله وهيا ويبنك ومدري ايش
ومحد يزعل
شلون بتعيشين وانتي زعول كذا
شخصيه صعبه
اجل لو لاعنك وسابك وشاتمتك وش بتسوين
وش بيصير لو قمتي لما قومك وقلتي بوه حبيبي صحيت يله هذا انا جايه
سامحني خبيبي صحيت تسع وماحبيت ازعجك وراحت علي نومه
وداريتيه بكلمتين
هذا وهو طالع وجايب فطور و مسفرك بناء على رغبتك وهو مجهد من اسبوع كامل
مو احسن من خربتي السفره
رجعتي تراضيه
واكدتي له انك مش انثى بعنادك وتديتك
ان عقلك ماهو كبير ولا يستوعب كل تصرف
وخلقتي جو مشحون
ليه هذا كله ليه
انتي مو بشركه
والله حتى الي بشركه جوهم حميمي وودي اكثر
مايترصوا لبعض كذا
شويه احترام ليكي وله
ازعلي على مرقف يستاهل
ضاربك شاتمتك طاردك خاينك
غيره كل شي ينحل بالتغافل والاسلوب الزين ووسعه الصدر

فعلا مبتعثة كلامك صحيح .. والتغيير ضروري بس بجد ماني قادرة .. ماأعرف هل مثل ماقالو الاعضاء تراكمات أو شيء آخر ماأعرف .. بس أقول بنفسي ليه مايعاملني مثل ماأعامله بلطف وينتقي كلماته قبل يجرحني!! وهل هذا هو الحب اللي يتغنى فيه!!

في عضوات طلبو مني تخفيض سقف التوقعات منه .. طيب هذا الشيء مو مناقض للحب اللي يتغنى فيه!! حتى أنا قلت له ترى زعلت منك لاني ماكنت متوقعة منك هالاسلوب .. أبيه يحس إنه شيء كبير في نظري وفي حياتي ومو مثل أي انسان ثاني اتقبل منه الكام القاسي الصعب..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

يا اختي والله كأنك تتحدثين عن وضعي مع زوجي في بداية حياتنا

أنا حساسة بزيادة وأحاسب زوجي على الكلمة والزلة لدرجة اني قلتله مره نفس جملتك اللي لونتها بالأحمر "انتقي كلماتك" أو (حاسب على كلامك معي حتى ماتجرحني)

تدرين وش رد علي؟ قال بالحرف الواحد (هذي ماهي حياة!! أجل أحاسب على كلامي مع زوجتي اللي المفروض تتقبل مني كل شيء؟!!)

أنا وانتي ويمكن فيه غيرنا قاعدين نحط حواجز بيننا وبين أزواجنا..

الزوج ما يبي زوجة تمسك له الزلة وتنكد عليه ع الطالعه والنازلة .. الزوج يبي زوجة (ماراح أقول فرفوشة لأن مو بإمكان أي وحده انها تصير كذا) بس ع الأقل تتغاضى وتغض الطرف عن الأشياء اللي ماتعجبها في زوجها

وعلى فكرة أخطأتي لما ذكرتي لزوجك في الرسالة ان ماعاد للحب مكان بينكم وأكيد زوجك فهمها انك ماعاد تحبينه.. لأن الرجل يفهم الظاهر من الرسالة ومايدور على المعنى الضمني مثلنا يالحريم نطلع ألف تفسير وتحليل للكلام ههههه

زوجك يقولك الحب بيننا موجود لكن الحب هذا لازم يظهر في أفعالك لأن الشخص المحب (يتقبل كل شيء من الحبيب) تقومين تقولين له أصلا ماعاد للحب مكان بيننا؟!!

والمشكلة انك تكذبين عليه في مشاعرك لأنك تحبينه وتموتين فيه ههههه

نصيحتي لك أظهري حبك لزوجك وتغاضي عن أخطاؤه (رغم اني ما أشوفه أخطأ في هذا الموقف بالذات بل أرى أنك انتي المخطئة)

ابتعدي عن النكد والحساسية الزائدة تراها سبب في نفور الناس من حولك وأولهم زوجك

أنا زوجي كان دائما يبادر في الاعتذار وبعدما صار يتكرر زعلي صار يتركني ومايعتذر الين أرضى من حالي ما ألومه طفش هههه

اذا صدر من زوجك كلام أو تصرف زعجك تعوذي من ابليس واستحضري المواقف الحلوه بينكم

وحاسبي نفسك قبل لا تحاسبين زوجك

اذا في رأيك اللي يحب يحاسب على كلامه ومايجرح حبيبه كمان زوجك في رأيه اللي يحب يتقبل حبيبه بكل عيوبه وأخطاءه ومايزعل منه على أتفه الأسباب

أشعر انك تطالبين زوجك بالكمال والمثالية وهذا مستحيل لأن كلنا بشر نخطيء ونصيب!

وفقك الله

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

حبيبتي أنا سجلت دخول عشانك
حاسه بمعاناتك
أقرأي عن أنماط الشخصيات ضروري ضروري
الظاهر إنتي شخصيتك جنوبيه غربيه و زوجك شمالي شرقي
إذا قرأتي عن الأنماط و فهمتي شخصصية زوجك بترتاحين وهو يرتاح
الآن أفتحي قوقل و أقرأي التغيير يبدأ منك
بيدك ككل شي بعد الله و أدعي دايما و أستغفري
أمرك و أمرنا كلنا بيد رب العالمين
الله يسخره لك و يسخرك له يارب
الله يسعدكم و يهنيكم يارب

__________________

اللهم أكفني ما أهمني بما شئت و كيفما شئت إنك على كل شيء قدير