هههههههههههههههه
والله تجنني اختي صريحه
هانتي قلتيها طريق الالف ميل تبدأ بخطوه
من جد طلعتي ذكيه وعرفتي تجاري مراهقته
الله يسعدك ويوفقك ويهدي لك ابو الشباب
مازلت متابعه فلمك ....
كملي معاه تراك نجحتي بنسبة 50%

__________________

الاخ أبو فيصل جزاك الله كل خير
وانا عارفه قصدك من البداية بس مادري ليش جاءت نتيجته عكسية علي ؟؟
بس بعد ما قريت ردك الاخير ارتحت كثير منه وقدرت انام وتخطيت الخوف اللي ذبحني واطمأنيت ورجعت ثقتي بنفسي
وياليت اللي تكتبون من عبر يقراه زوجي أو يعتبر فيه .. لأني وان ناقشته رد علي بنقاش يكون منطقي فلو قلت له: لاتصور ترى حتى لو محتشمه ترى يكفي الوجه ويركبون عليها صوره ، فيرد علي : في بعض الدول ولاشي عندهم هالبلوتوث عادي البنت كاشفه الوجه وماتخاف يركبون عليها صور....!
واذا قلت له بس احنا غير مو مثلهم البلوتوث عندنا مو عادي ....
يرد علي : انزين اذا احنا غير فاحنا لمن نسافر دول اوروبيه نكشف الوجه يعني بيصورونج بلوتوث !!
يعني بالعربي لكل شي له رد .... وفي الاخير يقنعني ان الموضوع عادي ومايخوف..!
في الاخير اشكرك جداً اخوي ابو فيصل واتمنى تستمر بطرح مثل هذه المواضيع يمكن يعلشان يعتبر فيها الكثير قبل مايطيحون فيها
( ولكن بالنسبه لي بعدها عني لين تنتهي مشكلتي بإذن الله )
.......................................

اختي مشكلتي اصدق فديتج والله على التعليق والرد
وريحتيني الله يريحج بخصوص الفورمات طلع الموضوع سهل !
اشكرج من كل قلبي
.................................................

اختي ميار الحلوه
اشكرج على الرد وبسي تخويف وتهويل للموضوع انا أتأثر سلبيا بهالكلام
وان شاء الله بتابع برنامج الدكتوره فوزيه
..................................................

عزيزتي نورا .. قلتي :
عزيزتي ماتابعتي ردودي في مشاكل حليتها وانتهت مثل شلة السوء
بالنسبه لشلته انا كلمت الوالد واخواني وابوي كلم زوجي وزعل عليه بس زوجي اعتذر منهم وكم اسبوع وردوا يجون ...ولمن قلت له ليش سمحت لهم ... قالي : مو انتي اللي تمشيني على كيفج هذول اصدقائي وهذا بيتي ... فكلمت اخواني وكل واحد فيهم مسك له واحد وهدده انه مايجي بيتي ومن بعدها وقفوا
وصار ولا حد يقرب صوب بيتي حالياً الا نادر وبعد مده طويله توصل شهر يجون الساعه 12 في الليل يسهرون ساعه او ساعتين ويطلعون وجيتهم نادره ومو من صالحهم يجون بيتي ويشوفهم حد من هلي فصاروا يتجنبون يجون بيتي هذا غير اني ابين لهم اني متضايقه ولا اعبرهم يعني لاضيافه مثل قبل من شاي وقهوي وعشاء .... ولا حتى اخلي عيالي يحتكون فيهم او يقعدون معاهم او حتى يردون عليهم السلام حتى انا لو صادف وتقابلنا في الدخول والخروج ماسلم عليهم ولا ارد حتى عليهم السلام كأني مو شايفتهم لين اركب سيارتي او اذا كنت راده من برع وداخله البيت
وتعتبر مشكلتي انحلت وحاليا اظن انهم لقوا لهم مكان ثاني ... اشوف زوجي كل يوم سهران للساعه واحده وبعطلة الاسبوع يسهر لقريب الفجر
ولا حول ولا قوة الا بالله ان سهروا في بيتي مارتاح وان سهر زوجي برع بعد مارتاح واشك واوسوس بس انا جربت في بيتي على الاقل حاسه بأمان في بيتي مو اول الساعه صارت 3 الفجر وللحين ماطلعوا ومو حاطين للبيت حرمه لا هم ولا زوجي وماقدر انام وامر على كل غرفه من غرف عيالي اتأكد انهم مقفولين بالمفتاح وانا اقفل علي غرفتي بالمفتاح حتى الخدامات انبه عليهم مايفتحون غرفهم
احيانا احس اني ابالغ بس شسوي مانلام خاصه ان احيانا زوجي يكون نايم وحضراتهم سهرانين يتابعون فلم والا يسولفون وكان البيت بيتهم ... فبذمتكم شلون بيحميني لو صار شي ..
في الاخير مشكلة ربعه انحلت ............
..............................

