عزيزتي اميرات

موضوع جميل و مميز مثل مداخلاتك و مواضيعك

انا زوجي مو اكّيل

ولكن عنده طقوس في الاكل

يحب يشوف دائما السفرة ملكية

يعني ثلاث وجبات ملكيات كل يوم طول الاسبوع وطول السنة

عمرة في حياته ما يقول لي ...اليوم لا تطبخين ..ارتاحي ...نجيب من برة

لو يشوفني بموووووووووت ...ما يقول لي لا تطبخين ...يقول لي ارتاحي شوي بعدين سوي اي شي خفيف ..

هو عمرة ما مدح طبخي ابدا...ياكل وهو ساكت

لكن اذا صارت الطبخة مو حلوة ...ومزاجة معكر...ينتقد....

لكن الحق يقال ...اذا جلسنا على الطعام ...وشاف الاولاد يقولون طبخك اليوم مو حلو

يقول لهم انت فعلا ما عندكم ذوق ...اذا طبخ امك مو حلو ...اجل مين اللي طبخة حلو

عاد انا ما تلاقوني ...اذوب من الوناسة

هو امس سافر ....وراح يطول في السفر ...و هذا هو قلقان...يقول لي ...وش اسوي ..مو متعلم اكل من المطاعم

وكان متردد في السفر بسبب هذا الموضوع

يعني تخيلوا..الاولاد يشتهون ياكلون في مطعم ...يقول لي مو مشكلة ...اطبخي لي انا ...واذا اكل وجبتي اوديكم وين ما تبغون..لكن لا تقولون لي اكل من مطعم

اما في السفر ...فكثير ما اطبخ له ..وياكل ..وبعدين ندلعنا ويودينا وين ما نبغي نروح

لكن الخلاصة ...ان الطبخ وراي وراي ..ما في مهرب

حلوووو الموضوع .. عسى ربي يحلي ايامك يارب و يحفظ اسرتك الجميلة و يخليك لهم ....

بس حرام نعمم و نقول رجال هذا الزمن عكس .. بالعكس .. كثيير فيهم الخيرر و الله يكثر من امثالهم ...

اتذكر مرة طبخت ببيت اهلي وطلع الرز .. وحدة نية ووحدة مطبوخة ... طبعا اخواني انواع التعليق

اللي مسك اسنانه و اللي قال تبي تمغصينا ..و اللي قال الله يعين الي بياخذك

بس ابوي الله بحفظه .. قعد يقول هذا هو الفن هذا هو الطبخ الاصلي ..

سهل الواحد يطبخ رز و يخليه كله ني او كله مطبوخ زين.. لكن المهارة كيف تخلي وحدة ني و وحدة لا

وهم مطبوخين بقدر واحد و بوقت واحد الله يخليه عمره ما نهرنا او تعالى على طبخة ..

اللي نحطه ياكله الله يعافيه اهم شي انه طبخ البيت مو من بره ...و الحمدلله زوجي نفس الشي ..

و بالمقابل .. جارتنا مسكينة زوجها يقلب الاكل كله اذا كان مو اللي براسه

اتخيلي يا خاله اميرات مرة قلب صحن الغدا لانه السمك كان مقلي مو بالفرن

الله يعين ...

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله