اختي الكريمه نعم اكثري من الصلاه والدعاء ولك بعض الادعيه التي يمكن ان تساعدك

هذه الادعيه ستشعرين الى الراحه والتغير الكبير من زوجك ولكن لا تستعجلي بس اهم شئ الدعاءالى ربنا

اللهم أني اسئلك بأنك الواحد الأحد الفرد الصمد الذي لم يلد ولم يولد

اللهم صلي على محمد وعلى اله واصحابه اجمعين

رب اغفر لي رب اغفر لي رب اغفر لي

اللهم اصلح لي زوجي وارزقه الاستقامة على دينك
اللهم وفق زوجي لما تحبه وترضاه
اللهم جدد الأيمان في قلبه
اللهم يا مقلب القلوب ثبت قلب زوجي على طاعتك
اللهم وفق بيني وبين زوجي واجمع بيننا على خير
اللهم اجعلني لزوجي كما يحب واجعله لي كما احب واجعلنا للك كما تحب وارزقنا الذرية الصالحه كما نحب وكما تحب
اللهم اهدني واهدي زوجي واجعلنا من اهل بيت صالحين
اللهم الف بين قلبي و قلبه كما الفت بين قلوب عبادك
اللهم جملني في عين زوجي وحببني الى قلبه واجعلني الزوجة الوحيده له وارزقني ذرية صالحه منه
اللهم دعوناك فاستجب لنا كما وعدتنا

__________________
تِبَسَّم لِلزمَنْ تكِفىْ تَرىْ صَمتْ الَقهَر حَراَّقِ:14:

اميييييييييييين
جزااااااك الله الف خيير
مشكور عالأدعية الي تشرح الصدر
وجعلها الله في ميزان حسناتك
وفقك الله لما يحبه ويرضاه
ألف شكر ع المرور والدعاء الحلووو

احيانا الضرب افضل من الكلام الجارح بمليون مره وهذي ماهي ميزه فيه..هذا ذكاء عشان لايبان فيك الضرب ويروح فيها.

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

ليه الغرور كلا مك صحيح ذكي لا أبعد الحدود ولماح بس وش أسوي هذا النصيب وأدري أنه ما يحبني ولما شفت ردك تذكررت كلامه وتجريحاته وتلميحاته أني مهما حاولت ما أصلح له ولما أقرى كلام
Beta2 مادري شنو أقول تكلمني عن العلاقه الخاصه أقول لها أنه ماعمره حبني ولا عمره ضمني ولا عمره أعتبرني حرمه عشان يعتبرني زوجه

ليه الغرور وانا عروس كان شخص لو أجلس اوصف اخلاقه مراح أخلص تخلص الصفحات والحروف وانا اكتب في اخلاقه يمكن حسدت نفسي عليه وكله كم يوم والعرض مخلص والسبب اني فتحت جواله طيب ليش ما كمل معاي على الاقل سبوعين شهر وبعدين هددني اني لو اتكلم لا اهلي واهله راح يخليني معلقه طول عمري وقال طلاقك أنسيه دامني حي لو كل شي يصير مر اح أطلقك وتكلمي وبعده خفت وسكت
يوم اسالوه أهلي عن السبب قال بنتكم مقصره ولسانه طويل ماتسوي ولا تصلح وكل شي ناقص تبغى تربيه من جديد صدقو أهلي وقامت النصايح تشتغل
وحاولت أتصل وأرسل وأعتذر لكن دون جدوى وحاولو اهلي واهله يصلحون الموقف البنت الي يكلمها الي اعرف عنها انه من دوله عربيه وبس

ماذا كان موقف أهلك لما تركك عندهم سنتين عقوبة على كلمتك ؟؟
هل عرفوا سبب العقوبة؟
هل عندك اخوان عاقلين و حكيمين ؟


يا اختي ما في شي اسمو يخليكي معلقة طول عمرك ، في قاضي شرعي بخلعك من زوجك و بخليه يطلقك غصب عنه
هذه ليست ورقة لصالحه و لا تخافي منها
و كما قالت احدى الاخوات تريثي الآن بموضوع الانجاب حتى يظهر لك مستقبل علاقتك معه
وأرى ان كان زوجك مستمر بالخيانة أو/ و لا يصلي ولا يؤدي حقوقك الشرعية من مسكن و طعام و وطء فارفعي أمرك للقاضي و اخلعيه
يعوضك الله خيرا منه !

