مرحبا انا ابيكم باستشاره
تمت ملكتي على شخص... وكنت مبسوطه وفرحانه....وبعدها عرفت شي من مصدر اكيد وموثوق
الشخص الي ارتبطت فيه كان يحب وحده قبلي لحد الجنون وصارت بينه وبين اهله مشاكل كثيره علشانها ورفضو يتزوجها ...لانها من جنسيه غير جنسيته ...وبعد مرض ابوه وزعل امه وافق بالنهايه على انه يتزوج غيرها وخطبوني انا له وتوني عرفت يعني بالعربي الرجال الي ارتبطت فيه مجرررروح وزعلااااان ومايبيني ومغصوب علي وانا خلاص تورطت ..فكرت بالبدايه افصخ خطوبتي بس خلاص انا تملكت وبصير مطلقه وبنفس الوقت ولا احد يعرف بهذا الشي من اهلي بس انا اعرف وهو كمان مايعرف ان انا اعرف ...وانا لاحظت بملكتي انه كان مررررره مره حزين بشكل واضح ويتصنع الابتسامات رغم اني فعلا حلوة وبشهاده الكل جسم ووجه وكل شي وخفيفه دم ومثقفه و و و مابي اكمل لان هالاسلوب كاني امدح نفسي بس انا ابي احطكم بالصوره علشان فعلا انا محتاجه مساهدتكم لان نفسيتي دمار حزينه لاني تركت كل الي خطبوني وجوافقت على واحد طلع مايبيني جلست كم يوم بحاله يرثى لها تمنيت فيها اني اموت وحزنت على حضي
بس بالنهايه قررت ما استسلم ..لان مو من عوايدي ولازم لازم اقدر اخليه يحبني ويميل لي ولا احطم حياتي بايدي
بس فكرت وشلون؟؟ وهو الحين لانه مغصوب علي طبيعي يكون عنده ردة فعل عدوانيه مني زي ماتقولون عناد للي غصبوه خصوصا انه ظل متمسك برايه ولا همه احد بانه يتزوج الي كان يبيها بس مرض ابوه وتنويمه بعد الجلطه الي صارت له خلته يتراجع طالبتكم تساعدوني بالي تقدرون عليه
وبقولكم على الي خططت عليه
انا خليت ابوي يعزمه يوم الخميس هذا وبتكون بدايه المشوار الي لازم اكسب فيه بالنهايه
ابي تقولون كل الطرق والوسائل والاساليب الي اقدر اسويها علشان استميله لي بس مابي تقولون خليك طيبه خليك حنونه خليك دلوعه ابي تقولون شلون كل شي ابي مثال واضح طالبتكــــــــــــــــــــــــــم لاتردوني مالي بعد الله الا انتو لان اهلي واخواتي مابيهم يعرفون اي شي عن هالموضوع ابي اخوض المعركه لوحدي ولازم اكسبها واخليه يحبني ولا اتطلق

ابي اساليب وطرق وحركات وكلام وكل شي يخليه يستسيغني على الاقل بالبدايه واعرف ان فيه امل اكمل ......... طالبتكم ثبتو الموضوع