الله يصلح حالك وحال جميع المسلمين
كلم ابوها واذا فيه تجاوب إيجابي كمل معها
واذا ما فيه الله يستر عليها
بصراحه الوحده تخاف تسمع كلمة الطلاق والانفصال .... هذه البنت غريبه
الله يهديها ويهدينا جميعا

البنت ياخوي متناقضة ومهيب عارفة وش تبي !
ومع احترامي لشخصك الظاهر أنها ماتبيك بس هي كانت تبي الرفض يطلع منك أو بمعنى أصح تبي أنت تعافها مهيب هي ! والله أعلم .

بس نصيحة لا تخطو أي خطوة ألا بتفكير وأدرس كل شي .. أسلوبها , كلامها , ردة فعلها , الأشياء اللي جرحتك أو فرحتك كل صغيرة وكبيرة على اساسها حدد خيارك , أنت منت بمجبور وهي مهيب بمجبورة .
وربي يوفقك ويسر أمورك .

__________________
قرقعة صحون ولا قرقعة بطن

بنظرها هي حركات تطفيش لإنها ماتبيك (الطلبات التعجيزية \تجريحها المستمر \ إغلاق الهاتف بدون داعي)
وبنظري اشوفها وقاحة وبجاحة بعد وعذرا منك يعني مرررة قهرتني اللي مثلها مايقدر النعمة
يا إما معاملة بالأخلاق الكريمة ولاتسريح بإحسان
إنت ليه استعجلت بالملكة ؟؟؟؟ اسبوع واحد قليل عالأقل صبرت كم شهر تتعودوا على بعض وتعرف إذا تبيك أو لآ
شوف ياأخوي صعب صعب جدااا تتزوج وحدة ماتبيك ولاترتاح لك
إيش بتستفيد لو أصريت على كلامك وتم الزواج والنتيجة طفل يعيش في أسرة مفككة

حاليا لازم تجلس مع أهلها وتحكيلهم عن تصرفاتها لازم يعرفن بنتهم المصون وش تسوي
بعدين استخر ياأخي بأمر الإنفصل إذا اصرت على ذلك.

موفق

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

الله لا يحرمني منكم ...

ولايحرمكم الأجر ...

اخوي الكريم سؤال تبادر لذهني
هل اذا عقلت البنت ورجعت عن قرارها
هل نفسك تسطيع مسامحتها عن كلامها وقله احترامها لك فيما بعد
هل تستطيع النسيان فيما بعد ولا راح تذكرها عند كل كبيره وصغيره
هل تشعر انه حبك لها ممكن يرجع مثل اول ولا بتحس انه ممكن البنت جالسه تضحك علي وتعيد الكره مره اخرى
اذا قدرت تجاوب عليها بكل مصداقيه - طبعا بينك وبين نفسك- ان شاء الله امورك راح تسير نحو الافضل

خل عندك كرامة و إلي هذا أوله ينعاف تاليه
تسريح بإحسان و ربي بيعوضك
لو تزوجتها بتندم
و بتذكر كلامي

__________________
## مهم ##
هل تتعرضين للابتزاز في الانترنت؟


هنا من ينقذك

موقف خطيبتك ذكرني بنفسي ليه تطلب منها تمثل وتهتم فيك وهي تكرهك وتقولك خلاص ما ابيك طلقني
هي ما كرهتك لسبب عيب فيك بس ما ارتاحت لك ماتقبلتك ابدا لو فيك عيب كبير اتوقع انها بتفرح عشان تفك الخطبه
بس لانها مو لاقيه سبب ولانها بنفس الوقت ما ارتاحت معك فهي كانت تحاول بالبدايه تمشي الوضع الين صار الوضع اكبر من قدرة تحملها وطلبتك تطلق
انا في نفس موقفها اكره خطيبي ما ارتاح له ما احبه ساعات اكرهه واتمنى يمووت وافتك لاني ما ابي احصل على كلمه مطلقه
وقلت له اني ما ارتحت لك ولا تقبلتك ولا اتقبل منك اي شي مهما تسوي مع انه طيب ويدور رضاي بس سبحان الله القبول من الله
طبعا قال بتتغيرين بعدين وقال بكبر عقلي ولا راح احاسبك على كلامك
ومع ذلك للحين اكرهه ما اهينه مثل ماتسوي خطيبتك بس ما اقدر امثل الاهتمام غصب عني راح والا رجع اخر همي
ورفضت اكلمه ابدا حتى هو لما يرسل لي ماعاد يعبر عن مشاعره زي قبل وتظن اني تأثرت لا والله عادي واحسن بعد انه مايعبر ولا يتكلم

إذا حسيت منها إنها ندمانه على كل شيء سوته واعتذرت لي وباست الأرض إللي أمشي عليها ..

يمكن أسامح ويمكن لا ... والاحتمال الأكبر لا ..

وإلى الآن ما أعتقد إني برجعلها أبدا ...

مساكين الرجااااال ..

كنت أفكر أن سبب الطلاق من الرجال بنسبة أكبر من النساء ..

والآن إتضح العكس لي تماما ..

إلا بسألكم يابنات ألحين تدرون إن نسبة النساء في مجتمعنا أكثر بكثير من نسبة الرجال ..!!

فأقول إذا جاءكم من ترضون دينه وخلقه فاقبلوا به وأحمدوا ربكم عليه وأمسكوا علي بأيديكم وأسنانكم ..

لأن في هذا الزمان كثروا العوااااااااانس والبنت عاد تبي تتزوج وتشوف حياتها ..

لكن أخاف يجي الخطيب الخلوق العاقل الدين اللي يبي يسعد هالبنت وهي تنفر منه وتكرهه فأخاف إنها تجحد نعمة جاتها من رب العالمين والله يمكن ينتقم منها ويمكن يزوجها من رجال سكران يضربها ليلا ونهارا ويهينها ولايعطيها حقوقها ويجعلها كالخادمة في بيته . ثم تندم حينما لاينفع الندم وتقول ياليتني كنت مع خطيبي الأول الخلوق اللي يخاف ربه فيني ...

أما احنا يالرجال لو طلقنا الصباح .. الليل وأحنا متزوجين ..

فنصيحتي للبنات إبعدوا عنكم الدلع والهبال الزايد واتقوا ربكم واحمدوه على النعمة غيركم تبي الخطيب يجيها لو انه كائن من كان أهم شيء تتزوج وتستر نفسها ..

من جد زمان العجاااااااايب ...

إضافة إلى ذلك :
الظاهر سبب الكره من البنات لأسباب كثير قد يكون منها :

1- متأثرة بالمسلسلات الخليجية أو التركية -----<< يبون مثل مهند وَ طارق و.. و.. و..

2- متعلقة بفارس أحلام وهمي .

3- لها سوابق ... --->>> كملوا ..


آسف على ماقلته وأعتذر من بقية البنات المحترمات اللي يخافون ربهم في أزواجهم وما أقصدك بالكلام يا حاتمية ...

كلامي هذا فقط للشواذ ...

تتوقعون كان في زمان أجدادنا نفس حركات البنات ذولا ...


أشكر الجميع على مرورهم ...

كلامك صح وربي فيهم دلع ما يعلمه ربي يطلعون اسباب من تحت الارض وبعدين تقول عنست ولا قصة الي يملكون بنات اعمارهم صغيره في 18 وربي ايامي الوحده في هذا السن حرمه يعتمد عليها كلمة صغيره مافي مدام صغيره ليه وافقت على زواج زمان العجايب