__________________
.
.

استودعتك أهلي في سوريا يا من لا تضيع ودائعه

الحين مأجله فكره الطلاق جالسه أحاول محاولاتي الاخيره يمكن الله يهديه
صدقيني مو من صالحي أني أوصل السالفه للمحكمه راح يلف ويدور ويخلي الموضوع من صالحه وراح تطول السالفه بالمحكمه وراح يكرهني أكثر وطلاقي منه سهل جدا الطريقه الي راح أستخدمها في طلاقي منه مفكره أطلب تدخل أهلي وأهله لانه يحترم الناس اكثر من أحترامه لي و لاني يوم حاولت أشكي لأمه قالت لي يابنتي هو ميؤس منه دايم أنصحه من وراك وقول له عامل زوجتك با الحسنى بس هو الله يهديه مايسمع أنتي حاولي تصبرين وذا ماقدرتي ((( الله يعوضك بشخص يحترمك ويقدرك ))))) وهوالي راح يندم
فكرتي راح أقول لأمه أني أبغى الطلاق وراح تقنعه أنه يطلقني


الحمدالله هو شخص محافظ على الصلاه
تسلمين غاليتي على عذب المرور
دمتِ بألف خير

Beta2
أشكرك كل الشكر على أهتمامك وأفكارك

بأنك أنت تحبيه ممكن يميل قلبه لك فهل أشعرتيه بأنك تحبينه وتغاري عليه <<<< غيرة دلع مو غيره عصبية ونكده .
يدري أني أحبه و احترمه و اقدره أما الغيررررره ماتت من زمان
المو اقف الي صارت لي معاه قتلت الغيره و الغيره تكون حلوه لما الزوج يفرح ان زوجته تغار عليه مو مثل زوجي لما أغار عليه يعصب ويقلب الدنيا علي تخيلي في بدايه الزواج يوم شافني أغار عليه جلس يعاند فيني شوفي هذي متينه شوفي هذي جسمها حلو شوفي بشره هذي شوفي عبايه هذي عليها ذووق وشوفي وشوفي ماخلى حرمه ماعلق عليهاصار فيني قهرر لا حد مابطلت أغار وهنا ماتت الغيره الله يرحمها

بتفكري تصارحيه ؟؟؟ أتوقع انه جلسه هادية تكلميه فيها وكأنك صديقته مو زوجته ممكن توضح لك أمور كثير وتساعدك
لا تلمحي لعلاقته وانها لا زالت مستمرة لكن تكلميه بموضوع حبه لك .. ابدئيها بأنك تحبيه وانه هذا هو سبب رجوعك له لكنك حاسه انه قلبه مو معاك بدليل انه قال لك انه واثق فيك لكنه ما يحبك ... واسأليه ليه ما يحبك ؟؟ ناقصني شي ؟؟ .. أدري انه مافي علاقة بينكم وانا واثقة فيك لكن يمكن قلبك لا زال متعلق فيها شوي أو الذكريات مانعتك يكون في أحد بدالها بقلبك الحين .. قوللي ليه ما تزوجتها ؟؟ وايش اكثر شي عجبك فيها ؟؟ يمكن اذا عرفتي هذي المعلومات تستفيدي منها بكسب قلب زوجك

طريقه حلوه وروعه تصلح مع اي زوج في الدنيا الى زوجي يعني لما أبداء في أي موضوع أكتب الكلام الي أقوله عشان ما أقول شي اندم عليه وبدين أتكشخ والبس وشموع ووحركات لما أقول أول كلمه يفهم الموضوع من أول كلمه و يستخدم الهجوم وهو يكمل الموضوع يعني قصدك اني اخون يعني قصدك اني مقصر معاك ويأكلني وانا بأول سطر من الورقه الي كتبت ماكملت كلامي أبغاه جلسه هاديه تنتهي بنكد ونطلع من الموضوع وانا مأخذت لاحق ولا باطل
جربت طريقه ثانيه الدموع
أجلس أبكي أقول يمكن يرحمني وفعلا طريقه حلوه يجلس معاي وهو ساكت يسمعني لما أخلص وبعدين اكون اسعد انسانه في الدنيا بس لانه سمعني
وجربته أكثر من مره وبعدين صارت متأثر عليه الحين لما يشوفني أبكي يقول نــــــــــكد ويروح ويخليني
الطريقه الثالثه
أكتب في رساله كل الي أبغاه ورسلها لجوالـــــــــــــه وبرضوه طريقه فاشله ماجابت نتيجه
الطريقه الرابعه
كلمت أمه وطلبت منها تتدخل في الموضوع وكلمته وقال مو من حقك تدخلين أحد من أهلي حتى لو كانت أمي قلت طيب راح أكلم أهلي قال لا مايحتاج خوذي أعراضك وروحي لهم أنا مو بحاجتك
أتوقع انه زوجك عاطفي واذا شعر انه ممكن يعيش معك قصة حب يتجاوب معك أكثر ويترك قصة الحب اللي بالحرام اللي عايشها الحين خاصة انه لها وقت والزمن كفيل ببرود العاطفة
هو مو عاطفي عقلاني وانا عكسه عاطفيه الحين صرت أحاول أفكر بعقلانيه عشان أكسبه
كنت أتنمى أن قصه العشق تنتهي بس الي أشوفه العكس

