معليش صراحه خلونا نكون واقعيات شوي

اغلبنا امهات وعارفين نكد العيال وضغظهم
خاصه لما يكون في رضيع يوم ينومك ويومين
يالله تنامي ساعتين باليوم
وكملي جري وراهم وشغل بيت
وطبخ وكرف

الا مايجي اوقات الوحده تطفش ،، تمل
تتعب .. والمفترض الزوج يقدر هذا الشي
اذا مابيقوم يساعدها بالاولاد
على الاقل يساعدها بسكوته وتفهممه
مش كمان يزيد عليها انتقاد وتطنيش وسب واهانه

صراحة ماشوف كنافه غلطانه
بالنهايه هي بشر .. واذا هو عنده نقص بشخصيته
مش مطلوب من كنافه انها تصير اله عشانه..

خلونا نكون منصفين
اذا حد اهانك وسبك بيجيك نفس اساسا تشوفي لوجهه؟
فكيف نطلب منها انها تلبس وتبادر بالليل
والصبح يكون لسه هاينها وسابها وجارحها !؟
قليل من الرحمه والمنطق




كنافه .. كلامي الان لك ..
شوفي حبيبتي لا تاخدي الان قرار لانه مشحووونه
ويمكن تاخدي قرار تندمي عليه بعدين
خاصه وانك لازلتي تحبيه ..
قومي صلي ركعتين واهداي شوي
حددي اولوياتك .. وحددي ماذا تريدين
حابه تطلقي بجد .. ولا حابه تصلحي وضعك

اذاحابه تطلقي .. خلاص لمي ملابسك وتوكلي..

اذا مو حابه تتطلقي .. ففكري جيدا بكل خطوه تخطيها
وممكن تودي بشكل او باخر للطلاق ..
ذهابك لبيت اهلك .: هل ممكن يحل مشكلتك؟
ممكن زوجك يفقدك ويجي لك ويتفاهم معك ويسمع لكلام حد عاقل ينصحه!؟
ولا هل بيعاند اكثر ويودي عيالك لاهله ويعيش حياته ويتزوج الثانيه وتخرجي انتي الخسرانه لا من زوجك الي تحبيه ولا من عيالك !؟

طيب نفترض انه جا بعد فتره واستسمح منك وتفاهمتو
ايش بيكون شرطك للرجوع ؟ معاملة زوجك لك نابعه من تربيته ومن عقليته ومن فكره .. فكيف بتقنعيه يتغير ؟ وهل اساسا بيكون تغير موقت ولا جذري؟

هل ادا اشترطتي عليه تتابعو مع مستشار اسري
يقبل؟

الله يفرج همك يارب

__________________
سبحانك لا اله الا انت اني كنت من الظالمين

لو تحبي نصيحتي
حاليا لا تطلعي من بيتك لانه
راح تتشعب مشكلتكم وخاصه انكم الاثنين
شايلين على بعض

برايي ادخلي غرفتك واقعدي مع نفسك واهداي
اذا ممكن تكتبي رسالة فرغي فيها كل شي
رساله لزوجك.. فيها عبري عن حبك له
وعن حياتك معه وعن مشاعرك وعن الي تتمنيه منه
وعن قلة اهتمامه بك
صيغيها بطريقه كويسه ( بعد ماتهداي)
وخليها فه بالصاله يقراها

كثير من الرجال لا يسمع وقت النقاش
لكن لما يقرا رساله مع نفسه وبهدوء يوصل له الكلام افضل

انتي ادرى بزوجك هل تظني انه ممكن الكلام كتابيا
يكون افضل ولا لا

دعواتي لك حبيبتي

__________________
سبحانك لا اله الا انت اني كنت من الظالمين

مع ام يوسف
لا تطلعي من البيت
و لا تخلي كلمته انك خايفة من كلام الناس تأثر عليك.

