نا الي عملت الزواج والمهر يعتبر قليل بمجتمعي
حالته الماديه زينه يمكن عنده اقساط سياره ويمكن يعطي مبلغ بسيط لبنته من طليقته تقريبا الف ريال ويقول انه عنده قرض من زواجه الاولي
هو ماعمل حفله زواج لا للحريم ولا للرجال
انا الي عملت حفله زواج للنساء
ولا جابوا شبكه ولا ذهب ولا عطاني صباحيه
ايه قلت له بخيل وندمانه اني قلت له
طلبت منه يطلع صوري لاني دافعه ثلاث ارباع السعر بالعربون ورفض ومره نزلت المشغل وطلبت فلوس قال ماعندي قلت خلاص ودني للبنك اسحب وسحبت فلوس ودفعت للمشغل ورحنا لاهله لان كان عندهم عشا
وبالعيد ماعطاني اطلع فستاني للعيد و زعل تركني عند اهلي عشره ايام ايام العيد قضيتيها عند اهلي
ولما ردينا قالي لازم تاخذين ابره منع حمل لمده سنه ورحنا طبيبه وارفضت الطبيبه اخذها واخذت بدالها حبوب مانع
حالته الماديه زينه راتبه تقريبا 15 الف او 14 الف
بالنسبه انه بخيل انا لاحظت انه حريص ويتضايق اذا دفع
بس بعد الطلاق اخوه قال مايهون عليه الفلس يعني بخيل وصديقه الي اهو اخو صديقتي قال انه معروف بالبخل وطليقته الاولى اوصفته بالبخل يعني انا االفتره الي قضيتها معاه بسيطه مقدر اميز وهو وداني شهر عسل وجاب لي هديه اول الزواج جوال فما اقدر احكم لما طلبت مصورف طلبته من حرتي علىاهماله وعلى موقف سواه فيني كانوا اهلي بيسافرون فقلت له البيت بيفضى وين بروح وانت شفت بدوامك سكت وسفهني اخر شي قلت خلاص بحجز واروح مع اهلي قال اوكي بعدين قالي انا اخذت اجازة من العمل وبروح مع اصدقاي البر احتريت قلت شلون توك تقولي ماتقدر تترك العمل وصعبه والحين يوم صرفتني مع اهلي صار عادي وطلبت مصوروف ولا انا كنت متكفله بعمري هالفتره الي قعدتها عنده ولا عمره عطاني فلوس بايدي حتى لما يغيب بعمله يومين او ثلاثه
المهم انه نزلني عند اهلي ويسولف ويضحك راح لاهله نام عندهم ثاني يوم كلمني زعلان واسلوبه مو زين ويقول انا مو مرتاح وبلما ردينا من السفر كلم اخوي يقول واعدني بالمحكمه اطلق وكلمني بعصبيه قال شيلي اغراضك مابيك وراح للبر مع اصدقاه لمده يمكن عشر ايام وبعدين عقب الطلاق راح لمصر يتونس وانا قاعده هنا مقهوره
احسه حن لحياة العزوبيه حن لحياه مافيها مسئوليه هو مو صغير فوقا الثلاثين عمره
بس للاسف ماعنده حس مسئوليه

نصحتي لكي انك تنسينه
وان شاءالله ربي بيعوضك باحسن منه
وعسى ان تكرهو شياء وهو خيرون لكم
لكي ودي^-^

هل تعلمي أختي ليست المشكلة في أنه بخيل أو غير بخيل .. !!!

المشكلة أنه طلقك بعد شهرين فقط .. أي رجل هذا الذي يتزوج بنت الناس ثم يطلقها بعد شهرين أي ذنب ارتكبتيه ليطلقك بعد شهرين !!.. مهما بلغت الخلافات وحتما لن تبلغ حدا يستوجب الطلاق بعد شهرين فقط ..

وهو وأعيدها لك سبق وأن كانت له تجربة زواج فاشلة تجعله يحرص أشد الحرص على إنجاح زواجه الثاني .. خاصة وأنه ليس بصغير من كان في عمره يفترض أن عندهم ثلاث أولاد وأكثر !!

لاتلومي نفسك .. واضح أنه لايريد أن يتحمّل مسؤولية الزواج وفتح البيت وتكوين عائلة وإلا كان وهو الرجل عرف كيف يتعامل مع أي خلاف بينك وبينه لاأن يطلق فورا وحسبك الله ونعم الوكيل ..

بإذن الله ربك لن يضيمك وسيعوضك بالزوج التقي النقي لاتقنطي من رحمة ربك.

__________________
بالغار كللت أم بالنار ياشام ..أنت الأميرة تعلو باسمك الهام ..

اختي الان وضحت الصوره

اولا قبل كل شي اؤيد كل كلمه في اخر مشاركه لاختئ دانة سوريا

بالفعل المشكله ليست في البخل

بل في عدم تحمل المسئوليه

وللاسف هو اخذك بكل سهوله ولم يصرف الكثير فسهل جدا يتخلص منك متئ ما اراد ان يرجع للعزوبيه


وايضا اختي حتئ لو فكرتي ورجعتي وقلتي بتصرفين علئ نفسك وما همتك الفلوس لكن يتظلمين ابنائك مع هذا الرجل

هل تضمنين استمرارك في العمل وتحمل الحمل والولاده وتربية الابناء وووو

استخيري ربك يا اختي ولا تندمي علئ شي

جزاكم الله خير فعلا من استسهل الزواج استسهل الطلاق

الله يعلم كيف انا حاسه فيكي جوزي طلطلقني قبل شهرين وانا اترجاه ما يطلقني بس ما اتظلك اتقولي لو لو لولو وتلومي نفسك خلاااص الله كتب الطلاق وخلااص واذا في مجال ترجعي ارجعي ووسطي ناس

سمر حاولت وكلمته بس مصمم وانتهت العده ولا ردني وحتى بعد العده حاولت ولا ردني وقالي رحعه ماني راجع والحمدلله يارب الله بعوضني خير ماراح اذل عمري اكثر من كذا