على فكرة اغلب اللي يكتبوا بالمنتدى من جيلك اخي الكريم
وليس من جيل آبائك و أمهاتك !

__________________

+1

وعلى اي اساس جزمت ان الراتب هو سبب الرفض؟

الناس تسال عن اشياء ماتتخيلها حتى عن احترام المراة ومعاملتها بالعائلة وحتى عن الاب وحياته الزوجية لان العيال يورثون الطبع

وحتى ام الولد.. بعض الامهات مثلا مشهورات باللسان الطويل فيردون ولدها حتى لو كان احسن الناس عشان يكفون شرها عنهم اذا كانت سمعتها سابقة


مثال بعيد

في عوائل معروفة رجالهم مزواجين في ناس ماترضى تزوجهم.. بس مايقولونه بوجيههم ويتعذرون بسبب اخر او ببساطة يقولون مافي نصيب

غير السؤال عن النسب والعائلة واللشياء اللي انت عارفها

ولنفرض البنت رفضت عشان الراتب؟ مو اختيارها وحرة فيه؟

مهما اختلفنا معاها.. هي عارفة نفسها ماتقدر وبالعكس ماتعنقطت باي خاطب جاها

يحسب لها انها عارفة ايش تبي.. هي حرة ولا في شي حرام

ماتتزوجه وتسوي نفسها منصدمة ان حالته المادية مش ولا بد!

مثلها مثل الرجل اللي معلق صفة وحيدة بخطيبته اللي هي الجمال ولا شيء سوى الجمال..

نختلف معاه برضو.. لكن هو حر هو اللي بيختار!

نصيحتي لك اتزوج اذا تقدر
افضل شي الزواج المبكر

عسى ربي يكتبه للجميع

يا اخ ياسر اذا فعلا نظرتنا مادية كان قلنا له يللا تزوج دام ابوك غني و دخلك 5000 ريال

هو لو ناوي الزواج تزوج بدون لا يشاور لكن طالما انه وصل هنا يبي يسمع من غيره و من حقه علينا نشور عليه

زواج الولد صغير مشكلة ما يدركها الا من عاش فيها ، صح ان الحياة ماشيه و حلوه لكن تبقى امور مجهولة ما تنكشف الا بعد الزواج
اقلها انه ما يعرف يتعامل مع زوجته فكرياً الا في ما ندر
غير المسؤولية
اغلب المشاكل هي ان الزوج ما يحس بالمسؤولية و للمعلومية ما يشتكون من قلة المادة لانها متوفرة انما يشتكون من اللامسؤولية

صدقيني الموضوع اكبر من مادة بكثيييررر

،

ما في احسن من ان الرجل يكون نفسه بنفسه و يخطط لحياته حتى اذا تزوج يستقر نفسياً

،
و بالنسبة للي خطبهم اخوك ما اشوف اي سبب يخليك تذكرهم وكانك تتشمت بهم
هن حرات في قراراتهن و نصيبهن الله كاتبه من قبل ان تولد انت و اخوك

انا اعرف اكثر من 10 اشخاص متزوجين واعمارهم حول 19 سنة ببداية الجامعة والحين هم موظفين صح امورهم بالبداية كانت صعبة شوي.. لكن الحين امورهم ماشية تمام وموظفين ودخلهم حلو..
وكلهم الحين عندهم عيال ومبسوطين وش الكلام الي يقولون مو واعي وكلام مو فاضي.. والله ثم والله اني اعرف شباب اعماره 19 وعقولهم اكبر من الي عمره 40.. ووالله اعرف رجال اعمارهم فوق 35 وعقولهم صغيرة.. العبرة ليست بالعمر.. العبرة بعلقية الرجل وتربيته وبيئته..

للمعلومية سبب كثرة عنوسة البنات هو تاخير الشباب في الزواج.. لأن الشاب الي عمره مثلا 21 راح ياخذ وحدة من عمره او اقل سنة..

