أخوي انت من جدك زعلتزوجتك قبل كذا فظرف شهرين وراحت عند أهلها مو معقول بس حبيت اعرف كم عمرها وعمرك
وعندي لك نصيحه حرااااااام انك تمسكها ضرارآ
اكيد بتقول انا ماضريتها هي اللي بدأت بقولك ادري بس اما صلح أو طلاق ام التعليق حرااام وتأكد الله كذا مابيسامحك على هالأيام اللي تعلقت فيها بقولك ليش لإن اصلآ نيتك طلاق
اما لو كانت نيتك صلح وقصدك تأدبها بقول يحق لك وأسأل مين تبغا اخوي والله ثم والله قريبي ملك على وحده من بدايتها مشاكل وهي احوالها الماديه تعبانه وهو مدرس ومقتدر المهم من يوم ماملكت وهيه طلبات ومن ماركات واذا رفض تزعل وتسوي مشاكل وتدخلات اهلها وتحريش المهم يهددونه بعدها اتفق هو واخوها على الطلاق بارجاع جزء من المهر مع انه بالملكه والفتره شهر كان يقدر ياخذ حقه كامل لو هيه اللي ماتبغاه لاكن الولد نشمي مع ناس نذول ولمن راح المحكمه سأله الشيخ هل تبغاه طلاق فصالحك او خلع فصالحها قال ابغاه خلع انارجال ماعليه شيء بس هيه اكيد الناس بتسال ليش تطلقت خليه خلع
اخوها بعد عداوته معاه دمعت عينه ونزل رأسه يقول وقتها حس انه خسر رجال وتزوج وربي اعطاه قد نيته وله اليوم 2 سنوات ومبسوط وكأنه امير
الله يرضى عليك لو في نيتك طلاق أحزم امورك وقول حسبي الله سيؤتينا الله من فضله إنا إلى ربنا راغبون
بتلقى بها كل خير ولا تظلم حتى لو بالإمساك

تبي الصراحه من حقهم وإذا أنت تبي الأصلاح كان مو هذا موقفك
وبعدين أتوقع أنك متعلق فيها وماتبي تطلق عشان كذا رجعها لو تطلق بتتعب
يعني فيه رجال نفس موقفك وطلقو وتزوجو لكن مانسو زوجاتهم وهم نفس حالتك

غير كذا إذا البنت عند أهلها متعود علي وضع مادي عالي ورفاهيه من حقها تنفذ لها كل طلباتها
وعموما لو تعاملت معها بالعقل أكيد راح ينفع
أخوي أنت تزوجت البنت خلاص لازم تتحمل إلي يجيك الطلاق فيه ضرر كبير عليها ويمكن أهي لين ألحين صغيره وماعرفت لي الدنيا صح
ولو طلبت الطلاق لين بكره لا تلقي لها بال
وممكن أنت غلطتك من أول ماعرفت تتعامل معها صح وتخليها تحبك
أتوقع المشكله الأساسيه البنت قلت خبرتها في الحياه الزوجيه طلبات وسعه صدر ومدري إيش
ومستشفي عادي أخوي ممكن توديها أهلي ولاتعقدها عند هالنقطه تبي الصراحه الحكوميه جدا بهذله للوحده
لكن ممكن الوحده تتقبل لكن في نفسها غير
زوجتك بسبب قلت خبرتها في الحياه تتوقع الدنيا تجي علي كيفها والحياه سهله وبسيطه والواحده يدبر أموره سهله

أخوي تعامل مع زوجتك علي أنها طفله وخذها علي قد عقلها وأمسكها وأحسب معها كل شي مثلا هذا مصروفه كذا
ومستعد أوديك بالمقابل تنازلك عن شي معين أنت رب زوجتك علي ماتبي خلاص أهي تعيش معك العمر كله إن شاءالله
وممكن في ميزه عند بعض الرجال يعرف كيف يتعامل مع المرأة وياخذ قلبها بالعقل ولا فيه اسهل من كذا الحرمه عاطفيه جدا وكلها عاطفه

