المشاركة الأصلية كتبت بواسطة KHALID2090

وليه ماتتعلمين من قبل الزواج الرجال يتعب علشان يحصل وظيفه تغنيه مستقبلاً وتغني زوجته ولاحصل وظيفه يتعب ويتحملها علشان يجمع حق الزواج
والبنت ببيت اهلها حاطه رجل على رجل وابسط الاشياء بالبيت ماتعرفها ولاكلفت نفسها تتعلمها قبل الزواج !! انا اشوف هالشي مو عذر الزواج مفروض الطرفين كلهم يتعبون علشان بعض من قبل الزواج والله ان الواحد يشيل هم ويحاول يحصل افضل وظيفه علشان بس ينبسط مع زوجته مستقبلاً ويطيح بوحده ماتعرف شي
شي يحز بالخاطر دليل انها ما اهتمت له ولو اهتمت كان تعلمت من قبل تعيش معه

انا قصدي بالسنع مو اني بعتبرها خدامه بالعكس يعني اثنين ببيت واحد مافي شغل كثير لكن كون البنت متعلمه وتهتم لبيت اهلها دليل على نضج عقلها وهذا واقع اتوقع الكل شايفه والشكاوي هنا بالمنتديات وغيرها تثبت هالشي هذي وجهة نظري

المشاركة الأصلية كتبت بواسطة مسز داني

كيف سؤالي غير منطقي
انا آش عرفني انك تعمل
فسألت هالسؤال لان فيه كثير بسنك
لسة ما حصلوا وظائف و بعضهم ياخذ مساعدات من أهله للزواج
فَلَو كنت لا تعمل. كنت سأنصحك بالتريث و جمع مبلغ. و النضج اكثر

نعم. هناك رجال يقدمون على الزواج ولم يتوظفوا بعد
طرح بعضهم مواضيع هنا

المشاركة الأصلية كتبت بواسطة Vanity

مو مشكلة.. لك الحرية بالاختيار اذا كانت هذه اولوياتك..

وكل الانواع هذي موجودة وبكل المقاييس العشوائية

بس لعلمك.. اهمال البيت مشاكله قليلة جدا بالمنتدى اذا كنت بتقارن بالمشاكل الاخرى

مثل الاحترام بين الزوجين والعلاقة الخاصة وغيرها

لذلك هذا التاهيل اهم لانك تستطيع ان تتعلم الطبخ والنفخ وغيره لكن لا تستطيع ان تعلم الاخلاق وتربي من جديد على الاحترام

وغالبا هذه الامور هي الدافع الاكبر لخراب البيوت لذلك لا تغيبها

المشاركة الأصلية كتبت بواسطة " براعم الحب "

مشكوره قلتي اللي بداخلي ^_^

بصراحه مدري ليه الرجال متخوفين من انو البنت ماتعرف شغل البيت وهي تقدر بيومين تتعلمها


اما التفاهم والاشياء الأساسية حاطينها على جنب وهي الاصعب

عالعموم ربي يرزقك باللي تتمناها

المشاركة الأصلية كتبت بواسطة KHALID2090

لأن التفاهم يكون من بعد الزواج بالعقل يعني كيف بعرف اني بتفاهم مع هالبنت وانا اصلاً ماعاشرتها او كلمتها حتى !!

المشاركة الأصلية كتبت بواسطة KHALID2090

السلام عليكم ورحمة الله وبركاتة

مساء / صباح الخير

انا مقبل على الزواج بأذن الله لكن الى الآن محتار بعد البحث الطويل البنات الي اعمارهم مناسبه لي كبري او اصغر مني يكونون أغلبهن مبزره والله ماتدري عن السنع والطبخ بشيء شغل البيت بوادي وهي بوادي ولاهن حقات مسؤولية

وكل الي ماشاء الله عليهن شايلات البيت على روسهن ومسنعات اهلهن وبيتهن ودين واخلاق يكونون اكبر مني بسنه وسنتين حظي المهم فيه وحده متردد بسبب العمر اكبر مني بسنتين انا 23 وهي 25 ما ادري ليه مسألة العمر حاولت اقنع نفسي فيها ماقدرت ودي اخطبها وانا مقتنع ومرتاح

ودي يجاوبوني المتزوجين الي مجربين نفس التجربة سوا كانت زوجه متزوجه اصغر منها ولا زوج متزوج وحده اكبر منه

هل سبب لهم فرق العمر مشاكل او خلافات او حتى فكرتوا فيه

المشاركة الأصلية كتبت بواسطة " براعم الحب "

مشكوره قلتي اللي بداخلي ^_^

بصراحه مدري ليه الرجال متخوفين من انو البنت ماتعرف شغل البيت وهي تقدر بيومين تتعلمها


اما التفاهم والاشياء الأساسية حاطينها على جنب وهي الاصعب

عالعموم ربي يرزقك باللي تتمناها