30-05-2012, 07:58 AM
|
المشاركة الأصلية كتبت بواسطة الخلوقة
جزاك الله خير على دعوتك الحلوة ولك مثلها وأكثر يارب
غصة بقولك شغلة أنا ما أبغى منه شيء أبد أقصد فلوس ومتطلباتي بوفرها بنفسي بس مادري كيف أقولك.. مادري كيف بعيش بمستوى مادي مثل كذا صحيح ما ابغى منه شيء بس احس الفلوس عز للرجل ويهمني أنا بين ربعي وناسي نظرتهم له وغير كذا مادري وش اقول بس  المشكلة اهلي مايهمهم النواحي المادية ابد انا ماتهمني بس فيه اشياء حسية ماقدر كيف اوضحها لهم واخاف أكون مبالغة بنظرتي لها وبعدين اتندم |
30-05-2012, 03:01 PM
30-05-2012, 10:45 PM
|
المشاركة الأصلية كتبت بواسطة السفيرة لمو
يا عمري يا الخلوقة، و الله أثرتي عليا بكلماتك،،،خلاص امسحي دموعك يا بنت و إلا راح صيح معاكي
 ..ما شاء الله عليك..فتاة عاقلة ، راكزة و عندك حكمة و عقل راجح، و بردو حساسة و عاطفية  ..و بخصوص تساؤلك، فأنا فعلا متضامنة معاك و متعاطفة كمان، لأني زيك تماما، عندي طموح بخصوص زوج المستقبل و التي من الصعب جدااااا أن أتنازل عليها حتى لو كان نتيجة ذلك بقائي بدون زواج  فأنا تماما مثل تفكيرك، و زيادة على ذلك فأنا من مجتمع متحرر إلى حد ما و للمرأة حريتها و شخصيتها و يعطي الأولوية للشهادة و تعليم المرأة قبل الزواج، على خلاف مجتمعكم، فعلى حسب ما عاينت في المنتديات فالأولوية لديكم تمنح للزواج (و هذا هو الأمر الطبيعي بالتأكيد)، غير أني أرى أن هذه النقطة تعتبر نقطة ضغط عليك بالنسبة لشخصيتك الطموحة. ففعلا حاسة فيك، فمن غير المعقول أن فتاة بمستواك تقبل بمن هو اقل منها في المستوى العلمي و المادي فقط لضغط الأهل و المجتمع عليها. لكــن،،، و أقول لكن، فالواقع يفرض علينا ترك ما هو معقول و الخضوع لأحكامه، لذا أعتقد أنه لربما كان من الأفضل اعادة حساباتك بخصوص زوج المستقبل، و النظر اليه من منظور آخر. فاستخيري عزيزتي، فلربما كان الخير و كل الخير في هذا الشاب، و على النقيض من ذلك فقد تجدين ما لا يسر في الشاب المثقف ذي المستوى المادي العالي، و الله أعلـــم. الله يحفظك أختي الخلوقة و يرزقك سعد الهنا و منتظرين أخبارك الحلوة :14: |
30-05-2012, 10:50 PM
|
المشاركة الأصلية كتبت بواسطة * حنونه بطبعي *
السلام عليكم اولا اعتذر عن عدم ردي لقلة دخولي الموقع بسبب ظروف عملي و انا يا اختي ما بيني و بينك شي حتى اقول من زينك حتى تتشرطي استغفر الله مو من حقي اكلم احد بهذي الطريقه و انا يا اختي علقت ع الموضوع بشكل عام و ما علقت على شكلك او اسلوبك او نظرتك للزواج لذلك اعتذر منك اذا تضايقتي من ردي و اعتذر في المقابل لكل شخص تضايق او تحسس من ردودي موفقه لكل خير اختي الكريمه |
30-05-2012, 11:03 PM
|
المشاركة الأصلية كتبت بواسطة rm11
و الله وضع محير جدا