الدنيا تفاهم لو الكل علي طول طلق مامشت الدنيا
بعين وش ذنب ولدك تتوقع أهل زوجتك بيتقبلون ولدك بعد ماتطلق بنتهم لا
وكثير والله يتعذبون العيال بسبب كذا الجد مايبي عيال غيره وقصص ناس نعرفهم يطرد ولد بينته ويروح مع العمال يجلس وبنام
أخوي شكل أهل زوجتك من هالنوع يعني لاتتوقع أحد بيعز ولدك مثلك ولا في الاحلام
وحتي لو تزوجتك زوجتك بتتقبل ولدك لا مستحيل أصلا الوحده عساها عيال عشان تروح لعيال رجلها
الطلاق أكثر من يتعذب فيه الولد يتعقد كل حياته يعيش وحيد بين أخوانه من أبوه وأخوانه من أمه

زوجتك أكيد راح تتزوج بعدك خاصه ماعندها إلا طفل
وولدك مشرد ومحاكم وبهذله والله حرام أنت الرجال والذنب الأكبر عليك
ولا راح ينفعه لا أبوها ولا أخوها
هذا بيتك وهاذي زوجتك وتقدر تجيبها عندك وتعدلها لا تقول لا
وبعدين المشكله كلها صغيره ومو مستاهله الطلاق أصلا
نصيحه من أختك

حاول تمسك زوجتك وولدك محد متعذب وعايش العذاب غير أنتو الثلاثه
أنت بعد طلاقك تفكر في ولدك ويمكن طليقتك واسأل كل مطلق نادر إلا مايفكر فيها لو انها مطلعه عيونه
وطليقتك بتتعذب بين ولدها وبين تتزوج مره ثانيه يمكن ماتحصل رجل مناسب خاصه فرصه الزواج لها قلت بعد زواجك منها
ومو مثل قبل تتزوجها كانت بنت الكل يحلم يتزوج منها ألحين أصبحت مطلقه
ولدك وهو أمانه من رب العالمين راح تسال عنها يوم القيامه

أخوي حافظ علي بيتك المرأة خلقت من ضلع أعوج قوم هذا الأعوجاج بالعقل لا تتسرع في الطلاق
وفيه مشاكل أعظم وأكبر من مشكلتك لكن أصاحبها عندهم حكمه عرفو يصرفون أمورهم
إذا فيه شخص حكيم ومقنع أسلوبه يروح لي أبوها يتكلم معه
ولا تطلق بنت هالشايب وصل الثمانين وطلعت شيبته بتقهرهه علي بنته

وعلي عماتك وخالتك طلق واطلب بناتهم أقول أخوي الناس حدهم تطبيل
ولا تتوقع أهي الي عندها مايقولون لها تطلقي وهو مايستاهلك
أساس المشاكل تدخل أطراف غير الزوجين وأنت هاذي مشكلتك يعني الحين عماتك وخالتك بيصلحون لك بكذا
ولين كبرت أذنك لهم والله ماراح يفيدونك لا أنت ولا عائلتك إلي راح تتشرد لو كملت علي طريقك هذا
الله يصلح حالك وحال كل مسلم ومسلمه

__________________

امرك عجيب !!!!!!!!!!

فرحان انك معلق ام ولدك ؟؟؟؟

ابفهم يعني

زوجتك حديثة عهد بالزواج ولا جلست الا شهرين معاك ولقت اهلها فاتحين لها بابهم من محبتهم لها
ماسألت نفسك وش درى اهلها باللي صار بينكم وهم يسمعون من طرفها فقط ؟؟؟

بالمقابل حكموا عليك بتصرفاتك معهم وعنادك العجيب وكأن خاطرك راح يطيب كل ما عذبت فيها

