صباح الخير ... بعد اخر حوار صار بينا ... الوضع هدأ .. وماصار يجيب سيرة اخواني ... وقبل يومين. .. كنا نسولف عادي ... والوالده دقت علي ... رديت عليها وكلمتها عادي وقالت هذا فلان يسلم عليك ويقولك لا تبطين علينا ... قلت لها الله يسلمه وان شاء الله قريب ... وقفلت ... قام سالني مين ذا اللي يسلم عليك ... قلت له اخوي فلان .. قام يتأفف .. وانا ساكته ... قال يعني بتزوريهم الخميس ذا ... قلت له لا .. قال احسن .. قلت له ليه وش سووا لك ... قال ولا شي .. بس كذا ... قلت له طيب براحتك .. قام اخذ جوالي .. ويقرا المحادثات ... حاولت اخذ جوالي وماقدرت ... قال لي اشوف وش تقولون قلت له اخواني ذولا مالك حق تقرا اللي بيني وبينهم ... قال لا شنو مالي حق اقرا محادثات فيها رجال ! ... لستغربت من كلامه .. قلت له ليه يعني في شي بينك وبين خواتك ؟ ورد علي نفس كل مره ... انتي غير وانا غير ... قلت له هذولا اخواني مو رجال ... كان قصدي انهم اخواني مو غريبين ... اخذ جواله وارسل للقروب ... اختكم قالت عنكم انكم مانتم برجال وارسل ضحكه .. ويرجع يرسل قسم بالله قالت عنكم مانتم برجاجيل ... انقهرت مدري ايش اسوي ومنحرجه منهم ... اتصلت على الوسطاني .. كنسل ولا رد ... ورجعت ارسلت لهم ان ماكان قصدي ... قاال لي شنو تقولين حق زوجك كذا ... وفهمتهم الموضوع بس حسيت انهم زعلوا مني ... اتصلت على عمي وقلت له كل شي .. قال لي خليه يوديك عند اهلك واذا مارضى قولي لي ... الحين انا في بيت اهلي والله اني منحرجه من اخواني ... مع انهم مافتحوا معي الموضوع ...والحين الموضوع بيد عمي قال بيكلمه ..

__________________
-

فأجبر خَاطري .. بفيّض نعَمك ❤ ....

انا ارى انك تشرحي النقاط الرئيسية فقط لاخوانك

لكي تضلي في المنتصف

لأنه للأسف كلا الطرفين ( زوجك و اخوانك) اثبتت مواقفهم السابقة انهم ليس جديروا بالثقة المطلقة

فكل طرف منهم يعاني خلل ما

زوجك عنده مشكلة او مشاكل نفسية مستفحلة

واخوانك عندهم مشكلة اخلاقية ( لانهم ارادوا اكل اموالك الحلال بالباطل)

وبالتالي انتي بين نارين

لذا شوفي منهم من هو اقل حرارة منهما على المدى البعيد وتقرّبي له واستندي عليه

__________________

اخي لماذا .. مين هو اللي اقل حراره على المدى البعيد ... هل قصدك أخواني او زوجي ؟

وبعدين يا أخي ... انت قلتها انه في السابق ... يعني اخواني في السابق كانوا طمعانين ... اما الحين تغيروا للأفضل ... زوجي تكلم عن اخواني كلام مو زين ابدا ... زعلت عليهم ليش يقول عنهم كذا وانا ماشفت منهم شي ... زوجي يا أخي على العين والراس ... بس يجي يتكلم عن اخواني بكلام يسيء لسمعتهم ويطعن فيهم ويقذف فيهم هذا اللي خلاني اتصل بعمي عشان يوقفه عند حده ... مع اني ماقلت لعمي شي غبر انه حاط دوبه بدوب أخواني ومانعني عنهم حتى من السوالف معهم ومن زيارة اهلي وبحاول يخرب علاقتي فيهم ...

ممكن اعرف مين قصدك استند عليه ؟

شاكره لك اخي ويعطيك الف عافيه

__________________
-

فأجبر خَاطري .. بفيّض نعَمك ❤ ....

يتحدد اللي تستندي عليه حسب المعطيات

والمعطيات هذه مختلفة
فيه منها المؤثر وفيه من يكون اقل تأثير في الحكم

في النهاية انتي اللي تحددي مين اللي تستندي عليه

__________________

ان شاء الله .. جزاك الله خير ... ويعطيك العافيه ... شكرا لك اخي ......

__________________
-

فأجبر خَاطري .. بفيّض نعَمك ❤ ....

حابة توضحين هالنقطة وتقولين لي شو قال عن اخوانج؟

وهل دار حوار بينكم قبل ما يوصلج عند أهلج؟

__________________


اللهم طِيبَ الأثر .. وحُسْنَ الرحيل.

قال عنهم كلام مره شين ... أنهم حقين بنات وسهرات ... لا صلاه ولا عباده ... يدفعون مبالغ بالهبل للحريم ... وغيره كلام كثير ... وهالكلام ماهو بصحيح ... واحد من اخواني انحرف شوي ورجع الله تاب عليه بفتره قصيره ... مدري ليه يقول عنهم كذا ... وحصل بينا شد بالكلام ... وقلت له ماحصدق اي كلمه تقولها ... تبي تخرب علاقتي فيهم ماحتقدر ... وبالطريق لما وداني بيت اهلي ... قام يعتذر وأنه مايقصد شي .. وقال لي انسي اللي قلته واعتبريه من ابليس ومدري ايش ... فمارديت عليه ...

