اخوي أرى السبب الرئيسي في عدم الأنسجام والتوافق بينكم في زوجتك وفيك:
1-الصلاة عامود الدين فكيف ترجي صلاح بيتك ولم يصلح دينها؟؟؟؟عليك بنصحها لتقرب لله ووعضها بأدب وحب ليس بأمر,مثل احضار الكتب عن عقوبة تارك الصلاه وحكمها مع هدية بسيطة ليسا الماس لو علبة شوكولا,افتح محاضره في النت عن الصلاة وقلها بحب خلينا نشوفها سوى واصلح من نفسك في دينك أنت ايضا لكي يصلح بيتك.
2-صغر سنها ايضا وعدم تربية اهلها لها ساهم في المشكله فعليك تربيتها أنت من جديد وكونها صغيره فهي لينه يسهل تشكيلها لكن بفهم ورويه وحب واحتواء وليس بعنجهيه.
3-عليك عدم اقحام امك أو اهلك بأي مشكله بينكما فعليك حلها بنفسك لأنك أنت عندما اخبرت أمك بعيوب زوجتك ماالهدف من ذلك؟؟؟؟؟هل هو انتقام لأبيك من أمك؟؟؟يجب أن تعي جيدا أن هناك من أهل أمك يحملون أخلاقا راقيه وكذلك أبيك,فأنت عندما اظهرت لأمك سوء تصرفات زوجتك أنت تسيء لزوجتك وليس لأهل أمك؟؟؟وأيضا تملأ قلب زوجتك عليك حقدا وكرها فهذه حياة وليست حربا.
3-أسلوبك فيه نوعا من المنه ياأخي احذر أن تمن على زوجتك،مثل أنا سويت لك وأنا عطيتك حاول أن تتلافا ذلك.
4-قلل من تدليلك لها ولكن اكسب زوجتك بالمعامله الحسنه التي لاتهدم قوامتك ولا تكون شديدا عنيدا كن بين بين.
أسأل الله أن يصلح حالكما ويهديكما لما يحب ويرضى.

هضاب نجد شاكر لك مرورك العطر

بالنسبة للصلاة نصحنا ونصحوها اخواتي لأنهن وضح لهن تركها للصلاة بدون سبب حتى بنات خالتي الي يزرونا في البيت شافوها ماتصلي واستغربو منها لدرجة اني قلت لها يابنت الناس صلي ولا بودك مكتب الجاليات يعلمونك الاسلام استحي على وجهك مالك دين انتي ؟

بالنسبة للاهل امي كانت تدخل مجرد ماتسمع صوتي اتهاوش معها او انها تسئلها وطبعاً كالعادة اطلع ان الغلطان لو اطلب ابسط حقوقي حتى تنظيف بيتي

بالنسبة لصغر السن مادري وش الحل فيه البنت هاذي ولله مايقواها احد وبعدين صرت اخاف تنحرف طريق خاطئ لانها ماتفكر في احد ابد ولا عليها من احد ماتحشم لاكبير ولا صغير والبيت الي هي فيه

بالنسبة لاسلوب المنة هي الي اقحمت الشي هذا من بداية حياتنا تخيل تقول لي شف زوج اختي وزوج اختي ورب الكعبة ماسوو الي سويته انا لها فمن الطبيعي اظهر الاشياء الي سويتها لها واذكرها


ياخي تخيل تقول في الصيف بعد كل سفرة لازم توديني اهلي اجلس عندهم شهر هذا نظام عندنا !!!
ولما سئلت اخوها قال لاتجي الا هي معزومه ولو يجي عزيمة صار ثورة في البيت عندي وانتفاضه لين تروح

فعلا زوجتك غريبة عجيبة
ما اقول غير الله يكون في عوووووونك
ويفرج همك عاجلا غير اجل
ولا تنسى ان اللي قاطع حبل الصلة بينه وبين رب العالمين اكيد ما فيه خير