	تقدري تظهري غيرتك لزوجك وقت ما يمزح مزحه الثقيل ويقولك انه يبي يتزوج الثانية .. بدل ما تحزني طلعيها بمزح وامسكي بملابسه مثلا أو برقبته مسكه خفيفة وقوليله ترى أذبحها ( قوليها وانتي تضحكي )) وأموتك ... واسكتي عن الضحك ... أموتك من كثر البوس وطالعي بعيونه برغبه . بيتفاجأ .. بوسيه بوسه خفيفة على خده واتركيه .. انشغلي بأي شي ..ابعدي عنه .. الحين موقف كلمه بتزوج عليك بس عندي سؤال ليش مايقول بتزوج عليك الا عند أهله وخواته ؟؟؟ بما انك مو مستفيده منه ماديا وبما انها يصرف عليها رابته ... خلينا نستفيد من هذي المعلومة ولو بشكل مؤقت مثل ما يقولون نتمسك الى أن نتمكن . قوليله جملة صغيره بمعرض حديثكم .. قوليله أنا أحبك عشانك انت ..أحبك كيف ما تكون أحبك بدون فلوسك ..أحبك لأنك حلالي .. هو راح يفكر بكلامك وراح يقارن بينها وبينك .. موضوع انك مو ماديه وموضوع أنه حلالك فكره رائـــــــــعه جاري التطبيق ا انتبهتي انك لما سألتيه اذا يحبك شنو قال؟؟ يقول أثق فيك لكن ما أحبك .. مين سأله عن الثقة ؟؟؟ أتوقع انه شغلة الثقة تشغل باله ... ما يقدر يثق بخاينة مثلها بينما يثق فيك ... يعني أعتبرها كلمه حلوه منه كمان شغلة حاولي تبدعي بعلاقتكم الخاصة .. حرارة مع خجل .. وبعد فترة حاولي ما تطلبيه ((حبيبتي لما أطلبه يرفض ))... اصبري وانتظري انه هو يطلبك بدون زعل وبدون نكد مع استمرارك بتحرشات خفيفة وتبعدي ... وتكشخ بالبيت وخارج البيت . حتى لو كان ياكل خراج البيت أو على التليفون لكن انت لك طعم خاص (( هذا استفدته من موضوع نزلته من فترة بسيطة أختنا الماضي الدفين )) وأكيد بيشتاق لك ... ولو بعد فترة ... حاولي على قد ما تقدري وحتى لو بالاخر انت طلبتيه ارجعي بعد فترة وحاولي مرة ثانية تنسيه وتنتظريه يطلبك .. العلاقه الخاصه موضوعه طويل وبصراحه صار فيني تبلد وصار موضوع تافه كل الي أبيه معامله سنعه شفتو القناعه

أول شي أحب أوضح اني ماشيه معاك لأني فهمت انه الطلاق بالنسبى لك خيار غير مطروح .. ما تفكرين فيه وبالتالي بساعدك باللي طلبتيه ومو من حقي أحاول أقنعك تطلبي الطلاق لأنك تعرفي ظروفك أكثر مني وهذا قرار لك مطلق الحرية فيه .
وأحب أقول اني فرحانة في شجاعتك وصبرك ومقدرة مقدار الضغط اللي انت فيه ومقدار ايمانك الذي أحسبه عندك حتى توصلي للقناعة اللي عندك ...

أحترمك وأكبرك

موضوع العلاقة الخاصة صار تافه عندك لكنه مو تافه عنده ... ولازم نستغله

الحين أعطيتيني معلومة جديدة نقدر نستفيد منها ... البنت من بلد اخر يعني ما يقدر يتواصل معها جسديا .
وصدقيني نكهة التواصل الحقيقي تختلف عن نكهة التواصل بأي طريقة ثانية .. أدري انهم يتواصلوا بتليفون أو كام أوغيره لكن انت غييييييييييير .

