الله يجزاك خير اختي شقردية بس أنا ماعمري لاحظت عليه خطأ وسكت..بالعكس انصحه حتى ولو الامر مايمسني اقصد ربما اني لونصحته غن الخيانة بتقولون عشان نفسك مب عشان شي ثاني .. ولكن يعلم الله اني انصحه بشغلات خاصة فيه مثل الصلاة..أسأل الله ان يغفر لي ولك
روحي مجروحة جزاك الله خير وعساك يبرى جرحك
اختي تفاحة جزاك الله خير
أختي قلبي معاك جزاك الله خير وفعلا مب شرط العباية بس اقصد اذا الوحدة في حال سبيلها وما تتلفت ومنشغلة شوي بالطفلة وشوي بالمحلات بالاضافة للهيئة العامة وبعدين انا اكثر شي مشغلي هل استغفلت من جديد وعاد زوجي؟؟
اخي ابو مريم جزاك الله خير .
اختي اولادي احبابي ما راح يكون فيه تعقيد لولا وساوسي بعودة زوجي للخيانه..يعني لو كنت متعرضة للموقف هذا بدون لا اتعرض لمواقف سابقة انربطت عندي بحدث معين كان اصلا ما فتحت موضوع .. فأنا موضوعي الاساسي كيف اقضي على وساوسي؟ وهل اخبر زوجي عشان يتوقف لو كان عائد؟؟؟
يعني هذا الرد للكل انا ما سألت هنا هل اكلم او لا بحجة ان زوجي يكلم .لأ وألف لاااااااااااااا لو بكلم كان رفعت السماعة وخلصنا ,, أنا ياناس مشكلتي زوجي وليست انا.. ولا فتحت موضوع عشان اقول كل واحد يخمن ليه رقمني انا ذكرت سبب حيرتي مواقف سابقة حصلت وخيانات ..وموقف مضحك مبكي انقلب فيه السحر على الساحر..ربما اذكره للتضح الصورة اكثر

__________________
استغفر الله

اختي همس الروح جزاك الله خير .. وفعلا قلت اخاف اقوله وما استفيد الا الزعل وحرماني من السوق وماراح اعرف هل هو رجع لسوالفه والا لا
أخي معدن الرجولة جزاك الله ألف خير على اعطائك من وقتك للردود وحرصك ولكن قد مستني عبارتك تلك (أن تعتدي على ما حرم الله ( كمكالمه كما في موضوعها ) لشكها أن زوجها فعل ) اخوي من جاب طاري ان بكلم عشان انا شاكه انه مكلم؟؟؟؟؟؟؟؟
انا اقول هل مجرد تعرض شخص لي بدون وجود مبرر سببه عودة زوجي لمكالماته؟؟؟
حيرتي وسبب طرحي للموضوع هو كيف اطمأن ؟؟ هل من حل؟؟؟ هل العبارة ربما تكون صحيحة (من دق باب .....)؟؟؟؟
وسوف اذكر لك حادثة سابقة من المواقف التي كانت احد الاسباب لشكي الان: وهي ان زوجي من قبل كم سنة كان يكلم وحدة المهم عرفت واخذت رقمها وكلمتها من جوالي لحاجة في نفسي .. تدري وش صار؟؟؟؟؟!!!!!!! ما تصدق والله ان السحر فعلا انقلب على الساحر.. طلعت البنت اللي اكلمها ماهي الا شاب مغير صوته.. ولما كلمت على اساس انها بنت علمني الحقيقة ونشب في حلقي يبي كلمني وطبعا قطع مكالماته عن زوجي وصار يكلمني..اللي صار ان خبرت زوجي وحطيت التلفون على السبيكر ليتأكد انه شاب ما يحسب اني بصرفه عن المكالمة..
وانقلب الموضوع صار يدقدق علي وزوجي ثارت ثائرته وحلف بالانتقام لدرجة قالي جاريه بالحديث وواعديه عشان اوريه واخليه ينسى نفسه هههههههههههه فعلا شر البلية ما يضحك صحيح وقتها كنا متهاوشين ورحت لاهلي بس الحين كل مل اتذكر الموقف اضحك.. والله ما انسى حرقة قلبه اقصد زوجي وهو يكلمني وانا عند اهلي وانا سافهته وبعدين يرسل رسائل يستفسر فيها هل الشاب يتصل عليك؟؟؟؟ هل يرسل لك؟؟؟ وانا ساحبة عليه عشان يعرف كيف يطيح بشر اعماله ولا ينساق مع اي بنت..فالشاب كان متصل على زوجي ع اساس انها بنت غلطانه بس بسرعة زوجي انساق معها اقصد معه وصار لهم فترة على العلاقة قبل ما اكشفهم
المهم انا بعد هالحادثة وحادثتين اخريتين ما ابغى اقولها حاليا.. صرت اشكك وافكر واوسوس كل شي يصير انه بسبب زوجي .. يعني انا ما تحدث من فراااااااااااااااااااااغ ارجو تتفهمون اني لم اطرح الوضوع عشان اسأل ليه رقم؟؟ وهل اتصل أو لا؟؟؟ اللهم لك الحمد اللي حفظني ولو بخون خنت مع ذاك الشاب لأني بحرارة الخيانة وفي اوج الرغبة للانتقام لكن يعلم الله اني طلبت من اخوي يطلع لي شريحة ثانية ويلغي هذي لأنه اصبح يتصل علي من ارقام مختلفة وازعجني فترة في اوقات مختلفة .. ويعلم الله كم كلفني تغيير رقمي لوجود رقمي القديم لدى مؤسسات حكومية وشغلات ضرورية للتواصل معهم