اما بالنسبه لكلامج يا اخت نورا ولكل من يقولي ان المشكله مانتهت وانه ممكن يصورني وانا نايمه ...
صح...... بس..........!! بشرح لكم فلسفة التصوير بالنسبه لزوجي !!
لمن حد يشوف بلوتوث حق واحده نايمه فيها شي ؟؟ماظن فيها اثاره ؟؟ واحده ونايمه وكلنا ننام !!
ومن خبرتي بزوجي مااظن يصورني وانا نايمه او اكل او مع العيال او حتى رايحه عرس وكاشخه لان معروف ان هذي زوجه والا بنت والا اخت وشريفه ومسكينه صوروها بدون لاتدري
وهو مايبي جذي يبي يعيش الدور ويكون البطل ولمن تكون جريئه وتطلع مع شباب تعجبه يحس انه يشوف مقطع بلوتوث خطير ويجذبه !!
فزوجي يصور اشياء تثيره مثلا رقص مع لبس قصير ومغري او ملابس نوم او يطلب مني نطلع سوى فاكشخ له واتعدل والبس عبايتي وشيلتي وقبل البس النقاب القاه قاعد يصور .... !
المهم شي يشبه حركات المراهقين واللي يتعرفون على بنات ويصورونهم بالخش اما يصور شي عنده وحلاله وينفهم انها زوجته مايعجبه
وحتى لو عجبه المقطع او الصوره وطلع فيه حد من العيال معاي يحذفها لانه يحب يعيش دور المراهق واللي عنده حركات .. وعنده صديقه خلاها تحبه ...
ولو اسمح له كان حتى العلاقه الحميمه بيصورها !!!
واحد ماعاش مراهقته ويبي يعيشها متأخر وعلى حسابي ... يعني فعلا مريض ( صدقوا اللي قالوا عنه مريض )
اتمنى تكونوا فهمتوا قصدي
.................................
اختي سابرينا
اشكرك على المرور وردك شجعني
.............................
اختي حائزة الامل
شكرا لك على التوضيح وانا فعلا اذا ماغير من اسلوبه راح اكلم الوالد وبسويله مشكله شسوي له هالزوج كل شوي طالع لي علي بمصيبه ( كبر واستخف )
................................

اختي فيافي نجد اشكرج على الرد والرابط

..................................
عزيزتي هايدي
تسملين فديتج على السؤال عني واظن عرفتي اللحين ليش اغيب
من دشيت هالمنتدى على كثر ماستفدت منه وارتحت فيه وظنيت اني بكون بس اعلق على المواضيع ... لقيت مشاكل تطلع لي ماكانت في الحسبان وصار عندي انا مشاكل تشغلني احيانا احلها واحيانا ماتنحل وابي مساعدتكم ..
فاشكرج يالغاليه على السؤال والتعليق
........................................
اخيرا اشكركم جميعا وجميع من علق وفادني ولو بدون ذكر اسمه
وجزى الله خيرا كل من دعى لي ولزوجي بالهداية

.......................................

اختكم / صريحه جداً

__________________

طيب اختي حاولي تكلميه اذا هو يحب التصوير انه يصورك فيديو وترتاحي من الجوال ويكون شريط الفيديو معاك انت وتتفرجوا عليه سوا
انا دايما في المناسبات اتصور انا وزوجي واولادي وكمان اتصور وانا ارقص
ان شاء الله ان هذا حل يريحك شوي ويقتنع بيه زوجك