يعني انتي في عمر حرج بامانه يعني 30 سنه قد تكون هذه فرصتك الاخيره في الزواج اذا تسمعي الكلام توكلي على الله و خذيه اقلها تجيبي منه كم ولد و بنت يسندوكي لمن تكبري صحيح هو راتبه و مؤهله بسيط لكن تقدري تخليه يكمل تعليمه كلها 4 سنوات و تلاقيه جامعي حتي لو انتساب حتي لو تخليه يدخل كلية تقنية و ياخذ دبلوم مسائي و بعدها يقدر يدور عمل افضل تقدري تفتحي له مشروع صغير عموما انتي دام راتبك مرتفع تقدري تمشي امورك يعني انتي فكري ان هذا الزوج هو الوسيلة لانك تكوني ام ما فكرتي في يوم تكوني ام ؟! البعثة و الدراسة انا اشوف انها حاجات مهمه لكنها اخذت عمرك و في الاخير صدقيني لمن تكبري و توصلي ال 50 راح تلاقي نفسك وحيدة في الدنيا دي لاولد ولا بنت و يمكن حتي تكوني عايشة لوحدك او في بيت احد اخوانك و صدقيني في كل الاحوال حياتك راح تكون جحيم غير لمن يكون ولدك عمره 20 سنه يوقف جنبك و يخدمك و يدور رضاك او بنتك تتسلوا سوا تتكلموا مع بعض تسافروا تشكو همومكم لبعض اخوانك كل واحد لاهي في دنيته و عياله حوله و الدك و والدتك راح يكونو كبار في السن الله يطول في اعمارهم ويدورو مين يرعاهم و انتي راتبك ما راح يسوي لك شي اصلا راح تدوري احد تصرفي عليه الراتب هذا لانه كذا كذا بيجلس في البنك ولا راح تستفيدي منه بامانه فكري بعقلك و قلبك و ظروفك لان زواج من هذا النوع لازم تجلسي و تكتبي بورقة و قلم كل المميزات الي راح تحصلي عليها بعد الزواج مثل بيت مستقل اسره ابناء زوج بشرع الله حلال زلال لك و و و و الخ و في نفس الوقت اني راح تتنازلي عن حاجات كثير اولها دخله الشهري يعني الفين ريال لو يترك الوظيفة و يسجل بحافز افضل له لكن انتي حددي غرضك من الزواج هذا هو الحصول على ابناء و يمكن ربنا يكرمك و يطلع ابن حلال و يسعدك و تكون سعادتك في الحياة معاه و في الاخير تاكدي اذا هو نصيبك راح تاخذيه غصبن عنك هههههههههههههه حياتك هي اختيارك انتي و بس موفقة خير خيتو |
30-05-2012, 11:14 PM
|
المشاركة الأصلية كتبت بواسطة الأمير الحزين
ليش النساء اول شي تفكر بيه هو الماديات ؟؟؟
وين راح الحب والمودة ؟ والرحمة ؟؟ ليش هو الرسول ( ص ) قال من جائكم من ترضون سيارته وشقته فزوجوه ؟؟؟ ليش هذا اللي جاي ايصير في بلاد الاسلام ؟؟ شوفوا بلاد الغرب الزواج ما ايكلف غير دبلة ثانيا اختي امك تريد مصلحتك وقصدها ان الرجال اذا راحوا ما ايرجعون يعني انتي حرة اذا حبيتي تبقين عانس ماحد راح ايجبرج عالزواج تحياتي الج |
30-05-2012, 11:23 PM
|
المشاركة الأصلية كتبت بواسطة بنت اطيب انسان
ياقلبي يالخلوقة الله يعينك ويساعدك
اكرة شعور الحيرة عشتة فترة بغيت انهار احسمي الموضوع واللي ربي كاتبة بيصير اذا من نصيبك لو ايش مايصير بتاخذينة الله يوفقك ويختار الي فيه خير لك |
30-05-2012, 11:26 PM
|
المشاركة الأصلية كتبت بواسطة غصة فراق
الخلوقه انا فاهمه عليك حتى لو مطالبك انتي تلبيها لنفسك..البنت مهما بلغ علمها ومالها تتمنى تكون تحت جناح الرجل مسؤله منه تابعه له مو العكس.. وفاهمه بعد الأشياء الحسيه الي تقولينها..
