السلام عليكم ورحمة الله وبركاته..

لا لا ضد تدخل الأهل في مشاكل الزوجين، لا امه ولا أحد هي وزوجها فقط

مشكلتك لا تستدعي تدخل عائلي عزيزتي..

للأسف غالبا التدخل لا يصلح المشكلة بل يزيد منها، وأنت خففي حساسيتك وهذا نتيجة الحمل..

أحمدي الله يقول كلام سلبي عن طبخك فيه زوجات يسمعن كلام بسبب أجسامهن وينفر الزوج و ووو

دعي تدخل والداته في الأمر الصعب..

شوفي حبيبتي
في رجال يفهمو التشجيع غلط
يمكن على باله انه كل ماكسر مجاديفك
وحطمك انك باتتجتهدي اكثر وتتعبي اكثر وتتعلمي اكثر
زي الي تكون زوجته سمينه ويقعد يعايرها يا دبه يا دبه

على باله باتتحمس وتنحف
مادروو انهم يجرحون زياده ويثبطو العزيمه ويكرهو الانسان
بالتعلم


ولا يفقدك ابدا ثقتك بنفسك اجزم لك انه اكلك لذيذ لكن طريقته
بالتحفيز ( على اساس) غلط

بقولك شي

جربي تطبخي كبسه بكره او برياني
ولما يرجع من الشغل قولي له اليوم فلانه رسلت لنا غدا
لازم تكون هالفلانه من الي يمدحهم( اخته او سلفتك)
وحاولي تكوني غارفاه ومغطياه بقصدير يعني يبين انه مش طبخك
والمطبخ نظفيه بسرعه
وخليه ياكل بتلاقيه يمدح مدح السماء وشوفي كيف طبخها
لذيذ وفظيع وتعلمي ومن هالكلام

بس يخلص اكل اساليه حلو؟ وخليه يمدح برااااحته
وبس يخلص اكل ومدح خبريه انك الي طابخه
وشوفي ردة فعله

اخر شي فهميه انه اسلوبه معك مايفيدك ومايخليك تتحمسي عشان
تتعلمي بالعكس يخليك تكرهي الطبخ
الله يقومك بالسلامه ويهدي لك زوجك

__________________
سبحانك لا اله الا انت اني كنت من الظالمين

نفس زوجي أخذني وانا ما اعرف اطبخ وأهلي قالوا له دا الشيء وقالوا له فلانه ماتعرف تسوي غير بيض مقلي 😸😹😹
وفي يوم جاني وقال لي انو انا مو سنعه وما اعرف اطبخ واشكل زي الحريم قلت له بختصار انت اخذتني من عند اهلي وانت تعرف اني مااعرف للطبخ ومحد كذب عليك وقال لك انو بنتنا طباخه وفناانه بالطبخ بالعكس من البداية كنّا معاك صريحيين وقلنا لك الحقيقه وانت رضيت بدا الشيء وقلت عادي ...
ودحين جاي تقولي كدا ؟؟ لو انو دا الشيء يهمك كان من البداية غضيت الطرف عني وشفت لك وحده غيري .. لكن دا الشيء ما كان من أولوياتك ..
ورجاء مرا ثانيه لا اسمع دا الكلام منك .. وراجع نفسك بخصوص دا الموضوع
ومن بعدها ماعاد جاب طاري الطبخ و النفخ وشغل البيت 😊

وتقريبا بعد 4 سنوات زواج صرت اجيد اغلب الطبخات وأي طبخه أسويها ابدع فيها 😊

عجبني اسلوب نهاد
لو اتبعتيه من البدايه كان ماتمادى
اعملي بخطه ام يوسف
وبعدها افتحي حوار مطول معاه

اهتمي بحملك و صحتك الآن ..
لو يبغى طباخة ، كان من البداية اشترط عليك ..

شافك طيبة و ماعندك ثقة بنفسك و لقي عليك نقطة ضعف .. ( انت نبهتيه عليها )
صار يستقوى عليك بها ..

الخلاصة

انتو الاثنين تحبوا بعض

فتخطوا هذا الحاجز واستمتعو بحياتكم

__________________

الله يسعدكم جمييييييعا سواء كان الرد ايجابي او سلبي والله كل حرف انكتب استفيد منه .. بالنسبة لتدخل الاهل .. من اول مكالمة بعد الملكه قال لي اذا تبين زواجنا يكون ناجح خلينا نبعد الاهل عنا ومشاكلنا بيننا لان الاهل يكبرونها و و الخ .. واتفقنا على هالاساس وكل ماصارت مشكله تنحل بسرعه .. وبالنسبة لإسلوب نهاد جربته وقلت له من زمان قال بس ماتوقعت انه كذا و والخ .. اما بالنسبة لاختي ام يوسف كل كلمه قلتيها والله انها مكانها بالضبط .. صح هو يحسب كذا يشجع .. وعلى طريقتك جربت قبل الحمل كنت عند اهله وكانت امه تسوي ملوخية دجاج وانا اصلا ماعرف الملوخيه ولا اعرف طعمها ولا كيف تنطبخ المهم قال روحي للمطبخ مع امي وتعلمي لان احبها والخ .. رحت لقيت عمتي مسويتها ومخلصه استحيت اسئلها .. ولما رجعنا فوق قال ها تعلمتي قلت ايه شفت عمتي كيف سوتها و اختك قالت لي بعد بعض النصايح اللي تخلي طعمها احلى والخ .. قال كويس بكره اجيبها لك وتسوينها .. لما جابها ثاني يوم بحثت بالنت و سويت مثل اللي بالنت وسويت معها رز وكذا لما جا اعجب فيها كثيرررر وجلس يمدح قال شفتي ضبطتيها انك وقفتي مع امي .. قلت ايه طبعا .. و الى الان يحسبني اسويها ع طريقة عمتي هههههه ..

اليوم تكلمت معه وشرحت له كيف اتعب بالمطبخ و ان احاول عشانه وقلت له عطني فرصه وصار نقاش طويل و الى الان ماقدر احكم عالنتيجة لان طلع بعد ماتكلمنا ..

اجادة الطبخ امر مهم الواحد ممكن يصبر يوم يومين على طعام ليس بالمستوى و لكن لفترة طويلة اكيد سيمل
اجادة الطبخ و التفنن و الذوق يعطي انطباع حسن عن الفتاة و العكس بالعكس
اما اللي ما تعرف تطبخ فلا اراها تصلح للزواج تتعلم تطبخ ثم تفكر بالزواج لان ينقصها الكثير
لان الزواج مسؤولية و على الشخص ان يكون مستعد لذلك
و الطبخ و اتقانه ليس بالامر الصعب.

هناك من يتفاخرن بانهم لم يدخلوا المطبخ! الاية اصبحت معكوسة
و بدل ان تكون مجيدة لامور المنزل من قبل الزواج تتعلم بدار الزوج و يجب ان يصبر عليها سنين