أخوي ما تقدر تطلب ( تأجييييل مدة الدراسة سنة أو 6 أشهر ؟ )
لإنك في أمريكا ، و ممك ن تصير لك مشاكل مع الفيزا لا سمح الله إذا معدلك نزل
بالعكس انا ابي اطلع برا السعودية لان بيتهم بالحي الي جنب بيتنا وبكذا لا ني قادر اجلس بالبيت و ما ودي الناس تلاحظ وجودي اكثر من الصيف يمكن تطلع اشاعة ثانية اني فاشل بالدراسة خلاص انا طفشت من هالموال
وان شاء الله ان يكون معدلي هذا الترم امتياز "
وأشكرك علي حرصك
==================================
نفسيتي تعبت من هالقصه والله امس كله مانمت
أختي الكريمة لأنك انسانة تقدرين المعروف و لأن عندك احساس بس فيه ناس الله يكفينا شرهم
وأشكرك علي تفاعلك وسامحيني اني سويت لكم هدك بس والله انا ماني قادر افضفض الا معاكم
=================================
ايش اخر اخبارك... ايش سويت في موضوعك..؟ هل رحت كلمت أهلها؟ أوكلمتها.؟
وما فيه امل ان يكون تواصل معاهم او معاها والله تمسك بشعاع الشمس ولا تسمع مني كلمة

تأجيل هذه الأمور هو الي يتعب نفسيتك أكتر وأكتر لازم تبدأ بخطوه عشان تريح قلبك..
معليش خيها تطلب الخلع و تبشر والله ما اخذ منها قرش لاني اتعامل باصلي و بتربيتي والحمد لله الي يسر الفلوس في زواجها يسر فلوس الزواج الثاني
هي لاوية يدي من ورا بالمؤخر وبعض اخواني يقولوا ارم الموخر في وجهها وطلقا وحنا بندفعة لا تشيل هم

اخ حياة أفضل إذا تسمح لي اسألك سؤال

لحد الحين فيه بقلبك حب لها ؟
ولا تحس خلاص طاحت من عينك ؟

أخاف تطلقها وتجلس تفكر فيها وصعب إنك ترجعها بعد هالإهانه اللي سوتها لك
الله ييسر لك

صراحة ان الحب بدأ يضمحل و يتلاشي وهذا الشعور بدا لي من اسبوع تقريبا والحمد لله خصوصا طرحي للمشكلة في هذا المنتدي فأحسست بأنكم اذان صاغية و قلوب متاثرة وردود الافعال والله انها ساعدتني كثيرا بشكل ما توقعت اني ساشعر به في القريب العاجل
وهي في الحقيقة انها سقطت من عيني مع اني حافظت عليها طويلا ولكن !!!!!!!! الله المستعان
خلاص صحيح انا اتحمل واصبر وامشي ولكن اذا اتخذت قرار فلا اتراجع وحتي لو تبين لي انه خطأ لأني لا اتخذه الا بالقناعة التامة .
خلاص اغلي ما عند الانسان كرامته وذا بلغ الوضع الي هذه الدرجة فلابد من الانسان ان يعتز بكرامته والله هو اكرم الاكرمين

وبعطيكم قصة تذكرتها الحين
لما كنا جاين الي بيت اهلي قادمين من امريكا كلمت امي وقلت الرحلة بتكون الفجر ونوصل علي الساعة 7 صباحا قالت امي ابد بسوي حفلة فطور قلت اوكي . ليلة السفر كنا جاين من السوق وانا صراحة كنت مسافر من امريكا بيوم الامتحان يعني طلعت من الامتحان واخذت الشنط وعلي المطار وانا مرهق وحالتي حالة المهم نرجع لقصة السوق رجعت وقلت ياله ننام بكرة لازم نكون بالمطار الساعة 5 صباحا قالت الله يخليك ابي اوريك هالمسلسل طبعا انا درعمت وقلت طيب ولما خلص كانت الساعة 2 صباحا قلت طيب بنواصل علشان الرحلة ما تفوتنا قالت لا بتكون وجيهنا مرهقة وما يصلح لازم ننام قلت اوكي ومن حرصي علي الرحلة نمنا بالصالة كل واحد بكنبة و لكن ما صحيت الا وقت اقلاع الرحلة وعلي ما جهزنا اغراضنا ووصلنا المطار كانت الساعة حوالي8 وما كان فيه رحلة الا الساعة 11 وعلي امل اني بيمديني لو علي بقايا وجبت الفطور التي اعدتها امي من اجلي لكن الله المستعان تاخرت الرحلة حتي ما وصلت الا الظهر .
اتفقت مع الست هانم ان المشكلة من المطار والطيارة علشان خاطر امي ولا تقول انا فوتنا الرحلة .
تقلي امي بعد المشكلة ان اول جلسه لها معهم قالت ولدكم ضيع الرحلة جلس سهران يلعب وما نام الا متاخر وفاته الرحلة بالله وش رايكم وع ذلك ما قالت الي امي السالفة الا بعد المشكلة بفترة
يا نااااااااااااااااااااااااااااااااس فيه وقااااااااااااااااااااااااااااااااااحة اكثر من كذا تبي امي تزعل مني . الله بعطيها نيتها

يارب ياااارب يعوضك باللي احسن منها

قصتك مؤلمة

الله يعوضك

انت كيييف كنت متحملها انا اهنيييك على قوة التحمل اللي عندك بصراحة هادي الانسانه ماتتعاشر يوم مو سنوات يعني من بدايتها نكد
يمكن هادا لانك كنت برا واكيد ماملكت الا قبل الزواج بفتره بسيطه يعني مامداك تتكلم معاها وتعرف اطبعها كويس قبل لا ترطبطوااا
والحمدلله ان حبها بدا ينشال من قلبك ولا تخاف راح يجي يوم وتكره سيرتها وماتتزكرها لا بخير ولا بشر حتى
والحرمه بتنسي الحرمه يعني لما تتزوج راح تنساها خاصه لو تزوجت باقتناع ووحده تعرف اطباعها كويس

يا أخي انت قلت الضرب في الميت حرام

وهذي حركات طفله ماهي حرمه عاقله تبي تحافظ على بيتها وزوجها

حبيبي

اللي جابها يجيب غيرها وخليها معلقه لين يروحو المحمكمه يطلبون الطلاق

واتمنى ,, اتمنى ,، اتمنى

انك ماتنخ ولا تضعف ولا قلبك يحن عشان تطلقها وتاخذ حقك انت مو تطلقها وتعطيها مؤخر

وربي اشوف وحده متخلفه عقلياً مو حرمه عاقله وانسانه تبي تحافظ على زوجها

خلها عند اهلها لين تعرف ان الله حق

__________________

اخى والله انك نوعية نادرة من البشر
اهنيك على اخلاقك وتحملك وطيبتك لكن تاكد انه خير لك الاكيد ان الله لم يرد التعاسة لانسان نبيل مثلك
فابشر يااخى ان السعادة في طريقها اليك مع انسانة طيبة مثلك

__________________
ادعولى ربي يرزقنى الذرية الصالحة