أكيد راح أفكر تخيلوا واحد متزوج وحده قريبه منه بالعمر وراح أخذ مراهقه وشايفين بنات هالأيام

تتوقعوا مشاعره ناحية زوجته بتجلس زي ماهي ولا العلاقه كل شيء بيتغير وبيبدأ يقارن بينهم


ولو في قرارة نفسه وهاشي بيأثر عالمشاعر

بالنسبه للأربه اللي قبلي أخذهم وهو صغير وطايش تحت العشرين وجلست خمس سنوات
عشان اتقبل انو لما يكلمني ويتغزل فيني فهو فعلا يتكلم فيني

تعذبت من شعور انو كل ماكنت بين يديه اتذكر انو مسك قبلي كم وحده

انا في البدايه كنت رافضه ماأبغى الا شاب بس هو نصيبي ولأنه نصيبي رغم كل العراقيل
والرفض من جهتي بيوم تمت امورنا وصلنا في يو للخلع وبآخر جلسه رجعنا لأنه نصيبي

بس الأمر بالنسبه لي امر نفسي انا ماأتقبل انو ينتقل من وحده لوحده زي ما هو مايتقبل ياخذ وحده مسكها أحد قبله

أنا بقول لك شي مدري يقنعك كلامي وترتاحين أو لا..

الرجل لو كانت زوجته ملكة جمال ودلال الكون وغنجه فيها لكن إذا ما انسجم ولا ارتاح معها ماراح يستمر..راح يدور اللي توفر له الراحة والإستقرار النفسي..حتى وإن كانت أقل منها دلال وجمال...

فإنت ركزي على علاقتك مع زوجك وفري له الحب الصادق والحنان الدافيء.. لا تنفريه منك
بغيرة قاتلة وانتقادات ولوم وحساب..خلي زوجك ينجذب لذاتك وأخلاقك وحسن معشرك وتعاملك.

أنا ما راح أقول لك لا تبكي ولا تحزني وما وقفت الحياة على رجال !

لأنه في هذا الوقت بالنسبة لك هذا الكلام تنفيذه صعب ومستحيل

حتمر عليك أيام صعبة وحتبكي وقلبك يوجعك.. الحكاية مو سهلة لكن مقدور عليها

هذا ابتلاء صعب..

إذا إنت فعلا تحبي نفسك حتوصلي لقناعة في النهاية انك تستاهلي الخير وحياتك فيها الكثير من النعم وحتوكلي أمرك لله وترضي بنصيبك ..

متى توصلي هذه المرحلة؟ يعتمد عليك !
فيه ناس بعد سنين.. فيه ناس بعد شهور ..

ساعدي نفسك بالدعاء واللجوء لله.. مافي شي حيريحك غيره !

لا تتألمي ولا شي...
ماراح يصير شي وراح تتأقلمي وتتعايشي بالايام الجايه وتتعودي
..
مانقدر نتبأ لك بتصرفات زوجك في الأيام الجايه
ونقولك مثلا ماراح يتغير وراح يرجع لك ندمان ويكبر من بعدها حظك
او العكس ...
المطلوب منك تركزي في الاساسيات
حقوقك كامله وحقوق اولادك ونفقتكم ...
تعامليه بما يرضي لله لاتكلفي ع نفسك شي فوق طاقتك عشان مثلا تجذبيه ..
اهم شي للزوج التقدير والاحترام واداء حقوقه..
واتركيك من العاطفه اللي ماتؤكل عيش
يكفي يحترمك ويقوم بواجباته كزوج وأب
ويعفك عن الحرام...
وصدقيني لو تفكري فيها بإيجابيه صدقيني حترتاحي ...
وربي يوفقك ...

__________________
(سيدة الموقف)
لم ننساك ونسأل الله ان تكوني أنتي وأولادك بخير

السلام عليكم ورحمة الله وبركاته..

لا أحد سيريحك خلال هذه الفترة خاصة سوى أمر واحد هو الفرار إلى الله ليبرد على قلبك، حينها سيرشدك عالطريق الصحيح ويكون الأمر بردا وسلاما

وترضي بما كتبه الله لك.

وتذكري من وجودك في هذه الحياة هنا.

جبر الله قلبك بكل ماتحبين..

لا طبعا لاتتنقشين خيير عيد هو ؟؟
استقبليه عادي
اذا تبغين تغييرين وتتضبطين مع الوقت تجملي وكوني دائما قي احلى طله
ودي اقولك نصايح بس لي عوده باذن الله ستنفعك

خلك طبيعية ولا تستقبلينه ..
أنا أعطيك رأيي وأنا متخيله نفسي مكانك ..
إذا جا ما راح أتحرك من الغرفة اللي أنا فيها أو حتى أعدل جلستي ..
بكون متنظفة نظافة عادية ولابسة بيجامتي حق البيت عادي جدا كنه توه طلع مشوار ورجع ..
كلمني .. رديت باختصار .. وبس
ليه أستقبال واستعداد !!
حبيبتي خليه يحس بك .. مو تريحين ضميره .. ترى مع الوقت يقول هذي حبيبة ويبدا يقصر معك ..