لكن لو افترضنا مليون شاب ما تزوجو وتزوجو وهم اعمارهم 30 .. معناته فيه مليون بنت ما تزوجت وبالتالي هل الي عمره 30 بياخذ وحدة عمرها 29 او 28؟ في الغالب لا !!! راح ياخذون الي اعمارهن 20 وحولها من البنات .. يعني المليون بنت الي انسحبو الى عمر من 28 الى 30 لهم ربي !!
قديما كانت العنوسة قليلة ! ليش؟ لأن الشاب اذا وصلت عمره 18 تزوج وياخذ بنت اصغر منه او بعمره.. لكن الحين الوضع صار ياخذون باعمار 18 و حول عشرين والشاب عمره فوق 30 @!@!

ولا تنسون ان الاناث اكثر من الذكور . فلو كل الذكور تزوجو راح يبقى بنات ما تزوجو..
فتأخير زواج الشباب يسبب زيادة العنوسة..

يا بن الحلال
شكلك نسخت ردك من موضوع ثاني
العمر له علاقة بالنضج بشكل عام
ولد 21و 19يختلف عن 25و26
وانت لازم تصعبها و تقول اما 19. و نطييت. بقولك. او 30. مافي حل وسط!
يتزوج و عمره 25يكون تخرج و توظف او 26سنة. حلوة ومعقولة
ويقدر ياخذ بنت عمرها 20او 19
وبعد ما يكبر شوي و يوصل 35 خل يتزوج وحدة ثانية بعمر 30او اكبر شوي
اذا كانت قضية العنوسة لهالدرجة تؤرقهم و حاملين همها
أليس ذلك مناسب

بعدين ما رديت علينا بالي رفضوا اخوك. وش جاب طاريهن

__________________

ويقولوا ان الذكور بالسعودية اكثر. اللي بالسن الزواج بس الصراحة
مش متأكدة من الخبر
وأخونا في الله. سالم
عنده اخوين لم يتزوجا. ياريت بعد ما يتزوجوا. يتزوج هوا

__________________

الذكور في السعودية اكثر من الاناث.. باخر تعداد سكاني

صحح معلوماتك

والزواج مو واحد زائد واحد يساوي اثنين

التخويف من العنوسة ماعاد ينفع.. اذا البينا ماخذت واحد مقتنعة فيه ماراح يحدها عمر ولا غيره

هل بيحد البنت التعداد السكاني وعزوف الشباب عن الزواج تتزوج اي واحد؟؟ :/

في رجال يتزوجون نساء اكبر منهم

نصيحة لا تبني قناعاتك على ياما ناس وياما ناس.. في اطفال يتزوجون بعد

يستحيل ان تطالب مراهق عمره 12 سنة ان يكون بنفس قدرة وتفكير مراهق اخر عمره 15 سنة

وهكذا مع من هم اكبر

بعيدا عن الصفات الخلقية اذا كان طائش او غيره

الهدف مو زواج لمجرد الزواج وخلاص! ماتبي حياة زوجية ناجحة؟

وعلى أساس ان كل البنات مضمون 100٪ انهم بيتزوجوا لو طبقنا نظام
الولد ابو 19
يعني و ظلت مجموعة كبيرة من البنات الصغار مواصفاتهم الشكلية اقل من عادية مثلا
او فيهم صفة لم تجذب الخطاب. او او. او لم يتقدم لهم احد نهائيا
هذولا سواء خطب ابو 19. او 20 او 30 او 25
غيرهم. ما بيطلعوا من تسميتهم عوانس.
الزواج قسمة و نصيب. مش توزيع أغطية قدور بالتساوي على المجتمع
وضامنين كل قدر لقى غطاه

__________________

الذكور بالسعودية اكثر هذا بالسعودية صحيح

لكن بشكل عام في البلاد الاسلامية النساء اكثر ! الا اذا تمشون على قاعدة نحن شعب الله المختار ومالنا دخل بالغير فهذا شأنكم...

والزواج قسمة ونصيب.. لكن كل شيء له سبب وله تفسير.. وعلى ابن آدم العمل وفعل الاسباب..

وما تفسير كثرة العنوسة بالعصر الحالي وقلتها قديما؟؟