اخوي الله يهديك هونها و تهون
وللمعلومية متى ما حست الحرمة بالخطر تتغير لو كانت اميه ومن العصر الحجري
بس سولف لها عن صديق تزوج على زوجته و الجديدة عملت وعملت وعو يقول توني عشت
راح تتغير و تسوي الاشياء اللي سمعت ان زوجت صديقك سوتها سايرها و حاول تعذرها

ياخي لو ما تعرف بالنت انت فيك البركه جلسها على رجليك وافتح موضوع رومانسي بحت وقلها يلله يااموره نطبق
ّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّ ّ


الكلام هذا طالع من وحده تذوب من الرومانسيه مه واحد عنده ان الرومانسيه وابسط الحقوق الشرعيه لي ماهي مهمه

الله يستر علي
وزوجتك اتوقع ان هذي الثقافه ماخذتها من العائله على العموم انت كرر الحركه هذي معها وافتح مواضيع الدلع و كيف تدلعي زوجك
وانتبه تقعد تقول لها شوفي الله يخلف علي وراك ما تعرفين
لا بالعكس انتي اكثر وحده تناسبها الحركات هذي ؟انا كل طلباتي القاها هنا عندك يازوجتي ؟زميلي لزم علي اتقهوا عنده بس قلت لا ما يركد راسي الا قهوه من يد هالقمر
وانت وشطارتك
يعني السالفه كلها تلميح في تلميح

اخي الكريم ولهاان .....

حياتك محيرة احيانا اقول الحق مع ولهاان....... واحيانا اقول الحق مع زوجة ولهاان .....

احيانا اقول ولهاان يموت فيها .....واحيانا اقول يتمنى الموت لها .......

سوف احلل شخصيتك ......أن ماخاب ظني فأنت ،،،،،،

سريع الغضب ...يدك ولسانك طويلين ......أمنيتك تمسك عليها زلة .....

رووووووومانسي لاقصى درجة ........

قلبك طيب....وتسامح بسرعة وتنسى اسرع .....

كلكم غلطانين ....بداية من هجركم لبعض .... تهاون لحقوقكم ....مما سبب فجوة بينكم ....

تتذكر موضوعك فضفضة ....ذكرت انك طلبت عشاء ورفضت ......لو كانت شخصيتك قوية وتخاف منك لكان

وكلتك العشاء بيدينها ....... والمرة هاذي قهوه وطبعا طنشتك ..

اخي الكريم .....الرجولة ليست بطول اليد واللسان .....انت استخدمت اسلوب التفاهم ولم ينفع ......

استخدم اسلوب التطنيش .....تغداء وتعشى برا ...حتى القهوة اشربها برا ....القهوة تبغي مزاج رايق ....

صدقني راح تنجن ......راح تنضبط .....وتبدء تشك ......خل جياتك للبيت قليلة ....وبين انك مشغول

واذا ماضبطت امورك ماراح اكون كنافة كذابة ......

سألتك هل ستقضي باقي عمرك مع اربعينيتك ؟كنت اسألك هل ستمضيها مع زوجتك ذات عمر الاربعين

ام ستتزوج من عشرينية تدللك باقي دلال أمها ؟تلون حياتك ....تشربك دفْ الحب بليالي الشتاء......

انا لاأطالبك بطلاق الاولى .....بل بالنظر في حياتك .....مشاعرك ....

مشكلتكم تقريبا لها شهرين ...... الم يحصل فيها لحظة مسامحة ؟؟؟لحظة قالت آسفة ؟

تقبل تدخلي .....اقتراحاتي وان لم تعجبك ........

على مايبدو اني اكلم نفسي ......

كنافه كذابه ....

اسف ما اقصد ماذكرتيه ... من انك تكلمي نفسك ... ولكن قد اكون نويت الرد ولظرف ما نسيت ... استسمحكي اختي على القصور الغير مقصود ...

