23-10-2008, 07:23 PM
|
المشاركة الأصلية كتبت بواسطة أطيـــــــاف
ملاحظة
العضو : ضحية سفهاء >> رجل و ليس امرأة وفقكِ الله يا أختي و فرج همك |
23-10-2008, 07:42 PM
|
المشاركة الأصلية كتبت بواسطة السيف المهند
السلام عليكم ورحمة الله وبركاته ..
بارك الله فيك يا أخي أبا مريم بوركت بوركت بوركت ...نعم الرأي رأيك ورأي سديد ولا يهون باقي الاخوان والاخوات .. جزاه الله خير وجميع من شارك في موضوعي ولكن سأضيف عليه ما يلي : أختي الفاضله ... أنت بين صراعين ... 1 - الرجوع لزوجك ولأولادك ولبيتك ولحياتك الزوجية ولراحة أبيك .. 2 - عدم الرجوع بناء على طريقة زوجك بالرجوع فقط لا غير و ألا أجزم لو كان طريقته غير تلك لرجعتي من أول يوم قال لك ارجعي معي .. لذا لا تجعلي إبليس و أعاونه يفرحون بطلاقك .. لاوالله ماكنت ناويه ارجع له بجميع الاحوال ولا انتظرت انه يطلب رجعتي .. بس ماحسيت بفراق اطفالي وحاجتي لهم وحاجتهم لي الابعد هالتجربه ولاجل هذا السبب نويت ارجع .. بس بعد طريقته ترددت لاني ماراح احس معه بالامان .. بس مع هذا رضيت ارجع بس لاجل اطفالي .. فكيف ترضى زوجه ان تعيش بدون امان واحترام.. أخيتي طلقك زوجك طلقة واحده .. ومن فضل الله سبحانه وتعالى .. أرجعك زوجك سريعا وهذا دليل تمسكه بك وبأطفاله وحبه لك ولأطفاله -0حتى ولو لم يوضح ذلك - .. ومن فضل الله عليك بأن الفرصه ما تزال مواتية لك بأن تعودي لزوجك ولبيتك ولأولادك ..فلا تضيعيها .. وتفائلي بالخير .. الحمد لله إذا رجعتي ...وحاولتي وصبرتي وتغير زوجك أليس ذلك خير لك .. بس الي يخوفني منه من اول مشكله صارت بيننا كبر الموضوع وجعل منه عداوة وتلفظ ماكان له داعي طيب وعلى أسوأ الظروف إذا لم يتغير أفلا تتحملين يا أخت الاسلام من أجل الصبيين و البنت الصغيرة .. الا تضعينهم بحظنك وحظن والدهم وتصبري عليه مهما فعل من أجلهم ... أخيتي وحتى اذا رجعت ٍ لزوجك ولم يتغير ألا تحاولين فعلا أن تغييره !! أرضيتٍ الهزيمة !! أم تريدين النصر !! النصر باني اربي عيالي وان شاء الله باختار تربيتهم اذا الله عطاني عمر :: أخيتي لم الشمل ... فصدقيني أطفالك بحاجتك أكثر من أي وقت أخر ...وأن لم تصدقيني فاتصلي عليهم وكلميهم وسترين بأم عينيك صدق قولي .. صدقت اخي .. فعلت واتصلت قبل ان اقرا ردك أخيتي نصيحه .. زوجك يريد ارجاعك ولك يخونه الاسلوب ...لذا تنازلي هذه المره من أجل نفسك ثم أطفالك .. أعرف انك تريدي الرجوع له ولكن خائفه بأن يعود لتطليقك مرة أخرى أو ان زوجك لن يتغير .. وهذه وسوسة لا تكوني أسيرة لها ..لذا نصيحه .. لم الشمل مع زوجك واطفالك .. ولكي أكون معك منصف فإني أرى لك أحد ما يلي : 1- أبلغي أباك بقبولك العوده لزوجك فيطلب أبيك حضور زوجك ويصلح بينكما بدون كلام منك ثم ارجعي مع زوجك . 2 - ارسلي رسالة إلى زوجك وطلبي منه أن يعيدك للمنزل ...