__________________

زي ماتوقعت
زوجي كلمني في بريك الظهر
قال لي تعوذي من ابليس
قلت له خايف من مسؤوليه الاولاد؟
قال لا والله بس لا تكبريها.. امس راح خلينا بيوم جديد

لاحظوا لا اعتذر ولا ندم ولا شي
وكان عنده ازعاج موظفين فما طول معي وماقدرت اناقشه

زوجي ماكلمني عن حب وندم
بس خاف اترك له العيال واروح
عارف انه بيدبس فيهم
قال وليه كل هذا.. في مربيه ببلاش

عموما انا ماعطيته ريق حلو
وماعندي استعداد اعديها زي كل مره
صحيح ماني رايحه لاهلي بعد اتصاله
لكن ماراح اكلمه اليوم

وهو اصلا ماهي فارقه معه
لانه مايكلمني ومجافيني من ايام
مالي يده مني
حسبي الله عليه

صحيح هو تصرفاته وكلامه معك كان خطأ
يمكن يكون بسبب الغضب أو الضغوط النفسية
لكن خليكي احسن منه واستخدمي اسلوب التطنيش معه
وإذا غلط في الكلام حاولي ماتردين عليه أو تتصادمين معه
ثم اختاري الوقت المناسب وتكلمي معه بصراحة عن الاشياء التي تزعجك فيه
وبأسلوب جميل
وإن شاء الله يتغير إلى الأفضل

ماابغى اضايقك كنافه لكن اتصاله وكلامه انه تنسي الي سار امس واليوم جديد هذا يعتبره اعتذار وكأنه قالك آسف حبيبتي ..

هذا في المرات الجايه الان خلاص اطوي الصفحه هذي ومايمنع تكوني زعلانه واحصري زعلك ع انه ماقدر تعبك ومرضك قولي كيف لو مرضت مرض ماقوم من فراشي ؟؟

بعني عاتبيه لا تتهاوشي معاه وانسي سالفة الانثى والبرود عشان ماتفتحي عينه ع الي يضايقك ولو كررها تعلمي تقلبي رده عليه

أنا مع زوجك ياكنافه لا تكبرينها ، أشوف إن زوجك ممتاز بس فيه نقطه العصبيه وقت الزعل مايملك أعصابه ولسانه ، لا تردين عليه بقوه إبكي بضعف حسسيه إنك إنجرحتي لا تكلمينه ولا تطالعينه بيأثر فيه الأسلوب هذا أكثر من الصراخ ورد الكلمه بكلمه ، وأعتقد إنه يغار من عياله يحس إنك تهتمين فيهم أكثر منه ، إذا كنتي تعبانه أو مشغوله حاولي تعتذرين منه بلطف لا تطنشينه .
كسرو خاطري عيالك 😢 ليه تفرغين الغصب فيهم وش ذنبهم تعوذي من الشيطان إذا عصبتي الرسول عليه الصلاة والسلام وصى بها ثلاث " لا تغضب لاتغضب لاتغضب " ..
كنافه أحس إنك جديه حيل في الحياه كل شي بالقلم والمسطره ، مافيه شي كامل ومافيه حياه كامله لا تحاولين تصيرين مثاليه ترى الشي هذا متعب جدا ، سامحي نفسك على التقصير ولا تحملينها فوق طاقتها ، وسامحي الي حولك الحياه ماشيه كذا والا كذا خذي كل شي بأريحيه وسعة بال .

__________________
الحمدلله حمدا جزيلا ...

الله يفرج همك ويسخر زوجك لك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

زوجك من النوع اللي يحط عيوبه عليك يعني يتهمك بالبرود ..
ويتهمك بانك تكرهي جنس الرجال ..
يمكن عنده عقد داخليه من النساء ..

__________________
السعداء أشخاص علموا أن الحزن ؛ لا يجدد قديماً ؛ و لا يعيد ماضياً ؛ و لا يرد غائباً ؛ فتركوه جانباً و ابتسموا .

سبحان الله تحسبون انكم راح تلوون ذراعنا بالاولاد والمسؤوليات

نفس ماسوت المستوره اللي كانت عندي راحت وتركت الاولاد على اساس خله يتورط فيهم

لا انا اللي رجعتها ولا هي اللي قدرت تاخذهم عندها حتى الشيخ نقد عليها ورفض الحضانة تكون لها

لاتفكرين هالتفكير ابداً امسحيه من عقلك لاتخسرين بيتك وعيالك وتندمين اشد الندم