والله يمكن اشد منكم لان اولاد عمي كانوا يجون يسلمون على الوالد ولاعاد شفناهم والحريم وماادراك مالحريم
ام البنت اللي كنت ماخذها يقولون ولاادري عنها انها متسلطه وكانت مسببه مشاكل مع اخواتها وقويه
فاايش تتوقعين انها سوت يوم طلقت بنتها !!
الحمدلله انا ماشفت من البنت شيء ومسكينه وحبوبه وبعض الاحيان ارجع افكر في اللي صار احصل مالها ذنب مسكينه والسبه من اهلها ابوها حاط عينه على دراهمي وامها تخليها تسوي حركات وتخليها تكذب علي
وماادري بس انا ماني حمار بس كنت اشوفهم يحاولون يسيطرون علي عن طريق بنتهم والحمدلله اني تخلصت منهم .....

قبل فتره حصل زواج لخالة البنت اللي هي تصير بنت عمي وتصدقين بكل وقاحه مانادوا عمها اللي هو ابوي للملكه

ولاارسلوا دعوات للزواج الا اخر شئ وجت عن طريق عمتي والوالد ماكان ناوي يروح بس اخر شئ الوالده قالت له خلك احسن منهم ورح
المهم راحوا للزوواج طبعا الوالده راحت تقول بكل حقاره يسلمون ويطالعوننا بنظرات دونيه وتقول الوالده اكيد انها حاشه فينا عندهم اشوا انك طلقت بنتهم ذا النتفه .......!!! عاد تصدقين كنت احب النتفه مع انها نتفه

الله يصلح الاحوال عندنا وعندكم خير
وربي صادق الحريم وماادراك مالحريم على فكره انا طلاقي بسبب هذا والحمدالله على كل حال

موفق اخوي لووف ..

والله ييسر امرك ..
كان بخاطري كلام ..بس انت ماتتقبل مني ..والظاهر اسلوبي ماجاز لك ..اكرام النفس هواها ..

الله يسعدك ويرزقك بنت الحلال الي تنسيك النتفه ..

__________________

لاحرام عليك تراي على طول يطقني الهم واحس اني ضيقت صدرك
والله ماكان قصدي ابد بس انتي كل ماقلت شىء تنتقين فحلقي واسلوبك يضايق ويحسسني اني مخطىء وماقلت لاتردين على مواضيعي حرام عليك

امين بس قولي وش قصتك انت خل نستفيد فضفضي قولي كل اللي بخاطرك

ياحبني له الشعراوي الله يرحمه كان يطربنا قبل الافطار برمضان

من اول ماسجلت بالمنتدى قلت بكتب قصتي يوم زواجه وقرب يوم زواجه الجمعه هذي بعد يومين

ليه تنتظرين يوم زواجه ناويه تطقينها حزن يعني
حرام عليك والله خلاص انسي اللي صار ليه تربطين نفسك به وبيوم زواجه ادعي له بالتوفيق وانسي اللي راح وربي بيعوضك بااخير منه
وعلى طاري يوم الزواج الضاهر المفروض زواجي يكون الجمعه اللي بتجي
ااااااااااه قلبتي المواجع
قولي قصتك ولايهمك احد

شكلي بااطقها حزن معك يوم الجمعه هع هع هع
ماضنيت بطلع اضبب الله يستر لااضيع فالبر بس احس برجع وانا مسوووود