والله ماشاء الله كويس
وماودي اتعشم بزيادة
لكن الرجل خلوق جدًا
حسب ثناء اللي يعرفونه
وماظهر لي من اول لقاء معه

الله يوفقك وييسر أمورك
ويجعل قادم أيامك احلى واجمل مما تتوقعين

يااااحبيبتي ويااااااك يارب وكل من يمر هنا
احلى دعوة والله

ياخي اهلي تووووحفه🌚
جيت للوالد الله يطول بعمره قبل يومين
وقلت له يبه انا عندي اسأله بسألها

اولها هل العرج اللي بالرجل وراثي والا لاء ؟
السؤال الثاني وش نتائج هذا العرج بشكل دقيق "يستطيع يثني رجله او لا"؟

قام ابوي يدووووووووووووووووووور بالكلام
ترا اهله أطباء وماعليهم واكيد انهم مركزين على النقطة ومهتمين فيها مثل نا انتي مهتمة .. قلت يبه انا ما اقدر افكر نيابة عن الناس ونعم فيهم ، ولكن الناس تغفل ومرات وأخيرًا انا عزيزة على نفسي ويهمني اسأل بنفسي وما اركن لتوقعات

الشي الثاني ثني رجله ، قال هذا هو وانا ابوك يقوم ويقعد ويروح للدوام ويرجع منه قلت يبه لاتحرجني سؤال أعمق من هالفكرة واتمنى انك تفهمه وقعد يقول انا فاهم فاهم ، لين تدخلت امي ووضحت هي تقصد هل هذا الشي مؤثر عليه بأمور المعاشرة .. قال ايوا انا فاهم بس اخنا مانقدر نوصل الا الظاهر والبين ، قلت ممتاز وانا ماقول رح اسأله مباشرة عن الموضوع لكن تقدر تجيب من سؤال غير مباشر وش نتايج العرج ؟ او مثلا تسأل عن جلسة الرجال هل يستطيع يثني رجله او لاء ومن هذا الطريق توصل لإجابة .. المهم ابوي جلس يقولي قصص " سخيفة " بنت فلان اعرست ع واحد راسه مقلوب وفلان يده قصيرة وفلان مدري وش "قلت يبه هذي قصص لاتودي ولاتجيب في قرار مثل هذا ، انا عندي اسئله وابي إجابتها وقعد يقول الكمال موب موجود ومحد يرتبط باللي على مزاجة وقلت له ردًّا ترا يبه انت مرا "مبخسنا في امور الزواج "
وش انا طالبة بس شي مبالغ فيه ؟؟
بعدين قال ولوه زي ماتقولين "كان تزوج اجنبيه!!" قلت ياحبيبي يا ابوي انا ماقدر افكر نيابه عن الرجل افهمني يمكن فيه هالشي ومايبي يتزوج اجنبيه . الزواج ما يبنى ع تحاليل كذا
فهمنا اني اقوله انت مايعجبني كلامك وانت ماتبي لي سعادتي ، قال انا اذا تبيني ما اتذخل ماتدخلت ووو قلت مب كذا الفكرة يبه بس الواحد يقدر بناته

المهم خلصنا الا اننا نسأل دق اخوي زعلان وش نسأل
نقول للناس كيف تعاشر ؟؟؟ انتم صاحين << وخذلك قرف
قلت يا خي من قال انك بتسأل كذا ، اسأل عن جلسته وبيتضح لك كل شي بس
وقعد يحكي عن الوراثة صديقي خذ زوجته وجاهم ولد متخلف عقليا وهم سليمين
ووو قلت انا قلت نتأكد وش المشكلة من التأكد ليش ماتبون نعرف السبب

قبل مايسكر قالي لو صار ما يثنيها بترفضينه؟
قلت ممكن ايه وزعللللل وطلع الحكي اللي ماله لزمه ، قال تتزوجينه والا تاخذين واحد معدد بالله ؟ قلت اذا ماحصل الا ذولي مب لازم اتزوج أبقى عزباء وهنا نفس زيادة ، وقعد يقولي هذا كلام ما يرضيني ، واذا تبيني امسك لك اي امر ماتطرقين لهذا الحكي نهائيا مابي اتزوج وهذي الخرابيط ماعندنا بنات ما يتزوجون 😝
المهم سلكت له وفي نفسي اقوله من اصلا طلب منك تدخل ؟ انا مناديتك؟
امي وابوي رح تفاهم معاهم
بس حسيت الموضوع ليتحول من نقاش خطبه الى مشكله بين للاخوه وسكت عنه

وقعدنا نص ساعة بسسس نص ساعة
وراح مشكور وسأل عن الامرين وجاني الرد منه
عنها وطلع مافي مشكله من ناحيتها
وش مخوف اخوي من السؤال وابوي مادري ؟!!!!!!!