عزيزتي جناين ورد2008
لا ياعزيزتي حل مايريحه ولا يقنعه .... ( الا اذا كان فيديو سكس لي معاه بيعجبه ) وهذا مستحيل لان عندنا استهتار باشرطة الفديو
ولاتتصورين انه مايصور فيديو !! عندي كثير اشرطه لي انا واياه والعيال وحاليا في الفيديو صار يتجرا ويسوي حركات بوس واحضان مع ان عيالي موجودين بس هذي مقبوله وانا امسحهم بعد ماشوفهم لان عيالي يحبون يشوفونهم بعدين على التلفزيون
مع العلم ان كل شريط نتصوره اذا خلص يشيله ويركب غيره وهو مايدري وين الاول يعني ممكن الاقي واحد فوق التلفزيون وواحد فوق ثلاجة المطبخ وواحد مرمي في الصاله عاااااااااااااادي
واذا انا اللي كنت اصور وخبيتهم بغرفة نومي القاه يعطيهم للعيال يتفرجون عليهم علشان يسكتهم ويفتك منهم ويالله يهال 4 وخمس سنين اسالي بعدين وين اشرطة الفيديو خاصه واشرطة الكاميرا من النوع الصغير جداً
اصلاً زوجي مايسأل وين الشريط ولا يهتم فيه وكل مره تصوير جديد ... سافرنا بلد نتصور ... رحنا منتجعات نتصور .. حديقة حيوان نتصور ...
ايام زمان كان تصويره علشان ذكريات نشوف نفسنا ونشوف العيال وهم صغار وبعد فتره لين يكبرون اليهال نشوفهم ونضحك عليهم ويستانسون العيال ( بس مادري وينهم )خاصه وان اشرطتهم كانت كبيره وكاميرتهم تعلطلت فشرى جديده وما اهتم لمصير الاشرطه القديمه !!
وزوجي مايصور للذكرى يعني لأي مناسبه يصورها حتى لو شافنا في الصاله يصور ويخلي العيال يصورونا سوى وبعد مايشوفها ونضحك سوى مع العيال خلاص ينتهي امرها ومايسال عنها ماعنده خوف من انها تطيح بيد احد ولا تلوموني وتقولون لي ليش ماحافظت على الاشرطه انا كنت ياهل واعتبر مراهقه ومسلمه امري لزوجي وحالي حال عيالي هو مسؤول عني
وبالنسبه للجوال مو كلها صور رقص وغيره فيه صور لي وعيالي وهو معانا خاصه لمن نكون مسافرين سياحه
بس انا كنت مثله حسسني في السفر انه عادي واكون على الاقل بشيلتي وعباتي ومع انه غلط اتصور في الجوال ... وانا ماحسيت انه غلط الا لمن صار يصورني صور كاشفه
وحتى صوري مع العيال بالعبايه والشيله قلت ترى ممكن يركبون صوره على الوجه بس ماهتم وكان لكل اعتراض مني جواب له
فزوجي يصورني بجواله انا وعياله ولو حد شاف جوال زوجي بيشوف العائله الكريمه من زوج وزوجه وعيال واسره سعيده ..... وبنفس الوقت بيشوف واحده الله يستر عليها والواحده هذي هي نفسها اللي لها صور مع زوجها وعيالها
بس لها صور في وضع مختلف !! ومفروض ماينشاف الا مابينهم!!
فزوجي مو هوايته التصوير بقدر ماهوايته وهدفه انه يكون له صور لي تثيره وبنفس الوقت مايحافظ عليها بس ماظن يقصد يضرني اظنه يقصد يونس نفسه ... يشوف نفسه او يتخيل ان له حركات ... شي جذي ... ومتاكده انه مثل مايقول محد يشوف بس بعد اوسوس من احواله المتغيره علي ودينه المنحدر للحضيض وعلى قولتكم ( ديوث ) ومخليتني اتحسف واحذر من ان يصورني
ويااااااااااااارب اللي مافهمني يكون فهمني وفهم وش اقصد

__________________

البنت تقولكم زوجي يخفي الجوال وقت نومه

انتبهوا لتفاصيل المشكلة كاملة قبل الرد..

كلام الاخت نورا واقعي ممكن تتكرر نفس الطريقة بجوال اخر..تريدي الحق ياغالية..امرك يحتاج لو قفة رجال ومادام

والدك حفظه الله موجود ..لاتخجلي من طرح مشكلتك فليس هناك احرص عليك من ابيك..لكن لاتتركي بيتك

والله يهديه

__________________

ان كان هو لا يخاف على عرضه فخافي انتي اختي العزيزة على نفسك ...
احمل جواله بعيدا واحذفي شريحته واكسري جواله دون ان يعرف انك انتي الفاعله , لا تسمحي له ان يقوم بتصويرك مره اخرى , ولا تتهاوني معه في تساهله بوجود اصحابه ومكالمتهم لك واخبريه ان لم يكن هو من يخاف عليك ويغار فمن يكون ؟

اشعريه انك اصغر منه وانك ربما تنجذبين بفعل الشيطان الى احد اصدقائه وحينها لا ينفع الندم .


ان تطورت الامور لا تخفي شئ عن عائلتك , لان زوجك ( واعذريني ) قليل دين ومرؤة , اهتمي بنفسك جيدا وتأكدي الرجل الذي لا يخاف على زوجته ولا يهتم بأمرها ليس رجل سوى ...( اتبعي طريقه وابحثي عنه فقد لا يكون مدركا لم يحدث من حوله )

وفقك الله وحفظك من كل شر.

الله يكون في عونك بس لازم تتخلصي من الصور اللي علي جواله بأي طريقة حتي لو زعل شوية مش مهم هترجع المياه لمجاريها ثاني لكن تتركيها كده هتلاقي في يوم من الأيام صورك منشورة بالبلوتوث .