__________________

الله يصلح زوجتك

انا اشوف في بنات في اعمار اقل من اعمار زوجتك وماشاء الله عليهم قامين بحياتهم الزوجيه على اكمل وجه المشكله مو في السن في الاهل الام لما البنت تبلغ تبدء معها يله اطبخي رتبي بكره في بيت زوجك هذا هو السبب الدلال مطلوب في الحياه الزوجه بس مقابل هذا الشئ تحمل مسئوليه من قبل الزوجه

انت تطلب من زوجتك تقوم بواجبتها كزوجه هيا ما قامة بواجبتها امام الله الصلاة

بصراحه هاذي نهاية الزواج من غير سؤال ام العريس اهم شئ تا خذ بنت اختى ولا بنت اخوي ولا يشفون هل هيا قادره على فتح بيت وتحمل مسئوليه الرجل يدفع الثمن غالي وقال ايه مراهقه صغيره امهاتنا تزوجوا صغار ما سوى مثل هذا الجيل

طلقتها مرتين ما بيقي الا وحده ولما تقولها لا مافي ورحه لبيت اهلك مافي جامعه تبي تتنقم والحياه الزوجيه بعديه عن كذا وين الموده ورحمه

لازم تجلس معاها جلسه صادقه ولا بيت ابوها اولى فيها حتى تعقل الحياه الزوجيه مو عناد ولا اخذ ثار


الله يصلح حالكم يارب

ياليت الي يقرى موضوعي يطلع على كامل ردودي في الموضوع لان فيه بعض النقاط اسردها في الردود

ياعالم صارت تحاربني نفسياً تقول اصلا اهلك مايحبونك !!

قلت يعني يحبونك انتي وانا ولدهم من الشارع !!

آآآآآآآآآه ياقهري ولله لو ادري ان العرس كذا لا اعطيهم مهر واقول بنتكم عندكم بس فكوني ونفسي

عفت الحريم والله اني خايف اعرس مره ثانيه صار اكبر همي اني اربي هالولد واجيب له مربية وبلا حريم بلا وجع راس

أبله جوجو من فضلك التزمي الصمت

والاخ صااحب المشكله

تدري اساس مشكلتك انك انت واهلك لستم محمديين

لم تتبعوا الشرع في اخيار زوجتك

فاظفر بذات الدين تربت يداك

في ذيك الفتره كل اللي كان شاغلك

تجمع في صور ميساء مغربي وتبوس فيها

بصرااحه لا انت ولا زوجتك مهيئين للزواج

وبعدين كل حياتكم ماديه

سويت ووديت وحطيت

وبس هذا هو الزواج

حررررررررام الولد بيضيع

الله يعظم اجرك ويصبرك على بلواك

الدعااااء وانا اخوك....الله يهديها ويصلحها ويفتح على بصيرتها...

أقترح أنك ترسلها لأهلها فترة في حدود شهر مثلا ولا ترد عليها .. بالعربي ((اسحب عليهاااا يمكن تصحصح شوي)) بس ارسل لها نفقه لها وللولد...
وخلال هالفتره رح مكة كم يوم خذ لك عمره وادع أن الله يكتب لك الخير وييسر أمر ويهديها ويصلحها ويكفيك شرها
وأهم شي احرص انكم تاخذون مانع عشان ماتحمل لحد مايصلح الوضع

بانتظارك

__________________
سبحانك اللهم وبحمدك, نشهد أن لا إله إلا أنت, نستغفرك ونتوب إليك.

هل أنت جاهز لتنفيذ كلام الأخ البليغ؟
فكر في الاصلاح و ليس في الطلاق ، لا تيتم ابنك و والديه حيين

__________________

	رأيي يحتمل الخطأ

لقد ابلغت يالبليغ... انا كنت منتظر ردك على احر من الجمر..

قلب عصفور... فكرة الذهاب لمكة للتعويد على الصلاة جميلة جدا.. بس خلها بعد الدورة مباششرة عشان لا يصير فيه اعذار.. وان بغيت رأيي المدينة افضل وخلك بالهلتون مقابل باب النساء... والله يوفقكم

__________________
ان انت اكرمت الكريم ملكته.. وان انت اكرمت اللئيم تمردَ!!

اخونا البليغ وفى وكفى ما شاء الله ليه

__________________
يارب فرج همي ويسر امري واصلح شأني