بداية اتمنى ماتنتظرون لي بنظرة الاستحقار
انظروا لي بنظرة رحمة او شفقه او ايا كان بعيد عن الدونيه
حبيت شخص لمدة اربع سنوات ، سميته ابوي وكان راحتي واماني ودنيتي كلها
عمري ماتخيلت بحياتي رجل غيره ، وياكم تخيلت نفسي زوجه له ياكم تعاملت معه على هالاساس
كنا شبه ناوين نتزوج بس للاسف عنده عقده من الزواج وخوف
بغض النظر عن كل التفاصيييل اللي صارت عن هالموضوع
الا انه بالنهاية قال ما اقدر اتزوج وهالموضوع ماله حل بالنسبة لي
المرحله الاخيره صرت ابي اتوب وابي استقر حالتي معه كانت متعبه نفسيتي
فتحت معه الموضوع الف مره وكلامه يكون نفس الشيء عن موضوع الزواج
كنت انخطب كذا مره وارفض ، الا اخر مره خاطب مبدئيا ارتحت له
صارحته بالموضوع وانقلبت نفسيته وشفت ضعفه اللي ماتوقعت قوته ممكن تكون كذا
المهم بالاخير سلم امره وقال انا واثق باختيارك
ويارب يكتب لي ولك الخير ووو
انا لمن تاكدت انه مايبي الزواج نهائيا وشفت نفسيتي كيف اظطربت وتعبت جدا
وجاني خاطب متدين والكككل يمدحه ويثني عليه بشكل غير طبيعي بعد الاستخاره وافقت عليه وتملكت
تركت هالشخص حوالي شهرين الا شوي
وهو هالفترة اثبت لي رجولته فعلا ، لااستفزني ولا حاول يخرب علي او من هالقبيل ،
صبر وكان قد كلمته انه لو ماتبيني ماراح اجيك ابدا
وصار يجي ببالي كثير واشتاق له جدا واتابعه من بعيد لبعيد بس ماحاولت ابدا
اني اجيه لاني صرت بذمه رجال غيره !
المهم بعد المكالمات انصدمممت بشخصيه زوجي بشكلل
ضعيف وهش بشكل ما اقدر اوصفه ، سلبي نكدي يفسر الامور بطريقة غلط ، يزعل بسررعه
ينتقد الناس ويتشره على فلان وعلان
عصبي ولسانه ينفلت منه
يشيل هم من اتفه الاشياء ، يتذمر كثييير عاادي يصيح عندي ماعنده مشكله
يحبني جدا جدا لكن وبكل اسف حبه غير ناضج
يبيني طول الوقت معه لو اروح لامي يقول
انا زوجك انا احق بامك انتي ماتهتمين فيني انتي ماتحبيني
ومن هالكلام اللي يتعب نفسيتي جداا جدا
بالبداية جلست ارمم بشخصيته واكسبه ثقته بنفسه واعزز من رجولته واسمع كلامه
واقوله انت على عيني وراسي وتامر امر وحقك فوق راسي وحاضر وسم وابشر
لكن تعبت ، صرت مكتئبه احاول اضحكه بس للاسف مايستجيب
عادي وانا اقوله سالفه يقوول ااااهه الله يعيين اهه محد حاس بي
طبعا شيء مهم ماذكرته ، انه ابوه توفى من كان عمره 4 سنين وتربى على يد امه وعاش بمشاكل مع اخوانه من ابوه وقبل لايخطبني بشوي توفى اخوه الاقرب لقلبه
هالاشياء دمرته ماقوته
جلست اقارن بينه وبين حبيبي !
مافي مقااااارنه نقييض بعضهم 😭
قوي وطموح مثابر مايتكلم كثير عن همومه مايعاتب ولايتشره
مررح يحب الضحك وجدي باوقات الجد مكافح يثبت ذاته بشغله وبين اهله واخوياه
صبووووووور جججدا
احس معه فعلا بشخصية الرجل
احس بانجذااب له بعكس زوجي مافي شيء يجذبني له
قاسي جدا وقت الزعل يدمرني بس الاربع سنين علمتني كيف اعرف اتعامل معه
بيننا انسجام كبيييييييير كنا لايقين على بعض
ومن عيوبه متفتح جدا ، دينه ضعيف ما اثق فيه من ناحيه البنات والعلاقات
بس تعودت عليه وعررفت له وفهمت كيف اتعامل معه ، اقدر اقولكم حتى بعض سلبياته حبيتها !
عارفه اسلوب المقارنه غلللط بس غصب عنيي
انخدعت بزوجي من ناحيه شخصيته
كنت اشوفه صوره كله يضححك ووجهه مليان حيويه ، وين راح كل هذا !
ايضا قصييير مرره هالنقطة دمرتني دمرتني
ماكنت ادري عنه بالشوفه كان جالس
يهمني الرجل الطويل يحسسني بهيبته ورجولته
اتذكر طول حبيبي واندمر ابيه ابيه
وزوجي مافي شيء يحسسني برجولته !
لا من ناحيه شخصيته ولا من ناحيه جسمه
اللهم عصبيته !
خايفه اظلم زوجي معي
خايفة ما اعطيه حقوقه خايفه اخونه
وانا خنته وهالشيء ماتوقعته مني اببدا
انهرت عند حبيبي ورجعت له بحب وشوق مضااعف
ما استاهل زوجي لانه شريف ومحافظ على نفسه
واوقات اقول مايستاهلني انا استاهل رجل يحسسني برجولته وقوته
يمكن هاللي يصير عقوبه من ربي على ذنبي اللي سويته
ااخخ انا تركت حبيبي ونويت اتزوج تركا للمعصية ورجعت بمعصية اعظم اللي هي الخيانة
مدري شسوي !
ضايعه ضايعه ضايعه ضايعه
ارجوكم لحد يسب ، نفسيتي متعبه للاخر ما اتمنى احد يزيد علي
كنت حاطه موضوع قبل عن زوجي وشخصيته ، ارجعوا له بحيث تتبين لكم شخصيته اكثر
واشتغلت عليه بس بعدين عرفت ان هالمشكلة فرعية ومشكلتي الاساسية مقارنتي بين حبيبي وزوجي وشوقي للايام اللي راحت
وش مصيري مع زوجي ؟
كيف انسى هالشخص واتأقلم مع زوجي بكافه عيوبه
كيف اتناسى قصره واتقبله كل ماشفت رجل قصير اقول كويس مو بس زوجي عادي
، ثم اكتشف ان زوجي اقصر منه !!
ليت الايام ترجع ولا وهقت نفسي ولا وهقت زوجي معاي
افكر بالانفصال بس زوجي راح ينهار او حتى ممكن يموت
ارجع اقول ارجوكم نفسيتي تعبانة لاتزيدون علي ، احتاج نصايح وتوجيه
لاتحرموني من دعاكم
يارب اختر لي ولا تخيرني
ترددت كثيير بكتابة الموضوع ويارب ما اتندم