امي صارلها ساعتين برا البيت .. وقبل ماتطلع كانت تبكي والله ...

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...

الله يعينك

الله يحنن قلبها عليييييييييييييك

__________________

الله يفرج لك يا أم وداد ويحنن قلب أمك عليك..

أمك على العين والراس ، بس تراها إنسانة غير سوية والدليل تصرفاتها هذي...هي تحاول تأثر عليك بأي طريقة بالصراخ والصياح حتى لو كان مو من قلبها (يمكن تمثل) والدليل يوم تكلم خالتك ولا كأن شي صاير ، وأنت اللي تحترقين ويضيق صدرك ،

أنت تحملي وخليك قوية وجابهي هالظروف بالحزم ..واحرصي على بر أمك والكلام اللين معها ..بس اتخذي قراراتك بنفسك..

طمنينا عليك يالغالية .والله قلبي معاك

الله يهديها وينور على قلبها وعلى قلبك

حبيبتي أم وداد

هل صليتي صلاة الاستخاره؟

استخيري واستخيري واستخيري

فعلام الغيوب أعلم بما فيه الخير لك

واذا مازلت تريدين العودة لزوجك وضحي للوالده بانك مستخيره ومرتاحه للرجوع لزوجك

والله يكتب الي فيه الخير لك ولجميع بنات المسلمين

الله يسعدك ويهنيك دنيا وآخره

ويرضي قلب الوالده عليك

غاليتي ام وداد...

من فترة وأنا أقرأ مواضيعك وردودك....

وأقولها لك بكل صراحة .... ماراح ينفعك إلا زوجك بعد الله عزوجل....


واسمحي لي أقولك شخصيتك مترددة وسلبية ... تحاولين ترضين الطرفين ... وكل طرف يدور مصلحة نفسك .... وإنتي وبنتك الضحية...

يا حبيبتي ... كوني ايجابية وقوية ... اتخذي قرارك الآن ...... اتصلي بزوجك ... وقولي له أنا في انتظارك ....


ياحبيبتي هذي حياتك انتي ... ليش تسمحين لأحد يتدخل فيها؟؟؟؟؟؟

مادام أخوك متفهم الوضع.... ليش مترددة...؟؟؟؟؟


بتقولين أمي ماقدر على زعلها... صدقيني أمك إذا شافتك مرتاحة مع زوجك ومبسوطة .... راح ترضى ...

وبعدين طاعة الزوج أولى من طاعة الوالدين....

عزيزتي .... اتفقي انتي وزوجك واستعيني بأخوك.... اتفقوا على وقت معين تكون أمك ماهي موجودة ... أو نايمة .. لو آخر الليل ... وانتظري زوجك وروحي معاه أنتي وبنتك .... حتى أغراضك مو لازم تآخذيها .. خذي الأساسيات بس.... والباقي خلي أخوك يرسله لك ....

وإذا ممكن تخلي لأمك هدية قيمة .. ولو كانت ذهب أفضل لأن الحريم يحبونه.... وحطيها في غرفة امك على إنها هدية منك ومن زوجك ....


وارجعي لبيتك ... وارضي زوجك قبل ماتندمين......


وابغى أقول لك شيء ... بس لا تزعلين مني .... لو لا قدر الله فقدتي زوجك ... بعيد الشر ... كيف حيكون وضعك ؟؟؟

وتذكري الحديث... أيما امرأة ماتت وزوجها عنها راضٍ دخلت الجنة ...

ولم يقل أمها أو ابوها ...



صدقيني يا أم وداد .... دامك تحبين زوجك وهو يحبك وكلكم تبغون بعض .... ليش تنتظرين ؟؟؟؟؟

خذي قرارك .... واسبقي الوقت قبل الندم ....

كثييير مروا بنفس تجربتك وقدموا الأهل على الزوج .... والآن يعضون اصابع الندم ... بدون فايدة...



ولا تنسي الدعااااء ... والاستغفار .....



نتمنى نسمع خبر عودتك اليوم قبل بكرة .....



اللع معك ... وآسفة إذا طولت عليك أو زعلتك....

اختي ام وداد

انا رأيي من رأي الاخت حمامة الوادي

احزمي امرك وارجعي لزوجك وامك مصيرها ترضى في النهاية

عيشي حياتك يا قلبي

خواتي العزيزات ... جينز - فطيرة - وانا اموت فيه- حمامة الوادي والهدى..

صحيح الي قالت اني انسانة سلبية ومترددة .. بس عمري ماكنت كذا الي في السنة الاخيرة .. مرت علي سنة 2007 من غير ماكون مع زوجي.. للاسف..