تأكد هالشئ بيرجع لك في زواجك الثاني او في خواتك والعزيزين عليك

وحط ابالك فيه اللي اقوى منك طالعه فوق

بصراحه لمن قريت موضوعك ماتعجبت لاني اقرا كثير عن المتزوجات وكيف تكثر سوؤ الفهم في البدايه ويكون فيه تصادمات بسبب بيئتهم المختلفه بس للأسف طلعت انت واياها سوا والضحيه الولد المسكين اللي بينكم لا لقى ام رحوم ولا اب

معليش على صراحتي وقسوتي بالرد لكن الزواج ماهو حرب ومين يكسب

راجع حساباتك اخوي وفكر بولدك وفكر في بنت الناس وخلك افضل منهم وتذكر ان الشيطان حريص

عاملهم باللتي هي احسن

بيّن قدام الناس انك شاري رجعتها والغلط يتصلح وخلك من ابوها واخوها كل واحد وله حياته محد مكتوي بالنار الا زوجتك وولدك

اذا حاولت وصمتت على رايها وسمعت هالشئ منها حط لها خيار الطلاق واذا شفتها تبغاه جد

بكذا تكون سويت اللي عليك قدام ربك

ومن بعدها احرص على الولد من ناحية النفقه ولاتقصر عليه بالزيارات حرام يعيش يتيم وانت حي

والله يكتب لك اللي فيه الخير بهالشر الفضيل

ام ساره كلامها عين العقل
زوجتك مو فاهمة الزواج صح اجلس معها وفهمها قولها احنى مو في حرب و قولها عشان الولد لازم في اشياء تتغير ماعليك من ابوها و اخوها غير زوجتك انت من نفسك قولها على وضعك المادي صارحها في كل شي و قولها اختاري تبين ترجعين معي عشان ولدنا ونصلح اخطاء الماضي و لاتتكر او ودك تكوني مطلقه و تحرمين ولدك انه يعيش بستقرار و انا شاريك و القرار لك
الزواج مو لعبه و فكر بولدك مرة وثنين ومليون واذا رجعت اجل موضوع الحمل الى سنة لما تشوفو انكم عقلتو وتغيرتو

__________________

ماسألت نفسك ليه الحرمه ماتبغاك ومصره على موقفها

معليش من خلال كلامك اتضح لي انك واحد معاند درجه اولى حتى على حساب اهلك وابنك

ماشاء الله عليك
كل اللي عملوووه طلعتو من عيونهم
خلاص اخزي الشيطان ورجعهااا
أكيد اخذت درس ونفسيتها تعبااانة دحين
لساتكم ماعشتو مع بعض وما فهمتوا بعض
أعطيها فرصة اخيرة واتفاهمو عشان ولدكم وسيبوكم من العنااااد اللي ما يفيد

يا أخي الفاضل:
اتركها للزمن...إلى متى؟!
عجل بحسم موضوعك إلا إذا كنت تريد هذه المرأة، لكن تبتغي زيادة أمد التعليق أكثر...
:::
أنت رجل لديك صبر، وسعى بال، ونفس طويل، وفيك عناد...
:::
نصيحة أخوية:
احسم موضوعك، ولا تضيع عمرك.

انت وزوجتك ينقصكم خبرة بالحياة
لا زوجتك عاقلة ولا انت متفهم طبيعة المرأة ..!

علي العموم المرأة في الغالب تقيس حب زوجها لها بمدي عطاءه لها من مادة
زوجتك تعتقد انك لا تحبها وانك تبخل عليها ، و تقارن نفسها بغيرها من النساء ..!

مع ان هذا غير مبرر بتصرفاتها وعدم احترامها لك ..
المسالة الان تحولت بينكم الي عناد ومن الغالب فيه ..!

كن انت الرجل العاقل وحافظ علي استقرار بيتك و ابنك يحتاج تنازل منكما انتم الاثنان
تفاهم مع عمك ابو زوجتك ثم اعقد اجتماع معها و كل منكم يضع شروطه
وأخزوا الشيطان^_^ الموضوع بسييييييط ...

لله يهديها وراح ارجع اقولك رايي