الأخ الفاضل .. يرجى مراعاة حدود التخاطب بين الجنسين ..

وفقك الله ..

مدري هالكلمة اثارتني شوي

يااخت ديمة
انتي تبحثين عن الحق ولا عن ناس بصفك ؟؟
الدعوة ماهي مباراة كرة قدم وتقسيمة !!!!
واحب اقول ان جميع من رد عليكي وحط الخطأ عليكي كان بسبب طريقة عرضك للموضوع اساساً
يعني مو معقول
ارجعي اقرأي موضوعك من الاول وركزي انتي ايش كتبتي !!
وبعدها كتبتي توضيحات اخرى جانبية
----------
موقف زوجك المتشدد انتي ابخص فيه ..
وشكله حاقد عليكي بقوة ..
والله اعلم

مثل ماقالو اغلب الاعضاء حركة الــ 20 ريال لوحده كافيه تهد رجال . تخيلي يصير لك نفس الموقف .. والله تقهر


وصحيح يعني اللي سهرك عند اهلك يخليك تكملي ربع ساعه تفطري زوجك وتجلسي معاه ..

معليه اختي بس انتي غلطانه شويه وبغلطك انتي تجرأ زوجك وغلطت عليك ..


تخيلي لو طلبتي من زوجك شي ورد عليك بمثل ردك عليه وقالك خذي 20 ريالت تعويض ... يمكن تروحي لبيت اهلك زعلانه لاسمح الله

الله يصلح حالك...

خلاص اللي صار صار .. لكن تعلمي منه .. والحين دورك ان تراضيه بكل مااوتيتي من قوة ..

هاذا زوجك لو ماتعبتي عشانه او ولعتي اصابعك شمع مين اللي راح تتمني رضاه ؟؟؟<< انا مااقولك كذا يعني انتقاص من حقك او اهدار لكرامتك لاسمح الله .. لكن لان مافي بين الزوجين شي اسمه كرامه انتي غطاء له وهو كذلك


الله يسهل امرك .. وحاولي تعوضيه بترضيه جامددددددده

__________________


اللهم فرج كربتي ويسر امري واكتب لي الخير يارب

ياساااتر مرة مبكرين الموضوع ترا السالفه بايخه وش فيها اذا تعبانه وفيها نوم بيموت يعني لو دخل المطبخ وصلح له فطور؟؟

ياناس كل الكرة الارضية الرجال يساعد زوجته ويدخل المطبخ معها واذا كانت تعبانه او سهرانه ممكن هو يدخل المطبخ ويصلح له اكل الا عندنا هنا وكأن الزوج اهااااااااااااانه لو يدخل المطبخ يسوي كوب شاهي..

قال ايش متزوج وادخل المطبخ اجل وشوله تزوجت<=== طبعا هذا بيكون رد اي زوج لكن الزوجة بشر من لحم ودم مهي رجل آلي سهرت عند اهلها ورجعت ونامت بدون ماتسوي فطور؟؟ ادور على الذنب العظيم اللي اقترفته البنت مالقيت..

يعني هي لو يوم من الايام حست انها محتاجه للسوق او تبي تروح بيت اهلها وكان الزوج تعبان مرة وفيه النوم وقالها لا ابغا انام هل بتحملونه الخطأ زي ما حملتوها اياه الحين؟؟

ياناس الحياة الزوجيه تنازلات وتفاهم وحب اما اذا الواحد بيدقق على كل سالفة وبيزعل من اي تقصير بسيط مارح يقدر يعيش حياته الزوجيه براحة واحد الطرفين بيضطر يكون هو اللي دايما يتنازل ويعيش حياة مشي حالك..

ارجعو اقرو في سيرة الرسول صلى الله عليه وسلم وسيرة الصحابة رضي الله عنهم شوفو كيف كانو يساعدون زوجاتهم ويتفهمون حاجاتهم ويراعونهم اذا تعبو ويغفرون لهم تقصيرهم.. الله يهدي زوجك ياديمه

صحيح المفروض اني اورد لك حل بدل ما اتشره على الاعضاء بس انصدمت بالردود وقد ايش مكبرين السالفه يعني احاول افهم ايش فيها اذا دخل الرجال المطبخ وصلح له ساندويتش وكوب شاهي مني قادرة افهم !!

