28-08-2013, 01:28 PM
28-08-2013, 02:02 PM
28-08-2013, 02:22 PM
|
المشاركة الأصلية كتبت بواسطة ام بدر وسميه
السلام عليكم ورحمة الله وبركاته تبون الصج انا فيه وحدها متضاايقه منه فيه ريحة مو زينه
وانا مليت وابي افتحها فى الموضوع بس أخجل منها هي مره عوده يعنى جبيره بالعمر المشكة قاعده وياي والله يابنات ليعه جبدي من الريحة ابي اصارحه بطريقه حلوه بدون أجرح شعورها حتى الامكان اللي تقعد فيه هم فيه ريحه شينه ابي أحل المشكله بدون آذي شعورها والله رحت الصيد ليه وجبت شامبو وجبت مزيلات عرق ولا خليت شي بس حطتهم بشنطه حتى شريت فوطه تنشف فيها جسمها بس ماكو فايده احب اقولكم شي ترى انا مو جريها ذاك الزود |
28-08-2013, 03:30 PM
28-08-2013, 04:48 PM
|
المشاركة الأصلية كتبت بواسطة ام بدر وسميه
امين الله يعوض امج وأختج بالينه يارب والله اصعب شي بالحياه انج تقومين على انسان عاجز
وخصوصن اذا جان وزنه مايساعد انا رفيجتي مغربيه وقلت لها ابي تسوين لوحدها حمام لانه تشتغل بصالون ويت والله بس لما سوت لها قالت المره الثانيه راح اخذ خمس ميه عليج لانه تقول تبي تنظيف وتبي احد يجبله اربع وعشرين ساعه وانا صعب ادفع لها خمس ميه كل أسبوع حتى عياله ماارضوا يقطون له والممرضة وش حقه هي تمشي وتروح بس ماتلحق بعض من جسمها وهي من النوع ماتحب الخدام حريصة على الفلوس حييييل حتى لو ماهي اللي تدفعهاهي تقول معندي مشكله لانه متحس او أنها ماتشم عدل والله مدري |
28-08-2013, 09:31 PM
28-08-2013, 10:18 PM
|
المشاركة الأصلية كتبت بواسطة ام بدر وسميه
وبعدين انتم نقد تو أسلوبي والحجي فيه بس هذا سلوبي
انا صريحه ولا احب إجامل صح انه مو ضيقتنا لان العشاء والغداء مسوى بليها والأني مقصره حتى تقول انت يبي الله يرزقج بحريم عيال زينات لانج طيبه ودايم تمدحني بس مشكلتنا الحمام امس اخذت بنصيحتكم وملئت ألبانو مويه وقلت لابنتي اجلسي وياها ولما شافت المويه قالت ليش تلعبون فى المويه الورع مالن ألبانو مويه وتقولي اقعدي فيه هذا إسراف وحطتنافى مشكله من لاشي ياختي الحرمه ذي لو تلقى احد يعطيه وجه جان شفتي شيء ثانى وحدها من بناته تقول امى شريه بس لقتكم أجواد ولاتهوشونه ولا تكلمون فى شي يرفع ظغطها يعني حناكفين خيرناشرنا اي شي تطلب نجيبه حتى اذا جبنا مقاضي البيت تهوش بس حنا نسكت عنها بس عشان الظغط والسكر والله ان اخوي اهو اللي يسحب منها دم وهو اللي يحللها واهو اللي مشرف عليه حتى يقيس الظغط والسكر ويقول زين يوم تجيناكان حييل مرتفع بس هالحين صار زين يعنى كل هذا اللي سوينه وش نبي مانبي لاحمدنا ولاشكورا والله رفيجاتي لما يجوني يقولون وش دخلج فيه منتي مساوله عنه بس انا ابي الأجر ولا على من احد معنى اسمع من الحجي لاين يصدع راسي بس انا مسويه طااف حتى أنى طلبت عمتي تجئ عندي من الكويت ابيه تشوفه وشلون تسويه مثله آخر شي قالت عمتج تاجره مااتدري وين تحط الفلوس والله العظيم انهااتجر من عمتي بس عمك اصمخ مشكلتنا الحمام والحرص الزائد عندها يعني البخل لاحول ولاقوة الابالله |
29-08-2013, 12:51 AM
29-08-2013, 02:04 AM
|
المشاركة الأصلية كتبت بواسطة روح المساء
طيب أنا مادري ليه زعلتي النصيحه كانت لمصلحتك مع إني نصحت وليس انتقاد لشخصك
قلت تلطفي بالحديث عنها لا أقل ولا أكثر وماحد قال جاملي بس حتى الصراحة لها أسلوب راقي في الحديث أكيد ماترضي لاقدر الله أحد يتكلم عن أمك بهالأسلوب بغض النظر عن السبب صح ولا أنا غلطانه بعدين قلت لك والله حاسة فيك أكيد شي صعب ومحد أنكر على فكرة مشكلتك ماتعرفي تسايسي يعني مثلا لما قالت عن المويه إسراف وكذا ببساطه كان رديتي والله ياعمه خلي العيال تنبسط كلها مره بالأسبوع مايأثر تحايلي عليها وبإمكانك عند دخول الحمام معها حدثيها قولي أنا سأنظف جزئك العلوي وأنتي السفلي وهي عندما تبدأ بالتنظيف أعطيها الليفه فيها الشامبو أو الصابون لفت نظري رد الأخت نور الإيمان ردها بالصميم والله |
29-08-2013, 02:13 AM
|
المشاركة الأصلية كتبت بواسطة نور الإيمان
غاليتي لم تذكر ما صلتها بكم ؟ هل هي أم زوجك ؟