غاليتي اعانك المولى واصلح لك زوجك


هنا على هذا الرابط عالم الاستشارات الخاصه

بامكانك كتابة مشكلتك هناك

وسيرد عليك اصحاب الاختصاص



http://www.66n.com/forums/forumdisplay.php?f=70

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

اشكركم على التعليق ...
بصراحه بعض الردود شجعني على المواصله وبعضها حبطني ....وكلكم جزاكم الله كل خير
ونفسيتي زفت ومادري شلون افكر واتصرف وحاسه اني تعبانه بدون ماسوي شي
واللحين حاسه باحباط وخوف كبير خلاني اوقف مكاني وماسوي شي
من امس بعد مارجع زوجي البيت آخر الليل ونام ماصار اي تغيير .... واليوم بعد الردود اللي رغم ان فيها تنبيه لي وتخويف إلا انها أثرت علي بالسلب !!
واليوم كله ماسويت شي لاني خفت من اللي قريته .. واحس باحباط
واللحين زوجي طلع ومافكرت اسوي شي صايره سلبيه ومتحطمه وعقلي موقف عن التفكير .. وابي اسكت وماتكلم وابي انام وانسى الموضوع ..
......................
الاخ ابو فيصل الرابط اللي حطيته مفيد جداً وكله عبر ... وجزاك الله كل خير ..
بس مادري ليش اثر فيني لدرجة الاحباط !!حسيت ممكن استفيد منه اكثر لو ماكنت اعاني وعندي مشكله .. بس احس انه اثر فيني بالسلب واحس باحباط ..!!
اعتبرني حاله شاذه .. بس فعلاً حسيت اني مثل اللي يعاني من مرض خبيث ويفكر بعلاجه واستأصاله .. وجا شخص وقاله غيرك كثير كان مريض بالخبيث بس مااااااااااااااات ..!!
لدرجة خلته يوقف علاج ويوقف استأصال المرض وبالتالي بينتشر بالجسم كله وبيأدي للوفاة !!!!!!!
رغم ان موضوعك في الرابط اكثر من رائع وكله عبر بس انا صرت سلبيه
خفت من خطورة الموقف من كلامكم مع ان زوجي يبسطها لي .. وجاء موضوعك الضربه القاصمه لي ... اثرت فيني وخوفتني وشلت تفكيري ... وخلتني اخاف خوف سلبي بدون عمل .. وخلتني انتظر الخطر بدال ما اوقفه
رغم ان هذي المخاوف ممكن تتلاشى مني من مجرد حوار مع زوجي واللي يسهل لي الامور ويبسطها لدرجه تحسسني بالامان وان عادي الزوج يصور زوجته وهي ترقص والا بملابس النوم والا لمجرد ان شكلها عاجبه
في الاخير... انا عاجزه عن التفكير وحاسه باحبااااااااااااااط ... رجاءاً ساعدوني على الاقل لين اقدر احذف صوري ... وبعدين بشوف حل للمشكله نهائي
واكيد راح اكبر الموضوع وادخل الوالد واللي اكيد اكيد الوالد بيكسر الجوال
بس اول شي احذف صوري مابي اتفشل جدام ابوي ومستحيل اكلم ابوي قبل ماحل نص المشكله
انا مشتته وتايهه وماعرف شلون اتصرف
ادعوا لي بحسن التصرف...........

__________________

ياختي ريحي بالك ولاتعيشين بقلق وادعي ربك وادعي ان الله يستر عليك وبعدين وش ها التفكير الصور يشوفها ابوك ولا يشوفونها ملاين
الناس لو لاسمح الله وتوقعنا اسوا الاحتملات انتشرت بلتوث وهذا توقع بعيد جدااا وبعدين وش ها التفكير خايفه ابوك يشوفها طيب واذا شافها هذا شي حلال
ماسويتي لاحد غريب خلصي نفسك من ها الكابوس وفكي عمرك والله حرام تضيعين دقيقه من عمرك بسبب قلق ومخاوف ممكن تصير وممكن لا المهم لعاد يصورك مره
ثانيه ابداااا وحطي حد للموضوع وخلصي نفسك وبعدين فكري بذكاء شوي الصور
موجودة بس بالجوال لازم تحصلين عليها لانه لو يبي يجيب له عشر جولات ويوزعها
بكل جوالته ويخلص عمره ويقولك خذي هذا الجوال ومسحنا الصور علشان ترتاحين لكن من الواضح ان الصور بس بهذا الجوال الي خافيه حاولى تحصلين عليه بسرعه
قبل لايفكر ينقلها لجوالته الثانيه