الشي الثاني سمعت من ابوي كلام خلاني اشكك في مقدرتي فعلا ع الزواج
"يبدو لي اني غير صالحة للزواج"
بعد سؤالي لابوي ذاك اليوم وجلس يلف بالحكي ومافيه اجابه واضحه اضافة الى مشاكلي السابقة معاه وغضبي لاني اشوفه سبب مشاكلي في الارتباط الفاشل الاول والنصيب اللي وراه "اللي اوقعني في القاع"
الوالد استنتج ان المشكلة ليست في طليقي السابق المشكلة فيني انا لاني حسب وصفه "نزره"

ولذلك فالافضل الظاهر اني أظل عزباء
مع اني ارى ان المشكلة في اهلي لانهم لايفقهون الهدف من الزواج ولا معاني السعادة الزوجية
وينظرون للزواج ابناء وفقط

من حقكم تسألون الخاطب عن أي شيء
يمكن قصد أبوك وأخوك انه ماودهم يسببون له الحرج ببعض الاسئلة خصوصاً هو قريب لكم
وخلي عندك ثقة بنفسك
وبالتوفيق

والله فعلًا ياناس بديت احس اني فعلا غير صالحة للزواج
رغم ثناء الناس علي في موقع ما طلبت فيه الثناء ولاهي مناسبته
حتى مره كلمت أخصائية قبل تقفل قالت بسألك سؤال جريء معليش
قلت تفضلي قالت انتي صادقه في العمر اللي قلتيه لي !!!
قلت اي والله عمري كذا
قعدت تسبح وتهلل وتذكر الله وتدعي لي بالبركة

بس مادري اهلي وراهم شايفيني شي سيّء لذا الدرجة 🌚
وفعلا اذا هالشي فيني فالافضل بقائي عزباء لحين علاجه
بعد حرام اغث ولد الناس فيني

استشير غير اهلي يقولون من حقك السؤال
اجي احكي مع اهلي والله نتهاوش
مادري وين المشكله هو صحيح انا نفسي على ابوي زعلااااانه مره
والله وفي نفسي ما قدرت اتجاوز هالشي الا بتجاهله
والى يومكم ذا وله كل الاحترام والتقدير بس اذا تكلم في امور الزواج
اشوفه وده اتزوج عشان انبسط وعشان آكون سعيدة ، بس مافيه ذاك الحماس للسؤال والتدقيق بالخاطب كنه اللي يخاف يوضح لنا شي وأغير رايي في الامر .. وامس جلست مع الوالدة وفهمتها ابوي وش يخاف لو سأل وعرفنا شي يفكرش الخطبة "مهما كان الامر مخيب بكللأمال" تخيب آمالي اسبوع ولاتخيب عمر ركزوووو الله يصلحكم
اخوي وده اتزوج عشان أنجب واعيش في بيت لحالي وانسى الدنيا وخلاص ، العجيب اخوي سبق وخطب له وحده وشافها وتمام امورهم قبل التحليل قالت الام ترا بنتنا فيها
مرض كبد خامل يعني مايضر ان شاء الله ، يوم سمع هالكلام قشع عفشه وسحب عليهم ..
"خوفك في الارتباط مثل خوفي انا
انا ما افرق عنك شي "

عموما فعلا الان في بالي فكرتين فكرة قبول الرجل وفكره اني اصلا انسانة غير صالحة للزواج
الى ان الله ييسر لي الصلاح