وبقولك شي من مشاهداتي بالواقع الرجل الي تكون زوجته أعلى منه ماديآ أو يعتمد عليها بذا الناحيه.. تلاقين يكون عنده شعور بالنقص وينظرلها أنها أحسن وأعلى منه.. أسأل الله ان يبعد عنك الحيره ويختارلك الخيره.. وبخصوص أخونا الي يقول ليه حنا ماديات..الماده هي وقود الحياه بذا الوقت ومتطلباته ومكابده ..الزواج أطفال وأسره ومصاريف.. وحنا مانبي حياه غاية بالترف بقدر ماهي حياه ميسوره وتظمن لنا حياه كريمه... |
30-05-2012, 11:40 PM
|
المشاركة الأصلية كتبت بواسطة الخلوقة
بعدين الزواج بيد رب العالمين ولو رفضت الوحدة ما يعني انها بتظل طول عمرها دون زواج
|
30-05-2012, 11:50 PM
|
المشاركة الأصلية كتبت بواسطة jomana3
هلا خلوقة أسأل الله في هذا اليوم أن يرزقك بالزوج الصالح الذي يسعدك ويهنيك هلا جمانة ياختي انت الوحيدة لازم ارد عليك جملة جملة امين ويسخر لك ابو عيالك :d أختي ممكن أسألك لماذا الخطاب السابقين كنتِ ترفضينهم؟ موضوع طويل بس بختصره انا وصلت 26 سنة والزواج مو في بالي نهائيا وماني مستوعبة كيف وحدة تطلع من بيت اهلها وتروح عند رجل طيب ليه و وش تبين فيه ! كل شخص يجي الا ما اطلع فيه شيء وابكي لحد ما يروح مرة ما معه الا دبلوم ومرة مو عايش بنفس مدينة اهلي ومرة عائلتهم مو حلوة ومرة شكله ومره امه جت وشكلها شرانية اسباب عجيبة غريبة بس مردها لاني ماني مستوعبة فكرة الزواج.. والرجل في الحياة مختصرته بابوي وبس طبعا اسباب ذلك كثيرة اني وحدة اهلي كل وقتي على دراستي والعمل لما كبرت شوي حسيت اني لازم افكر .. تنازلت شوي شوي ورفضت كذا واحد وعشان اكون صريحة فيه ناس رفضوني فجأة بدأت أقرأ عن الزواج يمكن عمري 28 وحسيت ان فيه مشكلة العنوسة عجزت استوعب ما اخفيك صارت عندي ردة فعل عنيفة يعني يوم فتحت على الدنيا قالوا لي عانس قررت اظل عازبة طول عمري واكمل سفري برا لحد ما اتعدى الاربعين وبعدين ارجع وانشغل بالعمل من والزواج طلع من خاطري كله وفعلا كل الشهور الماضية كنت اشتغل على اجراءات السفر سفري بعد 3 شهور بإذن الله لكن هذا الخاطب خربط الموضوع كله وما اخفيك قبل كم اسبوع شفت حلم مو حلو وبطني عورني كنت خايفة لا يتعثر موضوع الابتعاث والظاهر ان تفسيرها هذا الخاطب وان ما خاب ظني يا هو يا البعثة بتكنسل يارب ماودي تتكنسل البعثة يارب تقل اني بربرت واجد شوفي ياغالية: أنا حاسه أنك خايفة تندمين لو فوتي هالشاب ومايجيك غيره وكمان ما انتبهت أن أعماركم في بداية الثلاثين وهذه سن حرجة مع زيادة رفضك للخطاب وربما الناس تأخذ فكرة عنك أنك ماتبغي الزواج أو شايفة حالك وهذا حال مجتمعنا العجيب إلي واثقة من نفسها ومشتغلة على نفسها وتعبانة يشوفونها مغرورة ومتكبرة هههه ذكرتيني بوحدة قبل فترة تقولي صدق انت ما تبغين الرجال وتعالي