كلنا عندنا اغراض خاصه مانحب احد يطلع عليها...
غرفتي نومي كانت كبيرهو هاديه وفيها زاويه لي وله..
وفيها اغراض خاصه بالمتزوجين
بس اذا جاء لزيارتي احد هالاشياء تتخبئ
ومفرشي الخاص يتخبى وينحط بداله حق الضيافه وتتقفل غرفتي بس اذا طلبني احد ماكنت امانع وعادي اهلي واهل زوجي يدخلوا ويخرجوا ..
اصلن اتوقع انو مافي احد بيتسدح فيها
اللي بتدخل الغرفه تدخل لغرض ما ..وتخرج.
انا كنت ارتبها بنفسي ومااحب الخدامه ترتبها...
بس مو بالقداسيه االي انتو تتكلموا عنها
حتى الضيووف اتوقع هم بنفسهم ينحرجوا ومافي احد يتجرأ يطلب يدخلها من باب الفضول..
ومن البديهي مكان غرفة النوم بعيد عن مكان الضيافه وشي طبيعي بحال وجود الضيوف كل غرف النوم تتقفل..
اما اهلي واهل الزوج كل الامكنه مسموحه لهم بدون تقيد ..

__________________
(سيدة الموقف)
لم ننساك ونسأل الله ان تكوني أنتي وأولادك بخير

بالنسبة الي ما عندي اي مشكلة حدا يدخلها ان كان قريب او غريب
وان كان لغرض الصلاة او لتعديل مظهره او يشوف صور او ياخد فكرة عنها
وانا كتير عادي اني ادخل غرف نوم معارفي واقربائي
بس عندي خط احمر نام بسرير متزوجين او حدا ينام بسريري المشترك مع زوجي ولو كان من اهلي
لانو المشكلة عندي مش بالملابس او العطور ولا بالديكور والترتيب
بل بالسرير ذاته لخصوصية العلاقة بين الزوجين والصغير والكبير بيعرف شو بصير على هيدا السرير ومتل ما قالت الخالة بيتا بترجع للخيال
لانو اللي رح يفوت لخمس دقائق او ساعة مش متل اللي نايم الليل كله على السرير
اللي لخصت كل شي بيخصه العزيزة زين
فمن هيدا المنطلق بعتبرها خاصة ان كان بدو شخص ينام فيها
اما اذا في حالات استثنائية وبيضطروا يناموا عالسرير
الافضل اني اشتري سرير لشخص وبحطه بمكان تاني وبكون امنت مكان مناسب للضيف وبنفس الوقت اعطيته الشعور بالراحة من دون ما يحس بالاحراج
لانو بعتقد اي شخص رح اعرض عليه ينام بغرفة نومي ولو ما حكى رح يشعر انه مش مرتاح والمكان مش مكانه
مشكورة حبي مهرة عالموضوع الحلو متلك

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

انا اشوف غرفة النوم من الخصوصيات اللي ما يصلح احد يطلع عليها
حتى و ان كان الظاهر لهم شيء عادي
مثل ما ذكروا الاخوات و الاخوات هي خط احمر
استغرب من اخواتي اذا زرناهم يدخلونا غرفهم عشان نصلي او نتضبط او او

انا عن نفسي
اهل زوجي دخلوها طبعا قبل ما ادخل البيت
بعد ما دخلت و زاروني اهلي
فرجتهم الغرفة ع السريع
و طلعتهم ع الصالة

بعدها زاروني و لا دخلتهم

يعني مو الموضوع عنصري اهلي و بس
لا الجميع ما احب بدخلونها

__________________
ي رب رضاك و الجنة

انا صراحه انحرج من احد يدخل غرفة نومي غير امي واخواتي فقط وطبعا مايجلسون فيها بس ياخذون غرض ويخرجون .....

هي الغرفه صح خاصه بس مو خصوصيه مئه بالمئه طبعا اقصد اي احد يحتاج شي منها من اهل زوجي اما الضيوف مسسستحيل ثم مستحيل تم مستحيل .... ماشوف لها داعي اخليها مشرعه للرايح والجاي

صادني موقف أول ايام زواجي الميمون 😆😆
المهم...
تعرفون بيت جديد .. والاهل لما يجون حق يباركون
يبون يشوفون البيت...
وغرفة النوم من ضمن الاماكن اللي بيشوفونها
" هذا عرف عندنا واحد الامور الاستثنائية اللي يسمح بها بدخول غرفة النوم "
المهم ما لكم بالطويلة...
وحده من اهل ابوي .. قعدت على السرير
وسألتني : انتي تنامين بأي جهة...
وظلت تلمح بكلام وقح...

هذا الموقف كدليل حي على اللي قالته خاله بيتا وبعض البنات
ان الخيال شغال!

