11-06-2011, 03:15 AM
11-06-2011, 03:26 AM
12-06-2011, 09:04 PM
... طرأ عندي ظرف بالبيت أخرني عن المنتدى |
المشاركة الأصلية كتبت بواسطة معدن الرجوله
شوفي أختي يا أنا ماني فاهم الصمت أو أنت من وجهة نظري 1- زوجة و زوجها - أغضبت الزوجة زوجها بأي تصرف ( كعادة النساء ) ردة فعل الزوج :- تجاهل التعليق على الموقف الذي أغضبه و لكن أصبح يستفزها و يدقق على كل صغيرة و كبيرة تفعلها ويتلكك هذا يسمى ( العقاب بالتلكك ) حالة مستخدمة :- حقود يريد تدمير الطرف الآخر تأثيراته :- مستفز ويسبب في تفاقم الأمور 2- زوجة و زوجها - أغضبت الزوجة زوجها بأي تصرف ( كعادة النساء ) ردة فعل الزوج :- ( الصمت ) هذا ما يعتقد البعض أنه ( العقاب بالصمت ) لكن في الحقيقة هو ليس عقاب حالة مستخدمه :- أوجعه قلبه و لا يريد تضخيم الأمور و لا يريد أن يؤلم الطرف الآخر تأثيره على الطرف الآخر:- ؟؟؟؟ بالعكس أختي أنا خرجت عن المقصود وحتى خروج بلا عودة لأن المقصود لديك ليس صمت بما أنه حدثت ردة فعل إذاً ليس ( صمت ) حتى لو كان على أمر آخر غير الذي أغضبه فعلاً لأن ردة فعله على ما أغضبه فعلاً عبر عنها ( بردة الفعل على كل التصرفات الأخرى ) عموماً أختي ريحي دماغك وخليني مع نفسي لأن فكرة الصمت التي تكلمت عنها ماهي راضيه تدخل دماغي ( لأنها ماهي صممممممممممممممممت ) |
الواحد ما يقدر يظل صامت على طول يصمت أولها عن مناقشة الموضوع ولما يروح وقت الكلام فيه ويرجع يتكلم تلاقيه مو صافي ويتلكك ... |
المشاركة الأصلية كتبت بواسطة اموره االبنات
يسلمووووووووووووووووووو
|
|
المشاركة الأصلية كتبت بواسطة cila
في حال الاستفزاز احافظ تماما على هدوئي ...زي ما تقولي احط اعصابي بثلاجة واراقب الوضع
وبطبيعة الحال ادا فقدت دخيرتي من الكلام فلا طائل وراء صمتي ابدااااااا يعني مثلا وحدة معي دائمة الاستفزاز لي لا تضيع ادنى فرصة لا ستفزازي ومجاراتي الى نقاشات حادة لا فائدة منها نظرا الكبت الي عاشت فيه فهي كثير ما كانت تحب ترمي بلاويها علي فانا كثيرا ما كنت افوت عليها الفرصة بتجاهلي وبترفعي عن اسلوبها وحديثها فضلا عن عدم الجلوس بالمجلس لي هي فيه وادا كان قد نفد صبري معها فاقول لها كلمتين بالغتين في المعنى -انفجار- لا ازيد عليهم فوالله ماعادت اقتربت مني ابد. شوفي يا بيتا احيانا يكون التجاهل افضل بمليون مرة من الرد على المستفز حينما يكون المتحدث اساء الي ببداءات من القول فلا يليق ابدا ان ارد عليه بمثلها ان انا قمت بجدال الجاهل فلن يفرق الناس من منا الجاهل. |
|
المشاركة الأصلية كتبت بواسطة &دلوعة مودي&
والله انتي فاهمتني يابيتا
كلامك ينطبق على زوجي الهروب من المواجهه بالصمت وترك المشكله قائمة |
|
المشاركة الأصلية كتبت بواسطة حننان سالي
السلام عليكم
انا بصراحة اجد ان الصمت لا يعطي نتيجة لاي مشكلة كانت وان الحوار وسماع لوجهة نظركلى الطرفين هو الانسب فهو يجعل الاعصاب تحترق ببطىء ويترك المجال مفتوح لوساوس الشيطان |
|
المشاركة الأصلية كتبت بواسطة شقر55ديه
وماذا سنأخذ من الصمت ؟!!