__________________
-

فأجبر خَاطري .. بفيّض نعَمك ❤ ....

يمكن خاف تقولين لاخوانج مثل ما صغّر عقله وراح يقول لهم إنج تقولين عنهم مب رياييل!!


على كل حال .. احتمال الآن يخفّ ضغطه عليج بعد الكلام الكبير اللي قاله بحق اخوانج .. وبعد ما أبوه عرف بالموضوع.


شكثر ناوية تقعدين عند أهلج؟
.
.
.
تعقيباً على كلام أخي لماذا نتزوج .. فأحب أوضح نقطة: كل كلامي السابق بخصوص علاقتج باخوانج مب لأنهم أفضل من زوجج أو أنهم هم الأكثر حرصاً عليج (وفي الحقيقة بعض التفاصيل السابقة رايحة عن بالي مثل جزئية طمعهم السابق في حصتج إنتي واختج من الميراث اللي ذكرني بها أخوي لماذا نتزوج) .. لكن كلامي كان انطلاقاً من أنهم اخوانج إنتي .. وإنتي صاحبة الحق في تحديد إطار علاقتج معاهم.

وأتفق مع أخي لماذا نتزوج .. انتي اللي تقدرين تحددين أكثر شخص ممكن تثقين فيه وتعتمدين عليه .. ويمكن الأصلح إنج لا تستندين على زوج ولا على إخوان بل على طرف آخر تماماً مثل عم أو خال مثلاً.

__________________


اللهم طِيبَ الأثر .. وحُسْنَ الرحيل.

صحيح مهره ... لأن علاقته فيهم ممتازة من غيري ... وخايف اقولهم انه قال عنهم كذا ...
هم كانوا طمعانين اما الحين لا ... اخر مره واحد منهم طلب مني سلف مبلغ مره كبير فاعتذرت له .. بعدين ماقد فتحوا معي الموضوع ... واكتشفت بعدين انه تسلف من اختي اكثر مره من زمان اما الحين ما عاد يتكلموا معها بالسلف ... والى الحين مارجعوا لها المبلغ ... المهم بصراحه ثقتي بالكل تزعزعت ... بس هما فيهم خير والله ... بس زوجي نظرته سيئه لهم ... اخواني كل شهر يعطونا انا واختي مبلغ ... ولما قلت لزوجي انهم طيبين وكذا ... يقول على بالك من جيبهم ؟ هذا حقكم اصلا ... مابغى ادخل في هالموضوع ولا ابي الفلوس ... بس ابي اعرف ليه هو ينظر لهم انهم مو كويسين ..انا يهمني تعاملهم معي وحبهم لي .. مايهمني غيره ...
اذكر مره الصغير طلب مني سلف ... وانا قلت له حاضر ... وبصراحه كنت ناويه اعطيه ... وكلمت زوجي ... قال لي لا تعطيه .. اذا تبين تعطيه قولي له انك بتتسلفين من زوجك وبتسلفينه له من فلوس ززوجك لأن فلوسك مخبيتها عند عمك ... لما قلت له كذا قال لي لا خلاص مابي بدبر نفسي عند اي أحد ثاني ... واذا قلت لزوجي حرام ليه كذا .. يقول معهم فلوس مايحتاجون سلف ... لو بيرجعونه كانوا رجعوا حق اختك ... دايم ظنه سيء فيهم ... ...

مدري كم بقعد ... يدق علي ولا ارد ... مادري وش اقوله اساسا ... كلمت عمي يقول لي لا تردين عليه ... وانه كلمه ... ومخاصم له ... والحين هو معصب ... الواتس مو فاتحته .. خايفه من ردة فعله .. ويرسل نصيه .. انه ماتوقع مني اكلم أبوه وليه المشاكل تطلع للغير ومدري ايش ... قلت له اخواني تقول عنهم كذا ليش ... وليش تقول لهم اني قايله عنهم ماهم برجاجيل ... يقول انا امزح !! تخيلي هذا رده !! ... وانا تأسفت لك وقلت لك تنسين الموضوع و و و .. مارديت عليه ...

__________________
-

فأجبر خَاطري .. بفيّض نعَمك ❤ ....

اللي يقهرني اكثر ... انه هو يتسلف مني عادي !! .. بس اخواني لا لا تسلفيهم ... عجزت افهمه .. احيانا مابي أسأل ولا ابي افتح على نفسي ابواب ماحتتسكر ... لأني شاريه راحة بالي ... ومابي وجع راس ...
وبرضو يحلف لي يمين بالله ان اللي تسلف من اختي ماحيرجع لها !! ةاذا سالته وش عرفك وليه كذا تحلف وواثق ... يقول اساليني عن اخوانك اعرفهم اكثر منك ! نظرته لهم مررره سيئه ولا اعرف السبب

__________________
-

فأجبر خَاطري .. بفيّض نعَمك ❤ ....