من ناحية الحيرة فعلاً محيرة وانا والله في حيرة فالطيب مانفع ماهو الاسلوب النافع الخوف وجعلها تنفذ حقوقي بدافع الخوف ... لا ... لا والله لست ممن يبحث عن تلبية حقوقه وطلباته كيفما كان بخوف بطيب برهبه ... لا ... انا يهمني بالدرجة الأولى تنفيذ طلباتي والقيام بحقوقي والدافع يكون الاحترام ... يعني احتراماً لي تنفذ طلباتي وحقوقي ... لا بدافع الخوف تنفذ هذه الرغبات ... فإن عجزت عن تنفيذ ما أرغب بالاحترام فهذا خلل فيها ولا أجعل هذا الخلل ينتقل لي بخلل لدي واصبح المرعب الذي تلبى طلباته مداراةً لشره ... فما هو مفقود معها حتماً سيكون موجود لدى غيرها ...

لا أموت فيها ولا اتمنى لها الموت ...

سريع الغضب قد يكون نوعاً ما صحيح ... لكن لست بطويل اللسان ولا طويل اليد ... ولا أبحث عن زلاتها ولا غلطاتها .... رومنسي نعم وأحب الرومنسيه وحاولت معها لسنوات اعلمها ولكن لا فائدة ...
قلبي طيب وأنسى وأسامح بسرعه نعم وبقوه وقد ذكرت هذا فلي ردي السابق قبل أن أرى تحليلك ...

جربت اتعشى برا واتقهوى برا ... ولا حس ولا خبر .... واصبحت شغاله تفتيش وزادت مشاكلها سوء ... وحصل نقاش وقالت فيه كلمه ... قلت اذا كنتي معتبرتني مثل ماقلتي وانا كذا ومادريت عن نفسي الله يعينك علي ... وابريحك من هالشخص اللي قلتي عنه كذا ... بريحك منه للأبد .... أنا طالع الآن لمدة نص ساعه وراجع الاقيكي لامه كل اللي لك لأنه مايصير تجلسي عند واحد كذا ... رجعت ولقيتها نايمه على السرير ولا شناط مطلعه ولا شي سكت وانسدحت على السرير وابدا اسمعها تشاهق وتبكي سكت ولا كلمتها ويوم شافت مافيه فايدة قربت وحبت على راسي وسامحني وانا اسفه وانت اللي خليتني اقول كذا وماكنت اقصد وبالعكس انت مو كذا وهذا اللي مجنني أدري لو خطبت وحده بتجيك 10 وانا احيان والله اقول ليت فيه شي ينعاب عشان محد يقربه ولا أحد يزوجه لو يخطب بس هذا اللي قاهرني مافيك شي ... هنا تكلمت قلت دام اني كذا ماتريحيني ماتملين عيني لأجل لا تزوغ عيني ماتبادليني الشي اللي عندي ماتعطيني مثل ما أعطيك تروحي تتمني اني أكون مهستر على قولتك عشان محد يقرب لي طيب لو كنت مهستر محد بيتضرر الا انتي بالدرجه الأولى وعيالي لأنك عرفتي اني مهستر بعد ما ابتليتي فيني وماتدرين حتى لو أكون مهستر يمكن الاقي من يزوجني ممكن الاقي من يبون الستر يمكن الاقيكي اللي بتغيرني من مهستر الى انسان صالح وانتي بتحوليني لواحد مهستر بعد ماكان صالح ... وقلت عموماً اذا مو عاجبك انا في شي وتحسي اني غاصبك على الجلسه ترا اقول لك بإمكانك تاخذي حريتك وراحتك واذا اللي مجلسك الخوف على العيال صدقيني العيال بيكونون في عيوني لا تشيلي همهم اهم شي راحتك وراحتي حتى لو كانت بانفصالنا ... قالت والله انك اهم عندي حتى من عيالي انا احبك .... ليش خليتني احبك وهاتك ياصياح وهاتك يابكى واعترف انه ما أثر فيني بالعكس لقيتها ظهري وشوي تجي وتظمني قلت انا مايعنيني انك تحسي بالغلط الليله وبس وكل اللي تسوينه عشان الكلمه اللي قلتيها .... وياليت مايجي احد ويقول غلطت ومفروض بينة لها اهتمامي وواسيتها وتفاهمت ووووو .... لأنه كثير سوت كذا من قبل وثاني يوم ترجع حليمه لعادتها القديمه ... فعلشان كذا ما اهتميت ....