اخي الرسمي جزاك الله خير وجعل والديك في الجنة لتفهمك

اخي ابو حكيم جزاك الله ألف خير

اختي ام حسن

(يعني انا موفاهمه انتي من جدك ولا بس كذا تبين تفتحين موضوع)
(
بس المصيبه لو تدقين عليه بتكونين صج موصاحيه)
ياليتك ترويتي قبل طرح ردك..وماودي ادعي عليك ان زوجك يخونك ويخليك تتلفتين وتسألين عن اسباب.. وياليت تقرين موضوعي وردودي لتعرفي الغرض من فتح موضوعي.. انا غير متفرغة لافتح مواضيع لمجرد الفتح وعلى وجه مناقشة رسالة ولله الحمد والمنه .. ولكن تمعني باسبابي.. ما اقول الا غفر الله لي ولك والكلمة الطيبة صدقة

__________________
استغفر الله

يالله ع الموقف من جدك
ياحليلك ياريتاج والله انك اخت رجال
الله يهدي زوجك ويسخره لك يالغاليه

ايه والله من جدي يا صمتي هواية
اذكر وقتها متأثر جدا وكانت له رغبة قوية بالانتقام..
شكرا اختي على الدعوة .. والله يسخر لك زوجك

__________________
استغفر الله

اخت ريتاج انتي ماحطيتي الموضوع وتبينا نعرف نواياك ونرد عليها


احنا قاعدين نرد على اشياء انتي كاتبتها هذا اولا


ثانيااا يعني لاتتوقعين اني بخاف انك تدعين علي لان الدعوه ترجع لصاحبها خصوصااا اني كلامي الي كتبته مافي شي من الغلط والتجريح لك

كلمه انتي قلتيها (ودي اتصل اسأل شمعنى انا رقمني) علىى هالاساس رديت


بعدين تتوقعين ان الرجال جا قط عليك الرقم لان زوجك قاعد يخونك؟؟

لاياحبيبتي اكيد اذا انه بيخون بيبين عليه وبتكتشفينه بس لو كنتي تفتشين


ع العموم ان شاءالله انها بس افكار ووسوسه الشيطان ولا لايخونك ولاشي



اسفه اذا رديت عليك برد انتي ماتبينه


مفروض اني ارد عليك بالشي الي انتي تبين نكتبه لك

جزاك الله ألف خير اخي الفاضل على هذه النصيحة ..جعلها الله في موزين حسناتك .. وحسنات كل من تفهم الموضوع ورد بقلب ناصح خائف على اخت له

...........................................
على هامش الموضوع..
سبحان الله العظيم هناك ردود كالبلسم بل معظمها.. وهناك ردود لا أعلم ما الخلفية الثقافية لديهم ولا تركبية شبكتهم الذهنية .. ردود في قمة التسرع واخذ الكلام من ظاهره( يعني بالعامي يجونكم طايرين ومسكرين النور)
وعموما أسأل الله لكل مسلم ومسلمة اصاب أو أخطأ بالفهم أن ينير عقله ويغفر ذنوبه ويزيده تقى وهداية يارب العالمين

__________________
استغفر الله

يااختي ممكن هالرجال اعطى الرقم لمئة وحده غيرك
سواء قبلك ولا بعدك
على بالك الحين ينزل الشارع عشان يرقم بس وحده؟
يعني انا اتذكر قبل عشره سنوات او اكثر كنا نستعد لزواج خالتي
روحنا السوق مع خالتي واختي رجاال يرمي الرقم لخالتي ولحريم السوق كلهم
واليوم الثاني رحت نفس السوق مع امي نفس الشخص يرقم امي الكبيره !!!!!
عاد زي امه بس مااستحى من نفسه الله يهديه مقدر انساه اصلو صار مشهور بسوق هناك
هذي وساوس صلي وااااادعي الله ان شاءالله راح يستجيب دعوتك
يعني موشرط كلامك هذا اللي فوووق
ربي يسعدك ويريح بالك

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

بغض النظر عن موضوعك وسبب طرحك له,,,

ممكن تعطي درس لهذا الشاب (المرقم) درس لاينساه هو وامثاله بانك تتصلي على الهيئة وتبلغيهم عنه وتعطيهم رقمه عشان يكون عبره لغيره وبكذا تنهي عن منكر من بعيد لبعيد ,,, وتنقذي بنات كثير ممكن يطيحوا فريسة سهلة له ...

مجرد رأي...

معليش مع احترامي لك الظاهعر نفسك تخوني زوجك وتردي لهالصاع صاعين بحجة دق الأبواب.
يا أختي لو إنت صادقة مع ربك كان ماطالعتي في الرقم وشقيتي الورقة ورميتيها في سابع زبالة في نفس الوقت مو تحتفظي بها
عشان تسألي الرجل وإنت عارفة مسيقا وش بتكون نتائج هذه المكالمة..
هذه أول خطوة من خطوات الشيطان.