المشكلة بدأت يوم عيد الأضحى طلبت أعيد على أمي وأبوي لاكنه رفض يقول مشغول عندي رجال وماجد موجود غيري لانه اصغر اخوانه قالي العصر قلت اوك بس حاول بدري لان اهلي يطلعون الديره قال طيب بس نازلي ساعدي اخواتي قلت اوك نزلت وجاء العصر قال بنام شوي قلت ودني قال تعبان قلت طيب بعيد على ابويا وامي على السريع قال اذا صحيت نام وضحى طلع على السريع يوم رجع بالليل كان معصب قال بنام اليوم مانموت زين قلت طيب بروح أسهر عند أمي واخواتي اتصل بواحد من اخواني قال لا قلت تكفى وربي الدنيا عيد واهلك تحت مع بعض قال لا ونام صحى ثاني يوم وباقي اخلاقه صفر أفطر وجهز اغراضه بيظله قال يلجأ نطلع قلت مالي نفس اروح المزرعة وعصب مره قلت خلاص بطلع قال بعد إِيش قلت خلاص بس أعيد على اهلي ونطلع قال لا انا بطلع وياويلك تطلعي من البيت هنا انا جلست ابكي وتكلمت قلت بتصل بابوي واطلع بس قلتها بعصبية وعناد كنت مره منصبه قال تتحداني وقام يضرب بشكل مبرح حتى راسي دعس عليه (أسف على التفاصيل)وأخذ جوالي وقفله وطلعني غصب وأهلي يتصلو جولاتنا مقفله قلقو علينا اتصلت أمي بأمه قالت بالمزرعة سوا عشا كبير عزم كل اخوانه وقمت بكل شي رجعنا البيت تركني وراح المزرعة جت لي أمي علمتها قالت بكيفك تبي تطلعي او تجلسي مابي خراب بيتك جاء ثاني يوم شافني مار د عليه وجالسه بغرفه ثانيه قام عَصّب وقال وربي لاربيك العناد اللي انتي فيه ودفعني اتصلت بابوي وجا أخذني وهو برى

آيه هو مره معاند ومكابر ومايتنازل رغم داخليا مافي اضعف منه انا اعرفه ضعيف جداا ومهزوز صعب أكلمه وأكسر كلام رجالي لأَنِّي دخلوهم اخاف أكلمه يطمع زياده ادري انه اللحين محتار مو عارف كيف يحلها لان ماعنده احد كل اخوانه مشغولين عنه وأمه كبيره مره وابوه متوفي بتوتير ادخل صفحته كلها عن التسامح والطيب إنسان متناقض رغم داخله الطيب وكان مع أبوي علاقته مره ممتازة يوم صار مجلس جدي وأبوي قال لهم أني غثيته بس أقوله ودني لاهلي م
ن الصبح

اسأل الله في هذا الوقت الفضيل ان يفرج همك ويكتب لك الخيرة في امرك..حبيبتي لاتضعفي ابدا وتفكري تكلميه خليك ع موقفك زوجك لازمله وقفة حازمة خليه يراجع نفسه واذا كان شاريك وشاري اولاده وبيته يعدل نفسه اول دامك دخلتي ابوك ورجال العائلة لاتستصغرينهم قدامه هو مطنشك يبغاك تملين وترجعين من نفسك والي عشتيه معاه من الاهانة والضرب بيستمر معك اذا ماتعالج وتأدب وعرف قيمتك والله ييسرلك امرك.