وإلى أي درب سيودينا ؟!! اكره الصمت.. وخاصةً بيني وبين زوجي.. احب أن يخرج ما بداخله نحوي اول بأول ولو لم يخرجه بنفسه.. اخرجه انا بطريقتي وبكلمتين ينتهي الصمت.. وابشر ومالك إلا اللي يرضيك.. الله يعينا على هالمشاكل كان بنزيدها بالهمز واللمز.. او الصمت الغير مجدي . شكراً بيتا.. موضوعك حلو للنقاش.. واستطلاع الاراء |
شرفني مرورك ومع رأيك |
المشاركة الأصلية كتبت بواسطة روح المساء
بشكل عام الصمت بالفعل عقاب مؤلم ولكنه ناجح غالبا |
|
المشاركة الأصلية كتبت بواسطة % قلبي حنون %
الغالية .. بيتا.. أتمنى أن تكوني انتِ وعائلتك بأفضل حال.. الحمد لله بنعمة من الله وفضل شكرا على السؤال موضوعك حساس جداً.. ويؤثر على النفسيات.. ولكن أهنيكي على إختياره .. الصمت في بعض المواقف.. يمنع تفاقم المشكلة.. و يعطي وقت للتفكير والهدوء.. ولكن بشرط.. الرجوع لمناقشة الموضوع بأسلوب راقي.. أما تراكم المشاكل >>> تسبب أحقاد وتراكمات نفسية.. وأحياناً .. يكون الصمت نوع من الهروب وغالباً يستخدمه الرجل.. فيستفز به الطرف الآخر.. ويهرب من الإجابة والإعتراف بالخطأ ومواجهة المشكلة.. .. المصارحة والحوار بشكل لايجرح الطرفين هو أفضل وسيلة لعلاج أي مشكلة.. :14: |
كلام سليم <<< رأيي الخاص |
المشاركة الأصلية كتبت بواسطة haia2011
بيتا وش قصدك؟
ههههههههههه جيتي عالجرح يا حبيبتي والله انا ما حب زوجي يعاقبني بالصمت ولا هو يحب لكن يقلك المثل اللي تكسب فيه العب فيه وانا صمتي يكسبني فليش ما العب بيه؟ خصوصا وانا عصبيه يعني لو تكلمت بيسير الحق معاه هو فأحسن حل هو الصمت00 |
13-06-2011, 04:58 AM
13-06-2011, 06:02 AM
|
المشاركة الأصلية كتبت بواسطة haia2011
هلا بيتا حبيبتي
طبعا احاول اكسر صمته لاني ما احبه يزعل ولا احب اسلوب الصمت بالذات ويلجأ لأسلوب الصمت لمن اعمل شي هو حذرني قبل كذا اني ما اعمله مثلا دايم يقلي لمن تروحين عرس لا تلبسين مشخلع وانا ما البس مشخلع عادي يعني بينا يالحريم فمره شاف لبسي وانا راجعه من عرس وزعل وسكت وحاولت اراضيه مافي امل الين جبت الفستان وقصيته ورميته وسرت قبل ما اروح اي عرس اوريه لبسي علشان ارتاح ويرتاح هدفه علشان ما اكررها طبعا وتووووبه |
13-06-2011, 10:08 AM
13-06-2011, 03:36 PM
|
المشاركة الأصلية كتبت بواسطة بنت الحكمي
هلا والله بالأخت العزيزة الغالية بيتا2 كيف حالك وأخبارك ويارب تكوني بصحة وعافية ونعمة من الله كافية
موضوعك جميل جدا والمثل قال إذا الكلام من فضة فالسكوت من ذهب لاكن بين الأزواج ما أظن إن الصمت يجدي نفعا إلا إذا كان واحد من الطرفين في قمة غضبه وهيجانه إذا ماقدرت تهدييه وتخفف عنه عصبيته فأفضل شئ إنك تسكت عنه وماتحاكيه بالذات إذا كنت أنت السبب في غضبه تتركة حتى تهدأ نفسيته وبعدين تناقشه بأسباب المشكلة وطر ح حلولها لاكن إذا كان الخلاف بسيط ومافيه عصبية ونرفزه يعني مدة بوز بس هنا الصمت ماله داعي أبد لأنه راح يولد فجوة بين الزوجينويسبب شئ من الضيق بالنفس على الطرف الآخر وإذا كان من النو ع الحساس ماراح ينساها لك وتجلس في نفسه حتى لو تراضيت أنت وياه . أنا بالنسبه عن نفسي ما أحب الصمت المطبق صمتي إذا صارت مشكلة بيننا ما أتكلم معاه إلا على قد سؤاله يعني يسألني عن أي شئ أجاوبه على قد سؤاله أو يطلب مني شئ أجيبه له وأعطيه إياه سكيتي بس سوالف وضحك ومز ح مافيه أقاطعه من هاذي الناحية وهو يتضايق من