ياليت كل الازواج مثل زوجي...لكن؟؟
السلام عليكم
كنت فتاة عزباء قبل سنه ونصف ومثلي مثل كل فتاة تحلم بزوج صالح , وتخرجت ولله الحمد من الكليه
وجلست في البيت لاننا بفضل من الله اوضاعنا طيبه والحمدلله وابوي واخواني رافضين موضوع عملي جملة وتفصيلا ناهيك على اننا بدو وربما العاده تلعب دور اكثر من الحاجه, بكل الاحوال كنت مرتاحه جدا
ولا ناقصني شي ولا انكر في نفس الوقت قلقي من موضوع الزواج,
المهم تمت خطبتي من شاب مهندس خريج دوله اوربيه ومن جماعتنا لكن مافيه علاقه بيننا كثير,
لكن هو من الجماعه,وبيني وبينكم كنت متخوفه خصوصا انه متخرج من برا وانا رغم وضعنا الاجتماعي
الطيب بين جماعتنا الا اننا جماعه محافظين , واهله ايضا محافظين,
المهم ليس لدينا رؤيه شرعيه,شفت صورته وكان وسيم جدااااااااا جدا ماشاء الله,
طبعا لا كلمنا بعض ولاشي,وتم الزواج,,ومن اول ليله انا وهو حمدت ربي, اول شي طلب مني اننا نصلي ركعتين, وبعدين طريقة كلامه ومنطقه وذوقه وادبه كل شي كل شي فيه كان يجنن,ودمعت عيوني في لحظتها, قالي افااااااا تبكين في اول ليله في زواجك, اذا ماتبيني قولي,,والله مااسوي الا اللي يرضيكي,
قلتله لاااااااااااااااا وبديت اشرحله,,واني بالعكس انا احمد ربي وقلتله اللي ريحني انك طلبت مننا نصلي
وانا دايما ادعي من ربي يرزقني بانسان صالح.ومن يومها هو عرف طريقة تفكيري وانا بعد,
ورحنا عمره بعدها وبعدين رحنا للبلد الاوربي اللي كان يدرس فيه وكااااااااان جنة الله في الارض
طبيعه وكل شي جنان,,واخذني على جامعته ووين كان ساكن ,,يعني والله العظيم عيشني اسبوعين,من انخلقت على الدنيا ماشفت زيهم,
وكان جدا متواضع ويحب الناس وشخصيته قويه وذوق بتعامله ودين دين واخلاق.
رجعنا للمملكه وطبعا من اول ايام زواجنا هو قال خلينا ناجل موضوع البيبي بعدين,
خلينا نعيش كم سنه ونسافر ولاحقين عليهم ان شاء الله,قلت له اوكيه
رجعنا وكان هو يهتم بالمشاريع الصغيره ومع انه صغير في السن ماشاء الله,وهو عنده مطعم
على طراز اوربي وكان كل 3 ايام في الاسبوع ياخذني نتعشى هناك, وسجلني في نادي رياضي
وكل يوم يوصلني بنفسه لمركز نسائي اخذ دروس بالفقه وحفظ القران وبنفس المركز هذا
احضر دورات انكليزي, طبعا بطلب منه هو.
صلاة الصبح مستحيل يصليها الا بالمسجد,ويصحيني للصلاة فانا اتوضى واصلي واحط راسي انتظره
وهو لما يرجع تدرون وش يسوي؟؟ اول مايتمدد على السرير يبوسني ويقول الله يخليكي لي.
والله ثم والله تدمع عيوني وهو مايدري,,,احمد ربي الله رزقني بانسان مثل هذا.
المهم ماابغى اطول عليكم هذا زوجي حبيبي متغير علي كثير كثير,,والله اعرف هو ماعنده خرابيط هالبنات
لكن مدري وش فيه , سنه ونص وهو يحليله يهبل,بس متغير الحين ,يعني اقلها البوسه والكلمات الحلوه بعد صلاة الصبح مافيه, طلعات المطعم زي اول مافيه, كله مشغول مشغوووووووول
والله صارلي اسبوع مسكت ورقه وقلم واكتب,كيف لازم استقبله اليوم, ايش لازم البس, ايش الاكل اللي يحبه,,اجيه بس اسوفه شوي رايق, احط ايدي على شعره وابوسه على راسه, واهمس باذنه حبيبي وش اللي مضايقك,,يقولي لا تحطين في بالك,,الانسان مش لازم يكون مثل ماهو طول عمره,
قلت وش قصدك يعني,,قال يعني احيانا ظروف تجي وتقلب كل شي,بس ابغاكي تاكدين اني احبك ويحلف بعد,,بس ماعليه نفسيتي شوي,,,,,,,
وانا الي قاهرني اني زوجته ليه مايقولي اي اللي مضايقه,
تكفون قولولي وش اسوي ؟؟ والله احمد ربي مليون مره انه رزقني بواحد مثله؟؟
تكفون احسه متغير كثيرررر
التعديل الأخير تم بواسطة بنت وايل ; 03-04-2007 الساعة 02:53 PM
03-04-2007, 02:48 PM
ضوابط المشاركة
العرض الشجري