فانت موافقه على الرجوع .. اخيتي الحياه صعبة والزواج يحتاج صبر ومشاركه وحسن تغافل وتدبر للامور ... اخيتي الحياه لا تخلو من المشاكل ... لذا ليكن نصب عينيك قبل أي قرار .. أطفالك هل يستحقون منك تجربة أخرى ؟؟ اكيد يستحقون أخيتي .. حتى اذا رجعتي لزوجك لا تتوقعي يتغير من أول يوم أو شهر بل عليك بالدعاء و الدعاء والدعاء بأن يصلح الله شأنكم ويوفقكما ... أخيتي من منا ليس له عيوب ؟؟ كلنا عيوب !! لذا نصيحه تعايشي مع الوضع و قدمي التنازل والتغافل عليه لهذه المره ولن يخيب الله ظنك .. أخيتي أطفالك بحاجتك فلا تتأخري عليهم بل زوجك بحاجتك .. عادي يأختي حتى ولو لم تخطأي قال لك اعتذري لأمي قولي سمعا وطاعه اعتذري لأمه .. وليكن قاعدتك اذا رجعتٍ أمه هي أمي وعامليه بكل خير وستكسبين قلبها بعد ذلك هي من ستأثر على زوجك ليتمسك بك أكثر فأكثر .. لااريد كسب قلبها ولاقلبه .. لان لي معهم تجارب تدل على قسوتها ولهم تجارب مع الغير من يحاول ان يكسبهم يخسر كل شي و8 سنوات عشتها معه عرفته وعرفت معدنه لكن لاجل اطفالي سارضى باي شي بس لاجل اربيهم أخيتي أطلت عذرا هذه نصيحتي لك ولك الخيار .. أسال الله أن يلم شملكم ويوفقكم لكل خير .. |
23-10-2008, 08:34 PM
|
المشاركة الأصلية كتبت بواسطة ام السوسه
هلا فيك اختي الغاليه
قرأت المشكله ولم اقرى جميع الردود لان والله نفسيتي ماعادت تتحمل اسمع واقرى ولكن موضوعك ببالي وودي افيدك الله يجزاك خير بس بنصحك نصيحة اخت مجربه انا ونتي نفس العمر بس انا عندي ولدين وانتي ثلاث والله علشان هالثنين اني كنت مستعده اضيع عمري كله ويعيشون بيني وبين ابوهم حياة مستقره بس للاسف الحياه ماكانت مستقره ابدا وبداو يتاثروا بالمشاكل ويشوفوها اكيد انك تزوجتي مثلي بعد الثانوي وكنا صغار شوي على الحياه يعني ماكنا فاهمين وش الدنيا مثل هالحين وبالنسبه لي كنت ماخذه الناس كلهم مثلي كنت جدا بريئه كانت برائتي غباء اعتبربها هالحين وللاسف مازالت هذي البرأه موجوده بس مع الايام عرفت الناس واجناسهم عرفت ان فيه اعداء لك بدون مايؤذوك ممكن يودن لك الخير ويخربون عليك وناس تبكي عليك وتضحك من وراك ولمى تجي الازمات صدقيني ماراح تلاقيهم حواليك صح تزوجت بعد الثانوي .. وكنت جاهله بس والله ماقصرت فيه واعطيه حقه وزياده من طاعه وخدمه وكل شي .. وعلى قولتك كنت بريئه واحسب كل الناس طيبين وللحين ماتعلمت بس ياغاليتي اسال مجرب ولاتسال طبيب قال تعالى ((ولقد خلقنا الانسان في كبد)) اسالي نفسك ولاتساليني او تساليني غيري اسال قلبك عقلك هذا الانسان يعنيلك شي ولامايهمك لاتكابرين قدامنا احنا مانحقق معاك احنا نعطيك اراء لاكن انتي ادرى وش تبغين قلبي وعقلي يقولون اتركيه لاني ياغاليتي ماافكر بالحين وبس هو انسان متهور وعصبي ومومتزن ولاعنده احساس بالمسئوليه وقلبه حيل قاسي مااحس معه بالامان .. وش تتمنين بعد كم سنه يصير بحياتك مثلا عادي تتطلقين --ممكن تتزوجين وممكن لا ---ممكن تنحرمي من ابنائك--- ابوك ماراح يعيشلك العمر كله --الله يخيله لك ويطول بعمره وبعمر ابائنا