بسم الله

اخوي فيه شي مو واضح في الموضوع

السؤال انت مديت يدك على زوجتك؟

تكلمت بامها او ابوها او اهلها بشكل عام وقت الزعل؟

قلت فيه مشاكل من قبل، وش هالمشاكل؟

راح اتكلم على المعلومات الموجوده من قبل، انا رجل واعرف ماهو شعورك الان اتجاه الاخرين واعرف ان

هذي هي التجربه الثانيه لك، لكن انت رجل وبيدك الحل بعد الله

كلم ابوها وقله راح اجي اليوم الفلاني وابي اقابل زوجتي بوجودك انت فقط " من كلامك ان ابوها رجل

متفهم ولا كان يعرف الموضوع الصحيح" اجلس معه ومعها وتكلم بكل صدق وبدون لف ودوران واطلب منها

انها تتكلم وتوضح المشكله. خلال الحديث اذا حسيت ان زوجتك تتكلم بصدق وبدون اختلاق مواضيع

غير موجوده من الاساس، تناقش معهم على الشروط. اما اذا حسيت انها تقول كلام غير صحيح....

اطلع وخلها عند اهلها وارفع راسك انت سويت اللي عليك وخلها عند اهلها وحدد لك مهله" انت شف

المده اللي تناسبك" وبعدها يفعل الله مايشاء"اقصد تتزوج او تستمر زي ماانت عليه"

بالنسبه للطلاق مااعتقد ان حل ابداً لمشكلتك انت بالذات.

بالاخير الله يصلح الحال ويرفع من قدركم بالدارين

اخوك
هلال العالم