20-06-2014, 05:06 PM
|
المشاركة الأصلية كتبت بواسطة ام مريمي
اخي الكريم ،، تعوذ من ابليس وابعده عنك ... واضب على قراءة سورة يس وآية الكرسي مع المعوذات فهي تبعد الوساوس ...
ماعليه اعذرها وتقبل منها وكون معاها ،، كل انسان اذا مر بضيق وخصوصا الوفاة لشخص قريب لنا وبالخصوص نحن النساء يكون متنفسنا عند اهالينه وتحس بضيق لدرجة انها ماتبغي تكلم أحد تبغي فقط تسمع دعاء، تسمع سور من القرآن الكريم شي يخفف عليها ... رده فعلها ان كانت الاولى او فقط اثناء زيارتها لبيت اهلها فانا اقولك طبييييعية جدااا ،، تبغي تشبع منهم ، تبغي تكون كلها لاهلها فانت اعتبرها مسااحة خاصة بها وبك .. منها انته تغيير جو وتطلع من الروتين وتفكر بنفسك شوي تدلع نفسك ، حتى لو تسافر لك يومين ،، وليش ما يكون عندك اصدقاء او اقرباء؟! انت اعزمهم على سفره او سهرة بسيطة منها تجتمع بالناس تغيرر روتينك وتستمتع وماتخلي لابليس الرجيم اي فرصة .. وهي ايضاا تغير روتينها وترجع لك انسانة ملييئة بالشوق والمحبة .. نصيحتي لك حاليا ،، اتركها جم يوم لاتعاتب ولا تزعل .. مجرد ارسل رسالة بسييييطة للاطمئان عليها والتسليم ... كون على غير عادتك من الاتصالات وراح تشوفها هي اللي تبادر لان اصلا ماعتقد ببالها شي او انها تتعمد التطنيش ... بعد هالجم يوم اطلب منها الرجوع لحاجتك لها ولاتضغط عليها واوعدها انك تخليها تروح لبيت اهلها كل اسبوع لحتى تتطمن على والدتها وبجذي بتحصل على مرادك وبنفس الوقت تفرح زوجتك انك مقدر الحالة اللي هم فيها حاليا .. اخي الكريم ،، الاحظ بكلامك انك تحب زوجتك وتحترمها والسبب الوحيد لاحاسيسك هو الفراغ فقط .. تحتاج تملئه بتجمعات رجالية مع الاصدقاء ، ابني لنفسك علاقات مع زملائك اقربائك وكون انت المبادر وراح يرد لك بالمثل .. حسس زوجتك ان لها مساحتك الخاصة وله مساحتها ومو لازم الاتصالات الدائمة مهما يكون الواحد يحتاج لوقت لنفسه .. الله يوفقكم ويسخركم لبعض ويهدي لكم ابنائكم ان شاء الله |
20-06-2014, 05:38 PM
20-06-2014, 05:55 PM
20-06-2014, 05:58 PM
20-06-2014, 06:23 PM
|
المشاركة الأصلية كتبت بواسطة UMRAYAN
عارف وش مشكلتك ؟؟
والله اني كنت حاسه وقلت لك والحين انت اعترفت انت مو مشكلتك بس مشتاق لها وتبيها واجازه وماسالت عنك مشكلتك انك انت تغااااار من اهلهااا ..يعني تبي تفرح بس معك انت وتحزن بس معك انت وهالشي ترى في كثير من الرجال طبعا كله من وسوسة الشيطان يعني جالس وتجلس تتخيل ..أي الحين هي مستانسه معاهم ولا معبرتني...أي هي الحين تاكل معاهم وانا هنا منطق بروحي ..أي اكيد سهرانين الحين يسولفون وانا لحالي اناظر الجدران ... أي اكيد تشوفني اونلاين ولا تسأل لاني ماهميتها اهم شي اهلها ... واتوقع هالشي مو توه الحين يوم توفى ابوها من اول اذا راحت زياره لهم صح ؟؟ واتوقع اللي مزيد عليك يمكن ماعندك اصحاب كثير ولا اهل تزورهم كثير وهي يمكن اجتماعيه اكثر فيضايقك هالشي انت من يجيك هالشعور اعرف انها مجرد وسوسه ...تذكر الاشياء الحلوه بينكم .. طيب ليه ماتفكر مثلا انك تهئ لها جو اذا رجعت يعني فرصه هي بترجع حززززينه ومكسووره ولاتقول المفروض لا انت سندها وانت زوجها بس هو ابوها قبل لا انت تصير زوجها يعني هي المفروض انها ترجع تشوف فيك الابو والزوج احتضنها عوضها وقل لها مشاعرك واللي حسيت فيك بدون عصبيه وصراخ....يعني لاتكسسسسسسرها مرتييييييييييييييين هي فاقده ابوووووووو افهم هالشي حتى لو الوحده تزوجت يبقى ابوها الابو خيمه وسند وظهر ...خصوصا انك تقول ان اهلها بمدينه ثانيه يعني ماتزورهم على طوول ..لا تصير اناني بعيده عنهم علشانك لما تزوجتك و علشان بيتها وعيالها وتبي تبعدها بهالايام وهي مكسوره ... ترى توه اسبوع ... انا يوم توفت خالتي ظليت 3 شهور احلم فيها ليليا واصيح ليليا لان علاقتنا فيها كانت قووووووووويه بس حزتها ماكنت متزوجه اجل كيف هي ابوهااا ... ارحمها |
20-06-2014, 07:17 PM
20-06-2014, 07:28 PM
20-06-2014, 07:30 PM
|
المشاركة الأصلية كتبت بواسطة UMRAYAN
لا انت ماتغار عليها والا كان ماقسيت عليها
انت تغار منها وفي فرق انت قلت انك بيتوتي وماتحب تطلع ولا لك اصدقاء كثير وهي شكلها عكسك فهالشي تجيب الغيره عند بعض الرجال فتبيها تعيش معك انت بس ولاتنشغل بغيرك الله يسخركم لبعض و جرب ترسل لها كلام حب وشوق ووله اكيد بيأثر فيها وهذا اللي هي محتاجته الحين مو توبيخ موفقين |
20-06-2014, 07:36 PM
|
المشاركة الأصلية كتبت بواسطة مسز داني
والله انك تنرفز
ابوها مات..تقول ابوها مات و انا الحين حي صار اسبوع ..تقول لمتى انتظر شهر شهرين..سنة سنتين شدعوة..الله يرحم ابوها اي نعم غلطان لو تعاتبها في هالوقت اي نعم غلطان لما تقول ابوها مات و انا الحي كأن اللي مات قطة اي نعم انت قلت وسوسة شيطان فتعوذ منه اي نعم متفرغ انك تبي اهتمام في هالوقت العصيب سؤالك الى متى طيب تجلس عند اهلها لا تكتمه و اسألها بشكل مباشر او اخبرها سوف اتيك بعد اسبوع او حسب اتفاقكما |
20-06-2014, 07:41 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
