ان ماخاب ظني زوجك موظف عسكري...؟

تعرفين ماله غير حل واحد يقدر فيها النعمة الي عايش فيها

تقنعينه تروحي لبيت اهلك كم يوم وحبذا لو كان اسبوع
وشوفيلك اي تصريفة او اي وسيلة اقناع لو تفهمين امك او ابوك يتصل عليه يقوله يجيبك لعندهم محتاجينك بشغلة او اي شي
الهدف من الروحة لبيت اهلك يفتقد الاكل الجاهز ويروح يتعب ويجيب لنفسه ويحس بقيمتك , لعل وعسى يتجدد الاشتياق والحب , وشكله مزاجي ... بس مو تسوين مشكلة عشان تروحي لا كلميه باي وسيلة اقناع ومتاكد بيفتقدك ومايستغني عنك يوم واحد<<< هذا احساسي لاحطيت موقفي بموفقه عندي الحسن والدلال وكل هالدلع وفجئة كل هالنعيم غير موجود ^_*

بس ماشالله شي حلو كل ماجا معه هدية والله يابنت الناس انه يحبك ولاتخلي شوية اشياء تنغص حياتك وغيرك يحسدك على هالصفة الي فيه

بس رفضه الطلعات والخرجات خلتني اشك انه موظف عسكري اذا صح ((لكل حادث حديث))

اشكر مداخلتك ومرورك اخي الفاضل

شوفي من كلامك ووصفك له قستها عالتجارب الي عندي وموظفين عسكريين متزوجين وهذي حالهم

ممكن 70% من الموظف العسكري هذا حالهم ,,

وانتي ماشالله من خلال وصفك انسانة بصراحة يتمناها الف رجل يعني مستحيل مايلبيلها كل طلباتها دام شريكة حياته بها الموصفات وبهذي الحياه

والمهم هو ماينتقدك الا من ضغط العمل الي فيه وصدقني الموظف العسكري 80 بالمية تجيك نفسيته بالحضيض وصعب الممارسة معاه واوامر عليه بالعمل مالها اول ولا تالي ..
وهذا غير الاصحاب الي معه بالعمل بالغالب يجوك عقلية متحجرة وعلوم رجال لدرجة مبالغة فيها ,,

خلني اذكرلك موقف صار لاحد خوياني , جاله قبول كموظف عسكري بالرياض وللمعلومية احنا بجدة وعايش معنا بجدة وتعرفي شباب جدة شوي منفتحين ومهتمين بالماركات وكذا
واخونا هذا الي راح للرياض وتوظف عسكري ورجعلنا بعد فترة اخذ اجازة , والله انه تغير 500 درجة مو 180 درجة
صار ينتقدنا عالجنز هذا اولا صار ينتقد الطلعة للاسواق ويقول الرجال ماله غير بيته واذا مرة مرة نطلع نخيم بالبر...؟
للمعلومية كان من اشد المعجبين بالماركات ولبس الجنز ويكره البر بحكم ان جدة كلها بحر واسواق وكان معنا
بس صارت عقليته شوي متحجرة وافكار اثرت عليه واشياء كثيرة لو بسردها يبغالي صفحة كاملة....
الهدف من هالمعلومة انك تتقبلي زوجك بحلوه ومره وغيري فكره شوي شوي
مع ان العمل احيانن شفتات ومرابطات يوم كامل وبيرجع البيت يكبر المخدة
اول شي عشان ترتاحي حطي ببالك انه موظف عسكري ونفسية الموظف العسكري دايم غير مرتاحة بالعمل من اوامر وكذا
يعني لاتقارني نفسك بانسانة ثانية كيف حياتها مع زوجها
والله يعينك والله يسخرله لك , ولاتسمعي له يوم ينتقدك والله انتي ونعم المرأة قايمة بواجباتك على اكمل وجه بس البلا بنفسيته

ومعليش من كثر ماهو مقفل على نفسه وعليكم بالبيت وفجئة يقول بتزوج ثانية ويشاهد افلام اباحية ابصمت بالعشرة ان نفسيته ماهي سوية وانه موظف عسكري

هو ماعتقد انه يتزوج لانه اصلا الان مايقدر يتزوج لاسباب كثيره اولها الماده ثانيا لما تخاصمت معاه على ذا الموضوع قلي انتي منتي مقصره معي بشي ليه اتصرفد على نفسي بس احسه من كثر مايتكلم ويمزح في ذا الموضوع صرت اشك
على العموم انا ماهمني يتزوج ولالا ؟؟ الخسرانه هي وهو مو انا لاني اقسمت ايمان مغلظه لو يتزوج علي يحرم علي ولاعاد يشوفني هذا شي منتهين منه ومافيه اي نقاش وهو بكيفه وانا مريحه راسي لاني شفت التهديد كثر بالزواج يعني ياتسوين كذا يااتزوج
قلتله هو انت بتذلني لانك تقدر تتزوج مين ماسك روح ومبروك مقدما والله يوفقك بس اذا ماناسبتك لاشوف خلقتك قدامي ياحبيبي
والافلام الاباحيه والله العظيم ماهمني خان ربه الي خلقه ورزقه وانعم عليه وش يعني انا ان كان ربه مارده برده انا ولازعلانه ولاشي زعلانه لان الدين فيه لك عليه