- نقطة أخيرة ، أحيانا الامر يتطلب بعض المرونة
أي نعم.. المكان له خصوصية
بس مو معناته احوله لمعسكر!
أو ما له داعي تعطون للاخرين ان هالمكان هو الوادي المقدس!
اتذكر كانوا الاهل زايريني خالاتي وامي وبنات خالاتي..
كان ازعاج وامي تحب تصلي بمكان هدوء..
والغرف - عدا غرفتي - يوصل لهم الازعاج
خليتها تصلي بغرفتي... ولو ام زوجي على قيد الحياة الله يرحمها جان سويت معاها نفس الموقف..

حلو ان يكون لكل شيء حد وقانون... لكن المرونة بعد حلوة

__________________

حاجة الناس إليكم من نعم الله عليكم ، فـ لا تملوا النِعم ☁✨

السلام عليكم ورحمة الله وبركاته

بالنسبة لي غرفة النوم ليست معسكر اسرار وبنفس الوقت ليست مباحة لكل من هب ودب
عندما تزورني والدة زوجي وشقيقته وتقيمان عندي لا أغلق ولا أمنع عنهم اي غرفة
أشيائي الخاصة داخل خزانتي عدا ذلك لهما مطلق الحرية للتجول والتصرف في البيت
أثق بهما تمام الثقة وأعلم أنهما لن تحاولا التفتيش او هتك خصوصيتي.
أغلق غرفتي عند زيارة الأصدقاء او مثلا وجود عمال للقيام بتصليحات وما شابه

تحيتي

لما يقال لفظ غرفة نومي
ما اتخيلها سرير وكبت وعطور وو
😆😁 اتخيلها اسرار متطايرة في الجو .. و ريحة حب .. و مزح .. وحياة خاصة بعيدا عن العيون
لذلك الامر بالنسبة لي نفسي بحت
أعجبني كلام زين هذا ..بجد يعبر عن رأيي..
بالنسبة لي غرفة النوم هو المكان اللي تنفردي فيه مع زوجك..تتكلمي معاه وفيها أسراركم..أحس كل شي فيها له ذكرى
خاصة ..طبعاً خواتي وأخوات زوجي يدخلوها اذا مثلاً احتجت وحدة منهم تمكيجني او تساعدني في شي.ومرة كمان أم زوجي وأمي خليتهم يصلون فيها لأن كان فيه فوضى أطفال ...بس
الشيء الوحيد اللي مااقدر اتنازل عنه أن أشخاص غيري أنا وزوجي يناموا على السرير أحس هذا مكان العلاقة الزوجية شلون أحد يجي له نفس ينام في مكان زوجين!

أنا احترم خصوصية الناس جدا ولايمكن اتطفل على اي مكان مالي حاجة فيه سواء غرفة النوم أو غيرها وبالتالي فلابد الناس تحترم خصوصيتي فغرفتي غالبا مقفولة والحمام بداخل الغرفة حتى عيالي مستحيل احد يستخدم حمامي لأن زوجي عنده خط احمر غرفته وحمامه واذا جاني ضيوف الحمدلله عندي في الدور اللي تحت غرفة بحمامها ياخذون راحتهم فيها .
وعلى فكرة كلام زين يمثلني جدا قالت اللي في نفسي صراحة .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

يمكن رأي يكون متناقض لكن هذه حقيقتي المجردة
لما يتعلق الامر بالاخرين استحي و احس بالاحراج و اتهرب من دخول غرف نوم الاخرين
يمكن اخواني من عرسهم ما دخلت غرفهم
اخوان زوجي و اخواته باركت لهم لما سكنوا بيوت جديدة. اتجول في البيت عند غرفة النوم اتعذر عن الدخول و اقول مالو داعي
في احسن الاحوال اطل من عند الباب نظرة سريعة اذا صاحبة البيت اصرت
لما تجي لعندي انا فما اتحسس الي زاروني و يزوروني من اهلي او من اهل زوجي كلهم دخلوا غرفتي
الي بتصلي و الي بتتمكيج و الي بتغير علي طول ادخلي غرفتي دون تحسس
رغم انه عندي القبو فارغ بعدد الغرف الي فوق مع ذلك استحي اطلب منهم ينزلوا الدرج و غرفتي فاضية كل الوقت خصوصا العجائز احس تعب عليهم
فيه الي يستحي و يرفض يدخل هنا ينزل براحته

__________________

ما قرأت كل الردود

لكن انا عندي خط أحمر فيما يتعلق بالصديقات والأغراب عن غرفة نومي

ما يدخلونها واتضايق اصلا لو دخلوها

اما اهل الزوج القراب (ام واخوات) واهلي من النساء فقط .. فلا أمانع دخولهم لحاجة مثل الصلاة او استخدام التواليت والمراية

اما اطفال ورجال فممنوع منعا باتا دخولهم اكيد حتى اخواني

مهرة احبنج

__________________