عزيزتي ردك الاخير اكد بأن مشكلتها بالمنطقة الخاصة لا تستطيع ان تنظف نفسها فكيف تنتظرين أختي الفاضلة من مرأة بلغ بها الكبر والمرض وثقل الحركة حتى باتت تتبول اكرم الله القارئ وهي واقفة ان تستطيع الوصول لكامل المنطقة الخاصة وتنظف نفسها ؟ عزيزتي كلام الناس واللي يقول ريحة سواء سمعتيه او خايفة انهم يقولونه في حقك فهذا لو كانت المرأة ترفض مساعدتك ولكن المشكلة في نفسك الغير قادرة على تنظيف كبار السن واستنجائهم من البول والغائظ وازالة الاذى عنهم ، ولذلك يجب ان تقولي لهم انك غير قادرة ومتقرفة وان المشكلة في عدم قدرتك على لمسها وتنظيفها حتى لو قمتي بعمل حمام لها يبدو انك تنظفي الجزء العلوي من جسدها فقط ولا تنظفي المنطقة الحساسة عندها ابداً ويحسب عليها استحمام ولا اعرف كيف لمرأة كبيرة بالسن ان تجلس في حوض ماء هل هذا حل مجدي وسهل لمن هي بسنها ووزنها ؟ حتى لو جلست هي بحاجة لمن يغسل المنطقة بيده وينظفها ؟ هي بحاجة لمن ينظفها باستمرار عند كل مرة تدخل بها الخلاء وهذا اقل حقها طالما انها في بيتكم وطالما انها غير قادرة على فعل ذلك لوحدها فالاستحمام كافي مرة او مرتين في الاسبوع في حالتها ووضعها وما يلزمها هو النظافة الشخصية والتجفيف عند كل دخول للخلاء وليس الاستحمام هو سبب المشكلة هناك ليفة كبيرة ذات جيب تضعي يدك به ويمكنك بكل سهولة تنظيفها من البول والبراز دون ان تلمسي جسدها او تصلي له بيدك او تشعري به حتى ، قولي لها امي انا مثل بنتك ادخل معاك وانظفك بعد كل قضاء حاجة ولا تنحرجي مني يا امي ما يصيبك من تقرف وعدم قدرة على تنظيفها ذكرتي انه ( وراثة ) ولكني اطمنك اختي بارك الله فيك ان هذا لا علاقة له بالوراثة ابداً وحتى لو كنتِ مقتنعة انه وراثة سأسألك اختي الكريمة عندك بنات صح ، يشمون ريحة المرأة ومتأكدين انها بحاجة لنظافة صح ، عارفين ان ماما متقرفة ومو قادرة تنظفها صح الم تتوقفي لتعرفي الرسالة التي ترسلينها لبناتك يا غاليتي دون ان تدركي ؟ ما تفعلينه يعني ان حلقة الوراثة هذه ستلاحق بناتك مستقبلاً وسيعيد التاريخ نفسه بين بناتك وكبيرات السن من العائلة وربما حتى مع امهات ازواجهن فيما بعد يا غاليتي حتى نجعل اولادنا يبرون الكبير فهذا لا يُعلم ولا يُقرأ ولا يُدرس بالكلام بل هو سلوك يمارس امام الطفل فيكتسبه ويتشربه ويطبقه معنا ومع غيرنا في الكبر وكلما كان هذا العمل قاسي علينا كلما كان الدرس اكبر واعمق وترسخ في نفس ابنائنا عن البر واكبر دليل قولك ان ما حصل معك وراثة ، فالمسؤولية لا تسقط بالنقد والشكوى والتذمر طالما ان المرء بيده حل الامر لو كل شخص اتى وقال رائحة وذهب دون ان يقدم شئ فعلي للمرأة هل قام بما عليه فقط بالتذمر والتأفف من الرائحة ؟ حكت لي صديقة ان لها زميلة في عملها كانت تنزل يوميا لجارة لها كبيرة بالسن تنظفها بالكامل وتنظف لها اذنها وتقص لها اظافر يديها ورجليها ، تقول : المرأة كانت تدعو وتقول الله يرحم الام اللي ربتك ويجزاها الجنة تقول ان دعوة المرأة لامستها واقع معي ومع والدتي في حياتنا فلم تكن تمر بنا مشكلة مهما كانت كبيرة وتستمر اكثر من يوم الا وتحل بدون جهد ولا تعب اختي كلما فتحنا لك باب اغلقتيه ، واصبح الرد يدور في نفس النقطة ولذلك ان لم تستطيعي ان تقومي على نظافتها فاقترحي مثلا على احدى النساء من عائلتك او قريباتك من كانت لها القدرة النفسية والصحية على القيام على نظافتها الخاصة دون تقرف او ملل او تأفف او شكوى ان تأخذ هذه المرأة عندها وتكسب بها اجر وزوجك لما يعرف ان وضع المرأة عند غيركم افضل لها من بيتكم سيقتنع فالصبر الذي يؤجر عليه الانسان ان يقوم بالعمل على اكمل وجه دون تأفف ولا شكوى وهو لا يطيقه ولكنه يقوم به وهو يحتسب الاجر والثواب من الله ورضاه عز وجل وكلما كان قاسي على نفسه كلما كان اجره عظيم وكتب من الصابرين واوافق غاليتي روح المساء في اسلوب عرض المشكلة ، كان المفروض ذكر السبب الرئيسي وهو تقرفك من تنظيف المرأة ، دون ذكر هذه الاشياء عنها فليس على المريض حرج ، فهذه الطريقة في العرض تجعل المتلقي يستهجنها في حق كبيرة السن بارك الله فيك أختي |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
