لا ليس رأيي انا قلت كونها رمتك بزجاجة الماي المفروض ماتمد يدك عليها لانك رجل وهي اضعف منك وكان المفروض تعاقبها بالهجر او توديها بيت اهلها وتقولها لين تتأدبي كان خليتها هي الغلطانه علشان تحس بغلطها علشان اهلها يقولون لها عيب اللي سويتيه وتأسفي لزوجك وهي بعد تستحي تقول مشكلتها
لو مامديت يدك عليها وضربتها ماقلت لك رجعها لكن كونك تضربها وماتبي بعد ترجعها وتبيها ترجع ماتركب ياخي انت غلطت بحقها واخذت حقك منها ضربتها يعني خلاص وانت اللي لازم ترضيها وش المشكله ؟؟
انا مادري اذا عطيتها فلوس والا لا بس اللي فهمت انها اشتكت عليك لانها تبي نفقه وانت تبي تسوي توكيل لابوك علشان تطلقها مع انك في كل الحالات لازم تنفق عليها لانها بتجيب لك طفل وبتكون حاضنه وبالعكس انا قاعده انصحك علشان ماتتورط اكثر خاصه وانت ماتبيها ترجع لك
يعني لو عطيتها نفقتها وخليتها في بيت اهلها وانت تزوجت في البلد اللي انت فيه وارتحت منها افضل لك لان النفقه بتدفعها بتدفعها لان جايك طفل ولو مافيه طفل اكيد الطلاق افضل دام حياتكم كلها مشاكل بس يمكن الله يهديها ويهديك وتحنون لبعض بس قبل فوات الامر سواء تزوجت انت ام لا ويمكن خذتوا دروس من اللي صار
من يقول؟؟
وانت غلطان اذا وافقت عليه وانا ماقلت لك كلامها صح في هالنقطه انا اتكلم عن الموضوع عموما
وانت ارسل لهلك فلوس محد بيمنعك اكيد اعتراضها هذا غلط ومالها حق ابداً واصلا ماتقدر تجبرك يعني خايف وشو تضغط عليك ؟؟
وبصراحه محد بيلومها لو وافقت على كلامها بيلومونك انت لان هالشي بيدك انت واعترضت والا وافقت مالها راي فيه الراي رايك فخلها تقول اللي تقوله
انا ماظلمتك ولا وقفت مع زوجتك وقاعده اتكلم لمصلحتك
وماقدر اقول انها غلطانه لاني ماقريت حتى موضوعك الاول وماعرف عنها شي ويمكن زوجتك بعد تشتكي واللي يسمعها يقول عنك ظالم لانك تاركها ولانك ماتنفق تدري الناس بس تسمع لكن البيوت اسرار ومحد يعلم وش فيها الا رب العباد
اولاً لايكلف الله نفساً الا وسعها
وماطلب منك ليس فوق طاقتك بس شكلك ماعندك خبره في الحياه
انا اللي اكتب لك متزوجه مو من سنه والا سنتين ولا خمس او عشر سنين انا متزوجه من 16 سنه يعني مو حديثة عهد بالزواج أونصايحي على قدي ولكني انصحك من خبره وانصحك لوجه الله لاغير
وانت الرجل فأكلمك انت من باب انك الاقوى ( وليس الذكر كالأنثى ) فما كان مفروض تمد يدك عليها بالضرب وكونك مديت يدك خلاص انتهى حقك في الاعتراض عليها بالضرب
واقول عنك غلطان لان نسيت قول الرسول في المرأه : لايكرمهن إلا كريم و لايهينهن إلا لئيم
تبيها وراضي فيها اصبر عليها ماتبيها ونويت الطلاق اوكي بس بهدوء وخذ لك فترة راحه تحسب حساباتك بدونها وتكاليف الزواج والعرس والطلاق وكل شي وبعدين استخير وانوي بعد ماترتب كل امورك مو تقول هالكلام بلحظة غضب بدون ماتحسب امورك وترتبها عدل
واكلمك لانك نسيت كلام الرسول في حجة الوداع حين قال: ( أوصيكم بالنساء خيراً )
واكلمك أنك انت تروح ترجعها من باب ( الرجال قوامون على النساء بما فضل الله بعضهم على بعض وبما انفقوا )
يعني انت ترجعها بيتها مو كل مره بس في هذي الحاله فقط لانك انت ضربتها بعد فانت الرجل اللي ترجع زوجتك
وانت الرجل اللي تنفق على زوجتك والا ليش فضلت عليها