نفسك لها حق ..
وأفضل شي تقدمينه لنفسك ( احترامها )
أحترمي مشاعرك وقلبك ..
وخلي لك اعتبار ..

عشان إذا شافك متبلدة وطبيعية يحتار ألف حيرة .. لا تخلينه يفهم شنو ردة فعلك عزيزتي ..

(قدري ذاتك ) إنتي أنثى كاملة سواء برجل أو بدون

انا اتعامل معاه عادي ماأكلمه كثير ولا اسولف قبل زواجه طبعا

بس مو بعداوة ولكن اذا تنافشنا ابكي واعاتبه واستدرك نفسي واقول خلينا نسكر الموضوع وهو يقول افضل

ذكرت انو كان تعبان وكان يتمارض قدامي قربت منه شوي وبعدها بعدت ويوم زواجه نفس الشي بس لما حسيته يستجدي العطف او خايف لا ادعي عليه رديت عليه انو انا انسانه وتبغاني امارضك عشان تروح تنزف لها بالليل


بالنسبه اذا دخل غالبا انا افتح الباب حتى لما يسلم اسلم بهدوء بدون لهفه واحاول ابعد ولو كنت مشتاقه له

طبعا كل هالكلام خلال اسبوع فترة معرفتي بعدها رحل ولايعلم الا الله متى سيأتي وبأي حال سيعود


لهجته عندما يتكلم معي بلهجه معتدله اما عندما يذهب لأمهةيتكلم بالشين

عاد الي مرة وقال كيف حالش استغربت انا مو من منطقته قلت سبحان الله حتى لهجته تغيرت وكأنه كان مسافر ورجع لداره (العروس من منطقتهم وتتحدث نفس لهجتهم)

هل انتقد تغير كلامه ام اعيش فقط واعتبرها مرحله جديدة واني خلاص فقدت كل حياتي السابقه
لأن حتى البيت ناوي يغيره والله العالم اقرأ في تفكيره بيتين فوق بعض او متجاورين

وتعذر انا صاحب البيت بيزوج عياله وسألت احد جيرانا اذا سوف يخرجون من المنزل قالت لأ

مع انه اخبرني انو زوجها هو اللي كلمه
انا دقيقه في حياتي فعلا وهو يحب يعيش ويفلها بدون حصار او قيود

اعتذر اطلت عليكم كثيير بس والله انا انسانه اعشق حياتي وما أحب التغيير جلس جوالي مكسور وماأمداني اصلحه وجلست عليه ومااشتريت غيره لأن احب قديمي واحن له

وما اطالب بالتغيير الا بظروفه سواء منزل اثاث جوالات


وفي النهايه غيرت جوالي لما عرفت بزواجه راح اشتى لي وللعروس

باقي بيتي قلت هذا آخر ذكرياتي معاه الحين بنغير البيت حياة جديدة بكل مافيها

اغبط الناس اللي يحبوا التغيير كل شوي وكل مانزل جديد وماعندهم ارتباط بالأشياء

حنى هو لما يغير فيه شي جوال حلاقه ماكان يسويها اشعر بقلق

ماكان يستخدم وسائل التواصل لما بدأ كل يوم يبحث عن برنامج شعرت بغربه تجاهه حتى تخاصمنا وحذفها هذا الطبع سيء فيني وهو عنده نسبه منه


عموما كلماتكم لها أثر كل ماضاقت فيني فتحت الموضوع وقرأت ردودكم

الاعضاء ماقصروا بس واضح انك مابعد اقتنعتي

ياماما .. كل اللي تشعرين به من أحاسيس ماهي الا ( وســــوســــــة شيطــــان )

الرجال وين وانتي وين !!!

وكأنه عاز عليك انه بعد ماهداه الله تزوج عليك ..

وتقولين بنفسك الحين انا تعبت معه كل ذيك السنين وتجي هذي تآخذه بارد مبرد؟!!

لا يا اختي

ان كانت نيتك لله فأجرك مكتوب عند الله

( لإن يهدي الله بك رجلا واحدا خير لك من حمر النعم )

انتي اعتذرتي عن قيامك بعياله

وهو جزاه الله خير ما اجبرك

لكنه مضطر انه يجيب لهم من تعتني بهم وتطبخ لهم الاكل اللي متعودين عليه

وبما انها من قريتهم فأكيد متربيه على نفس طريقتهم ونفس عاداتهم

فتريّحهم وتريّح زوجك من همه بهم

انفضى وساوس الشيطان من راسك وقفلي عليه ب قدر الله وماشاء فعل