شوفيني اقولها لا عادي والله هههه اخر زمن ابرر للعالم اني عادي احب الرجال تعالي يا أختي الحبيبة والله أن قلبي حبك ومصره بإذن الله أصل معك لبر الأمان وانا بعد حبيتك يارب نطلع سلايف نبي نحط المستوى التعليمي لهذا الشاب على جنب وأعتقد وحدة عقلها كبير مثلك مو الشهادات مقصدها في الرجل نجي لراتبه المتواضع وهذا هو المشكلة والخوف لأن أي بنت تخاف أن الرجال يكون خاطبها على طمع أو ناوي يتكل على راتبها لهذا: هل هذا الإنسان ممكن يطور من نفسه ويترقى في عمله ويزيد راتبه؟؟ أبغاكِ تسأليهم عن هالنقطة وتركزي عليها ثانياً: أسألي زين عن أخلاقه ودينه ولاتغفلون الخُلق مقابل الدين فقط لأن الرسول علية الصلاة والسلام قرنهما مع بعضهما البعض وربطهما ببعض بقولة: {إذا جاءكم من ترضون دينه وخلقه فزوجوه} والناس للأسف تسأل عن الدين فقط وهل يصلي الفروض في المسجد وإلا لا هل يدخن وإلا لا ويغفلون السؤال عن الأخلاق إلي هي أهم شيء مع الدين لأن البعض للأسف دينة عادة وليس عبادة فشوفي أخلاقه وقابليه وأجلسي معه بالنظرة الشرعية وأنتِ ماشاء الله ذكية وفاهمة فحاولي تكتشفيه ولو تقدري تسوي فترة خطبة تكلميه فيها تلفون بدون العقد للتعرف أكثر عليه كان بها وإذا عندكم مايصلح هالشيء فإستخيري بعد رؤيته كثيراً وبعد الرآحة ملكي وأجعلي الملكة ماتقل عن 6 أشهر أسبري فيها أغواره وشوفي وش عنده إذا شفتيه يجيب سيرة الراتب ويدندن على وتر المادة كثير وحسيتي أنه طماع وإلا ناوي يخليك آلة صراف له فأنتي على البر وتقدرين تنفصلين بس برضه حاولي تحسني الظن مو من كل كلمة مادية منه تحسسي وتخافي لأن للأسف المادة هي حديث المجتمع والشباب والمقلبين على الزواج لصعوبة الظروف وضيق العيش حالياً وعلى فكرة : ممكن أنتِ ترفعينه لمستواكِ إذا كان لين العريكة وسهل المعشر ويحب العلم والتطور فيه رجال يكملون دراسه عشان سواد عيون زوجاتهم ويدورون على وظائف أفضل عشان يكون لائق بزوجته ومايشعرها أنه أقل من غيره فضعي في حسبانك أنك تشجعيه وتطوريه وتغيري منه للأفضل إذا أساسيته صحيحة وقابل للتغيير وممكن تشترطي عليه يدور على وظيفة دخلها أفضل لو 4 الآف بالشهر على الأقل مبلغ يخليه يصرف على البيت من مأكل ومشرب وكهرباء وفواتير وإجار يعني يقوم بما يقوم به الرجال وفي المقابل أنت تتكفلين بملبسك وزينتك وجوالك وتحسين بقوامته عليك وماتشعرين أنك مستغله كلامك بصراحة روعة وقراته وراح اقراه مرة ثانية وبحاول ارتب الموضوع بشكل افضل والمادة والتعليم بتركها شوي على جمب وبشوف الامور اللي ذكرتيها من الاعماق شكرا جمانة وأكرر الإستخارة ثم الإستخارة ان شاء الله وفقك الله وأنار بصيرتك وكتب لك النصيب الطيب امين واياك وكل البنات والشباب |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