مايخص الزواج ... اعمل الآن على ذلك لكي أضمن بمشيئة الله ان تكون راحتي فيه لازيادة مشاكلي منه ... لفقداني الأمل فيها ...

لم يحصل أن قالت آسفه ....

رد مطول ....

واكرر أسفي لعدم تمكني من الرد عليكي سابقاً ....

الله يعينك ويصلح حالكم

__________________

أخوي

ماشاء الله عليك ، باين إنك شخص حليم و ليس الشديد بالصرعة

اخوي ، زوجتك شكلها يا تبغى تلمح لك إنك بحاجة لإهتمامك و دلالك

و علشان كذا بتتشكى كل شوي

و يوم إنك طلبت منها قهوة ، حست إنك مانت معبرها و مانت حاس بتعبها

فهي ما هي رافضة إنها تعمل لك قهوة ، هي بتوصل لك إنها بحاجة لك تحس بها

و طبعا مافيها شئ لو إنها عملت لك قهوة ، بس إنت كمان حسسها إنك حاسس بتعبها

و لا تخلي الشيطان يدخل بينكم و تكبروها عشان قهوة

اخوي ولهان صحيح مارديت عليا بالاول ..

بس لما قريت ردك الثاني حبيت ادخل اقول لك كلمتين تقرقع في صدري ..
ياخي انت بنفسك تقول انها جاهلة والحياة الزوجية ياخوي مدرسة بحد ذاتها نموت واحنا لسا نتعلم فيها .
شوف ياما حريم جامعيات ومايعرفوا كيف التعامل مع الزوج ..
هنا يجي دورك بحكم انك مثقف ومطلع والنت يعلم اشياء كثيرة ومو عيب انك تطلب منها اي شي انت تبغاه,, وعيها ثقفها علمها صدقني راح ترتاح لاتكابر وتقول هي اللي لازم تتعلم وهي اللي لازم تسوي وهي وهي وهي !!!
ليه الحياة تعاون وصدقني اكيد هي حريصة عليك وعلى بيتها وعيالها ..
وكثيييييييييييييييييييييييير بنات يتربوا في بيوت اهاليهم ويتعلموا ان الوحدة لما تتزوج اهم شي تنظيف البيت والطبيخ والغسيل وتخلف وتهتم بعيالها وبس وانا وحدة منهم لاننا كنا نشوف اهالينا كذا تعاملهم مع بعض ابوية دوري يجيب اكل وشرب ولبس ويجي البيت يلاقي اكله جاهز وبيته مرتب ونظيف وينام وبس ..
وامي دورها طبخ ونفخ وغسل واهتمام فينا احنا بس ...
انت لازم تكون اعقل من كذا وتفاهم معاها وقول لها انا ابغى منك كذا وكذا وكذا والا بخليك مع عيالك وبروح اتزوج وحدة تفهمني صدقني راح تخاف وتسمع كلامك بس انت خليك لين وحازم في نفس الوقت ...

الله يكون في عونك ويهدي لك زوجتك يارب ..

مارديت علينا
اتمنى تبشرنا
مارديت علينا
اتمنى تبشرنا

بعد الاطلاع على مشاركاتك (من بنات ادم )طلع لكي سوابق في تجريح الاعضاء واخذه انذار من الاداره ياختي غيري اسلوبك مع الناس وعامليهم بماتحبي ان تعاملي به ولعل اسلوبك هذا هوا الدافع لزوجك انه بيطلقك راجعي نفسك