جينز مشكورة على دعواتج يالغالية ..

فطيرة .. ادري فيها تتخذ هالاساليب عشان اتخوف قلبي عليها وتثنينيعن قراري..

وانا اموت فيه.. صليت استخارة في السابق اكثر من مرة ... بس عقب ماصار هالموقف جتني الحلوة للاسف من الهم ... من تزوجت ماجتني.. لكن الحين مع الهم ..

حمامة الوادي كل الي قلتيه صح .. بس ياختي خايفة عليها اتموت .. امس صراخها موطبيعي.. وبعدين قامت اتصيح .. وانا قلبي عورني ماعرف شو فيني من تنزل دمعتها امووووت..!!

الهدى .. والله ماتقصرين مانسى وقفتج معاي.. ويالغالية انا ادري من البدايه ان كلامج صح .. لانك مريتي بنفس ظروفي..

ارجوكم ادعولي بظهر الغيب..

بحاجتكم..

واشكركم من كل قلبي على ردودكم ...


*** يرجى تغيير لون الخط المستخدم لعدم مناسبة اللون الاحمر لكتابة نص كامل ***

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...

يابعد عمري ياام وداد ضيقت صدري ظروفج
الله يعينج ويساعد قلبج ويهديج لحل

خيوتي ابقول الي عندي بس لا تزعلين علي لاني والله قلبي يحترق على حالتج

امج الي اعرفه انها تطلقت من ابوج والسبايب كلها من ام زوجج
طيب امج الحين مطلقة وانتي معلقة
لا رجعتي لزوجج بتكوني للحين متزوجة
وهي بتم مطلقة
الغيرة بتكبر اكثر
اي الي اجوفه انه امج تغار ترجعين متزوجة
يعني بتصفى بروحها وانتي رحتي لعذالها
يعني افسر الي يصير كالتالي:
امج كانها تقول بافتعالها المشاكل انتي بعد ماحستيني حوس تبين ترجعين ولا كانه شي صار وماخسرتي شي انتي بتردين لزوجج

بس الخسران الوحيد في المعركة هذي انا (امج)

والامر من هذا كله انج ترجعين لاعدائي !!

انتهى.

نرجع لج انتي
انتي مادار كل هذا بخلج ولا فكرتي بيوم فيه لانج للحين الطيبة تارسه قلبج يسلم لي هالقلب ويابخت ودوده الي عايشه وسطه

امج عندها الورقة الرابحة الي هي وداد علشان تلعوز زوجج وتأذيه وتضغط عليه بشروطها التعجيزية

لانها اساسا ماتبيج ترجعين علشان لا تحترق اكثر من قهرها وكل ماتعذب زوجج على بنته هي تلذذت وحست انها منتصرة

فامج عندها اهون تتزوجين غيره ولا تتزوجينه

الحين رايي بكل صراحة
1- يا انج تسايرين امج مدى حياتج لانه اشك انها بتتغير وتخسرين احلى ايام عمرج ايل المفروض تكون وسط عائلتج
2- انج تحطين النقاط على الحروف وتتخذين موقف حاسم وتتخلين عن السلبية وامج مهما صارخت ترى مو نهاية حياتها هذي.. كل واحد مايمشي الا بيومه (بعيد الشر عنها وعن كل احبابج) بس الموضوع يحتاج حسم

واخيرا للقلب الطيب قلب ام وداد :

ترى طاعة الزوج مقدمة على طاعة الوالدين مهما حدث ومهما صار تدرين ليش لانه للحين هو زوجج اذا صار مو زوجج بعدين لج كلام ثاني وتبقى طاعة امج اولى لكن طالما هو زوجج وانتي على ذمته مو من حقج تعصينه

وترى شرطه وايد زين وفيه الخير لج وله ولاهله ولاهلج مستقبلا

ماحرضج على امج لا هذي حلوة اللبن مهما يكون بس هي انتهى دورها بالوصايا لمن تزوجتي
لها الحين الطاعة في الله وحبها وبرها وماعدى ذلك فهو حق زوجج

اتمنى لج التوفييييييييق والله يزيل همج ويريح قلبج يالغلا

القلب داعي لج حبيبتي
ممكن ماتلتفين لكلامي بس انا قلت النصيحة الصريحة مابي اقص عليج واقولج بعد سايريها بعد اطلبي رضاها لانج اصلن تسوين هالشي الحين بس التفتي لحياتج
ترى الصراخ الي افتعلته تقدرين انتي بعد تسوينه وتشقين ثيابج بعد وجوفي شنو بتسوي بس لانج اكبر من هالشي فتصرفي بحكمة اكبر

وكوني بخير ياقلبي

في امان الله

__________________

الغالية دمعات الروح .. كلامج يريح النفس وصح..