هاذا الأسلوب مايحبه علشان كذا يضطر يراضيني بسرعة لأنه ملول ويحب القرقه على راسه عنده خلايا بالمخ ماتنشط إلا إذا جلست أقرقر على راسه و بعد ماتنشط هالخلايا زوجي يشعر بالسعادة و دائما لو حصلت لنا مشكله مع بعض يطالبني بالجلوس والنقاش والتفاهم ونحل مشكلتنا بهدوء لاكن في بعض الأحيان تكون نفسيتي زفت وما أتقبل النقاش أبد ولو أجبرني على الجلوس والله إن أختك في الله ترتعد عليه مثل المكينة ما أرحمه أبد فيضطر هو لسكوت ويصغي لكل عبارتي المزلزلة حتى أنا أخلص إللي عندي وعقبها أرتاح نفسيا أحس حتى ببرودة في جسمي وبعد ين أجلس أفكر و يجيني إحساس بتأنيب الضمير وأ كره حتى نفسي وأستحقرها لدرجة أني أحيانا أقول لنفسي والله إني ما أستاهل هالزو ج الطيب وأرو ح له وأعتذر منه وا تأسف له لأني تكلمت عليه ولو هو واحد غيره ماراح يصبر على عصبيتي وكنت أنا في بيت أهلي من زمان بس أبو سلطان الله يحفظه لي غير عن كل الرجال ما شاء الله عليه .. فعلا قليل من الرجال من هم بكرم أخلاقه ربي يحفظه لكم وما تشوفوا فيه شر وهذا لأنك أنت مثله قليل من هم بالنساء مثلك بطيبتك وكرم أخلاقك ماعمره حط في خاطره مني ولايحب يتصيد الأخطاء والزلات ويرا كمها عليه داخل قلبه ومافيه ولامرة من يوم ما تزوجته قال لي أنتي مرة قلتي لي كذا أو سويتي كذا أو غلطي بحقي ولو في خاطره كلام أو زعل عليه يخرجه في نفس اللحظة إللي تحصل فيها المشكلة وكل واحد فينا يفرغ إللي بجعبته ونتصالح ونتصافى وكل واحد فينا يفرمت عقله من الكلام إللي ضايقه و ينساه بوقته . بذكر لك مشكلة حصلت معانا أنا وزوجي وكانت بتسوي شر خ كبير في علاقتنا أنا وزوجي وبصراحة أنا السبب وأنا إللي كنت غلطانه هاذا الله يسلمك أخو زوجي الأصغر كان يعمر بيت ونقصه مبلغ من المال وأتصل على زوجي وطلب منه هاذا المبلغ كسلفة وكان مبلغ محرز وزوجي ما أعطاه الفلوس وأعتذر منه قال له ماعندي الحين فلوس وزوجي كان عنده فلوس مجمعها وسبب رفض زوجي إنه كان يطالب أخوه بمبالغ مالية سابقه أستلفها من زوجي و ماسددها له فأخو زوجي راح كلم أمه وطلب منها تكلم زوجي و تتعهد له إنه أخوه يرجعها له في أقرب وقت وأم زوجي ما أتصلت على زوجي راحت إتصلت عليه أنا وكلمتني عاد أنا كل شئ إلا أم زوجي ما أحب أردها في أي شئ أبد لأني والشاهد الله إني أحبها وأحترمها وأشوفها مثل أمي بطيبتها وحنيتها عليه أنا وعيالي المهم أنا كلمت زوجي وحاولت وجلست له بالكلام هاذا أخوك من لحمك ودمك ساعده باللي تقدر عليه أقل شئ علشان الوالدة قدرها هاذي أمك طيب خاطرها طبعا من حنتي عليه وافق يعطيه الفلوس وأعطاه الفلوس وأ كمل بناء منزله ومن بعدها أخو زوجي حتى سماعة الهاتف ماعاد رفعها علينا حتى في المناسبات والأعياد نسي إن له أخ ولا إحترم أخوه ولاقدر وقفته معاه وزوجي كان يتصل عليه والله إنه مايبغى غير إن يتطمن عليه ويشوف أخباره والفلوس ماهمته كان لما يشوف رقم زوجي مايرد على جواله و هو ساكن بمنطقه بعيدة عنا المهم زوجي صبر عليه حول سنتين وعقبها كلم أخته علشان تكلم أخوها يجيب له الفلوس إللي عنده أو أقل شئ يتصل و يعتذر لو ماعنده فلوس أو يرد على جواله راحت أخته كلمت أخوها وقال لها أنا ماعندي له فلوس وفلوسه قد رجعتها له من زمان وأنتم ماتدرون وأخت زوجي إتصلت على زوجي وقالت له هاذا الكلام وزوجي زعل وعصب وأرتفع عنده السكر وبغى يروح فيها قال زوجي يعترف بفلوسي إللي عنده وأنا