انا بس بوضح نقطه ان ابوه الله يرحمه كان شديد جدا جدا في البيت يعني اذا دخل صمت رهيب وكان يتريق عليهم في كل شي ويحرمهم من كل شي الله يرحمه كان معه امراض كثيره وهو اللي ظاهر لي هذا الشبل من ذاك الاسد لان زوجي لايعجبه العجب ولا الصيام في رجب
اشكر عوتك مره اخرى

عزيزتي أنتي تقولين أبي أغير زوجي وعلي هالشخصيه مستحيل تغيرينه
أصلا حبيبتي أنتي لو تشوفين شخص مقدر نفسه ويهتم في نفسه ولايرضاء بأي شي أكيد راح تحاسبين وانتي تتعاملين
لكن لو شخص العكس ماراح تهتمين منه

وهذا ينطبق عليك مع زوجك أنتي ماقدرتي نفسك ورضيتي بكل شي وشلون تبينه يقدرك ويهتم فيه
لاتتسرعين وصدقيني زوجك مو سئ لهالدرجه وفي رجال أسوى منه بكثير
لكن لازم تصبرين وتحاولين لاتستسلمين

__________________

ماعاد بصبر واعلى مافي خيله يركبه

والغدا لازم يكون كبسه الين مانموت والغدا كبسه اقله ياحبيبي طفشنا خلاص خلينا نغير لو كل بعد فتره يقول مو عاجبك سوي لنفسك اللي تبغينه وانا اطبخيلي كبسه ولا ياكل لو سويت شي غيره والله انه ماياكل استغفر الله العظيم احسه ينرفز مايتنازل عن طلباته ابدا

ماراح تقدرين تغير زوجك قبل تغيرين نفسك
صدقيني مستحيل يتغير أي وضع بالعكس بزيد ويتعقد وراح يوصل للطلاق
فتشي في نفسك شوفي عيوبك أجلسي مع نفسك جلسه طويله وأعرفي إلي لك أو عليك
وبعدها تقدرين تغيرين حياتك
ولازم تحاولين تغيرين أسلوبك في التعامل

__________________

ماذا ترين برايك ينقصني حتى استطيع تغييره ؟؟
والسؤال الثاني لو انتي في مكاني كيف تتصرفين مع شخص هكذا؟؟
اريد رايك اختي الكريمه في هذين السؤالين
وعلى فكره تراه يملك من الدهاء والحنكه الشيء الكثيريعني يلف المواضيع ويقلب الخطا عليك عوجا ولامقتطره
مهما كنتي مثاليه وتخرجين من عنده مثل مادخلتي
فاقف امامه عاجزه
ويبقى لاحياة لمن تنادي

أول شي يبقي علمي قاصر جدا لاجلست معك ولاأعرفك شخصيا حتي أقيم وش ناقصك أو التغير إلي تحتاجينه
شوفي أنا لو مكانك بصراحه من أول ماراح اسمح بهالشي يصير أنا من النوع إلي مايسكت عن حقه وعلي وعلي أعدائي
خاصه أنزل عباتي وأطبخ لو يطق راسه في أقرب جدار ماسويتها
بهايط وبعاند وبجلس في حلقه
شوفي لو زوجي نفس طبع زوجك راح أبكي عنده بعد الصراخ وشوي حركات وكلام حلو وممكن أضمه بعد ماافرغ حرتي وأقول كل الكلام إلي في خاطري
والرجال ضعيف جدا عند دموع المرأة وهذا معروف
وزوجك شكله من النوع إلي يبي يفرض رجولته وأني رجال عطيه جوه وخلي دمعتك قريبه
وأمدحي فيه غرقيه مدح

مو شرط أني أشتغل له ليل نهار يعني مافيني عيوب وبعدين أقري مشاكل الرجاجيل يقول مااحبها عندها تقديس للحياه الزوجيه ومطيعه ومدري إيش
وكل إنسان له مفتاح لو تجلس علي هالحاله الله يعينها علي الضره
مو أشجعها علي التمرد وتخرب بيتها لكن كل شي بعقل مو تخربها ومو تطلع مرره وعسل وكل شي يعجبها

إضافه لكذا لازم تعيش حياتها يعني طول الوقت تفكر فيه كيفه بالطقاق
لازم تغير نفسها وتطورها لو تعيش طول الوقت تفكر فيه ومشاكلها معه راح تشيب ماوصلت لحل لأنه وببساطه مافيه شي تغير عشان تنحل المشكله
لو تطور نفسها وتقراء كتب تطوير الذات وتنشغل عن التفكير فيه راح تتغير الأمور وتتغير حياتها
علي هالحاله ماراح يتغير شي

__________________