مشكورا اختي لارين على الدعوة والنصيحة جزاك الله خير

للاسف اعتقد هذا الكلام صحيح , لان من كان ضعيفا داخليا يفرض قوته وسيطرته بالقوه وباليد
وهذا اضعف انواع فرض السيطره والاحترام , ولكن قد يزول هذا الضعف ان اراد ويكون انسان صاحب اراده ,
واسعد الناس من يفرض احترامه على الناس ويدع الناس يحترموه لاجل محبتهم له واحترامه اياهم
وليس من اجل خوفهم منه ,

لكن الايجابي في الامر انك تعرفي شخصيته , حتى وان عدتي وعادت المياه الى مجاريها تكوني على علم
بنقاط تاثره وانزعاجه فاما تعالجيه واما تبتعدي عن هذه المنطقه من شخصيته ,
وقرات كلامك وتاثرت يا اختاه , ولكني حولت هذا التاثر الى دعاء
انتي قويه وحكيمه والا لما فعلتي كل مافعلتي وبحثتي عن المشوره وصبرتي وغيره من الامور

ولي عوده باذن الله

مرحبا قبل شويه اتصل علي ابويا كلمه اخو زوجي يقول انه كان برا المملكة وانه أمس رجع واعتذر من ابويا وقال له أمهلني يومين 42ساعه يشوف اخوه اما يعتدل ويرضى بالشروط ويرجع زوجته وإذا ماقدرت عليه لكم انت وبَنَتك حرية التصرف ما احد بيلومكم وانت ماقصرت ومن هالحكي .....وربي يكتب اللي فيه الخير

الله يقدر لك.ما فيه الخير لك و لاولادك و يرضيك به.

__________________

(انما يوفي الصابرون اجرهم بغير حساب )

ماشااء الله , اسال الله ان تكون هذه اليومين خير لك وان يسعد قلبك بلم شملك ,
يارب يا اختي , وفي الانتظار ان شاء الله , وفي كل وقت وانتي جالسه لا يشترط قيامك للصلاه
عليك بالدعاء والاستغفار , لان الله سيكتب لك الخير وصلاح الحال باذنه تعالى ,

السلام عليكم اخي جميل الهدب أرجو نصيحتك ونصائح باقي الأخوه وراءهم اليوم اتصل اخو زوجي وحلف بالله انه كان برى المملكة بأحد الدول المجاوره عشان موضوع زوجي بيشوف له مستشفى ويعرض حالته بالمستشفى وقالو له يحتاج من ثلاث أشهر الى ست أشهر وطلبو مني الصبر وان زوجي مو مقتنع بانه مدمن ويحتاج علاج وأنهم يمشو مصروف شهر لي ولأطفال وجاء والدي يأخذ قراري وافقت لأكن قلت انا أكلم اخو زوجي وكلمته قلت ابي أسالك بالله بعد ماترد أجاوبك قال اسألي قلت زوجي متمسك فيني ولأطفاله قال نعم متمسك ويبغاكم لاكنه رافض العلاج لاكن جالسين نقنعه لأكن نفسيته تعبانه عشان اطفاله قلت انا مسعده اصبر سنه بدل ست أشهر لأكن بنتيجه وأي وقت يبي يشوف اطفاله يجي يأخذهم لأكن اهم شي احمد نتيجه بيت مستقر وزوج متزن بالمستقبل مو بعد ماصبر تصدموني وتقولو مافي أمل قال على مسؤوليتنا ومالك الا اللي يرضيك وإذا رفض العلاج وعجزنا منه بنقولك ما نخدعك ان شالله قلت على خير.......هل قراري وتصريفي صحيح وايش تنصحوني وأبوي قال تبي تكلمي زوجك كلميه وتصالحي معه وقولي له انه يتعالج وأنك تنتظره لاكني خايفه من ردة فعله وانه يجرحني ومكابر وانا وربي اللي فيني منكفئين لأَنِّي ماقلت لامي عن الحشيش وعن الادمان ولا العلاج بنظرته له انه تخلى عنا وإني متمسكة بواحد مايبيني غير نضرةاللي حوالي

تصرفك صحيح .ادعميه وشجعيه و حتي لو كابر راح يشيلها لك جميل بعدين

كدا كظا بتجلسي علي عيالك و بنتك رضيعة .
خلي املك بالله كبير و ادعيله

__________________

(انما يوفي الصابرون اجرهم بغير حساب )