بسامحه خلاص ما أبغاها بس لايضحك عليه و يتحداني ويستفزني بهاذي الطريقه وزوجي راح دق على أخوه من رقم ثاني مايعرفه وأخوه رد عليه وصارت بينهم مشادات وكلام كثير وعقبها أخو زوجي راح وأتصل على أمهم وقال لها إللي صار كله وأمهم مريضة عندها ضغط الدم تعبت عليهم وشوي إلا وأخت زوجي تتصل وتتكلم وتقول لزوجي أنتم تبغون تموتون أمي بمشاكلكم المهم زوجي كان معصب وزفها وقفل الخط وأنا رحت له أبغى أ كلمه وأناقشه بالموضو ع وإن الرجل ينفجر عليه أنتي السبب أنتي قلتي لي إعطيه هاذا أخوك والحين شوفي كيف طلعني كذاب قدام أهلي ويقول إنه أعطاني الفلوس أنا ماتهمني الفلوس كثر ماتهمني كرامتي وقيمتي وقدري بين أهلي إللي كذبني قدامهم والحين متهميني إني أنا سبب مرض أمي وهاذا إللي صار بسبايبك أنتي وبصراحه أنا أول مرة في حياتي شفت زوجي معصب بهاذيك الحالة بس الحمدالله بعد فترة زوجي هديت أعصابه وجلست معاه وكلمته وناقشته بالموضو ع لأنه كان مقاطع أهله مايكلمهم ومنعني حتى أنا ماعاد أتصل فيهم ولا أرد على مكالماتهم وقال إن أهله واقفين بصف أخوه ضده وحلفني على المصحف ما أتصل بأهله من ورى ظهره المهم أخذ زوجي وقت حتى نفسيته تحسنت وأنا حسيت بإستعادته الثقه فيه وإستماعه لكلامي وكنا مقبلين على عيد الفطر وإنتظرت إلين جاء يوم العيد وراح صلى صلاة العيد هو والعيال ورجعوا و عايدنا بعضنا وعقبها مسكت زوجي ورحنا لغرفتنا لحالنا و جلست عند رجوله ومسكتها و بستها زوجي تفاجأ من حركتي وقال خير وش فيك ليش تسو ين معي كذا قلت له تكفى إذا كان لي خاطر عندك لاتردني قال خلاص إبشري بس قومي من عند رجولي قلت مابقوم إلين تاخذ الجوال وتدق على أمك وخواتك تعايدهم بالعيد ولا ماني بقايمة من جلستي هاذي حتى تنفذ لي إللي طلبته جلس شوي ساكت عقبها قال لي خلاص بس كيف اعتذر منهم بعد هالمدة كلها قلت له هاذي بسيطه أنت رجل شهم وكريم وأمك تحبك وماتصدق فيك إتصل عليها وهنيها بالعيد وإعتذر منها عن مدة إنقطاع إتصالاتك بها وقول لها أنا بسامح أخوي بالفلوس إللي عنده لأجلك أنتي ولأجل خاطرك يالغالية وأموال الدنيا كلها عندي ماتسوى ظفرك يالحبيبه المهم زوجي ماقصر أتصل على أمه وعايدها وسولف معاها وإعتذر منها وقال لها كل إللي قلته له ولاحظت الدمو ع بعيون زوجي وقت ماكان يكلم أمه وعقبها الحمدالله من فضل الله رجع إلتم شمل العائلة من جديد ويشهد الله إني إنبسطت وفرحت من كل قلبي وقلت في نفسي خلاص توبة عقب هالمشكلة إللي صارت ماعاد أتدخل في هالأمور أبد وصار لي درس ما أنساه وأخوه رجع إعترف بفلوس زوجي عقب ماسامحه وزوجي رفضها قال أنا سامحت علشان الوالدة ولا عاد أبغاها أبد إذا كنت تبغى تعطيها للوالدة فأنت حر أما أنا خلاص أحلف بكتاب الله ماعاد أشيل منها ريال والحمدالله ربنا عوضنا خير واجد غيرها . أنا طولت عليك كثير يا أختي بس هاذا الموضو ع إللي طرحتيه نبش هاذي السالفه إللي أثرت في حياتي وشفت فيها أ شد غضب لزوجي ولحد الآن ما أنا مصدقه إن زوجي قال لي أنتي السبب في كل إللي صار بس أنا أستاهل هالكلام إللي قاله لي صح ولا مو صح يابيتا . |
.. صحيح انه صارت مشكلة لفترة لكن بعدها انحلت وصارت النفوس أفضل من أول ... والموقف اللي صار محك أمام حماتك أثبت لها طيب معدن زوجك وبره بوالدته ...
13-06-2011, 04:45 PM
13-06-2011, 06:11 PM
13-06-2011, 06:17 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