كل الي قلتيه صحيح يالغلا .. امي اتحس انها بحرب.. وانها بتكون خسرانة.. لو انا رجعت لزوجي .. فقررت .. اسوي كالتالي..: وابي رايك وراي البقية ..

بكره على المغرب.. بطلع من البيت مع خواتي عشان ارتب افكاري..
وبطرش حق ماما مسج سامحيني لا تزعلين مني بس ابي اكلمج في البيت بهدوء انا وانتي بس وابيج تسمعين رايي من البداية.. وارد البيت واخذها بالغرفه انا وهي برحنا محد معنا واكلمها بهدوء واستسمح منها واقول لها سمعيني للنهاية ولا تقاطعيني بطلع الي بخاطري وبعدين انتي طلعي الي بقلبك .. ولو اني اعرف الي تبينه .. بقول لها .. انا ابي ارجع لزوجي مو حبا فيه .. صح احبه بس مو هذا السبب الرئيسي الي يخليني ارجع له .. ولا حتى ودود .. لاني ادري ان ودود بتعيش سعيدة بينكم .. ومحد بيحبها كثركم ..انا ابي ارجع عشان لا ايي يوم اقول فيه .. هل غلط الي انا سويته ولا لا.. وعشان مايعاقبني ربي.. بشي ثاني لا سمح الله بقول لها .. برجع له .. عشان اقطع الشك باليقين وعشان اعرف واتاكد من نوايا زوجي .. مع اني مؤمنة بان زوجي زين ... بس نفس ماتقولون ممكن يكون مو زين .. الي ممكن يخليني اروح واعيش تعيسة طول عمري .. في حال طلع زوجي مو زين .. اذا انتي قلتيلي أم وداد روحي حق زوجك كيفج بس انا ماعرفج .. لاني بضطر اتحمل زوجي وبلاويه عشان ماتعرض للشماته ....ابيكم سند .. وعون .. وابي اقول بعدين لو طلع مو زين.. مالي شغل فيك عندي اهل بيساندوني لو شو ماصار .. ابي ارجع من غير شروط .. مكتوبة .. في شرو ط بس ماتكتب على ورق.. عشان ماتصير معوقات .. لان ممكن تتنفذ كل الشروط لكن معاملة زوجي مثلا تتغير .. مو شرط ضرب وغيره لكن اشياء ثانية .. وبهالحالة الطلاق اصعب لانه استوفى كل الشروط .. وصدقيني هالمرة .. لي طلعت من شقتنا انا وزوجي .. يا اكون مطلقة انتظر ورقة الطلاق.. ولا انا اطالب بالطلاق .. ولا الخلع ..ابي اعرف هل زوجي ريال زين .. او شين .. مابي اعيش باقي حياتي على يمكن ويمكن ..بقول لها .. انتي اهم عندي من اي حد .. والي مو مخليني اطلع .. مع انها رغبتي.. إنتـــــــــــــــــــــــي!!!!!!!!!
ف ابي قرارتي اتكون طالعه مني.. ماوراي احد .. وانا مابيج تتدخلين في حياتي مو كرها فيج ..س لان تاثيرج علي كبير .. وممكن تطلبين مني شي اقوله ولا اسويه .. واطلبه من زوجي ارضاءا لج وبوقت مايناسب.. ووبعدين هو يعرف انه مو مني.. فيمسك علي هالشي.. وانا مابي..واذا تبين ايي معاج الكويت .. كم يوم من غير زوجي ولا احد .. بكلم زوجي تلفون وبقوله يابو وداد انا ابي اسافر مع اهلي وودود كم يوم .. وبيرضى..


وبعدين بخليها تتكلم على راحتها .. شو رايكم ؟؟ هل ممكن ترضى وتلين ولا مو ممكن ؟ ساعدوني بافكاركم ..

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...

أسلوبك عين العقل والحكمة ماشاء الله عليك

ولا تنسين قبل كذا تدعين ربك ان ييسر أمرك ويسهل النقاش بينك وبين أمك وتطلعين بحل يرضيكم ، ويرضي الله قبل كل شي.

أسأل الله وأنا في الثلث الأخير من الليل أن يفرج للغالية أم وداد ويعجل بحل مشكلتها، ويلم شملها بزوجها ويعوضها بالعيش السعيد الرغيد، ويرضي أمها عنها تمام الرضى ويصلح الأحوال عاجلا غير آجل..