ولعلمك لو كانت زوجتك اللي كتبت المشكله لنصحتها تتحملك وتراعيك وتصبر عليك والخ من الامور مو ازيد الطين بله وانا اللحين اسوي نفس الشي معك علشان تلين من جهتها وتعرف ان الحريم مثلها وماتظن انها الوحيده

بس انت قاعد تعاملها بالند وكأنها رجل مثلك وتقول ضربتني ونسيت انك تتكلم عن مرأه ناقصه عقل ودين
في الاخير اذا ماتبيها عندك الطلاق بس انا نصحتك لوجه الله فقط لاغير وانت تبي نصايحنا وهذي نصيحتي لك
واذا تبي نصيحه صادقه اسال غير اهلك واصدقائك علشان يكونون محايدين
وافضل ناس تاخذ نصيحتهم هم اهل التجارب من المطلقين

__________________

اولا اختي الدين امر بالهجر والضرب غير مبرح وحاولت معها جميع الطرق
ثانيا انا كلمت اهلها ولم يكترثو فقط قالو اصبر عليها ولم يشعروني بشيء من الثقة فقط قالو ارسلها لكي نعلمها
ثالثا انتي لم تقرأي موضوعي من الاول من بداية المشكلة فكيف تحكمين عأشياء بمخيلاتك
رابعا الدين عندما قال عن النساء ناقصات عقل ودين قصد نقص العقل انه عند الشهادة يطلب اثنتين اذا نست واحده تذكرها الاخرى ونقص الدين ان انقطاعها عن الصلاة اثناء الدورة الشهرية يجعلها ناقصة بصلاتها....
مشكورة اختي

__________________
إذا ضاقت الدنيا وأصبح لك هم كبير لا تقل ياربي لي هم كبير بل قل ياهم لي رب كبير

قمة التحدي أن تبتسم وفي عينك ألف دمعة

السلام عليكم يرجى غلق الموضوع لاني قررت الزواج والله الموفق
والشكر لجميع المشاركين

__________________
إذا ضاقت الدنيا وأصبح لك هم كبير لا تقل ياربي لي هم كبير بل قل ياهم لي رب كبير

قمة التحدي أن تبتسم وفي عينك ألف دمعة

ليش ينغلق الموضوع
يعني بتخلينة بعصابنا
نبي نعرف آخر شي شو
بيصير معاك مع زوجتك
أحب أقرأ قصص بس ماحب لما
ما أعرف شو نهايتها
أتمنى تقول لنا شو بصير
أخرتة مع زوجتك والله الموفق
الله بكتب لك الخير

__________________
اللهم هب لي من لدنك ذرية طيبه انك سميع الدعاء
ربي لا تذرني فردا وانت خير الوارثين
ربي إجعلني قرة عين لزوجي وأجعله قرة عين لي
ربي اغفر لي و لزوجي و لوالديه والمسلمين
والمؤمنين الاحياء منهم والاموات
اللهم آمييين

ألي يبي يمسح ذنوبه يضغط هنا

http://www.shbab1.com/2minutes.htm

بدون زعل بصريح العبارة انت تبغى الفكة منها لانك حاط في راسك انك تتزوج ..
يعني وقفت على انك تروح تجيبها من عند اهلها يا اخي اذا تحب اهلك وماتبغى تعصيهم وتبعد عنهم كيف تبغاها تعصي اهلها هم يقولوا لها لا تروحي خليه هو يجي ياخذك عشان كرامة بنتهم قدام الناس وهذا من حقهم يعني ايش تبغاها تسوي تهرب من عند اهلها من غير مايدروا وتخسر اهلها على شانك يعني اذا سوت كذا بتكبر في عينك وبتثبتلك انها تحبك يعني روح ياشاطر اذا خسرت اهلها انت اول واحد راح تذلها لانكم بصراحة مالكم امان والاهل سند وعزوة للمراة ..

يا اخي تقدر لو انت حريص عليها وتحبها وتبغاها تقدر تروح وتقول لها بكل شروطك وان اهلك مالك غنى عنهم وانها لازم تحترمك وتحترم اهلك حتى لو تجاملهم عشانك وقول لها كمان ان هذه المرة انت تنازلت ورحت جبتها لكن لو طلعت مرة ثانية من نفسها هي (من غير ما ترسلها انت او تطردها ) انك ماراح ترجعها ابدا وقول لها انه في نفس اليوم اللي تطلع فيه راح تخطب على طول عشان تخاف ..
بصراحة رفعت ضغطي لانه باين انك بايعها وماهمتك في شي والدليل انك معند تتنازل شوي وكمان ماتبغى نقاش في الموضوع اذا كنت حاسم امرك خلاص دخلت المنتدى ليه ...

والله تقههههههههههههههرررررررررررررررررررررررررررررررررر رر