يارب---بس ترى اغلب الازواج يعانون لاكن فيه الف طريقه لحل المشاكل ومو كل مشكله تروحي لاهلك ممكن تبين لزوجك زعلك وانت ببيتك وصدقيني اغلب المشاكل اذا دخلوا الاهل كبرت وخربت للاسف اذا انتو الاثنين مافهمتوا بعض يعني الي حوليكم بيفهموكم بعض انا ياحبيبتي صبرت 8 سنوات وفيه اشياء مايعرفونها اهلي عنه وللحين مخبيتها وبالعكس اهلي حاولوا يصلحون الامور معه لدرجة انهم رضوا باي شي لاجل ارجع لعيالي محد كبر السالفه الاهو واهله ..انا طلبت اني ارتاح عند اهلي شوي بسبب مشكله بيننا يعني مارحت وانا مااكلمه او كبرت الموضوع.. وبعدين عيالك لمى يدخلوا المدارس وش بيكون وضعهم ؟؟؟ اذا عندك بنت اذا بلغت من بيكون حولها ؟؟؟ اهله بيحرموك من ابنائك والا لا؟؟؟ هذا الي خلاني اتراجع وابي ارجع لهم مو له استخيري الله واستغفريه ووكلي امرك له ويمكن البعض اعطاك طرق للرجعه جربيها اسعي انتي لاتتركي الموضوع تراها حياتك وابنائك انتي مو ملك لنفسك ملك لثلاثه غيرك الله يسر لك الخير يارب ويفرج همك يااختي الغاليه اتمنى تقري ردي مره واثنين وثلاثه يمكن تكون فهمتيني |
23-10-2008, 08:36 PM
|
المشاركة الأصلية كتبت بواسطة بنت ابوي 1
كان الله في عونك اخيه وفرج الله همك ووفقك الله دنيا واخره يارب واصلح حالك واحوالك عاجلا غير اجل يارب
|
23-10-2008, 09:34 PM
|
المشاركة الأصلية كتبت بواسطة bzns
اختي الفاضلة صبرا جميلا
اخترتي لنفسك اسم صبر جميلا وبهذا الاختيار انتي مؤمنه بالصبر ونتائجه والحقيقة انني اعتب على بعض المتداخلين في الموضوع والذين يرؤن الانفصال ومنهم من يقول لك احقية الحضانة وغير ذلك 0 لاتعتب الله احل الطلاق وصحيح انه ابغض الحلال لكنه حلال .. وفي بعض المرات يكون هو الحل الاخير لبعض الازواج والله سبحانه وتعالى اوصى بالاصلاح وليس الهدم ومن اسباب حفظ الديار والقرى من الهلاك هو الاصلاح يقول تعالى ( وماكان الله ليهلك القرى واهلها مصلحون) وليس صالحين اذا اختي من اخ محب لك الخير ومن اخ عايش وقائع الزمن انصحك بان تعملين على سياسة الاحتواء والاخذ باليد وتحكيم العقل والصبر الجميل وعليك قراءة الواقع والمستقبل فانتي لديك اطفال وهذا الزوج ومع الزمن سوف يتغير من جور الزمان وعنفوانه واعلمي ان الله جعل العصمة في يد الرجل ومن هذا وجبت عليك الطاعة والصبر وعدم تاجيج الامور ولانحتاج ان تنشري لنا عيوب زوجك فالبيوت اسرار واكتفي بما طرحتيه من اساس المشكلة حتى يساهم العقلا في الوقوف معك بالارء والنصائح فانصحك ان تحتضني زوجك وان تتقربي الى اهله ولو من باب المجاملة والزمن كفيل بان يربي المستهترين امثال زوجك كوني افضل منه اخلاقا واخلاصا ومحبة وتعاطفا وعليك بلين الجانب 0 الموضوع يطول واكتفي بهذا وان شاء الله لي عودة ان لم انسى . وفقك الله وجمع بين قلبك وقلب زوجك على السعادة والمحبة والالفة |
03-11-2008, 06:36 PM
04-11-2008, 03:03 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
