احبه لانه زوجي وبيننا عشرة عمر
9 سنين زواج وعندي منه 3 اطفال يعني صعب اني اكرهه

اما اني ابغضة لانه جرحني وانا ياغافلين لكم الله
كانت علاقتنا من اجمل مايكون
واكتشفت ان زوجي يخونني من زمان ولم اتوقع ان زوجي يخونني لانه رجل يخاف الله
ابغضه لانه خانني
ابغضه لانه طلقني والكل لم يتوقع ذلك توقعوا انا التي اطلب الطلاق لانه كان خائن
ابغضه لانه بنفس يوم طلاقي عقد قرانه على عشيقته والتي الله. يستر عليها لبسها غير محتشم
ولا اعرف الا الان هل اهله علموا بانه تزوجها ام لا لانهم لو علموا لان يرضوا بان تكون هذه زوجة لولدهم
ابغضه لانه كان يضربني بمجرد ان اتهمه بالخيانه واصرخ في وجهه
ابغضه لانه سبب دماري وتعاستي واكتئابي
ابغضه لانه اوقعني بديون كبيره
ابغضه لانه لعب بوكالتي واخذ خط باسمي
بغضه لانه استغل ضعفي وطيبتي في ان اقول مايقوله لي وهو كذب امام عشيقته زوجته التي طلقها فيما بعد
قد تكون مشاعري هي اقرب ماتكون للانتقام اكثر من انها بغض
اتمني الانتقام وطلب الطلاق لكن اخاف اندم على قراري

اشعر باختناق
زوجي يخرج من الصباح الي الليل وان جاء يضع راسه وينام
انا اخاف زوجي يرجع مثل طبعه الاول سهر
الغيرة تدمرني
اتمني اكرهه وانساه لكي اعيش بهدوء
الطلاق حاليا لا استطيع طلبه
اريد حلول لتجاهله ارجوكم ساعدوني

السلام عليكم
أختي
كل شي إلا الطلاق
صدقيني الرجل نتي من يستطيع تغييره للأفضل
بيدك الحل صدقيني
ممكن تخلينه خاتم في يدك
أختي حافظي على بيتك ولا تنسين أولادك
وزوجك بالتعامل الجميل منك راح يتغير 100%
أختي الرجل يحتاج للحنان والعطف
لما يكون معصب قولي له إن شاء الله وتحت أمرك
ولا تكلمينه بنفس الوقت لا
طلعي من الغرفه ورجعي له في أقل من دقيقه
وكلميه عادي وإذ رفض لا تزعلين قولي له اللي تامر فيه
لا تجادلين الرجال وقت الغضب نهائياً
وتعاملي معاه تعامل برفق ومع الوقت راح يتغير معاك كثير

الله لايفرق مابينكم ويجعلكم بيت عامر بالخير آمين

وعليكم السلام
واذا كان الزوج 24 ساعة معصب بحجة انه مضغوط ومديون
وحتى ما يخلي لي مجال اتناقش معاه او حتى نتكلم معاه
حتى ولو ضحكنا معاه يقلب الضحك نكد على طول يفسر تفسير خاطيء
ويقلبها صراخ
تعبت معاه

الان هو طالع من الصباح الساعة 11 الا الان لم يرجع
وهو اصلا مايشتغل اي شغل هذا اللي يشتغله
حسبي الله ونعم الوكيل عليه

بصراحه بقول لك شي ، وهذي قناعة عندي من الي شفته بالحياة ..!
قد يكون كلامي خطأ وقد يكون صح ؟

بشكل عــــام إذا الزوج سواء يشرب خمر أو مايصلي أو .. أو .. الخ .. ومع هذا ما يأذي إلا نفسه .
لا حظي " ما يأذي إلا نفسه "
فأنصح الزوجه انها تصبر عليه ، وتدعي له وتحاول تكون سبب في هدايته ..
وثاني شي .. تحاول تستقل بذاتها بحيث ماتخليه محور حياتها ، تتجاهل وتتصرف وكأنه غير موجود ،
عشان صحتها ونفسيتها ، بالمختصر المفيد عشان راحة نفسها.
"لاتنتظر منه أي شي " ، وتحتسب في هذا الأجر .

__________________

لا حول ولا قوة الا بالله ..
يا أختي اهدئي واذكر الله دائما وابدا ..
واذا هو متزوج افضل من انه يخونك ..لذلك تعوذي من ابليس كل ما أتاك ضيقه ..
وأكثري من الاستغفار وانتي تشتغلين بالبيت وانتي خارجه واني داخله وانتي تنتظرين ..!!
وتذكري ان الدنيا ما تستاهل وان صحتك أهم شي ..

الله يفرج همك ويرجع لك زوجك الطبيعي ..

كيف اقدر اتجاهله
انا قلبي محروق من خيانته الاولي لي والي الان جرحي ما التأم
يعني بيخوني مرة ثانية اناما اتحمل
تعبت وانا اصبر عليه
تعبانه ومحتاجه لاستشاري بس حسبي الله عليه ما يودي وان اخذني وداني لازم بيطلع لي مشكلة من تحت الارض
لو بيدي كان تركته
بس وضعي مع امي ما يسمح لي اني اروح ازعل عندها امي كبيرة بالسنة
وصعب تتفهم امور مثل جذي
ساعات وهي اعرفها تبي مصلحتي بس ساعات كلامها يجرحني
وكذا مرة ازعل وارجع واقول هذي اخرمرة ازعل
الله يصبرنا

جزاك الله خير
والحمدلله استغفر واصلي على النبي بس اتعرف الشيطان شاطر
اما انه متزوج انا سبق وقلت له تزوج من كثر الضغط اللي عانيته منه
وتزوج واي وحده تزوج تزوج وحدة الله يسترعليها في لبسها وحتي كحول تشرب
وكيف عرفت
شفت استقرامها منزله صورها وحاطه جدامها كحول
ما علينا منها
ويوم واجهته قلت انا تزوج بس مو تتزوج هذي الاشكال
حاليا انا ما ارضي انه يتزوج ان تزوج يطلقني
لان انا بعد باشوف حياتي
وان تقدملي واحد زين ويخاف الله باوافق على طول
بس اللي اخاف من الزواج بناتي اكيد بياخذهم
وحسبي الله ونعم الوكيل عليه لان هو سبب دماري

امس طلع زوجي من الصبح ورجع الفجر
طبعا دقيت عليه كذا مرة ومارد
وقبل لا يجي طرشت له مسج
ليش ماترد واني ما ابي منك شيء
بس الاطفال يتهاوشون
لان عيالي يخافون من ابوهم
المهم وكتبت له
الله يهديك
واذا من الحين تبي تسهر مثل اول ماعندي مانع اسهر وبراحتك بس انا يا تعطيني حريتي اطلع واروح وتوفر لنا سايق والا تسرحني باحسان
اما انك تبهذلني هذا اناما ارضاه لنفسي ابي اعيش حياتي مثل باقي البشر
والعجيب انه رجع وسلم ودخل ونام
والصبح توه قعد وطلع ولا رد على موضوع رسالتي
سكوته واهماله لي ولبناتي يحيرني وذابحني

مستغرفه هل هو يتجاهل والا شنو بالضبط