[QUOTE=(أم جمانة);2598165]
السلام عليكم ورحمة الله وبركاته
حياك الله ياسما
وشاكرة لك حسن ثقتك فيّ واسأل الله أن أكون عند حسن ظنك
واضح ياسما أن زوجك يحبك جدااااا جدااااا جدااااا ماشاء الله تبارك الرحمن
ووواضح سبب اللي عمله معك من اعطاءك الصور
لو أعطاك صورة واحد لكان هناك احتمال انه يكون صادق
ولكن بعد ان أعطاك صورتين فمعناه 100 % بيمزح
وعارفة بيمزح كذا ليه؟؟؟
لأن وااااضح أنك بسبب الحمل المتتابع اهملتي نفسك ولبسك وإهتمامك بزوجك
وفقد زوجك فيك المرأة الأنثى المغرية الجذابة في الحياة وفي الفراش
لذا فهو يحاول أن يشعل الغيرة في داخلك لتهتمي به
والدليــــــــــــــــــــــــــــــــــــــــــــ ـــــــــــــــــــل القاطع لكلامي هو كلامه هذا:
ودي رسالة منه معناها أهتمي بي أنا مش عايز حد غيرك ياخذني منك
لأن الدنيا فيها إغراءات كثير ولو مالقي اللي عايزه عندك حيضطر يبص لغيرك
لكن لو كل حاجة عندك فاللي بطنه مليانة مش حيدور عالأكل
فانتبهي للرسالة اللي بيبعتها لك ولاتهمليها وتقلبيها زعل وخصام ونكد
لأنك كدا بتكبري الفجوة بينكم وبيحس لجانب إهمالك جفاءك
هو كرامته ماتسمح له يقول دلعيني وأهتمي فيّ
علشان كذا بيغيظك وبيقول كان نفسي في أبيض واحلى
لأنه عايز يحرك الغيرة بداخلك وتهتمي به بدون مايطلب
فخليك ذكية وخلي الزعل على جنب وافهمي الرسالة وصلحي حياتك
لازم تعرفي ياسما إن جمال المرأة وجاذبيتها وإغرائها للرجل مو بجمالها ولابياضها لالالالا
والا ماكناش شفنا كثييييير سابوا زوجاتهم اللي ملكات جمال وراحوا تزوجوا من أقل منهم جمال ولكن عندهم دلع وثقة في النفس
المرأة التي تجذب الرجل الدلوعة اللي ماتزعل على كل شيء اللي ضحكتها دايماً مالية البيت وواثقة من نفسها وتحسس زوجها انها أجمل انسانة في العالم
اللي بيلاقيها الأم لما يكون متضايق ويلاقيها الصاحب لما يكون مبسوط ويلاقيها العشيقة على الفراش ويلاقيها الطفلة اللي محتاجة للأمان عند أبوها وانه هو الأمان لها
دي أكبر مشكلة ممكن تبعدكم عن بعض
عايزة أوضح لك نقطة مهمة لازم تفهميها في حياتك الزوجية وتطبقيها وحتلاقي بإذن الله حياتكم تغيرت كثييير
الرجل بصفة عامة تكوينه من الله مختلف تمااااما عن المرأة
لأنه بيفكر بعقل بعكس المرأة بتفكر بإحساسها
فأنت وقت الزعل بتفكري بأحاسيسك تحتاجي لفضفضة ومصارحة وعتاب علشان تنهي المشكلة
لكن الرجل بيفكر بعقله و بيحب يقفل الموضوع ومراضاته لك انه يكلمك عادي ماكأن شيء صار بينكم
وأنتِ بتشوفي ان هو مايهتم بأحاسيسك
لكن هو مابيفهما كذا
هو بيفهمها إنك نكدة وتحبي الزعل
يعني لاتتوقعي زوجك يفهم أحاسيسك ويعمل زيك
اشتري راحة بالك واعرفي تكوين الرجل واقرأي كتاب (الرجل من المريخ والمرأة من الزهرة) حتفهمي منه طباع الرجل كثييييير وحتفهمي بيفكر إزاي
والأن بما انك مقتنعة برأيي عايزاك تروحي لزوجك وتتكلمي عادي وتضحكي لاتراضيه ولايراضيك لأن مافيش أصلا زعل
وخليك واثقة من نفسك مليون في المية ولاتبيني انك متضايقة لان ده بيحسسه ان فعلا انت مش حلوة
لكن لما تكوني واثة من نفسك بتجبريه يشوفك أحلى وحدة في الدنيا