تدري والله انهم اهلي واحبهم
ولكن احس انهم يخافون يسألون وارفض
ودهم خلاص دفها ع الموضوع بعدين بتشوف صعب انها تطلب الطلاق مره ثانية
تتحمله لين الله يرزقها عيال
يرزقها الله عيال تنسى الدنيا كلها وتطير فيهم كذا يفكرون

جد جد لاتنسوني من دعواتكم

السلام عليكم آختى الكريمة


اولاً وقبل ما ابدأ كلامى


حبيت اذكر شىء
لفت نظرى تعليقك على
انك ربما تعايرى الخاطب


ما شاء الله كلامك ينم على
ضمير وخوف من الله


بسم الله ما شاء الله
لا قوة الا بالله


ربى يحميك ويوفقك
ويثبتك .. اللهم آمين


ومن هى بهذه الخُلق
تطمئن بإذن الله ان الله
لن يضيعها ابداً


اما بالنسبة الى موضوع الخاطب



اقول استخيرى ثم استخيرى كل يوم
الى ان يتم الزواج ان شاء الله تعالى
او ييصرفه الله اذا لم يكن خيراً لك


اما عن قلق الاهل والوالد
حفظهم الله


انتى لا تعلمى شعور الوالد
لان البنت لها سن اذا تخطيته
ربما تقل فرص زواجها


والاهل يموتوا خوفاً من عدم زواج
البنت ويدخل فى وساوس ليس لها
نهاية ووووو


ستشعرى بهذا الكلام عندما يرزقك
الله بالبنات ويصلوا لسن الزواج
بإذن الله تعالى


فلا يغضبك خوفهم لو سمحتى


اما عن الخاطب


اولاً تخوفك فى محله 100%
واصفق لك واؤيدك مليون بالمائة


وخصوصاً انه طلق مرتين
وربما بسبب قصور من ناحية
العلاقة والله تعالى اعلى واعلم


اما موضوع انه لو به عيب كان
تزوج اجنبية اقول وربما العكس


يريد قريبة تستر عليه


المهم انا لا اريد ان اطيل
فى هذا الآمر


فى النهاية ثق فى الله
وانه ببركة استخارة
الله عز وجل سيقدر لك الخير



اما ما يجب التاكد منه
هو رضاءك وحدوث قبول
له عندك كرجل وكزوج


ياما شفنها فاتينات ومتزوجة
رجل من وجهه نظر من ينظر
ليس به اى صفة جيدة اقصد
من الناحية الشكلة ولكنها
تموت عليه وتعشقة وتنظر له
انه الرجل الوحيد فى الكون


ان القبول والقناعة مهم جدا
وان كنت اشعر من كلامك
عنه انك سعيد به بسم الله
ما شاء الله لا قوة الا بالله


والقبول والاعجاب بداية الحب
والعشق والهيام


مهم جدا ان نطمئن من ناحية
دينة واخلاقة


محافظ على الصلاة فى المسجد
يتقى الله يخاف الله الخ


سؤال آختى الطيبة
كم عمرك وعمره
وفى اى سنة دراسة انتى
حفظك الله



اسأل الله لك التوفق
والسداد


اللهم آمي آمين آمين


اللهم صلى وسلم وبارك
على سيدنا محمد
وعلى آهله وصحبه وسلم

__________________

ابو مريم الله يجزاك عني خير الجزاء
عمري 25 والخطاب 30 سنه
وانا حاليا ادرس دراسات عليا

هلا ابتسامه
عجبني جراتك واهتمامك بالسؤال
ذكرني موقف اهلك بزواجي السابق
بصراحه توقعت لو انخطب ان اهلي بيقلبوا الدنيا سؤال
الي حصل محد سال ولا اهتم
وبعد بكي مني وتهديد بالرفض سالوا شخص واحد فقط ومدح او قال كلام عادي هو زين بس محد يدري بلي بالقلب
وطاروا وزوجوه كانهم ماصدقوا
اصري على التاني والسؤال
لكن وش علاقه العرج بالمعاشره
فيه ناس على كرسي متحرك وتعاشر ماله علاقه
تبين نصيحتي اسالوا طليقاته
لا تاخذي كلامهم كله
لكن ممكن فيه خيط يبين لك شي مخفي
خاصه هم ثنتين مو معقوله بيتفقوا عليه وبيقولوا نفس السبب