بالفعل نقاط من ذهب أشكرك بعمق أختي الكريمة..

وجوزيتم خيراً..

بسم الله الرحمن الرحيم

حياك الله اخوي في الله انا وضعت نت في البيت بس بعدها بثلاث اسابيع شلته وبعت الجهاز عشان انا السبب بصراحه كنت استخدموا لشات ولاغراض خاطئه بس ربي يعلم ما خشيت مواقع اباحيه ولله الحمد بس المشكله صارت لانها كانت تجلس لحالها عشان انا كان عندي مبداء متعصب جدا الوحده ليش تمسك نت اصلا بس مع مرور الايام اكتشفت اني خاظى 100 %

الثقه لو موجوده والزوجه اذا استخدمة الجهاز بشكل سليم مثل الرجل تمام ايش المشكله بس الان ولله الحمد انا اخبرها انها من الصبح انا في العمل في هذا الوقت هي في العمل ايضا بعد الظهر وقتها في الغذاء وبعد العصر انا اجي من العمل وهي تجهز كل شي بعد المغرب ساعة العائله من اهم الاشياء هذي الساعه تعرف كيف الاوضاع وانقاشات وبعد صلاة العشاء لها النت ولك حتى الساعه 11 ونص بالكثير الى 12 عشان النوم وفي نهاية الاسبوع الى الساعه 1 او 2 فقط لاتزيد اما اللي يجلسو على النت 24 او 12 ساعه احس انهم مبالغين شويتين

ولك الاختيار بس افضل شي لا تجعلها تدخل الايمل الخاص بك لانه جزء من عملك وانا من انوع اللي ما تدخل زوجتي في اشيائي الخاصه ولله الحمد مثل الايمل الجوال المحفظه حتى مفتاح السياره افضل وانا في امور خاصه لها مستحيل ادخل نفسي بها عشان بهذي الطريقه احترم خصوصيتها في حدود المعقول

والله يوفق الجميع لما يحب ويرضى ودمت بود اخوي في الله

أشكرك أخي الكريم لطرحك تجربتك الشخصية..

بس عندي تعليق بسيط بخصوص الإيميل يعني إذا كان مفتوح على الجهاز أعتقد ما فيه مانع إذا شافته وبالنسبة للجوال طرحت وجهة نظري في ردي السابق والمحفظة كذلك ما المانع إذا طلبت مبلغ معين تقول لها روحي خذي من المحفظة ماني شايف فيها شئ يعني إذا فتحتها إيش راح تشوف فيها غير فلوس (إذا كان بأول الشهر خخخ عن نفسي) ولا بطاقات تأمين ولا بطاقات بنكية ولا بطاقات مستشفى الله يجيرنا وإياكم يعني ماني فاهم ليش التزمت في هذه الناحية من قبل بعض الرجال..

أما بخصوص مفتاح السيارة بصراحة هذه جديدة يعني من إيش خايف لو مسكت المفتاح..يمكن علشان البصمات ولا علشان لا تسرق السيارة وأنت نايم خخخخ ترى أمزح معاك..

حياك أخوي وجزاك الله خير على المداخلة..

اوافقك الراي تماما في التردد فهو خطوة غاية في الخطورة
وبالفعل يمكن ان تكون سببا في هدم البيت والطلاق
فقال النبي صلى الله عليه وعلى آله وسلم ( كلكم راعي ومسئول عن رعيته فالإمام راعي ومسئول عن رعيته والرجل راعي في أهل ومسئول عن رعيته والمرأة راعية في بيت زوجها وهي مسئولة عن رعيتها والخادم في مال سيده راعي ومسئول عن رعيته فكلكم راعي وكلكم مسئول عن رعيته )

اتعرف اخي والله انا اعاني نفس معاناتك هذه داخليا خوفا من المستقبل فابنتي عمرها 8 سنوات ومعظم استعمالها للكمبيوتر جيمات لكن اتساءل بعد عدة سنوات بسيطة ماذا افعل اذا قالت لي زميلاتي يدخلون النت واريد مثلهم
انها ستكون ماساة بالنسبة لي فانا لا استطيع ان القيها في البحر وانظر اذا كانت ستغرق ام تستطيع العوم وحتى ان اعطيتها طوق نجاة فانا لا اامن عليها ارتفاع الامواج
الامر اخي غاية في الخطورة ومن لا يتعظ بغيره ربما يتعظ به الاخرون فيما بعد
ونحن نرى نساء يقعن في شباك ذئاب يستملنهن بحلو الكلام فما بال الفتيات الصغيرات

اعذرني فمخاوفي كام طغت على ردي

اما بخصوص الاحتياطات التى يجب ان تتخذ فانا امنع تماما وجود اى نوع من انواع الماسنجر لانه الداهية الكبرى من دخول النت
فيما عدا ذلك فيجب ان يلاحظ الزوج الى اي مدي يجتذب النت الزوجة فهو ان كان يشغلها عن واجبات البيت فهنا يكون اصبح نقمة وليس نعمة
ولا شك ان له فوائد كثيرة يكفي اني من خلاله التقي اخواتي واخواني في الله هنا كما اني استعين به كثيرا في الاكلات التي اجهلها ويساعدني في الابتكار في فنون المطبخ

ومع كل هذا فصدقني ربما ان كنت لا اتابع عملي من خلاله وهو يغنيني عن الخروج من البيت لمتابعته فوالله ربما كنت لغيت اشتراك النت تماما لان درأ المفسدة مقدم على جلب المنفعة

احيي فيك بصدق التمييز بين الثقة والتهاون فهذا يدل على عمق تفكيرك ومدى حرصك على زوجتك وبيتك
الله يحفظ بيوتنا وبيوت المسلمين جميعا ويكفينا شر خلقه

__________________