واهتمي بزوجك وتدلعي والبسي وجهزي أكله زي مايحب ولاتتركيه وحده عالنت
اسهري معاه وهاتي مكسرات ولب أو حلى او حتى بوب كورن واجلسي بجهازك معاه واضحكوا سوى وتشاركوا
الحياة حلوة بلاش نعيشها بنكد
[/QUOT
جزاكى الله كل خير على ردك يا أم جمانه
احنا خلاص الحمد لله اتصالحنا..من غير مانتكلم فالموضوع اوى ..وانا صليت استخارة انى أكلمو فالموضوع وكنت فاكرة انى مش هصفى غير لما اتكلم فيه
لكن الحمد لله انا دلوقتى كويسة وما كلمتوش تانى فيه غير مرة فالسيارة
كنا رايحين مشوار وحاول يتكلم كويس قلتلو انت مش عارف حجم الجريمة اللى انت عملتها.....انك تقعد تتفرج على صور بنات عالنت وكمان تبعتلى صور منهم
مش علشان ربنا محلل ان الرجل يتزوج تانى........دة ما يبررش انه يقعد يتفرج عالبنات
قالى انا قلتلك ان دول ناس عارضينهم عليا علشان الزواج
وقالى مش احسن حد يساعدك فالبيت ويشيل عنك حملو شوية........الاستاذ زوجى متصور او متخيل او جه على بالو اصلا انى ممكن اقبل انه يتجوز واحدة تانية هنا معايا فالشقة وشقتنا واسعة الحمد لله......وبيقولى طب واحدة صاحبتك انا اخترهالو ونساعد بعض فالبيت
لأن طبعا ابنى صغير وبيلخمنى كتير مع الحمل كمان...... وكنت بقولو انى نفسى أنفض البيت بس مش عارفة بقالى شوية .......هو الحمد لله البيت كويس وايدى علطول فالاجزاء3اللى احنا عايشين فيها .بس كان قصدى انفضو كله والصالات وكدة بس اصلا الموضوع دة مايفرقش معاه كتير الحمد لله
المهم انى قلتلو باستنكار شديد انى عمرى ما ارضى على كدة ولا حتى انه يجيبلى شغالة فالبيت........
وقعدنا طول الطريق مانكلمش بعض ....
المهم بعد كدة واحدة واحدة بقينا الحمد لله نتكلم عادى من غير مانفتح الموضوع تانى ....... وكان عمل حركة رخمة كدة واحنا برة وواحنا راجعين قعدت ابكى شوية وقلتلو ان من الحركة دى وبررهالى بس كان نفسى اقولو يعنى انت عملت فيا كدة ( علشان مش عايزة جوزى يتجوز عليا بعد سنتين من زواجى وكمان يجيبلى ضرة امام عينى فى شقتى) كنت عايزة اقولها وانا ببكى بمسكنه بس مقدرتش .لانى اصلا كتير مش بقدر اتكلم
الخلاصة ان احنا الحمد لله كويسين.......وجزاكى الله كل خير
انا الحمد لله واثقة من نفسى بنسبة كويسة..وهو مش دايما يقول كدة دة كام مرة بس
حتى اختى بتقولى بهزار انا متغاظة منك انك واثقة من نفسك كدة ما شاء الله
الحمد لله
وبالنسبة للملابس ........انا انا اصلا مهتمية بيها جدا وبحب البس حلو علطول واحيانا ممكن استحمل البرد او ان اللبس مايكونش مناسب خصوصا وانا حامل بس علشان يبقى شيك
واحيانا لما الاقينى تاعبه نفسى واللبس مضايقنى وهو مش واخد بالو اصلا.اقول طب ما البس المريح بقى وخلاص
ونقلت الكمبيوتر بتاعى فالغرفى اللى فيها الكمبيوتر بتاعو .اينعم ظهرنا تقريبا لبعض بس على الاقل الكلام والتعليقات كدة اسهل من انى اكون بعيد..بس انا اصلا مش بقعد كتير خااااالص
ادعيلى وادولى كلكم بالله عليكم اكون مفرفشة وما اكونش نكدية ابدا وانسى الاساءة بسرعة وزوجى يحبنى اوى وجميع المسلمات
وجزاكم الله كل خير
06-04-2011, 11:15 PM
ضوابط المشاركة
العرض العادي