__________________

ابو فراس النمري

انا ابي احد ينصفني

وبيني وبينك كنت ناويه اخلي زوجي يقرا ولكن بعد ماشفت الردود مستحيل اخليه يقرا

لان بعض الردود بتخليه يعصب علي زياده ويحس اني غلطانه صدق

وعموما جزاكم الله خير

الحمدلله طلع زوجي اهون من غيره

وش فيها اذا صار الزوج محتاج واخذ من زوجته ؟

مو احسن ماياخذ من واحد غريب

سبحان الله توني ادري انها اهانه

هلا وغلا اختي العام
يلا عطيني اقتراح لترضيه جامده

البحلة بالنفس

هلا والله نورتي الصفحه

والله كلامك عين الصواب انا نفسي استغربت من الردود لاني كنت اتوقع كلهم بيجون في صفي

بس الظاهر الدعوه من اول رد الباقين يقتنعون فيه وكلهم يردون مثله

والله يااختي اذا انتي منصفة لنفسك بتخليه يقرأه ولا يهمك من معك ومن معه

وبصراحة انتي ماتبين احد ينصفك
انتي تبين من يحمل زوجك الخطأ كاملاً حتى تهربي من احساسك بالذنب تجاه زوجك

واعتقد اننا اوضحنا لك وين خطأك بالضبط ..

موضوع الفلوس فقط ..

واذا هذا الموضوع عادي عنده ترى انتم ابخص
وقتها اقول انك منتب غلطانة
ولا في مشكلة من اساسه

لكن تعتقدي ليش زوجك زعلان ؟؟

بيتدلع عليكي مثلاً ؟؟

المشكله يا اختي بالطريقه الاستفزازيه اللى عطيتيه فيها الفلوس كأنج تصدقين عليه

تخيلي نفسج انتي تشتغلين في مكان واخر الدوام كنتي تعبانه حيل والمدير قالح ماتطلعين الا يوم

تخلصين هذا الشئ ضروري اليوم والموضوع ياخذ 10 دقائق شوكنتي بتسوين اكيد راح تصبرين وتخلصين

هالشغله اللى تاخذ 10 دقائق فقط ......

ونحن مش متحاملين على الحريم بس الزوج دائما يريد يختبر اصاله الزوجه وهنا تبان الاصاله

يعني معقوله 6 ساعات سهرانه مع اهلج على قلبج مثل العسل وربع ساعه او 10دقائق تحضير فطور

خلاص ماقدرتي عليها لاوبعد تقولين خذ عشرين وروح افطر والله هذه مش اصاله ابدا......

الموضوع بالاساس هو أولويه هل زوجك اول اولوياتك ولالا ......وبعدين ترى الرجل مش مجبور انه يسجد

لزوجته الرسول (صلى الله عليه و سلم) قال لو امرت احدا ان يسجد لغير الله لامرت الزوجه ان تسجد لزوجها

يعني حق الزوج على الزوجه اكبر من حقها عليه ........

الحين اللى صار صار الحين حاولي تزيدين معيار الاصاله عندج وريه مواقف تعوضه وتكبرك في عينه

على فكره انتي ماسويتي جريمه انتي من نفسج خله يكون عندج طموح ارضاء الزوج لابعد الحدود

خليه اول اولوياتك بحيث حتى لو كنتي تعبانه او شي تقومين وانتي مستانسه لانك مهم جدا عندج

القصه مش فطور وجوع القصه انه يبي يحس انه اول اولوياتك يبغى يحس انه عنده حرمه اصيله

تراعيه وتهتم فيه هذا كل الموضوع بس والسالفه صغييره بتعدي على خير وبينسى بس لاتعيدين

الاسلوب الاستفزازي هذا وكوني له امة يكن لك عبدا