الحين فكري معي ... هو شنو ياخذ منها ؟؟؟ ... ياخذ مدح وياخذ كلام عشق ويمكن جنس (خلينا نسميه جنس اتصالاتي ) .. أعطيه المدح وأعطيه كلام العشق . خل يمل من كثرة الرومانسيات منك ومنها .
هي بصفها الحلاوة اللي يضبفها الشيطان على كل شي حرام وانت بصفك حلاوة التواصل المباشر فإذا تساويتي معها بالفائدة اللي يستفيدها منكم الثنتين بالنهاية بيتركها . هذا أملنا

بالتالي لا تقوليلي انه يعرف انك تحبيه ... لازم تقوليها دايما وتذكريه فيها دايما حتى لو صدك بالأول لانه يشعر وكأنك ضد حبه مثل شعور الطفل تجاه زوجة الأب .. يحسها تبي تاخذ مكان الأم فيهاجمها بدون ذنب
كيف زوجة الأب الذكية تكسب أبناء زوجها ؟؟؟ تتحملهم وتحسن لهم الى أن يتقبلوها . صح ؟

لاتحاولي تسيئي لها بشكل مكشوف نهائيا لانه راح يكون أول المدافعين عنها .. لكن ازرعي الفكرة بعقله بشكل غير مباشر وخليه هو اللي يوصل للنتيجة بنفسه . مثل قصة المادة وقصة الحلال .. تقدري تظلي تعيديها بطرق مختلفة الى أن تتركز بعقله الباطن .

حتى لو قلت كلمة وبدأ بالهجوم فانت الحين عارفة متى يهجم وهجومه غير مفاجئ لك يعني تقدري تواجهي هجومه بهدوء وتمسكي أعصابك وتقولي ... لا حبيبييييييي بصوت ناعم غنج ,,, ما قصدتك أبد يا عمري ... أنا قصدي في ناس .. مو أنت ولا أي أحد بالذات .. بس أشوف حواليني بالمجتمع في ناس يبيعوا مشاعرهم عشام الفلوس .. تخيل قرأت بالنت عن بنات يتسلطوا على شبابنا الخليجيين بس عشان فلوسهم .. تنزل فيه كلام غزل وتعمل قصة حب وهو مسكين مصدقها ويرسل لها ويصرف عليها يظن انها تحبه عن جد !!!!!! ما ألوم هذول البنات .. حرام يمكن محتاجين وأهلهم ما عندهم فلوس . ولا ألوم شبابنا .. يعني كيف الواحد يقدر يفرق ؟؟؟ صعب ... ألوم الفقر اللي حاد هذول البنات يسووا كذي .

صدقيني حتى لو عصب بوقتها بيظل كلامك يدور براسه بكل مرة يرسل لها فلس.

وحاولي أي معلومة تعرفيها عنها تستغليها لصالحك

الحين نجي لموضوع العلاقة الخاصة

لا تطلبيه وما دام صار شي تافه بالنسبة لك فما راح تكون صعبة عليك .. خليك السهل الممتنع ... موجودة أمامه وبكل جمالك وأنوثتك ودلعك .. تحرشي من بعيد لبعيد .. بمشيتك .. بإنحنائتك وانت تتناولي شيء من الأرض .. بملامستك جسمه وكأنه بدون قصد اذا حاولتي تتناولي شيء من الخزانه اللي هو واقف قدامها ... ببوسه على السريع .. أو ضمة سريعة وقت طلعته من البيت .. لكن خلي تعبير وجهك خالي .. ولاااا كأنك تقصدي شي ... وأكرر لا تطلبيه نهائيا ...
مافيها زعل لانه هو ما يطلبك .. بالعكس انت فرحانة ومثل الفراشة بالبيت .

لكن اذا طلبك وهذا ممكن ياخذ أسابيع أو شهور الى أن يتحقق لا تمتنعي ... بالبداية لا تظهري لهفتك لكن لا تمتنعي ... وعند ساعة الجد أبدعي ... طلعي كل لهفتك وكلام واهات وخل يشوف الفرق بين الشي الحقيقي وبين الاتصالاتي .

كمان لا تنسي دعواتك له ... ادعي له دعوة حلوة كل ما صارت مناسبة .. عند طلعته من البيت وعند رجعته .
يمكن هو يشعر انه أهله بصفك وهذا يعطيه شعور وكأنكم ضده ... وصلي له معلومة انك تحبي أهله لانهم أهله يعني عشانه هو . طبعا لانهم أخلاق ووووو لكن أولا وقبل كل شي لانهم من ريحته .

طبعا أولا وأخيرا ... الدعاااااااااااء . الدعاء ... ما يفرجها الا ربك هو مقلب القلوب

__________________