أصبحت في الآونة الأخيرة وعندما أحضر بعض المناسبات أتذكر زواجي

وكيف أنني تنازلت عن أشياء بمحض إراداتي حتى لا يكون على زوجي ديون ويؤثر على حياتنا مستقبلا

مع انه كان من الممكن أن أقوم بكل ما أود به بشكل بسيط غير مبالغ فيه بدون ديون ولا شيء

لكن ما حسبتها صح وقتها

ما شاء الله مهما يكون الزواج اللي أحضره بسيط فيه الأمور اللي تنازلت عنها وهي لست جوهرية

أعلم أن هذه أمور ظاهرية لكن تسيطر على الأفكار حاليا

هذا غير أنني أشتاق لفترة زواحنا الأولى والشعور الذي لن يتكرر

فزوجان تحت سقف واحد لأول مره كل شخص يحاول أن يكتشف الثاني أكثر

يعشيان ببساطة وحب وهدوء يرحون ويجون مع بعض

يجربون أشياء جديدة مع بعض لأول مرة

الكل يكون فرحان فيهم

لكن بعد قدوم الطفل الأول والحمد والشكر لله لم نعد نشعر كالسابق

ما صار في رومنسيات وقرب مثل أول

انشغلت بصغيرتي وهو بعمله صار يأخذ أغلب تفكيره

هذا غير مسؤليات الحياة

أحس إننا بدينا نكبر وما نآخذ الأمور ببساطة ووناسة كالسابق

يعين ما صرنا لنفسنا ونفكر غصبا عننا في بنتنا

وحتى لو قلنا نغير ونروح نجدد بتكون بنتنا معانا ولو افترضنا إننا بنخليها عند أهلنا وأنا أستصعب هالشيء

يعني إحنا نستانس ونرمي مسؤليتها على الغير مو حلوه حتى لو هم يفرحون فيها

ولو رحنا وخليناها - فرضا - بصير أفكر فيها يعني ما بصير مرتاحة داخليا

هذا غير إننا بنتشتاق لها

أحس الانسان متضارب يعني اللي ربي رزقهم عيال يبون شوي وقت لبعض

يحبون عيالهم وما يقدرون يفارقونهم - المال والبنون زينة الحياة الدنيا-

لكن نفس الوقت ودهم يصير لهم وقت مع بعض

لأني مثل ما قلت لكم حتى راحوا وخلوا عيالهم بيفكرون فيهم

والناس اللي ربي ما رزقهم ودهم بطفل يملأ حياتهم

مرات أحس أول أحلى وأنا أدرس ومع صديقاتي وفي بيتنا

وأول ما تزوجت حلو الشعور الجديد وأقصد قبل لا أحس فعليا بحجم المسؤلية

لأني قبل لا أتزوج أدري إن الزواج مسؤؤلية وتعب أمثر من إنها وناسة وسعة صدر


الحين كلما نكبر أحس ماأدري شلون وهذا وبس عندنا وحده ما رزقنا الله غيرها لحد الحين


أشوف العروسه في الزواج أقول ما شاء الله توها يحليها مبسوطة وكل من فرحان ومبسوط فيها

وأنا أحس نفسي بديت أكبر

كلما يصير عرس أقول لزوجي خلينا نتزوج مره ثانية يضحك علي

بس أحس المشاعر هذه حقت أيام الملكة والزواج الأول ما تكرر أبدا

لأن الحين حتى لو صنعنا نفس الأجواء مع الأيام والسنين ما تكون مثل أول

كل واحد عرف الثاني بشكل جيد

وما في اشياء جديدة يكتشفها

وكل شوي ما شاء الله نسمع الصغار يتزوجون يعني كبروا وتزوجوا

وإحنا نكبر ونكبر

ما أسرع مرور الأيام كل شيء يصير بسرعة لدرجة ما نحس فيه وما ندري متى صار


قبل ووقت أولزواجي ما كنت أحس كذا بس الحين أحس يجيني اكتئاب إذا حضرت زواج

وودي ما أحضر لو هالفترة حاليا لكن الواحد ما يقدر لازم يوجب

أول شيء أقول قصرت على نفسي وقت عرسي مع إن الكلام في الفايت نقصان بالعقل ويكدر الخاطر على الفاضي لكن ما أدري صاير ينحز بخاطري

هذا غير اللي قلت لكم إني أحس ودي أرجع عروسة بسم الله أخاف إني أحسد أي عروسه

مع إني ما أقصد الحسد ولا شيء وطول الوقت أقول ما شاء الله لا يجيها شيء

كل اللي فيني إني ودي أصير عروسة زوجي مره ثانية وترجع ذيك الأيام والأحاسيس من جديد

وأحس إني توني يا حليلي عروسه

وهذا غير إني أتلافى أخطائي

في أشياء الواحد يخطأ فيها يتعلم منها وممكن يصححها

لكن أشياء مثل الزواج راحت وانتهت وما تتصلح لأنها ما تتكرر دائما

الحمد لله إني تزوجت وغيري ما تزوج الله يرزقهم أزواج صالحين

بس ما أدري ايش صاير فيني من تالي

زوجي يقول لكل عمر متعته

أقول له مو قادرة أحس بمتعة هالفترة أو حاليا على الأقل